Нүүр Гишүүн Шүлэг Өгүүллэг Сургамж Зөвлөгөө Зургийн цомог Холбоо барих
 

Сайтын мэдээлэл ...
Facebook
Twitter
RSS2

Mail : info@biirbeh.mn
Yahoo ID : tbatbaatar
Mobile : 9907-6364

Нэрээр
  ''Өврийн дэвтэр'' яруу найргийн реалити шоу  
  4-н мөртүүд  
  Sienna  
  Window of Mongolian poetry  
  Youtube  
  Агиймаа Э  
  Алтангадас  
  Алтанхундага А  
  Амарбаяр М  
  Амарсайхан A  
  Амарсанаа Б  
  Амор Хайям  
  Ардын аман зохиол  
  Ариун-Эрдэнэ Б  
  Ариунболд Энх-Амгалан  
  Афоризм  
  Аюурзана Г  
  Бавуудорж Ц  
  Багабанди Н  
  Бадарч П  
  Базардэрэг Н  
  Байгалмаа А  
  Батзаяа Б  
  Батзүл Д  
  Батнайдвар М  
  Батнайрамдал П  
  Батнасан Лу  
  Батрэгзэдмаа Б  
  Баттуяа Ц  
  Батцэцэг Ш  
  Баяр ёслол хурим найр  
  Бодрол  
  Болдсайхан С  
  Болдхуяг Д  
  Болор-эрдэнэ Х  
  Болормаа Б  
  Болормаа Х  
  Бум-Эрдэнэ Түмэнбаяр  
  Бум-Эрдэнэ Э  
  Бусад  
  Буянзаяа Ц  
  Буянцогт C  
  Буянцогт /Цахарын/ С  
  Бямбаа Жигжид  
  Бямбажаргал Ц  
  Бүжинлхам Эрдэнэбаатар  
  Гадаадын уран зохиол  
  Галсансүх Б  
  Ганзориг Б  
  Ганзориг Батсүх  
  Гэсэр  
  Гүрбазар Ш  
  Дагмидмаа Ч  
  Далай ламын айлдвар  
  Дамдинсүрэн Цэнд  
  Дашбалбар О  
  Дениска Михайлов  
  Дорж Б  
  Доржсэмбэ Ц  
  Дулмаа Ш  
  Дууны үг  
  Дэлгэрмаа Ц  
  Дэлхийн уран зохиол  
  Ерөөл, Магтаал  
  Жамбалгарав Ц  
  Зохиолчдын намтар  
  Зүйр цэцэн үг  
  Ичинхорлоо Б  
  Кана Б  
  Лодойдамба Ч  
  Лочин Соном  
  Лхагва Ж  
  Лхагвасүрэн Б  
  Лхамноржмаа Ш  
  Монгол Улсаа хөгжүүлье  
  Монголын өгүүллэгийн цоморлиг 2003  
  Мэдээ, мэдээлэл  
  Мөнх-Өлзий Б  
  Мөнхбат Ж  
  Мөнхсайхан Н  
  Мөнхтуяа А  
  Мөнхцэцэг Г  
  Мөнхчимэг А  
  Намдаг Д  
  Намсрай Д  
  Нацагдорж Д  
  Номин Г  
  Номинчимэг У  
  Нямсүрэн Д  
  Оюун-Эрдэнэ Н  
  Оюундэлгэр Д  
  Пүрэв Санж  
  Пүрэвдорж Д  
  Пүрэвдорж Лувсан  
  Пүрэвсүрэн Соёрхын  
  Равжаа Д  
  Ринчен Б  
  Сумъяа Доржпалам  
  Сургамж  
  Сүглэгмаа Х  
  Сүрэнжав Шарав  
  Сүхбаатар Ширчин  
  Сүхзориг Г  
  Тайванжаргал Н  
  Төрбат Д  
  Улам-Оргих Раднаадорж  
  Урианхай Д  
  Уугансүх Б  
  Хасар Л  
  Хишигдорж Л  
  Ховд Их сургуулийн Утга зохиолын нэгдэл  
  Хулан Ц  
  Хүрэлбаатар Ү  
  Хүрэлсүх М  
  Хүүхдийн дуу  
  Цэемаа М  
  Цэцэнбилэг Д  
  Чойном Р  
  Чоно  
  Чулуунцэцэг Б  
  Шог өгүүллэг  
  Шүлэг  
  Шүүдэрцэцэг Б  
  Энхбат Балбар  
  Энхболд Энхбаатар  
  Энхболдбаатар Д  
  Энхтуяа Б  
  Энхтуяа /Эмүжин/ Р  
  Эрдэнэ С  
  Эрдэнэ-Очир Арлаан  
  Эрдэнэсолонго Б  
  Эрхэмцэцэг Ж  
  Явуухулан Б  
  Ярилцлага  
  Үлгэр  
  Үржинханд Э  
  Өвөр Монголын яруу найраг  
  Өгүүллэг  
  Өлзийтөгс Л  
  Өөрийгөө ялах нь  

Ангилал
  Article1  
  Шүлэг  
  Өгүүллэг  
  Найраглал  
  Афоризм  
  Богино өгү  
  Роман, тууж  
  Зүйр цэцэн  
  Үлгэр  
  Ертөнцийн  
  Ардын аман  
  Нийтлэл  
  Дууль  
  Сургамж  
  Зөвлөгөө  
  Мэдээ  
  Намтар  
  Ярилцлага  
  Ерөөл магтаал  
  Дууны үг  
  Ардын аман зохиол  
  Youtube  
  Дурсамж  
  Бусад  

Дэм дэмэндээ гэж
Та бүхнийг бидэнд туславал бид баярлах болно.
$



  
Вэб сайт хийнэ, байрлуулна ...

Domain, Host, Web ... : BBS Soft LLC by Bataka

Хайх

Та эндээс шүлэг өгүүллэг хүссэнээ хайж болно.

Бусад 		 Шүлэг: Хүслийн цагаан мананд төөрүүлж явах сайхан
Оруулсан admin on 2016-10-25 16:16:46 (1249 уншсан)

Хатан дөрөө хангинасан халхын сайхан талаар

Хагсарсан хос морьтой алсыг зорих сайхан

Хадамсах айлын шон дээр дөрөө мултлах сайхан

Хангал согоо шиг бүсгүй инээгээд тосох сайхан

Хөх хайрга шажигнасан хөдөөгийн цэнгэг талаар

Хөлөрсөн тарган морьтой холыг зорих сайхан

Хүний сайхан үрийг зориод очих сайхан

Хүслийн цагаан мананд төөрүүлж явах сайхан

Ангамал хуурай говьдоо  адуундаа мордох сайхан

Аавын хэдэн адууны сорыг барьж уначихаад

Аавын цээж болоод л айлаар буух сайхан

Адтай охины  алганд захиа атгуулах сайхан

Үрээ даага үүрссэн үзэсгэлэнт сайхан нутгаараа

Үшдийн нар хүүшлэхэд мордоод давхих сайхан

Үлэмжийн чанар шиг бүсгүйнд хоног тааруулах сайхан

Үүрийн цагаан гэгээнээр мордоод давхих сайхаан

Унах морио сойгоод шон дээр  уяах сайхан

Унаган нутгийнхаа бүсгүйтэй уулзаж явах сайхан

Уран үгээр цэцэлж зүрхэнд нь харвах сайхан,

Уулын оройгоос дурандаад тосоод давхих сайхаан

Унаган багынхаа найзтай гадаа унтах сайхан

Утгагүй зүйл сэдэж нохой шуугиулж давхичихаад

Ухаант буурал өвгөддөө хааяахан загнуулах сайхан

Нартын хуулийг дагаад нас ахих сайхан

Нарийн сайхан хээрийг дуулаад суух сайхан

Намрын эсгэлэн айргаа шимээд суух сайхан

Найргийн мөр тэрлээд налайж суух сайхаан

 2016 оны 10сарын18 Б.Улаанхүү Багануур



( Сэтгэгдэл бичих | Шүлэг | Оноо: 0/0 | Зохиогч : Бусад )

Бусад 		 Шүлэг: Б.Улаанхүү : Ясанд минь тултал шингэсэн язгуурын дөрвөн мөрт минь
Оруулсан admin on 2016-10-25 16:15:27 (1263 уншсан)

Найргийн дөрвөн мөрттэй ноцолдож ирсэн заяа минь,

Номны нарийн тоосонд  дарагдаж явах тавилан минь,

Наймайг дурлуулж чадсан мэргэн цоохор анд минь,

Надтай хамтдаа  туулах Монгол дөрвөн мөртүүд минь,

 

Яруухан монгол хэлэндээ, эгнүүлж оруулсан үгнүүд минь

Ясанд минь тултал шингэсэн, язгуурын дөрвөн мөрт минь

Яагаад ч салгаж болохгүй, бидэн хоёрын учрал минь

Ятга хөгжимөнд эгшиглэх, миний дөрвөн мөрт минь

 

Босоо Монгол бичигний минь, уран гоёхон таталгаанд

Бадаг бадгаараа жирэлзсэн, үндэсний өнгөтэй найраг минь

Брагдаж дундар ч байгаагүй, яруу найргийн далай минь

Багаасаа  хамт нөхөрлөсөн, уран үгсийн чуулал минь

 

Хэзээч балар ч уусаагүй хэл соёлын минь баталгаа минь

Хэлхэж холбон туурвихад, дуусаж дундрахгүй  найраг минь

Хөх цэнхэр гариг дээр, жим нь зурайсан шүлэг минь

Хүн төрөлхтний тархинд , тодхон үлдэх Монгол соёлоо

2016 он 10сарын 22 нд Б.Улаанхүү Багануур



( Сэтгэгдэл бичих | Шүлэг | Оноо: 0/0 | Зохиогч : Бусад )

4-н мөртүүд 		 Шүлэг: Б.Улаанхүү: Завхан зогсоо уулын, зоригт хурдан ажнай минь
Оруулсан admin on 2016-10-25 16:13:04 (1406 уншсан)

Завхан зогсоо уулын, зоригт хурдан ажнай минь ээ
Захын таван аймагт, айраг түрүүтэй хүлэг минь ээ
Задгай ширүүн давхилтай ,унаган тамгатай молор минь ээ
Заяа тавилангаар учирсан, босоо хийморьтой хүлэг минь ээ

Ай ай миний ассан гал шиг дүрэлзэж
Аархал төрүүлсэн морь мину зээ хө
Ай ай миний алдарт хурдан ажнай
Айргийн тэнгэртэй хүлэг мину зээ хө

Айраг хяргас нуурын минь, аатай хурдан ажнай минь ээ
Алтан тууртын дунд ,ховорхон төрдөг унага минь ээ
Айраг түрүүнд уралдаж, алдарт хүргэсэн молор минь ээ
Араасаа хурд дагуулсан, хүлгийн удамтай морь минь ээ
Дахилт
Холбоо хөхийн хойгуур ,хошуучилж уралддаг хүлэг мину
Холдох тутам торолзож ,тоос нь эрчилсэн ажнай минь ээ
Хумбан дөрвөн туурайндаа, шидтэй төрсөн хүлэг минь ээ
Хулангийн удам шингээсэн, талын монгол морь минь ээ
Дахилт
Шигшмэл хурдан хүлгүүдийн, тархинд цойлсон аргамаг минь ээ
Ширэг шиг ногоон талаар ,цувруулж орхисон хүлэг минь ээ
Шар мэргэнийг тонгойгоод шилбүүрдэж өгдөг ажнай минь ээ
Шинээр тодрон танигдаж, судраа бичүүлсэн хүлэг мину

Ширмэл зодогтой монголын, сүлдэнд төрсөн ажнай минь ээ
Шилийн сайн эрчүүдийн ,унаа явсан унага минь ээ хө
Шиврээ бороотой уралдаанд ,хөлсгүй ирдэг хүлэг мину
Шинэ зууны хурднуудтай, шүлгэнд амьласан молор мину
Дахилт

2016 оны 10 сарын 22 Б.Улаанхүү, Багануур хот



( Сэтгэгдэл бичих | Шүлэг | Оноо: 0/0 | Зохиогч : 4-н мөртүүд )

Өгүүллэг 		 Богино өгү: Миний ээж
Оруулсан admin on 2016-10-20 17:45:40 (2577 уншсан)

Миний муу ээж ямар бусдын ээжтэй адил булган дээл өмсөж,том том алт зүүгээд л, хувийн жолоочтой жип машин унаад л, ач зээгээ үнэтэй хувийн сургуульд зөөдөг ч биш. Хүүхдүүд нь үнэтэй машин унаж , алтаар гулгидаг ч биш.

Миний ээжид ердөө цорын ганц булган малгай байдаг. Муу аав минь авч өгсөн болохоор ч тэр үү ээж маань түүнийгээ хачин их нандигнана. Шинэ жил, цагаан сар энэ тэрээр нөгөө нандин малгайгаа гаргаад үсийг нь үлээгээд л сэгсрээд л сүйд болно. Эмэгтэй дүү маань ээжид та наад муу хуйхаа ядаж загварыг нь өөрчлөөч гэж дүргүйлхэх зөвлөх хоёрын хооронд үглэнэ.. Миний ээж энэ чинь та нарын наадах хужаа булганы хажууд жинхэнэ орос булга. Та нарын булга ч дээ их но-той доо. Аягүй бол тарвага, нохойны арьс ч байхдаа ч сийхгүй гээд л дүүг маань цаашлуулж гарна. Би энэ малгайг чинь 3-р цахилгаан станцын арын орос дэлгүүрээс үүдэнд нь зогсдог орос цэрэгт нь 5 төгрөг атгуулж байж орж авсан юм даа. Аав чинь баазын аврага болсон мөнгөө надад өгч юу дуртайгаа ав гэж билээ Би тэгээд л ....гэж ирээд л ярина.

Миний аав жолооч хүн байж билээ. Гэхдээ тээврийнх биш усны жолооч. Оройд гэрээр нэг татсан хэцэнд аавын маань нойтон хувцас өлгөөстэй байдаг байлаа. Би ахлах ангид орсон жилээ зуны амралтаараа аавынхаа грушигийг хийж овоо хэдэн төгрөг олж хирдээ подойж байж билээ. Харин ээж минь бичээч. Бичгийн машины тог тог хийх чимээ надад их сайхан санагддагсан.



(Дэлгэрэнгүй... | Сэтгэгдэл бичих | Богино өгү | Оноо: 0/0 | Зохиогч : Өгүүллэг )

Өгүүллэг 		 Богино өгү: Хожимдсон ухаарал
Оруулсан admin on 2016-10-17 12:39:24 (2593 уншсан)

Би ээжийгээ хачин их зовоож бараг үзэн ядаж өссөн тэнэг хүн дээ. Миний энэ үзэн ядалтыг миний аав бүр дэврэээж хурцалж байсан гэхэд болно доо. Ээжийнхээ хэлсэн үг бүрт адарч бараг чи надад ийм үг хэлэх болоогүй гэх шахам юм хэлнэ. Жаахан дургүй хүргэвэл ангийнхаа хүүхдүүдийнхээр очоод хэвтэчихнэ. Аав минь биднээс тусдаа амьдардаг ч баяр бүрээр бидэнд тор дүүрэн юмтай ирнэ тэхдээ албатай юм шиг голцуу халамцуу айлчилна. Тэгээд л нөгөө улигт хэрүүлээ эхлэнэ дээ. Чи хэрвээ олигтой байсан бол энэ хэдэн хүүхдийн хувь заяа ингэж эргэхгүй байсан юм. Чи л янз бүрийн хүн амьтантай явалдаж байж ийм боллоо. Чиний бөгс бөөрнөөс л болоод энэ гэрийн хувь заяа ийм болсон энэ тэр гээд ээжийг минь бахаа ханатал доромжилж элдэвлэж байгаад явна. Харин ээж минь ганц ч үг хэлэхгүй дуугүй л сууна. Нэг удаа аавыг улигт хэрүүлээ эхлэх үед ах маань уурлаж авчирсан чихэр боовыг нь шалаар нэг тараагаад хаячихаж билээ.. Том ах маань тэр үед биднийг бодвол ухаан сууж эхэлсэн нь тэр байхдаа. Аав ч дахиж энэ талаар дуугаргахгүй болсон юм даг. Харин энэ үед ээж минь аавыгаа яахавнав дээ хэмээн өмөөрөнгүй дуугарахад нь доромжлуулж байхдаа таарсан ёстой усан тэнэг гэж би бодож байж билээ



(Дэлгэрэнгүй... | Сэтгэгдэл бичих | Богино өгү | Оноо: 0/0 | Зохиогч : Өгүүллэг )

Бусад 		 Намтар: Зохиолч Лувсангийн Пүрэвдоржийн товч намтар
Оруулсан admin on 2016-10-10 11:52:41 (1704 уншсан)

Зохиолч Лувсангийн Пүрэвдорж Говь-Алтай аймгийн уугуул. Бага дунд сургуульд суугаагүй. Монгол малчин айлын уламжлалт гэрийн хүмүүжил,боловсролтой. Нас хүрч,цэрэгт татагдан алба хаах зуураа хурдавчилсан сургалтаар офицер болж,цэргийн албыг 34 жил хаагаад генерал цолтой чөлөөнд гарсан.

Өнгөрсөн зууны жараад оны сүүл үеэс уран зохиол бичиж,”Хонд”,”Сүмбэр ятга”,”Хорлоо эгч”,”Дөрөлж нуурын дууль”,”Сэтгэлийн ончроо”,”Хонины гэгээ”,”Ээж охин хоёр” зэрэг 40 гаруй өгүүллэг,тууж,“Чингис хаан буюу Тэнгэрийн увдис”,”Эрлэгий бошго”,”Гилийн дадар”,”Барамнас”,”Үйлийн үр”,”Зүрхэн тахилга” тэргүүтэн 10 роман,”Хүрхрээ”,”Харанхуй Алтай”,”Хойт насандаа л шавь оръё доо”,”Амьдай найрагч”,”Сандал” гэх мэт олон арван эсээ бичиж,арав гаруй ном хэвлүүлсэн.

Л.Пүрэвдоржид “Бэтэг” роман бичсэний учир МЗЭ-ийн шагнал,шилдэг зохиол бичиж Монголын уран зохиолыг шинэчлэн хөгжүүлэх үйл хэрэгт оруулсан хувь нэмрийг нь үнэлж Монгол Улсын Ерөнхийлөгчийн зарилгаар Монгол Улсын соёлын гавъяат зүтгэлтэн цол тус тус олгожээ.

Гавъяат багш,хэл шинжлэлийн ухааны доктор,уран зохиол судлаач Ч.Билигсайхан,дэлхийн уран зохиолын академийн байнгын гишүүн,соёлын гавъяат зүтгэлтэн Го.Аким,соёлын гавъяат зүтгэлтэн зохиолч Д.Жамъян зэрэг эрдэмтэд Л.Пүрэвдоржийн уран бүтээлийг тусгайлан судалж,эрдэм шинжилгээний өгүүлэл,уран сайхны эсээ бичсэн байдаг. Ийнхүү доктор Ч.Билигсайхан “1980-1990 ээд оны Монголын хүүрнэл зохиолд шинэчлэл хийсэн зохиолч бол яах аргагүй Пүрэвдорж мөн” гэсэн бол Доктор Го.Аким “Чингис хаан буюу Тэнгэрийн увдис” романыг нь гярхай ажиглан,сайтар нягтлан судлаад “..өвөрмөц тайлалт,зөн совинт,уран зохиомжит,яруу хэллэгт сонин зохиол...” гэсэн байна. Бас,доктор Ч.Билигсайхан Пүрэвдоржийг зохиолоо түүхийн мэдлэг,авъяас чадвар,зөв сайхан хэл найруулгаар “зодож” бичдэг хэмээн үнэлсэн байдаг.
Манайх зохиолч Лувсангийн Пүрэвдоржийн зарим богиновтор зохиолыг толилуулж байх болно. Энд дарж өгүүллэгүүд уншина уу



( Сэтгэгдэл бичих | Намтар | Оноо: 0/0 | Зохиогч : Бусад )

Бусад 		 Өгүүллэг: Шуурайн Солонго : БҮЖИН ҮР
Оруулсан admin on 2016-10-10 09:48:28 (3216 уншсан)

Сэтгүүлч, зохиолч Шуурайн Солонгоогийн Бага хатан номын Бүжин үр өгүүллэг . . .

Бурхан минь энэ нэг л биш ээ. Манай гэрт хий юм шүглэсэн юм шиг хамаг юм хөдлөөд, идэх уух юмнаас хорогдоод байх боллоо. Хүү бид хоёроос өөр юм энэ гэрт байх ёсгүй гэж өөрийгөө хичнээн тайтгаруулавч нэг л жигтэй юм болоод байна даа. Таван зүсэм талх үлдлээ гэхэд нэг зүсэм нь үгүй болж орхино. Хүүгийн уусан ундааг тэмдэглэн харж орхиод ажилдаа явавч орой ирэхэд дөрвөн хуруу хэртэй дундарсан байна. Тавагны ааруулаа нүдээрээ тоолж тоолж гаравч усанд яваад ирэх зуур хоёр нь ор мөргүй алга болно. Хуушуур хийгээд ширээн дээр зургааг нь орхиод унтахад өглөө дөрөв болчихсон байх учир би сүүлдээ дасаж хоол илүүчлэн зуухны хүхээгэн дээр тавих болов. Өглөө тэр таваг ёс юм шиг хоосон харагдана. Хаяагаар орж ирээд ямар нэг муур л идээд байгаа юм бодож суух болсон ч хөргөгч нээгээд нэг алим аваад хаачихдаг амьтан гэж байх уу.



(Дэлгэрэнгүй... | Сэтгэгдэл бичих | Өгүүллэг | Оноо: 0/0 | Зохиогч : Бусад )

Бусад 		 Өгүүллэг: Шуурайн Солонго : ХАМААТАН
Оруулсан admin on 2016-10-10 09:39:28 (2908 уншсан)

ДУР ЗОРГО хэмээх шинэ номынхоо нэг өгүүллэгийг сонирхуулья.

Должидыг ирж яваа хэдэн үүлнээс аргалаа нуун, адсагаар даруулж суутал гэрээс нь гарч ирсэн Түлэнхий Бор, Баажий хоёр гүнгэр гангар хийн шузганд хүрч, цулбуураа шувт татлаа. Мордоод явахдаа "Чадлынхаа хэрээр орчлонг бузарлаж яваад дууслаа даа" гэхийг дуулаад Бие муутай хүнийг ингэж байдаг гэж дотроо өрөвдөнгүй бодсон ч их гэрээс гучаад алхамд бариатай, баруун хаяа нь дордойсон жижиг гэрээ хараад хөмсөг нь буулаа. Тэнд нөхрийнх нь авга ах Аргай хоногоо хүлээн хэвтэж буй юм. Ай ингэж зовж байхаар үхчихээсэй, ямар ч бөх голтой юм гэж харууссаар гэр лүүгээ ороход нөхөр нь зөөтгөхөөр тавьсан том аягатай авгынхаа хоолыг нь аван өндийлөө. Толио сайтай ханийнхаа хөмсгөн дундах хонхорхой болтлоо тодорсон үрчлээг хараад дахин харуусчээ. Хоёрхон жилийн дотор энэ садангаасаа болж, ийнхүү арван насаар оворжуу харагдах гүн зангилаатай болж хоцорчээ. Түүнийг зогсоож, хөмсгийг нь арга ядан илэхэд мушилзангуй инээвхийлээд гарлаа. Төдхөн илүү гэрээс авгын харааж зүхэх, аяга халбага хангинах, Заяа чинь тэр дээ гэж хашгирах нөхрийнх нь дуу гарчээ. Нөхөр нь нялхийсэн муухай үнэр ханхлуулан орж ирээд эмээлээ шүүрч "Хаачиж үхэх вэ" гэж адгахад нь булаалдан авч, муу нөхрөө гэрийн зүүн зүгт түрлээ.

(Дэлгэрэнгүй... | Сэтгэгдэл бичих | Өгүүллэг | Оноо: 0/0 | Зохиогч : Бусад )


Бусад 		 Шүлэг: Б.Төгсгэрэл : Энгүй ачтан ээжүүдэд
Оруулсан admin on 2016-10-10 09:34:03 (1608 уншсан)

Эрхлүүлэн энхрийлэх тоолондоо
Энэрэл хайрыг үрстээ өвлүүлсэн энгүй ачтан ээж минь

Аргадан учирлах тоолондоо
Амьдралын ухааныг үрстээ сургасан агуу ачтан ээж минь

Аашилж загнах тоолондоо
Амсах зовлонг үрсээсээ алслуулсан амьд бурхан ээж минь

Инээж мишээх тоолондоо
Ирээдүйн жаргалыг үрстээ ойртуулсан илчит наран ээж минь

Бүлтгэр жаахан үрсээ бүтэн нойртой хонуулах гэж
Бүүвэйн сайхан дуугаа аяланхан дуууланхан
суудаг
Бүсгүй хүний бүрэн төгс гайхамшигт гавъяа
Буянтай ээж минь таных шүү бүгдээрээ

Энхрий үрстээ энэ хорвоод
Эрдэнэт хүний заяаг бэлэглэх гэж
Эгэлхэн орчлонд эхэлж мэндэлсэн
Эхийнхээ ачийг үрс нь магтан дуулаад баршгүй

Эрээнтэй бараантай хорвоод
Ээж минь та ахин төрөөрэй
Эндүүрэлгүй хүү нь таньдаа дахин төрөөд
Эх хүний үрээ гэсэн
Эгэлгүй энэрэл хайрын сэтгэлээр
Эх болсон хамаг амьтны тусыг эрхбиш хийюү гэсэн юм



( Сэтгэгдэл бичих | Шүлэг | Оноо: 0/0 | Зохиогч : Бусад )

Бусад 		 Өгүүллэг: Сонгинот поле
Оруулсан admin on 2016-10-08 18:49:36 (2144 уншсан)

Ачмаа микроноос буугаад авга ахынх руугаа яаж очихоо мэдэхгүй будилж зогстол микроноос буусан хүмүүс таран одож жижиг суурингийн буудал дээр эл хуль боллоо. Ядаж трактор болсон ч олддоггүй юм байхдаа хэмээн гиюүрэн зогсож байтал нэгэн бор морьтой хүн пөг пөг шогшин ирж байгаа харагдлаа. Амиа гэж авгайлдаг хөгшин мөн бололтой.

- Та Амиа юу???

- За тиймээ. Чи чинь хэний хүүхэд билээ.

- Сүхээ , агроном байсан .

- Аа за . Тэр чинь ....... Өө нөгөө цагаан захт гайхал. Чи аль охин нь вэ?

- Би дундах нь байна.

- Аа нөгөө уйланхай шар. Одоо та нар ч том болжээ. Чи яаж намайг таниа вэ? Чи ч угийн сэргэлэн хүүхэд байсан даа.



(Дэлгэрэнгүй... | Сэтгэгдэл бичих | Өгүүллэг | Оноо: 0/0 | Зохиогч : Бусад )

Бусад 		 Шүлэг: Би
Оруулсан admin on 2016-10-07 10:48:48 (1622 уншсан)

Өчигдөр би чамайгаа зүүдэллээ

Өөрийн эрхгүй үгүйлэн санаж зүүдэллээ

Салахын аргагүй амтат зүүдэндээ

Сайхан чамайгаа ханатлаа тэврэн зүүдэллээ

Хувь заяаны төөргөөр хонгор чамайгаа хайрлах эрхгүй ч

Хойд нас гэж хэрвээ байдаг бол

Хэзээ ч хагацахгүйгээр үүр үүрд хамт байхыг л хүснэ

Санаж байна би чамайгаа ...

Санаж байна

Салахын аргагүй амтат зүүдэндээ

Сайхан чамайгаа эргээд л нэг уулзая даа



( Сэтгэгдэл бичих | Шүлэг | Оноо: 0/0 | Зохиогч : Бусад )

Бусад 		 Шүлэг: Хөх толбот Монгол
Оруулсан admin on 2016-10-07 10:06:48 (2144 уншсан)

Ижилийн цаана Хоцорсон элгэн хайрт Халимаг минь
Ихэр юм шиг заяагдсан эрхэм олон Буриад минь
Эзэрхэгийн эрхэнд тасарсан энгүй их Тува минь
Эх орондоо үлдсэн эрх чөлөөт Халх минь
Атаатан биш амраг алаг махны Татарууд минь
Алтай нутгаар нэрийдсэн Аугаа олон ястнууд минь
Афганистанд нутагшсан эрэлхэг мянган Хазар минь
Алс хол Хансын аялгуут сайхан Тувачууд минь
Халхавч хэрэм минь болсон хамаг олон Өвөрчүүд минь
Харийн нутагт хуваагдсан Харчин, Горлос, Дөрвөдүүд минь
Хаан төрийн довтолгооноор хагацан давхисан угсаатнууд минь
Хаа холын нутгаар харилан суусан бутархай минь
Дэлхийн нуруунд нутагшсан Дээд Монгол түмэн минь
Дээлтэй бумбын орон Дэлхийн олон Ойрад минь
Ду, Дунсяан, Ёогор... нэр өртсөн ард минь
Түм түмэн ёрлолоор түүхээ мартсан ахан дүүс минь
Түрэг, Тунгус гаралтай тун ч ойрхон найзууд минь
Төрийн их тулгуурыг түшиж явсан андууд минь
Хамаг Монгол улсын хана нь болсон андууд минь
Хагацаж тасарч болохгүй хайран их гүрэн минь
Хаан Чингисээс өгсөн хайран цусны үсэрхий минь
Хатан Бөртэгээс ургасан улаан махны тасархай минь
Эвтэй байвал хүчтэй элэг зүрхний цохилоо минь
Эргэж зангидахаар тэмүүлэх эрч хүчний тулах цэг минь
Хөлөнбуйр, Байгалиас цөсөө авсан Монгол минь
Хөхнуур, Ханасаас дэвэн нисэх шувууд минь
Хөдөө арал, Бурхан халдуныг зорин тэмүүлэх амь минь
Нас насандаа жаргамаар нартын сайхан орон минь
Навч бүхэнд нь шингэсэн уртын дууны эгшиг минь
Наран саран утсанд хорвоо эргэх хуур минь
Уул уулын өндөлзөөнөөр ургаж өөдлөх орон минь
Ус усны чимээнээр лугшин урсах газар минь
Хөх тэнгэрээс заяасан хүний дээд МОНГОЛ минь
Хөрст эхээ хамгаалсан хүчит их МОНГОЛ минь
Түүхийг бид мартсан ч түүх биднийг мартаагүй
Түмний дунд цацагдсан ч төрийн голомт алдраагүй
Төрөхөөс үхэх хүртэлх алт мэт орон минь
Үхэхээс төрөх хүртэлх амь насны голомт минь
МӨНХ ТЭНГЭРИЙН ХҮЧИН ДОР!!!

Эх сурвалж : http://myadagmaaguudai.blog.gogo.mn/read/entry443993



( Сэтгэгдэл бичих | Шүлэг | Оноо: 0/0 | Зохиогч : Бусад )

Бусад 		 Өгүүллэг: Ш.Солонго : Хуучин нөхөр
Оруулсан admin on 2016-10-07 09:57:27 (1665 уншсан)



Зохиолч яруу найрагч Ш.Солонго, Хуучин нөхөр өгүүллэг Уншсан Б.Дэлгэрцэцэг

 



( Сэтгэгдэл бичих | Өгүүллэг | Оноо: 0/0 | Зохиогч : Бусад )

Бусад 		 Шүлэг: Б.Төгсгэрэл : Сэрэмж
Оруулсан admin on 2016-10-07 09:30:24 (1576 уншсан)

Хаврын л нэг өдөр байлаа гадаа
Хаа сайгүй хүмүүс холхилдоно гудманд
Харин би бодолд дарагдаад буланд
Хүмүүсиийн амьдралыг ажиглаж байлаа хөндлөнгөөс

Яах гээд энэ хүмүүс яаруу сандруу холхилдоно вэ
Яаж ийгээд маргаашаа өнөөдрөөс сайхан болгох гэж
Ядрахаа ч үл тоон янз бүриийн бэлтгэл хийж байна
Яг үнэндээ маргааш юу болохыг хэн ч мэдэхгүй шүү дээ

Сарын дараах сайхан амьдралыг цогцлоохын төлөө
Санасан сэдсэнээ саадгүй бүтээхээр энэ сард
Санаа бодлоо салхинд ч сарниалгүй хичээж байна
Сайхан болох үгүй нь бас л саруул бус шүү дээ дараа сард

Жирийн энэ өдөр ч жилийн дараах жаргалыг хүсэмжлээд
Жирийх гудмаар жижиг томгүй бүгд сүлжилдэн
Жилийн турш зөрөлдөн зүтгэх байхдаа энэ хүмүүс
Жилийн дараа амьдрал нь жигдрэх болов уу хэлж ч бас мэдэхгүй нь

Аз жаргалтай ирээдүйн төлөө
Агшин хором алгасалгүй тэмцэн
Алхам тутамдаа амжилт горилсоор
Амьдралаа тэд азын сугалаа шиг өнгөрөөх шиг

Толгойд эргэлдэх бодлууд маань энгийн ч
Томоос том зүйл мартсаныг сануулав надад
Тодорхойгүй ирээдүйн төлөө бэлтгэл хийсээр тоотой насаа элээчээд бид
Тодорхой амьдралын төгсгөлд тоосны ч төдий зэхэлгүй хүрэх вий дээ хэмээн санаашруулав намайг

https://www.facebook.com/tugsgerel.bayart/posts/945784932193977



( Сэтгэгдэл бичих | Шүлэг | Оноо: 0/0 | Зохиогч : Бусад )

Бусад 		 Шүлэг: Б.Төгсгэрэл : Зөв тэсрэлт
Оруулсан admin on 2016-10-06 09:25:17 (1937 уншсан)

Энэ амьдралаас явах гэж та юунд ингэтлээ яараа вэ
Энэлэн шаналах таныг юу ингэтэл зовооно вэ
Эмхэлж цэгцэлж бодлоо илэрхийлж чадахгүй амаргүй байна уу
Эвийдээ тэгвэл би таниас хэдэн зүйл асууя

Хайртай хүн чинь тоосонгүй юү
Хайсан хүссэн чинь олдсонгүй юү
Хатуу ширүүн үгсээр чичлүүлээ юү
Хар буруу санаатанд хайр найргүй доромжлуулаа юу

Аав ээждээ гомдоо юу
Ах эгчдээ туниа юу
Анд нөхөддөө адлагдаа юу
Аль эсвэл алдаа эндэлдээ гутраа юу

Амьдралд өөртөө нэгэнт итгэл алдарвал
Амаргүй гэдгийг би мэднээ
Амиа л тасалчвал амгалан болох юм шиг
Андуурч эндүүрээгүй биз та

Үхсний дараа үргэлжлэл байвал яах вэ
Үүрэх зовлонгоос үтэр салая гэтэл
Үймсэн их зовлон өмнөөс чинь угтвал яана
Үгүйсгэх нотолгоо байна уу таньд үгүй л болов уу

Таны бодлыг би уншиж чадахгүй ч гэлээ
Тааж тэмтэрсэн үгсийг минь та нэг тунгаагаач
Тавилан төөрөг таньд гайхамшиг юу бэлдсэнийг
Та ч мэдэхгүй би ч мэдэхгүй шүү дээ

Аяа надад алт мөнгө алга
Алдар хүнд ч алга
Амраг садан ч алга
Ангаахай үр ч алга

Би хэн ч биш
Би хэнд ч хэрэггүй
Би юу ч чадахгүй
Би үхвэл таарна гэх

Бодол санаа таныг дарамтлаад байна уу
Боссон суусан ч боргоогоод байна уу
Болж л өгвөл өөрийгөө битгий егүүтгээрэй
Болчимгүй тэр бодлуудыг боомитлон хорьж болдог юм шүү

Өөрийгөө л бодоод байвал хүн гэдэг үхлийг ч сонгох нь байдаг юм
Өөрийгөө л бодоод байвал амьдрал гэдэг өнгөгүй бас амаргүй болоод байдаг юм
Өөрийнхөө төлөө амьдрахыг хүсэхгүй байгаа бол
Өөрийгөө үхсэнд тооцон сэтгэлийн хүлээс бүхнээс ангижирч
Өөрийг тань өдий хүртэл ачилсан хүмүүсийн төлөө
Өөрт зовлон үл хүсэн жаргалыг хүсэх
Өрөөл бусдын төлөө амьдран
Өнгө гундсан амьдралыг өөрчилж бас болдог юм шүү
Үүн шиг сайхан сэтгэлийн тэсрэлт хаа байна
Үүнээс сайхан өнгөтэй амьдрал хаа байна



( Сэтгэгдэл бичих | Шүлэг | Оноо: 0/0 | Зохиогч : Бусад )

Бусад 		 Өгүүллэг: Оноосон тавилан
Оруулсан admin on 2016-10-04 15:31:26 (2977 уншсан)

Цэлгэр том ариун цэврийн өрөөний цонхон дор тавьсан хуучин яйжгий сандал дээр ээж нь суучихсан охиноо дүрлийтэл харж байлаа. Шүлт ихтэй хямдхан барааны саван, хлораминтай усанд түлэгдэж зөөлөрсөн гараараа түүний духыг нь илж “Миний муу бондгор охин овоо доо” хэмээн үнсэхээр уруулаа цорвойлгов. Гэвч ээж нь түүнийг үнссэнгүй. Хандаа үнсүүлэх гэж өндөлзсөн ч ээж нь аажим аажмаар холдсоор алга болчихов. “Ээжээ, ээжээ” хэмээн хичнээн дуудсан ч эргэж ч харсангүйд гомдож, бахардан тэр нойрноос сэрлээ. Цаг харвал үүр цайх дөхөж байгаа бололтой. Өчигдөр оройн найр цэнгэл, магтаалын үгсээс түүнд юу ч үлдсэнгүй. Харин ээжийнх нь хэлсэн “овоо доо” гэсэн үг л толгойд нь эргэлдэж эхлэв. Хөөрхий дөө. Миний ээж хүн магтаж, долигонож, хуурамч сайхан үгээр хүний толгой эргүүлж явсан биш. Магтуулж, шагнуулж, бас эрх мэдлийн төлөө зүтгэж байсан биш. Овоо доо гэдэг ганцхан урмын үгнээс өөр сайхан үг мэддэггүй байсан байлгүй дээ” хэмээн бодоход нулимс нүдийг нь бүрхээд ирэв. Хандаа ээжтэйгээ хоёулханаа амьдардаг байлаа. Ээж нь эмнэлэгт асрагч хийнэ. Хүнд өвчтөнүүдийн өтгөн шингэнтэй зууралдаж, ОО-ын өрөөний шал зүлгэх ээжээсээ Хандаа үргэлж ичдэг байж билээ. Ангийнх нь охидууд эцэг эхийнхээ тухай ярихад Хандаа дуугардаггүй, “Манай ээж эмнэлэгт ажилладаг” гэхээс өөр юу ч хэлдэггүй байв. Үнэндээ тэр ээжийнхээ ажил дээр ирэнгүүтээ л сайхан зантай их эмч хүүхний өрөө рүү орчихно. Эмч нарын яриаг өдөржин чагнаж, хичээлээ давтаж суусаар ээжийгээ ажлаа дуусгахыг хүлээнэ. Ажил тарсан хойно охин ээжийгээ хувцсаа өмсөөд гарч ирэхийг хүлээн эмнэлгийн үүдэн дээр зогсож байдаг байлаа. Өдөржин шал зүлгэж, өвчтөнүүдийн өтгөн шингэнтэй зууралдсан ээжийгээ гарч ирэхэд ч охин нэг их юм ярихгүй.
-Ээжээ та яагаад асрагч хийдэг юм. Эмч болж чадаагүй юм уу? гэхэд ээж нь
-Яасан. Ээжийнх нь ажил муухай байна уу? гэснээ инээмсэглэнэ. Хандаа
-Муухай. Ёстой муухай ажил. Таны гараас хлорамин үнэртэж байна. Та эмч байсан бол гоё байхгүй юу. Би хэзээ ч тань шиг цэвэрлэгч болохгүй гэвэл ээж нь гомдсон шинжгүй



(Дэлгэрэнгүй... | Сэтгэгдэл бичих | Өгүүллэг | Оноо: 0/0 | Зохиогч : Бусад )

Бусад 		 Шүлэг: Өвөр монголд төрсөн
Оруулсан admin on 2016-10-01 09:07:14 (2097 уншсан)

Өндөрт суух гэж бид төвд болж  түрээгүй

Өөрийгөө алдах гэж бид манж болж  түрээгүй

Үлэмж өсөх гэсэндээ бид хятад болж түрээгүй

Өөрийнаараа л байх гэж бид

Өвөр монгол болж  түрсэн юм

Аллахад мөргөж бид аригун болдоггүй

Амьд явах гэж бид мөнгөнд сөхөрдөггүй

Аливаа и хийсний дараа бид гэмшдэггүй

Амь и дээдэлж , даарид шүтдэг юм

Бүбай аялуулан уяхан болох гэж

Монгол бүсгүйгээс бид  түрсэн

Буу ай , буу ай гэмээн хатуужих гэж

Монгол хүмүүний үр болсон юм  .

Салхиар арчуулху гэсэндээ бид

Сайхан нүдэндээ нулимстай дүрсэн юм

Санаа алдахтаа хүртэл уужрах гэж

Саруулхан монголд бид дүрсэн !

Өвдхийн зовлоныг мартахгүй гэж

Өвөр монголд бид дүрсэн юм

Өөрөө ирдэггүй эрх чөлөө и

Өөр монголд бас сануулах гэсэн юм

Түүхнээсээ бид ичж

Түмэн буруутай мэт явлаа цоо

Түгшиж миний өвөг дээдсийг

Хэн цоо бодож байсангүй

Мунхаг удын бодолд

Хилийн цаанад энэ нутгийг

Монголынх гэж мэдүүлэх гэж

Биеэрээ тэмдэглэж үлдээсэн юм тад !

Чи бидний ухаарч дөнгөхгүй байгаа и

Чин үнэндээ тад шийдэж байсан юм  ,

Оргиж чадахгүйн эрхэнд

Түүхийн жолоо эргүүлж

Одын биднийг тэжээсэн

Эг нутагтаа буцсан юм .

Олхио муутай хэрмэл саариачин

Орон нутаггүй шогшоо цагаачин

Огтхон цоо бид биш гэж

Омог төгөлдөр хэлүүлэх гэсэн юм

Биднийг   , , , ,

Эрх чөлөөнд умбасан хүмүүсийн мэдэхгүй и

Эгээгийн хэвлийд байхаасаа бид эдэлж

Хэмжээлшгүй ихээр шаналан зовох и

Хэнээс цоо илүү мэдрэх зүрхтэй болгосон

Хэн цоо ойлгохгүй түүхийн ганцаардлыг

Хэлж яншхаас илүү дааж яваа ард түмэн бид

Гэрэгтэй үед нь төрж чадаагүй

Эг орныхоо гэмээн

Хэн нэгэн шүлэгчийн гаслан бичсэн нь байдаг  ,

Хэрэггүй үе гэж эг оронд байдаггүй

Хэзээ цоо чи аллаага хийх гэж дүрэхгүй

Амнаас амь оргодогийн очир

Амьд байгаа минь л бидний гавиа

Тэграас заяатай монголын үрсийг

Тээж явбал мөнхийн гавиа

Эг монголдоо бид гэрэгтэй хүмүүс  ,

Энэ и л санаж явбал бид

Монголоороо үзэгдэхгүй

Гавиа бүхний дөлөө

Хаврын хагд амилаг



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Бусад )

4-н мөртүүд 		 Шүлэг: Б.Улаанхүү : Үндэсний дөрвөн мөрт минь
Оруулсан admin on 2016-09-29 12:20:01 (2145 уншсан)

Үүрээр шон дээр үүрссэн

Үрээ морины минь чимээ минь

Үгсийн урнаар тэрлэсэн

Үзэгний татлах чимээ минь

Үргэлж шүлгэнд минь амиласан

Үнэн ч сайхан хүлэг минь

Үерийн ус шиг халигсан

Үндэсний дөрвөн мөрт минь

Үргэж бусган дүүхэлзэх

Үе чангатай хүлэг минь

Үргэлж цээжинд минь цоролзох

Үзэгний дөлтэй шүлэг минь

Үхтэл хамтдаа давхих

Үүрдийн сайхан хүлэг минь

Үзгэн хулсаар таталгах

Үгсийн сан хөмрөг минь ээ

2016 он 9 сарын 27
Сартуул Б.Улаанхүү Багануур хот



( Сэтгэгдэл бичих | Шүлэг | Оноо: 0/0 | Зохиогч : 4-н мөртүүд )

Өвөр Монголын  яруу найраг 		 Шүлэг: Н.Өлзийтэлгэр : Манайхан
Оруулсан admin on 2016-09-28 11:12:27 (2738 уншсан)

Овоо шаншийн найраар гийсгэж явдаг бөхчид
Овгор малгай өмсөөд хийрхэж явдаг шүлэгчид
Одон телевизаар ороод болзоо тавидаг эрдэмтэд
Онцгой ургамал малтаж сүлжээнд хонодог хорхойтод

Ууцан дээгүүрээ бүслээд ууж суудаг эрчүүд
Онноосоо шанцай дүүжлээд тамшааж суудаг хашрууд
Уятай хонио заагаад шалж суудаг найрчид
Улаанумчраа дуудаад наргиж суудаг кадрчууд

Ухаан самбаа хэрэглээд оюутан болсон өвгөцүүл
Унага доголоо харилаад билчээрт үссэн багачуул
Орд гижиг гийсгээд урсгал дагасан дуучид
Оруул амаа бодоод баарт дассан бүжигчид

Орон гэрээ оргиод хүч явсан гүүргэдүүд
Орон хотын гуанзуудаар үйлчлэгч болсон бэрээдүүд
Орон орныг хэсээд олз хайсан ухаантад
Орон гаран бодвол олон олон монголчууд

Олон хэлийг холируулаад орчуулагч дутахгүй манайхан
Олон уурхай онгойлгоод нутаг дутахгүй манайхан
Олонх нутаг гандаад найр дутахгүй манайхан
Олох юмээ булаагдаад “ соёл ” дутахгүй манайхан


Сумны сургуулиа алдаад хушуунд бөөмнөрсөн хүүхдүүд
Соёлын мөрөө алдаад хоргол түүсэн хүүхдүүд
Сурч сурч төгсгөөд ажил алдсан хүүхдүүд
Сургуулиас сургуули дамжаад нас явсан хүүхдүүд

Хангай билчээрээ худалдаад хот орсон залуучууд
Хашаатай малаа хараад арга барсан залуучууд
Халтай хадуу баядын хамгаалагч болсон залуучууд
Хажуу хөршөө ховлоод хамраа шагайсан залуучууд

Хар бор амьдралаас хаширч гүйцсэн хүүхэнцд
Хадам харийн халаас халирч зугтсан хүүхэнцд
Хунзүү хийжүү хотуудаар дуулж гүйсэн хүүхэнцд
Халуун усны газруудаар хар дарсан хүүхэнцд

Айл гэрээ додомдож ачиллаа гүйцээсэн бүсгүйчүүд
Архичин нөхрөө аргадаж амьдралаа тулсан бүсгүйчүүд
Алба амны ажлуудыг алныг нь цоо амжуулдаг бүсгүйчүүд
Аагаш жан сайтай арвин арвин бүсгүйчүүд …

Зуун зууны тэртээгээс зовлон амссан манайхан
Зод зодын хадууг зад дайрсан манайхан
Зуур зуурын салхнаар сэтгэл хээлзсэн манайхан
Зон зоны борооноор итгэлээ сэлбэсэн манайхан


Ялаа шавардам цайгаар ядаргаа дийлдэг тариачид
Ямаа халтирам хаданд чилээ дийлдэг анчид
Хариулж нэрсэн арзаар дотор засдаг малчид
Харгуулж тайлбарласан “ товчоон ”-аар сэтгэл засдаг сэхээтд

Гацаан дараагийн сонгуулаар ардчиллыг тамтарсан ард
Гахай тэжээх замаар баяжлыг тамтарсан ард
Ганган улаан тэмээгээр тэнгэрийг тамтарсан ард
Гандмал зуийн тариаар газрыг тамтарсан ард

Цайн газрын хоймортоо хааны хөрөгтэй монголчууд
Сайны ерөөлд уужирсан сүний нийслэлтэй монголчууд
Балгас хотын гуанзандаа хар сүлдтэй монголчууд
Баримал хиймэл цэцэрлэгтээ хүрэл царигтай монголчууд

Ангамал элсээ голдоггүй агваандандрын монголчууд
Ам сайтайг нь бодвол гялхөн баатрын монголчууд
Аавын нутгаа хайрласан гад мэйрний монголчууд
Ардчилал эрх чөлөө хурайлсан улаанхүүгийн монголчууд

Агаар хурмастын өршөөлийг ангайж суун хүсээгүй
Арчуур уурга хоёрыгоо дог болгож гийсгээгүй
Азын тэнгэр хазайвал хоёр гараараа тулсан
Ард монгол түмэндээ би , дагиж дүрсэн цоо хайртай !

 



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Өвөр Монголын яруу найраг )

Тайванжаргал  	Н	 Шүлэг: Н.Тайванжаргал : Аав шүтээн
Оруулсан admin on 2016-09-10 14:06:14 (2292 уншсан)

Өнгө мөнгө шүтэгсэдийг үргэлж сайн явсан гэж дуулаагүй
Өвгөн буурал аавыгаа шүтэгсэдийг өөдөлсөнгүй гэж сонсоогүй
Өндөр албан тушаал шүтэгсэдийг дэвжсэн гэж дуулаагүй
Өнө мөнхөд эх нутгаа шүтэгсэдийг уруудсан гэж сонсоогүй

Алт мөнгийг шүтэгсэдийг
Аз жаргалыг олсон гэж дуулаагүй
Ачит аавыгаа л шүтэгсэдийг
Алив сайхан орхисон гэж сонсоогүй

Эд хөрөнгийг шүтэгсэдийг дэвжсэн гэж сонсоогүй
Энэрэлт аавыгаа шүтэгсэдийг уруудсан гэж дуулаагүй
Эрх мэдлийг шүтэгсэдийг өөдөлсөн гэж сонсоогүй
Эх нутгаа шүтэгсэдийг буруудсан гэж дуулаагүй

Аавыгаа л шүтэгсэдийн сэтгэлээс
Алив муу бүхэн гарсан гэж дуулаагүй
Аавыгаа л дуулагсадын зүрхнээс
Аялгууны сайхан нь холдсон гэж сонсоогүй

Харийн бурхан шүтэгсэдийг гэгээрсэн гэж сонсоогүй
Харин аавыгаа шүтэгсэдийг алдсан гэж дуулаагүй
Хаа холын мэргэдийг шүтэгсэдийг оносон гэж сонсоогүй
Хайртай нутгаа шүтэгсэдийг уруудсан гэж дуулаагүй

Алдар нэрийг шүтэгсэдийг
Аз жаргал таалсан гэж дуулаагүй
Аавыгаа л шүтэгсэдийг
Аз жаргал орхисон гэж сонсоогүй

Н.Тайванжаргал



( Сэтгэгдэл бичих | Шүлэг | Оноо: 0/0 | Зохиогч : Тайванжаргал Н )

 
Санал асуулга
Та онлайн номын дэлгүүрээр хэр их үйлчлүүлэх вэ ?
Байнга
Нилээд
Хааяа
Цөөн
Үгүй
Санал асуулгын дүнг үзэх

Ном

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа


Гишүүн
Хэрэглэгчийн нэр

Нууц үг

Та манай гишүүн болохыг хүсвэл энд дарна уу.

t
Одоо онлайнд 58 зочин 0 гишүүн байна.


Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Windows XP, 7 үйлдлийн системийн стандарт монгол гарын драйвэр софтверийг ашиглан бичээрэй. Таны оруулсан мэдээллийг админ үзээд идэвхжүүлнэ.

Санал хүсэлтээ илгээх
Хайлт


Зургийн цомог

Должин : Зам зуур
zam-083.JPG
Хэмжээс: 600x450 51k
Сэтгэгдэл: 0
Үзсэн: 2547


Thumbs.db
Хэмжээс: x 203k
Сэтгэгдэл: 0
Үзсэн: 3067


khuv5-026.JPG
Хэмжээс: 600x450 65k
Сэтгэгдэл: 0
Үзсэн: 2248


Агуулга
Пүрэв, 2018.05.03
· Б. Баясгалан
· Т. Амар-Амгалан
Даваа, 2018.04.30
· Гомпилдоогийн Мөнхцэцэг
Лхагва, 2018.04.18
· Лха Отхан : ТОГОРУУН ЦУВААН ДУНД ..
· Лха Отхан : Хоосон дэвтэрт минь өдөлсөн шар шувууны ...
· Лха Отхан : Урсгалд хөвөх навчисыг он жилүүдтэй үдэж ...
· Түмэнбаярын Бум-Эрдэнэ : Хоолны ширээ
Мягмар, 2018.04.17
· Яагаад гэж би өөрөөсөө Яасан олон асууна вэ
Лхагва, 2018.04.18
· Лха Отхан : Монгол нутаг
Мягмар, 2018.04.10
· Хундага нулимс
Баасан, 2018.03.30
· Х. Нямхишиг
· Х. Нямхишиг: Загас үнэртсэн үдэш
· Х. Нямхишиг
· Х. Нямхишиг
· Х. Нямхишиг: "Зун гээсэн чөдөр" номоос
· Х. Нямхишиг
· Х. Нямхишиг: "Нэргүй ном"-оос
· Х. Нямхишиг: "Зун гээсэн чөдөр" номоос
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг: "Зун гээсэн чөдөр" номоос
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг
· Х. Нямхишиг: Би-Бөгтөр хөх өвс
· Х. Нямхишиг: "Зун гээсэн чөдөр" номоос
· Х. Нямхишиг
· Гантөмөрийн Сумъяа: Миний сэтгэлийн эх орон
Пүрэв, 2018.03.29
· Х. Чимэдрэгзэн
· Х.Нямхишиг: "Бөгтөр хөх өвс" номоос
· Батсайханы Баттөгс: Хорхой тавилан

Та сараа сонгоно уу


Санал хүсэлт

Нэр:

Э-шуудан:

Санал хүсэлт:



Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2018 Biirbeh.MN.
     All rights reserved.
By Bataka
Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364
И-мэйл :info@biirbeh.mn