BIIRBEH.MN by Bataka

Шүлэг: У. Номинчимэг : Оюутан
Оруулсан admin on 2011-03-09 09:31:25 (4470 уншсан)

Орчлон хорвоод бүл нэмсэн алаг үрс
Он цагийн нугачаанд оюутан болсон эгэл залуус
Цаг цагийн аясаар сургууль дамжих үрс
Цохилох залуу насандаа нартыг эзэгнэх оюутнууд

Танхим дүүрэн бүлээрээ дэлхийг доргиох залуус
Танил гэнэ зангаараа хорвоог чимэглэх залуус
Ази тивийн элгэнд мөр зэрэгцсэн оюутнууд
Ард түмнийхээ өмнө хариуцлага үүрсэн залуус

Орь залуу насаараа бахархаж яваа үрс
Оргилох түмэн мөрөөдөлдөө хөллөж яваа оюутнууд
Мянга мянган бээрээр өртөөлж яваа залуус
Монгол орныхоо ирээдүйг залгамжлах түмэн үрс

Од шиг гялалзах оюутан насны жавхаа
Гал шиг пүрэлзэх идэр залуусын тэнхээ
Энэ бүгд оюутан насны гэрэлт өдрүүд

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг: Ажил амьдрал үргэлжилсээр уйдах ч завгүй байхад
Оруулсан admin on 2011-01-24 18:48:46 (5661 уншсан)

Ажил амьдрал үргэлжилсээр уйдах ч завгүй байхад
Амрагийн сэтгэл гэгэлзэж ганцаардах нь уйтай
Алс холын газраас шувууд ирэхийг хүлээж
Ариун дурлалын охиор яргуй хэнзлэх нь гайхалтай

Үеийн залуус бүгд үртэй ханьтай байхад
Үргэлж завгүй ажиллаж гуниглах нь уйтай
Үрээ хүртэл дагуулаад ирэх шувуудыг хүлээж
Үүр шөнийн заагаар байгаль сэргэх нь гахайлтай

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У.Номинчимэг: Нэг л мэдэхэд чи надад дасчихсан
Оруулсан admin on 2011-01-20 13:07:06 (5027 уншсан)

Нэг л мэдэхэд чи надад дасчихсан
Нэл сэтгэл чинь дурлалын өнгөтэй болчихсон
Чихээрээ сонссон хайрын үгэнд илбэдүүлж
Чиний дэлгэсэн алчуур дээр би суучихсан

Аавд чинь би дурласаан
Алаг нүдний минь буруу биш
Андуу эндүү хорвоогийн
Айдас түгшүүр бүүр ч биш
Гэрэлд сүүдэр байдгийг мэдээгүй
Гэнэн хөөрхөн амьтан хүү минь
Итгэл гэрэлтсэн харцаараа
Ижийдээн аавыгаа дагуулаад оч
Цэвэр ариухан гараараа
Цэнгэл баяраан хөтлөөд харь...

Хөвсгөл далай минь ээ чи миний хүслийг сонсооч
Хөвхрөн эргэх давалгаа бүрт чинь гурвантаа шивнэе
Жигүүртэн олон шувуудад үгийг минь хэлээч
Жирийн л нэг сайхан амьдарья...
Далийн цэцэг минь ээ чи миний хүслийг сонсооч
Дагшин үнэр ариухан бүхэнд чинь хэдэнтээ анхилья
Эрхэмсэг тансаг эрвээхэйндээ хэлээд өгөөч
Энгийн л нэг сайхан амьдарья...

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У.Номинчимэг: Би чамтай адилхан хүүтэй хүн
Оруулсан admin on 2011-01-18 21:59:50 (4865 уншсан)

Бувтнан гүйхээр нь өхөөрдөн хардаг
Энгэрт эрхлэхээр нь жаргалтай болдог
Ээжээ гээд дуудахаар нь чиний тухай боддог
Би чамтай адилхан хүүтэй хүн

Бусдаас өөр сониучхан зантай
Хайр хүрэм хэрсүүхэн ухаантай
Хонгорхон үр минь чамайг бодогдуулдаг
Би чамтай адилхан хүүтэй хүн

Бодох тусам дэргэд чинь байгаагаа мэдэрдэг
Харах тусам чамайг харж байна гэж итгэдэг
Хайгаагүй мөртлөө байнга үгүйлэх нь харагддаг
Би чамтай адилхан хүүтэй хүн

Бие, сэтгэл, зүс, царай гээд
Үйл, хөдлөл, үг, яриа нь хүртэл
Үргэлж чамайг надад байлгадаг
Би чамтай адилхан хүүтэй хүн

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Шүлэг
Оруулсан admin on 2010-08-10 11:31:29 (5219 уншсан)

Нутгийн минь тэнгэрт нэгэн од бий
Нуурын цэнхэр мандалд үүр цүүрээр бууна
Долоон бурхан одын долиглууланхан нэг наадна
Дорны мөнгөн тэнгэрийг чимэглэнхэн нэг наадна

Аялгуу сарны дүрс яг л ийм байдаг даа
Явуухулангийн од яахынч аргагүй мөн дөө
Мөнх орчлонг гийгүүлсэн найрч хэн бэ? хэлээч
Мөнгөн сарны орчлонд минь дахиад л мэндлэх юм гэж үү

Нарт орчлонгийн найргийн жавхдас
Нарлаг Монголын хуурын жавхдас
Уянгат ардын минь ухаант хүү
Улс орны минь суут хүү

( Дэлгэрэнгүй... | Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг: Бабаяа
Оруулсан admin on 2010-07-16 14:16:22 (4061 уншсан)

Зөрүүдхэндээ зөрүүдхэн Бабаяа
Зүрхэнд минь уяатай Бабаяа
Зүггүйхэндээ зүггүйхэн Бабаяа
Зүүдэнд минь ч хайртай Бабаяа

Хайр хайраас ургасан даа Бабаяа
Харуулдаж сууна аа Бабаяа
Нууж явдаг үг нулимсанд минь байгаа Бабаяа
Нугын цоморлог шиг дэлбээ энгэрт чинь яваа Бабаяа

Хоног хоногоор холдлоо гээд Бабаяа
Хайрлах сэтгэлд сэвтээ нь үгүй Бабаяа
Ханьсан суугаад жаргана гэсэн Бабаяа
Хайранд минь халамцаж явдаг Бабаяа

Урсан нулимсаа дэрэн дээрээ нуугаад үлдээлээ Бабаяа
Уулзан учирах тавилангаа хүлээж л сууна аа Бабаяа
Бабаяа Бабаяа Бабаяа
Булиглах зүрхний минь гэгээ юм аа Бабаяа

( Сэтгэгдэл [] | Шүлэг | Оноо: 5/1 | Номинчимэг У )

Шүлэг: У. Номинчимэг: Зөвгүй буруу сэтгэл хэнийх гээч
Оруулсан admin on 2010-07-15 17:48:51 (4074 уншсан)

Чамаас өөрийгөө далдалж би чадавч
Өөрөөсөө өөрийгөө нууж чадахгүй юм
Чамгүйгээр амьдрах гэж хэн нэгнийг хууравч
Өр зүрхнээсээ хүртэл хайгаад л байх юм

Гомдлоос гомдол төрж зүрх өвддөгийг
Хожимдож ухаарах алдааны уршиг
Гэмгүйхэн зүрх минь чимээгүйхэн гуниглаж
Харц минь хүртэл намайг л буруутгана

Зөвгүй буруу сэтгэл хэнийх гээч ...

Гомдсон хүн үхэхгүй
Гомдоосон хүн үхдэг.

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг: Бабаяа
Оруулсан admin on 2010-07-15 17:13:13 (4138 уншсан)

Унтах нойрондоо хар дарж зүүдэлсэн үү хурай хурай
Учиралт намайгаа хардаж зүүлэлсэн үү хурай хурай
Хань нь чамайгаа хүслээрээ даллы хурай хурай
Халуухан зүрхний хайраараа энхрийлье хурай хурай

Наран мандтал тайван хойрсдоо бүүвэй бүүвэй
Намайг чамдаа хайртайд тавшир бүүвэй бүүвэй
Бабаяа минь тайван нойрс бүүвэй бүүвэй
Булиглах зүрхийг минь дэрлээд л унтдаа бүүвэй бүүвэй

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг: Зөвгүй буруу сэтгэл хэнийх гээч
Оруулсан admin on 2010-07-07 16:02:54 (4119 уншсан)

Чамаас өөрийгөө далдалж би чадавч
Өөрөөсөө өөрийгөө нууж чадахгүй юм
Часгүйгээр амьдрах гэж хэн нэгнийг хууравч
Өр зүрхнээсээ хүртэл хайгаад л байх юм

Гомдлоос гомдол төрж зүрх өвддөгийг
Хожимдож ухаарах алдааны уршиг
Гэмгүйхэн зүрх минь чимээгүйхэн гуниглаж
Харц минь хүртэл намайг л буруутгана

Зөвгүй буруу сэтгэл хэнийх гээч ...

Гомдсон хүн үхэхгүй
Гомдоосон хүн үхдэг.

( Сэтгэгдэл [] | Шүлэг | Оноо: 5/1 | Номинчимэг У )

Шүлэг: У. Номинчимэг: Харуусал
Оруулсан admin on 2010-07-07 16:02:31 (4219 уншсан)

Учирсан хонгор чамаас салы л гэж бодлоо доо
Уйлж төрсөн үрээ бодохоор эргэлзээд л байна
Шархалсан зүрхээ аргадаж өрөөлийн тэвэрт мартахаар
Шаралхах зангийн түүх ингэж л эхэлсэн юм даа

Алдаа гаргасан ээжийгээ үр минь буруутгаж чадалгүй
Ааваа гэж түүнийг дуудаж байгаа хэрнээ
Алагхан зүрх нь байнга эцгээ хайхыг харахаар
Амиа бодсон өөрийгөө үзэн бодохоос цаашгүй

************************************************

Чиний ирэхийг зүрх минь чимээгүйхэн хүлээнэ
Чамд тэмүүлэх хүсэл минь хоног тоолон бодлогширно
Чи ирэхгүй би очихгүй гунигтайхан амьдралд

( Сэтгэгдэл [] | Шүлэг | Оноо: 5/1 | Номинчимэг У )

Шүлэг: У. Номинчимэг: Буга ба тэмээ
Оруулсан admin on 2010-07-07 16:02:16 (4794 уншсан)

Тэмээний эвэр сүртэй байжээ
Тэргэл сайхан зохицсон байжээ
Буян үйлсээ бодсон ч юм уу
Буганд хууртаад эвэргүй болжээ

Буурал хангайн марал буга
Бусдын эврээр сүрийг олоод
Үнэнч сайн нөхрийн ачийг
Үүрд мартаад талийн оджээ

Энгүй орчлонд нэг нь гомдоод нөгөө нь завшдаг
Этгээд явдал ч нэг болоод өнгөрч

Бусдаас авсан эврийн гайг
Буурал хангайн буга эдэлж
Өнгө мөнгөний шуналтан
Өрөвдөх юмгүй хөнөөх болж

Эврээс болоод хөөрхий буга
Энэ орчлонд үлддэг болов уу
Заяа нь дэнсэлсэн тэр л бугаа
Замбуулин хорвоод тэмээтэй нь үлдээе

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг: Яруугийн булаг
Оруулсан admin on 2010-07-05 10:36:17 (4154 уншсан)

Янзаганы нүд шиг тунгалагхан булаг
Яруугийн нутагт мэлтэлзэн урсана
Нарны туяа, сарны гэрлийг сүлжин урсана
Навчис хөвүүлэн, зүрийн янзагыг ундаалж урсана

Залуу хосын тунгалаг дүр хөвж урсана
Замбуулингийн гэрэл гэгээг сүүдэртүүлэн урсана
Аз жаргалын дуу шиг урсана
Амьдралын их мөрний эхлэл шиг урсана

Гангар шаазан шиг жингэнэж, бугуйн цаг шиг цохилж урсана
Гал халуун бүхний ерөөл шиг, төгсгөлгүйн билэгдэл шиг урсана
Асгаран буух хурын дуслыг бөмбөрүүлж урсана
Исгэрэн шуугих салхины хээг бидэрлүүлж урсана

Янзаганы нүд шиг тунгалагхан булаг
Яруугийн нутагт мэлтэлзэн урсана
Нарны туяа, сарны гэрлийг сүлжин урсана
Навчис хөвүүлэн, зүрийн янзагыг ундаалж урсана

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Чамайг би санахгүй ээ
Оруулсан admin on 2010-07-02 17:56:23 (5479 уншсан)

Зүрхэнд гэрэлтэх чиний орон зайг
Зүггүйхэн үр минь ч орлохгүйгээс хойш
Зөрүүхэн тавиланд гунигаа эгшээж
Замбуулинд Би чамайг санахгүй ээ

Миний гэх бүхэн чинийх байдаг болохоор
Мартаж чадахгүй дүрийг чинь нуух л гэж
Магадгүй бүр олон жил санах л гэж
Минийх л байдаг Чамайг би санахгүй ээ

Хайранд бадамлах чиний орон зайг
Хонгорхон үр минь ч орлохгүйгээс хойш
Хатуухан амьдралд сэтгэлээ хантайрлаж
Хорвоод Би чамайг санахгүй ээ

( Дэлгэрэнгүй... | Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг: 2 мөрт
Оруулсан admin on 2010-07-02 17:55:55 (5669 уншсан)

Харц минь яагаад тогтнуун болсныг чи мэдэхгүй
Хатуухан хорвоог яаж туулахаа би мэдэхгүй ээ

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Хайртай
Оруулсан admin on 2010-07-02 17:55:32 (4110 уншсан)

Улаан сарнайд Не люблю
Ухаалаг чамдаа Я люблю
Хүлхдэг чихэрт Не люблю
Хөөрхөн чамдаа Я люблю

**********************

Я тебя люблю
Яасан байсан ч люблю
Үхэн үхтлээ люблю
Үхсэн хойноо ч люблю

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Чамайг би санахгүй ээ
Оруулсан admin on 2010-07-02 17:54:53 (5526 уншсан)

Зүрхэнд минь гэрэлтэх чиний орон зайг
Зүггүйхэн үр минь ч орлохгүйгээс хойш
Зөрүүхэн тавиланд гунигаа эгшээж
Замбуулинд Би чамайг санахгүй ээ

Минийх гэх бүхэн чинийх байдаг болохоор
Мартаж чадахгүй дүрийг чинь нуух л гэж
Магадгүй бүр олон жил санах л гэж
Минийх л байдаг Чамайг би санахгүй ээ

Хайранд минь бадамлах чиний орон зайг
Хонгорхон үр минь ч орлохгүйгээс хойш
Хатуухан амьдралд сэтгэлээ хантайрж
Хорвоод Би чамайг санахгүй ээ

( Дэлгэрэнгүй... | Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Чойном
Оруулсан admin on 2010-06-29 17:24:05 (4059 уншсан)

Буугаад мордох буудал мэт энэ хорвоод
Би ирлээ хэмээн уйлан төрөхөд
Чойном Чойном Чойном гэж
Чихэнд нь гурвантай шивнэхдээ

Нэрээ дагасан билэгт хүмүүн болоорой гээд
Наминчлан сүсгэлсэн ч юм билүү аав, ээж нь
Найргийн түүхэнд од болон мөнхөрнөө гээд
Нойрон дундаа зүүдэлчихсэн ч юм билүү өлгийтэй үр нь

Нартын жамыг сөрөлгүй дагахдаа
Нанжидад умбасан ч найргаа орхиогүй
Хутагт Данзан Равжаагийн сүнс гэж өөрийгөө нэрлээд
Харваад л одсон гэрэлт од та Чойном минь.

( Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Очирваанийн охин
Оруулсан admin on 2010-06-28 11:03:00 (5849 уншсан)

Тэнхээт хүлгүүд бяр мэдэн давхисан
Тэнүүхэн хангайд торхисон болохоор л
Уулс ороосон үүлсийнхээ хормойд
Үдийн нар шиг туяардаг юм аа Би

Яруугийн голоос амсаж өссөн болохоор
Ялдамхан зан минь Лусынх л байлгүй
Явуугийн нутагт төрсөн болохоор л
Яруу найргийнх нь хэлтэрхий байлгүй

Бадархундаганд одод тугэхэд
Балчирхан нас минь хамт цэнгэсэн юм аа
Богдын голд сар умбахад
Бойтогхон нас минь хамт хөвсөн юм аа

( Дэлгэрэнгүй... | Сэтгэгдэл [] | Шүлэг | Оноо: 0/0 | Номинчимэг У )

Шүлэг: У. Номинчимэг : Зүрхэн шаглаа
Оруулсан admin on 2010-06-28 11:01:00 (4147 уншсан)

"Ганцхан удаа би чамд дурласан
Ганцаардлын нулимс шорвог байсан
Зөрөг тавилан итгэл тэмтрээд
Зүрхэн шаглаа тодоос тод өнчирсөн

Өөрт чинь би нэг л удуу дурласан
Өр зүрхний шарх эдгэрдгүй болохыг мэдэрсэн
Харуусах тавилан зүрх эгшээгээд
Харьд явсан чамаар гуниглах өдөр нэмэгдсэн

Амьдралдаа би нэг л удаа дурласан
Ариун дурлалын үр гашуун байсан
Эжий заяанд хайр эвлээд
Эргэх тавиланд нойр хулжин хүлээсэн

Ганцхан удаа би чамд дурласан
Ганцаардлын нулимс шорвог байсан
Зөрөг тавилан итгэл тэмтрээд
Зүрхэн шаглаа тодоос тод өнчирсөн ...

( Сэтгэгдэл [] | Шүлэг | Оноо: 0/0 | Номинчимэг У )

« өмнөх12 дараах »

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 171 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Зураач : Б.Хонгорзул
khongor014.jpg
Хэмжээс: 600x595 108k
Сэтгэгдэл: 0
Үзсэн: 4749

Должин : 2007 оны аялал
mongolia2007year-259.JPG
Хэмжээс: 600x800 127k
Сэтгэгдэл: 0
Үзсэн: 16612

Их Монголын шүтээн зураг
b-009.jpg
Хэмжээс: 300x404 51k
Сэтгэгдэл: 0
Үзсэн: 5624

Агуулга

Saturday, 2010.06.26
·	У. Номинчимэг : Миний ээж
·	У. Номинчимэг : Дурлаж болно
·	У. Номинчимэг : Харууслын өнчин нулимс

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn