BIIRBEH.MN by Bataka

Гүүний сүүл хөл дундуураа уруудсан намрын өдөр
Гил хар нүдэн чиний хуримын зарыг олны салхинаас сонслоо
Устай хавчгийг чинь тэгнэлцэж явсан худгийн асгарт хэллээ
Уулзаж учирч байсан намхан толгоддоо дуулгалаа
Найран дээр нь очлоо
Унага тамгалсан найртай давхацсан хурим
Уул доргиосон нижгэр боллоо
Их хөлтөй найрнаас сэтгэл салган гарвал
Эмээлийн мөнгөн баавар дээр хар чийг унажээ
Энтээ уулын хярд, азийн цолмон өеөджээ
Хайрлаж явсан хөөрхөн Хорголжин
Хаданд цав суутал тас тас инээнэ
Эрхэлж унасан намрын мананг яран
"Эр бор харцага" сэрчигнэнхэн замхарна
Уг нь би тэднийд агсам тавья гэж очсон юм
Ухаан ардын дуунд хүлээтэй байгаад чадсангүй

( Дэлгэрэнгүй... | Сэтгэгдэл [] | Шүлэг | Оноо: 40/8 | Лхагвасүрэн Б )

Шүлэг: Б.Лхагвасүрэн: Миний гурван үеийн түүх
Оруулсан admin on 2012-12-11 10:42:57 (13664 уншсан)

Өргөдөл

Эх орон танаа
Өвгөд шиг ханхайсан
Уулсын чинь үрчгэр бэлийг
Ноолж өслөө, эх орон минь
Үелэн шаргалтах нарны хайлш
Манхны чинь хээг
Сандааж өслөө, эх орон минь
Онгон саранг ергүүлсэн
Гол горхийг чинь усыг
Цацан залгилж өслөө
Эх орон минь
Он жилүүдийг дагаж туулсан
Хал хайрын чулуунд бүдэрч
Ойчиж босож өгслөө
Эх орон минь
Ээжийгээ тосон тэнцэж ядсан алхааг минь
Лимбийн эгшгээр дэмнэсэн
Эхэлж анх хэлсэн дуун хэлгий үгийг минь
Эргэл хадны цуурай
Дагаж хөөрөн тэгшилсэн
Хөглөрөн цагаан үүлээрээ
Нулимсыг минь арчиж
Хөлд орооцолдсон цэцгээрээ
Нарны инээд далласан
Эх орон минь
Би таны
Бүрд тойрон зээглэх уулс чинь намсах
Тэр газраас
Үргэлж ургасан гүвээ толгод
Бүрэгхэн шанд чинь эцэж шургасан
Тэр үзүүрээс
Залгаж ургасан далд урсгал
Гүрвэлийн хөлд эмзэглэж нурсан манхны
Өлмий доороос
Өгсөж нүүсэн элсний чинь үйрмэг
Гүнд чинь хангинасан дууны цуурай зангирах
Тэр цэгээс
Залгаж чарласан нялххан дуу
Асаж байгаа галын
Одод хайрсан дөлтэй
Ар хөвчийн унаганы
Задгай суман хатираатай
Ардын сайхан дууны
Аргадаж зэмлэсэн эгшигтэй

( Дэлгэрэнгүй... | Сэтгэгдэл [] | Шүлэг | Оноо: 0/0 | Лхагвасүрэн Б )

Өгүүллэг: Б. Лхагвасүрэн : Ижийтэйгээ байхдаа би баян байсан
Оруулсан admin on 2012-12-11 09:20:36 (22506 уншсан)

Түүний уянга яруу найргийн мөрүүдэд ижийгээ гэсэн хүүгийн сэтгэл тэр чигээрээ шингэчихсэн байх шиг санагддаг. Түүнтэй ижийнх нь тухай хөөрөлдөв.
...Эх бүхний цээжнээс эхэлдэг
Элбэг урсгалтай-сүүн мөрөн
Ижий мөрөн
Үрээ л дагаж урссан
Үйлийн үртэй-цагаан мөрөн
Ижий мөрөн...
-Миний ижий хуучнаар Түшээт хан аймаг, Дачин бэйсийн хошуу, Чандмань отгийнх. Одоогийнхоор Төв аймгийн Өнжүүл сумын хүн.

( Дэлгэрэнгүй... | Сэтгэгдэл [] | Өгүүллэг | Оноо: 49/10 | Лхагвасүрэн Б )

Шүлэг: Б.Лхагвасүрэн : Би нүүдлийн цахилгаан станц
Оруулсан admin on 2012-06-08 21:22:59 (8231 уншсан)

Би нүүдлийн цахилгаан станц

Өдөр шөнөгүй эрчим хүч тархинаасаа уудлах

Өнгө гэрэл өөрөөсөө эрэх

Би нүүдлийн цахилгаан станц

Сэдвийг нүүрс шиг залгиж

Сэрэхүйн зууханд шатааж шинийг сүлэх

Шүүдэр тоолон гэгээ цацах

Би нүүдлийн цахилгаан станц

Арьсгүй гараар хорвоог тэмтэрч

Аль харанхуй руу судасааараа гэрэл өртөөлөх

Халиун талаасаа ургасан

Халуунтай хүүхэд шиг уухилсан

Би нүүдлийн цахилгаан станц

Өөнтөгч сэтгэлийнхээ хөөрөлд автаж

Өдөртөө хэд асарч унтардагч

Дэлхийн цөмөөс хүйгээрээ цэнэглэгдэж

Дээд тэнгэрийн одонд хүслээрээ хэлхэгдсэн

Би нүүдлийн цахилгаан станц

( Сэтгэгдэл [] | Шүлэг | Оноо: 0/0 | Лхагвасүрэн Б )

Шүлэг: Б.Лхагвасүрэн : Ижий мөрөн
Оруулсан admin on 2012-03-01 04:03:59 (9623 уншсан)

"Ангир ээжийн минь сүүдэр унаад
Арвыг хоёр нугалж одов .
Хэлхээ сувд шиг хорин жилийн
Хэдэн өдөр нь ээжийгээ дурсав даа ..."
( Тэмдэглэлийн дэвтэрээс )
Эх бүхний цээжнээс эхэлдэг
Элбэг урсгалтай - сүүн төрөн
Ижий мөрөн
Үрээ л дагаж урссан
Үйлийн үртэй - цагаан төрөн
Ижий мөрөн
Ижий ижий адилхан
Ижий мөрөн
Миний л ижий ижилхэн
Ижий мөрөн

( Дэлгэрэнгүй... | Сэтгэгдэл [] | Шүлэг | Оноо: 5/1 | Лхагвасүрэн Б )

Шүлэг: Б.Лхагвасүрэн : Ижийтэйгээ үзсэн тэр жилийн наадам...
Оруулсан admin on 2009-12-03 00:17:00 (24973 уншсан)

Ижийтэйгээ үзсэн тэр жилийн наадам
Цэцэг нар хоёртоо бахардсан наадам
Ижийтэйгээ үзсэн тэр жилийн наадам
Чихэр инээд хоёртоо бялуурсан наадам

Наадамчдьiн зулай дээр
Нар голлон халуун байсан ч
Элбэг дээл шиг
Ижийнхээ сүүдэрт хярахад сэрүүхэн

( Дэлгэрэнгүй... | Сэтгэгдэл [] | Шүлэг | Оноо: 53/11 | Лхагвасүрэн Б )

Шүлэг: Б.Лхагвасүрэн : Цэцгэн эрхи
Оруулсан admin on 2009-12-02 09:59:00 (29946 уншсан)

Ээжээ
Таны
Цас цагаан гантиг өлмийд чинь
Цэцэг зулья гэж
Цэцэг түүлээ, би
Таны
Сайхан сэтгэлээ олдог байсан номин талаас
Сайн мууг ялгалгүй сэрүүцүүлдэг үүлэн сүүдэр дороос
Эзгүйд минь миний дууг сонсдог
Эрх танхай цэнхэр горхийн хөвөөнөөс
Цэцэг түүлээ

( Дэлгэрэнгүй... | Сэтгэгдэл [] | Шүлэг | Оноо: 218/48 | Лхагвасүрэн Б )

Шүлэг: Б.Лхагвасүрэн : Тэр нэгэн бүсгүйд
Оруулсан admin on 2009-07-02 03:25:14 (18514 уншсан)

Хувь дутсан дурлалаар өвдөж
Хуурын чавхдас шиг хөг орж
Хувцсан дотроо шатаж явахад минь
Чи намайг тоогоогүй
Тэгэхэд чи
Холын холд
Голын хор шиг л байсан
Хоёр мөр шүлэг шиг уруулаар чинь үнсүүлж
Хорвоог баръя даа гэж их бодсоон
Бүтээгүй ээ
Зүсэрсэн бороо шиг он жилүүдийн урсгалд
Зүүдээ чамаар л үргэлжлүүлж
Тэр жилийн амттай зовлонгийн
Тэн хагасыг ч гээж чадаагүй л явна

( Дэлгэрэнгүй... | Сэтгэгдэл [] | Шүлэг | Оноо: 33/7 | Лхагвасүрэн Б )

Шүлэг: Б.Лхагвасүрэн : Оршуулгын газар
Оруулсан admin on 2009-04-30 02:13:34 (5361 уншсан)

Орчлон доторх аниргүйн хаант улс
Оршуулгын газар ажин түжин
Үлдэгсэд нь үүрдгүй мөртлөө
"Үүрд дурсана" гэж бичсэн үгийг салхи шоолно

Атаа алдар мохож мухардсан энэ газар
Амьдын заяа цуг ирж төгсөнө
Амар болоочийг үдсэн амьдчууд
Амархан мартах гэж яаран одно

Үгүй болохын шалтаг ододоор даравч
Үүсэхүйн шалтаг өвсний голоор гадагшилна
Тарж тэнэсэн сүнснүүд цуглан инээлдэж
Та нар тэнэг гэж өтөөр нулимна

Олон зууны нулимсанд бялуурсан атлаа
Оршуулгын газар дандаа цангаж байдаг

Бавуугийн Лхагвасүрэн

( Сэтгэгдэл [] | Шүлэг | Оноо: 5/1 | Лхагвасүрэн Б )

Шүлэг: Б.Лхагвасүрэн : Булшин дээр минь ирээрэй
Оруулсан admin on 2009-04-30 02:12:28 (9052 уншсан)

Би үхэж... намайг хүмүүс мартахад
Сүүдрээрээ гэрэл цуулж
Булшин дээр минь нэг ирээрэй
Сүнс минь чамайг танина.

Мартсан бүхний сүүлд
Мартаагvй үлдсэн чамд
Хөмөрч унасан манан баярлана
Хөлд чинь торсон чулуу баярлана

Хагацалд сүүмийсэн өвс
Өвдөн байж баярлана
Хажууд сөхөрсөн уулс
Өндийн байж баярлана

Хайртай байж дээ үнэн байж гэж
Хамгийн сүүлчийн удаа яс минь цугларч хашгирна

Бавуугийн Лхагвасүрэн

( Сэтгэгдэл [] | Шүлэг | Оноо: 5/1 | Лхагвасүрэн Б )

Шүлэг: Б. Лхагвасүрэн : Солонго билээ би
Оруулсан admin on 2009-04-30 00:05:12 (23969 уншсан)

Ижийгээс минь асгарсан улаан бороо
Эцгийн минь зүрхийг норгож арилсны дараа
Голоон эгштэл хүлээсэн
Говь дээгүүр татсан
Нарыг зургаа хэрчсэн тоонотой гэр дээгүүр татсан
Намайг тэврэх гэж яарсан бүхний өвөр дээгүүр татсан
Солонго билээ би

( Дэлгэрэнгүй... | Сэтгэгдэл [] | Шүлэг | Оноо: 45/10 | Лхагвасүрэн Б )

Шүлэг: Б.Лхагвасүрэн : Амьдралын бяцхан зурвас
Оруулсан admin on 2008-12-06 06:23:13 (6113 уншсан)

Зүрх зүрхэндээ багталгүй
Хэл гар хоёроороо цавчилдан байдаг
Зүүн хамар хашааны
Тэр гуайнх өчигдөр нүүлээ.
Тэдний буурин дээр
Тэдний,эндэхийн хөөрхөн жаалууд цуглан
Авгай нь нөхрөө шидэж хагалсан шаазангын хагархай
Ад юугаа тайлж амарсан хилэнгийн хэлтэрхийг эвлүүлэж
Сайхан айл болон тоглож байна.

( Сэтгэгдэл [] | Шүлэг | Оноо: 5/1 | Лхагвасүрэн Б )

Шүлэг: Б.Лхагвасүрэн : Өлөгчин чоно
Оруулсан admin on 2008-11-02 21:02:49 (9057 уншсан)

Авын бүрээ тасхийв
Агъ шивээ намсхийв
Морьдын нуруу хотосхийв
Моност нуга балтасхийв
Уулын модод сэрсхийв
Усны толио мансхийв
Сумны гичир өрвөсхийв
Нумны хөвч шазасхийв
Адын догшин уухианд
Агаар газар цавлаж
Асга чулуу шаргиж
Амар жимрээ алдав.
Шуугианы "майд" бахардсан
Шувуудаа тэнгэр зайлав
Шунгах морьдын хөлд
Шороо хөөрцөглөн мандав

( Дэлгэрэнгүй... | Сэтгэгдэл [] | Шүлэг | Оноо: 0/0 | Лхагвасүрэн Б )

Шүлэг: Б.Лхагвасүрэн: Аргаа барсан шүлэг
Оруулсан admin on 2008-10-23 15:12:00 (13488 уншсан)

Өдөр өдрөөр архи хүртэж
Өөдөс өөдөсхөнөөр эрлэг рүү намайг зөөх үр минь
Өрцөн цаанаас тасарч унасан цагаас чинь
Өө тавьсан юм, надад бий билүү үр минь

( Дэлгэрэнгүй... | Сэтгэгдэл [] | Шүлэг | Оноо: 56/12 | Лхагвасүрэн Б )

Найраглал: Б.Лхагвасүрэн : Үр могой
Оруулсан admin on 2008-10-23 03:50:00 (57566 уншсан)

(Домог дууль)

“Устай чулуу тааралдвал үмхэж битгий тоглож байгаарай” могойны өндөг байгаа юм гэнэ лээ…

Дивангарт нэг хүнээс…..
(Эмээгийн захиас)

Эрт урьдын цагт гээд
Үлгэр эхэлдэгггүй байсан үеийн
Амар сайхандаа жаргав гээд
Үлгэр дуусдаггүй байсан цагийн
Элин домог
Алсын хатавчинд ургаж
Айзам шүлгэнд минь яргав....
Зохиогч

( Дэлгэрэнгүй... | Сэтгэгдэл [] | Найраглал | Оноо: 88/18 | Лхагвасүрэн Б )

Шүлэг: Б.Лхагвасүрэн : Уянгын тойрог
Оруулсан admin on 2008-10-05 22:36:18 (18300 уншсан)

Тооноор буусан наран дээр
Хормой хумин
Торгоны хээ золгуулан
Учрал билэгдэн
Ижий нь
Эцгийн нь дээлийг оёно
Өөдрөг явахыг зөгнөж
Өвдгөөрөө энгэр захы нь түшинэ
Тоонын шигшиг дуурайлган
Торгон мяндас нар зөв даллана
Үйл бүтэхийн сэтгэл төвлөж
Үүлэн сүүдрийг мартахын цагт
Үр нь мөлхөж босго даван
Үүлгүй тэнгэрээр татуулж босно

( Дэлгэрэнгүй... | Сэтгэгдэл [] | Шүлэг | Оноо: 43/9 | Лхагвасүрэн Б )

Шүлэг: Б.Лхагвасүрэн : Цагаан согоо ( Домог дууль )
Оруулсан admin on 2008-09-16 01:47:46 (10749 уншсан)

Хэрэйдийн шар талд
Хээлтэй буга сүргээсээ улдаж
Цэцэг дөнгөж яраглах хавар
Чилдэн хөрсөн дээр зорголоо унагажээ
Урамын дуу хээл татсан
Улаан намрын идийг үзжзэ...
Галтай нар хур хулжааж
Гантай зуны ёр салхилж
Эргэн тойрон уруул хатгах сөлгүй
Илэг шиг улцан газар цулгуй
Цагаан согоо
Өдөрчийн газар дэргэж явж
Өл хоол хальт мөлт сөрмөж
Элбэг хөхөндөө сүү нэрж
Эргээд үрдээ бараг л нисэж ирдэг байж
Ганц цагаан согоо ирснээс болж
Ган зуд, гай болох нь... гэж
Нутгийн сүсэг битүү өшиж
Нударга дотроо үгсэх болов...

( Дэлгэрэнгүй... | Сэтгэгдэл [] | Шүлэг | Оноо: 5/1 | Лхагвасүрэн Б )

Өгүүллэг: Б.Лхагвасүрэн : Нулимастай дурсамж
Оруулсан admin on 2008-09-12 21:50:00 (17733 уншсан)

Б.Лхагвасүрэн: Аав минь бороонд норсон өрх шиг зовхио арай ядан өргөж “Эр хүн нулимс ховортой явдаг юм шүү” гэж билээ.
...Ер нь хорвоогийн хүмүүс эцгийг бага, эхийгээ их ярьсаар дуусдаг юм уу даа. Аавыгаа хаа нэг газар явж байгаад их даарахаараа юм уу гутал хувцас муудаж элэх үед л боддог. Бас өлсөх үедээ. Би нэгэнтээ хүйтэн хайруу цагаар хөнжлөө ярж унагаагаад даарч сэрснийхээ дараа аавыгаа их санаж билээ. Аав хүн өтгөн дурдатгал үлдээдэггүй. Ээж шиг ойр байдаггүй учраас тэр байх. Би заримдаа аавтайгаа амьд юм шиг ярьдаг юм.Хов хэлж байгаа юм шиг шүлэг ч бий. Байхгүй юманд тэгж хэлснээр нэгэн бодлын гуниг зовлонгоо эмчилж санаагаа тайвшруулж байгаа хэрэг юм уу даа. Аавыгаа алга болсны нь дараа л үүнийг илүү мэдэрсэн. Гадаад төрх нь адилхан хүнтэй тааралдах, таньдаг хүнтэй нь уулзах сайхан шүү. Миний хувьд тийм хүн их үнэтэй болж билээ.
Аав минь надтай адил нялцгар хүн байгаагүй

( Дэлгэрэнгүй... | Сэтгэгдэл [] | Өгүүллэг | Оноо: 60/12 | Лхагвасүрэн Б )

Шүлэг: Б.Лхагвасүрэн :Тэх хөх мөнхийн уул, миний хүүгийн уул
Оруулсан admin on 2008-08-27 01:51:55 (12302 уншсан)

Ачит эцэг Бавуудаа

Тэлмэн зэрэглээн дунд
Эмнэг адуу шиг цовхчих
Тэр хөх мөнхийн уул
Миний хүүгийн уул

Ургах нарыг
Духдаж дүнхийн
Унах нарыг
Үүрч ханхайлна.
Нар нь шингэдэггүй
Навч нь ганддаггүй
Хөх мөнхийн уул.
Хүүгээ сайн явааг дуулаад
Дэргэдүүр нь дуулж өнгөрсөн
Дуулж байна лээ.

( Дэлгэрэнгүй... | Сэтгэгдэл [] | Шүлэг | Оноо: 5/1 | Лхагвасүрэн Б )

Шүлэг: Б.Лхагвасүрэн : Хүүдээ унших шүлэг
Оруулсан admin on 2008-06-01 21:09:54 (13147 уншсан)

Аав нь хүүгээ согтуу явахыг үзлээ
Азгүй хүнээ би...
Аманд багтдаг байсан тэр хөөрхөн хөл нь
Агуу орчлонг онож ядан тэнчигнэнэ.
Залуу насны багтаж ядсан аагинд
Заамны товч нулимс шиг унаж
Дээл битгий хэл
Дэлхий багадсан чиний насыг аав нь
Үүл хуйлартал янцгаах морьдын
Дэл сүүлний салхин дунд
Үнэн дүнжгэр уулынхаа
Дэнж бэлийн цэцгэн дунд
Бүрэг номхон зантай нь
Бүдрэхдээ гутдаггүй зоригтой нь орхисон сон.
Аав нь хүүгээ согтуу явахыг харахад
Алтан ургын багана ганхаж байх шиг уйтай
Аавыгаа чи лав хоёр болгоно үзэж байгаа.
Нэг нь үхэхэд
Нэг нь үлдэх юм шиг дэвэрч байгаа.
Чи бидэн хоёр хэн хэндээ ганцхан шүү үр минь...

( Сэтгэгдэл [] | Шүлэг | Оноо: 34/8 | Лхагвасүрэн Б )

« өмнөх12 3 4 5 дараах »

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 90 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Тэрэлж
trlj-006.JPG
Хэмжээс: 600x800 251k
Сэтгэгдэл: 0
Үзсэн: 4470

Ц.Батболд Зотон, тос 50x50
Хатад зохиомж
Хэмжээс: 600x585 162k
Сэтгэгдэл: 0
Үзсэн: 5815

khuv5-004.JPG
Хэмжээс: 600x450 61k
Сэтгэгдэл: 0
Үзсэн: 3736

Агуулга

Friday, 2008.03.14
·	Б.Лхагвасүрэн : Еөншиабуу овогт ЛиБойн дурсгалд
·	Б.Лхагвасүрэн : Буруу энгэртэй дээл
·	Б.Лхагвасүрэн : Битгий харай, диваажинг зүүдлэж байж мэднэ...
·	Б.Лхагвасүрэн : Ач хүү Хасарын Хасуйд
·	Б.Лхагвасүрэн : Амьдралын бяцхан зурвас
·	Б.Лхагвасүрэн : Амьдрал
Monday, 2007.04.30
·	Б.Лхагвасүрэн ： Хаврын сар гарангуут ижий минь намайг хүлээнэ
Thursday, 2007.04.19
·	Б. Лхагвасүрэн : Хил дээр бичсэн шүлэг
·	Б. Лхагвасүрэн : Харанхуй
Tuesday, 2007.04.10
·	Б.Лхагвасүрэн : Хайрын сүнс (Дууль)
·	Б.Лхагвасүрэн : Буруу энгэртэй дээл
·	Б.Лхагвасүрэн : Реквием
Thursday, 2008.10.23
·	Б.Лхагвасүрэн : Үр могой
Tuesday, 2023.10.10
·	Б.Лхагвасүрэн : Хуримын зар
Tuesday, 2007.03.20
·	Б.Лхагвасүрэн : Дуртгалын гэрч
·	Б.Лхагвасүрэн : Чинийхээ дэргэд өтөллөө би...
Wednesday, 2007.03.14
·	Б.Лхагвасүрэн : Монголын их хээр тал
Friday, 2007.03.09
·	Б.Лхагвасүрэн : Чи бидэн хоёр
·	Б.Лхагвасүрэн : Заяа нийлье , хоёулаа
·	Б.Лхагвасүрэн : Чамдаа би хайргүй байхын аргагүй
·	Б.Лхагвасүрэн : Ээжийнхээ ачийг аялаа даа
Thursday, 2012.03.01
·	Б.Лхагвасүрэн : Ижий мөрөн
Monday, 2007.02.26
·	Б.Лхагвасүрэн : Хар сүлд
·	Б.Лхагвасүрэн : Сул асгарах нулимс чинь ...
·	Б.Лхагвасүрэн : Зүүд
·	Б.Лхагвасүрэн : Сүсэгтэйдээ бус хайртайгааc
Thursday, 2007.02.15
·	Б.Лхагвасүрэн : Ижийтэйгээ байхад би баян байсан
Monday, 2006.05.15
·	Б.Лхагвасүрэн : Шагнал
Friday, 2006.03.17
·	Бавуүгийн Лхагвасүрэн : Хар сүлд
Tuesday, 2005.12.27
·	Чамаараа би зөндөө гоёсон
·	Хагацахуй
Tuesday, 2005.11.01
·	Б.Лхагвасүрэн: Зүүд
·	Б.Лхагвасүрэн: Нэргүй сургааль
Thursday, 2005.10.20
·	Б.Лхагвасүрэн: Хүйтэн булаг
Monday, 2005.10.03
·	Б.Лхагвасүрэн: Учир нурших шүлэг
·	Б.Лхагвасүрэн: Этюд
·	Б.Лхагвасүрэн: Оршуулгын газар . . .
Friday, 2005.09.23
·	Б.Лхагвасүрэн: Нулимс чинь . . .
·	Б.Лхагвасүрэн: * * *
·	Б.Лхагвасүрэн: Сонет

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn