BIIRBEH.MN by Bataka

Элбэгдорж, Энхболд Зандаахүүгийн, Алтанхуяг энэ тэр шиг жижигхээн дөрөө жийж

Эцсийн далайг зорьсон эрэлхэг, дайчин, баатар эрсийн араас

Шарж Аль Шейхын наран шарлагын газарт хүрээд

Сартай шөнө Сангибат бид хоёр хуванцар сандалд зэрэгцүүлэн суугаад

"Морьтой Чингэс" задлангаа улаан тэнгисийн уурлахыг сонсож

Монгол хэлээр хашхиралдангаа маш удаан

Цогиулахад цаад өвөг дээдэс чинь хас тамгатай дөрөөгөө (Кайр хотын

Цамхаг Цитаделийн хормойд) мулталж лхагва, ням

Гаригт шаазан хуланд айраг сөгнөн хуруудаж, шандаст хүлгээ уралдуулж

Гадуур дотуур бөөн найр, наадам үүсгээд дуусахгүй

Гизагийн сац суваргатай арван хоёр ханат

Гэрээ хүрээ үүсгэн бариулж суугаад шонхор шувуугаа хооллож

Тал нутгаа үгүйлэн тэнхээт нумаа эвшээлгэхэд

Таван зуун тохой өндөр суваргын дээгүүр

Тавьсан сум нь ниссэн болоод сураг тасрахад

Ойрад биелгээ, бэлхүүсийн бүжиг юутай

Ойрхон бэ? Гээд инээлдэн жаргаад

Энхбаяр, Энхтүвшин, Энхболд Миеэгомбын энэ тэр шиг асуудалтай

Элдэв асуудалгүй төмөр, яс, модон дөрөөгөө

Тас хийтэл нь жийгээд хав хийтэл мордохдоо

Тэнгэр мэдтүгэй хэмээн ташуураа өргөснийг

Галсансүхийн дөчин нэгдүгээр оны нэгдүгээр сарын

Гал нохой өдөр ганцаараа бичиглэн суухад

Гадаа цас ганц нэгээр ширхэглэн ширхэглэн шүхэрлэснээ

Галзуурсан лугаа малгайлан орж эхэлвэй

( Сэтгэгдэл [] | Шүлэг | Оноо: 0/0 | Галсансүх Б )

Шүлэг: Б.Галсансүх: Гэгээн гуниглал минь
Оруулсан admin on 2010-06-10 17:06:00 (14348 уншсан)

Гэгээн гуниглал минь
Гадны хүн орж болохгүй гэсэн бичигтэй тэнцүү.
Тунгалаг инээд минь
Тамирдсан сэтгэлийг минь илааршуулахгүй.

( Дэлгэрэнгүй... | Сэтгэгдэл [] | Шүлэг | Оноо: 37/8 | Галсансүх Б )

Шүлэг: Б. Галсансүх : Би ингэж үхнэ - 3
Оруулсан admin on 2009-04-15 00:58:56 (9985 уншсан)

"Тал дээр хэвтдэг нь яс юм аа хө
Тамд очдог нь сүнс юм аа хө
Тавилан заяа нь болдоггүй юм бол
Тамын чинь үүдэн дээр заргатайгаа бууна шүү"
Сийлэн бөөр, далай ван, төмөр зам, адууны умс
Сиймхий гарах, модны холтос, Ромын эзэнт улс
Авсны таг, архины бөглөө, соронзон хальс
Архирах гөлөг, гайхах зөнөг,хадны аньс

( Дэлгэрэнгүй... | Сэтгэгдэл [] | Шүлэг | Оноо: 5/1 | Галсансүх Б )

Шүлэг: Б. Галсансүх : Би ингэж үхнэ - 4
Оруулсан admin on 2009-04-15 00:58:02 (7330 уншсан)

Мөрөн голд дайвалзах навчис дээр нь ялаа амарсан
Мөнгөлөг талын чандаганы мөрөнд нь хурын ус дүүрсэн
Үүр шөнийн заагаар одон гариг уйлсан
Үзэсгэлэн гоо, үүрд, үнэн гэмээр үлгэр адил үгстэй
Хаяад одоход хайран ч харийн нутаг юм даа
Холдоод явахад хоргодмоор ч хүн болж
Хөрсөн дээр нь дахин гишгэмээргүй "хүн болж төр" гэж
Хараал зохиомоор утгагүй ч утга нэхэх амьдралтай
Харийн нутгаас харилаа би.

( Дэлгэрэнгүй... | Сэтгэгдэл [] | Шүлэг | Оноо: 0/0 | Галсансүх Б )

Шүлэг: Б.Галсансүх : Би ингэж үхнэ-1
Оруулсан admin on 2009-03-13 10:29:05 (6966 уншсан)

Харанхуй амьсгаадахад хуруунаас минь гэрэл түгэж
Хана, шат, хүйтэн мэлмийг минь сорж
Хөл минь дээвэр цөмлөн, халуун
Хөлсөнд минь савханцарууд мушгиралдан
Тархинаас минь уур савсаж, хумсны
Толиог минь шоргоолжнууд зөөж
Уруул дээр минь ялаа өндөглөж
Уран хэлийг минь сүлбүүрэн зүүгээр
Сэтлэж, янагийн эрхтэн минь
Сэнгэнэтэл үнэр орон ялзарч
Хүзүүний минь үенд хар хорхойс хавчуулагдан
Хавирга минь хорхой хүрэм тос дааварлан хүрэнтэж
Арьс минь хувь заяатайгаа барьцалдан хатахад
Өнгө, хэлбэргүй сүнс минь намайг орхиоч...
Өлгийтэй хүүхэд хаа нэгтээгээс олж аваач...
Цагаа хар даа...
Цаг хугацаа хар даа...

( Сэтгэгдэл [] | Шүлэг | Оноо: 0/0 | Галсансүх Б )

Шүлэг: Алга
Оруулсан admin on 2009-03-10 20:20:57 (4503 уншсан)

Алга . . .
Алган дээрээ хэн байгааг мэдэх гээд
Алга . . .
Алга минь хэнийг ч зааж өгсөнгүй
Алга
Юу ч алга
Юу ч байхгүйг харсаар суутал
Аль эртийн чимээний зүсийг нь үзэх гээд
Чих миний өрөөсөн нүдийг зээлээд одов
Би хүү бодож авна
Хүү бодож авахдаа
Хэний хүүг авахаа мэдэхгүй хэд хоног сандраад . . .
Хээгүй уйлна
Хээтэй инээнэ
Хэнд ч юм харуулах гэж хоосонг шагайна
Хэнд ч юм харагдах гэж хоосон шагайлгана
Ичих нүүргүй
Ичих нүүргүй ч сайхан л байхдаа

( Сэтгэгдэл [] | Шүлэг | Оноо: 5/1 | Галсансүх Б )

Шүлэг: Б.Галсансүх : Дахиад зүүд - 2
Оруулсан admin on 2009-02-12 14:08:19 (5893 уншсан)

Нэг, хоёр, гурав, дөрөв, тав, зургаа, долоо
Надад үхэх долоон шалтгаан хэрэгтэй
Нэг л ер бусын шүлэг бичих эрчим хүч дутагдвал
Нам өндрийн хүйтэн үзэсгэлэн соронздон татвал
Улаан шаргал үүрийн туяаг хармааргүй санагдвал
Уруул болоод мээмний амт болоод өнгийг үзмээргүй бол
Харь гаригийн хүлгийн дохио хэзээ нэгтээ зүүдлэгдвэл
Хэн нэгний зохиосон диваажинг сонирхмоор санагдвал
Хэн ч зохиогоогүй энэ тамын амьдралаас зугтах хүсэл төрвөл
Нэг, хоёр, гурав, дөрөв, тав, зургаа, долоо
Надад амьдрах долоон шалтгаан хэрэгтэй.
Нэг л ер бусын шүлэг бичих эрчим хүч тэсэрч байвал
Нам өндрийн хүйтэн үзэсгэлэн соронздон татахгүй бол
Улаан шаргал үүрийн туяаг хармаар санагдвал
Уруул болоод мээмний амт болоод өнгийг үзмээр бол
Харь гаригийн хөлгийн дохио хэзээ нэгтээ зүүдлэгдэхгүй бол
Хэн нэгний зохиосон диваажин сонирхолгүй санагдвал
Хэн ч зохиогоогүй энэ тамын амьдралаас зугтмааргүй бол
Нэг, хоёр, гурав, дөрөв, тав, зургаа, долоон зуун жил
Намайг хэзээ ч хаана ч гэсэн харж болно
Би байна...
Би байхгүй...

( Сэтгэгдэл [] | Шүлэг | Оноо: 0/0 | Галсансүх Б )

Шүлэг: Б.Галсансүх : Хулгайчидтай нийлсэн ч
Оруулсан admin on 2009-01-15 22:31:26 (8410 уншсан)

Хулгайчидтай нийлсэн ч

Хулгайч болоогүй минь хурмастын таалал
Луйварчидтай нийлсэн ч
Луйварчин болоогүй минь лус савдгын таалал
Янхан завхай хүмүүстэй нийлсэн ч
Янхан завхай болоогүй минь сүнсний минь таалал

( Дэлгэрэнгүй... | Сэтгэгдэл [] | Шүлэг | Оноо: 0/0 | Галсансүх Б )

Шүлэг: Б.Галсансүх : Зөнөсөн өвгөний яриа шиг өвлийн
Оруулсан admin on 2009-01-15 22:30:02 (5429 уншсан)

Зөнөсөн өвгөний яриа шиг өвлийн
Зовлонт өдрүүдэд цуйвангийн мах хэрчих
Цай чанах эгшинд бүрэнхий нөмөрч
Цас гадаа хэн нэгний хөлийн доор
Чарлистон бүжих шиг чахрана

( Сэтгэгдэл [] | Шүлэг | Оноо: 1/1 | Галсансүх Б )

Шүлэг: Б.Галсансүх : Ээждээ зориулсан шүлэг
Оруулсан admin on 2008-12-13 08:08:20 (11524 уншсан)

Үгээрээ залуурдаж үйлээрээ хөтөлсөн
Үггүй ойлгуулж харцаараа ухааруулсан
Сүүгээрээ тэжээж чадлаараа өсгөсөн
Совингоороо мэдэрч ерөөлөөрөө хамгаалсан
Ийм ээжтэй байх мөн ч сайхан даа.
Зүрхээрээ шаналж зөвлөж дэмжсэн
Зүүдээрээ манаж зааж сургасан
Урмаар тэтгэж бурмаар шагнасан
Ухаанаар ялж итгэлээр зоригжуулсан
Ийм ээжтэй байх мөн ч сайхан даа.
Нулимсаараа зэмлэж инээдээрээ баярлуулсан
Насаараа зовж араас минь санааширсан
Бүдрэхэд минь түшиж бухимдахад минь аргадсан
Буян хурааж бусдын төлөө насаа нэмсэн
Ийм ээжтэй байх мөн ч сайхан даа.

( Сэтгэгдэл [] | Шүлэг | Оноо: 9/2 | Галсансүх Б )

Шүлэг: Б.Галсансүх : Ганцаараа амьдрахад
Оруулсан admin on 2008-12-13 08:07:04 (5502 уншсан)

Толь ичихгүй, Тогоо шаналахгүй
Таваг эвшээлгэхгүй, TV гомдохгүй
Хутга айхгүй, Хайч хялалзахгүй
Хундага шартахгүй, Халбага хөгшрөхгүй
Хана хөлгүй, Хаалга хумсгүй
Хивсэнцэр зүүдлэхгүй, Хөнжил хөлдөхгүй
Цай цангахгүй, Цоож унтахгүй
Цахилгаан зуух даарахгүй, Цамц даарахгүй
Цонх зугтаахгүй, Цүнх зугтаахгүй
Ус буцалгагч уйдахгүй, Унтраалга уурлахгүй
Уртасгагч учирлахгүй, Утас уйлахгүй
Данх ядрахгүй, Далавч минь бутрахгүй
Давс гашлахгүй, Дэр халууцахгүй
Сандал сандрахгүй, Сэрээ сэрэхгүй
Саван сахалгүй, Сойз нүдгүй
Салхивч онгойхгүй, Сам салхилахгүй
Ширээ чихгүй, Шал хэлгүй
Шүүр шүүрс алдахгүй, Шанага шилрэхгүй
Аяга амрахгүй, Алчуур инээхгүй
Амьдралд дасахгүй, Номнууд ярилцахгүй
Чийдэн шүдгүй, Чигчлүүр сэнжгүй
Чи минь байхгүй, Би бухимдахгүй

( Сэтгэгдэл [] | Шүлэг | Оноо: 0/0 | Галсансүх Б )

Шүлэг: Б.Галсансүх : Хоол идэж суухад өлссөн хүн харах шиг
Оруулсан admin on 2008-11-13 07:15:49 (4733 уншсан)

Хоол идэж суухад өлссөн хүн харах шиг
Ходоодных нь шүлс ялгарч өлөн шүлсээ залгих шиг
Хэн ч хараагүй чамайг харахсан гэж бодоод л
Хамгийг халиагч чамайг харж байгаад итгээд л
Үхдэггүй, үрждэггүй сайхан хүүр ээ чи...
Зүрх амаар гарах гээд зүр зүр савлах шиг
Зүүд, зөндөө тарчилж, зовж өглөө болох шиг
Хэн нэгний бодож олсон хоосон дүрийг чинь шүтээд л
Хэрэггүй, танихгүй бурхныг хэдэн жилээр ч хүлээгээд л
Үхдэггүй, үрждэггүй сайхан хүүр ээ чи...
Нүднийхээ хорыг гаргаж ч чадахгүй ажиллах шиг
Нэг мөсөн унтаад хамаг ядаргаа арилах шиг
Оршин суух хаяггүй чам руу очно гэж мөрөөдөөд л
Одоо ирж аваад диваажинд хүргэнэ гэж горьдоод л
Үхдэггүй, үрждэггүй сайхан хүүр ээ чи...
Тэвдэж сандарч явахад танихгүй хүн туслах шиг
Тус болсонд нь баярлаад ач санаж үлдэх шиг
Хамаг хайраа надад зориул гэж уурлаад л
Хаяж чамайг тамд тарчилгана гэж айлгаад л
Үхдэггүй, үрждэггүй сайхан хүүр ээ чи...

( Сэтгэгдэл [] | Шүлэг | Оноо: 14/3 | Галсансүх Б )

Шүлэг: Б.Галсансүх : Хүүхэд засварын газар
Оруулсан admin on 2008-10-24 02:23:54 (6214 уншсан)

Том хүн шиг
Томоотой байвал
Хүүхэд засварын газар
Хүргээд өгчихнө шүү
Мөрөөдлөө ярьж
Мөөмнөөсөө гарахгүй бол
Хөлөн дээр минь гишгэж
Хөөрч дэвхцэхгүй бол
Жаахан хүүхэд засварын газар
Жинхэнээсээ аваачиж өгнө шүү
Бороо ороход
Баярлаж гүйхгүй бол
Солонго татахад
Сонирхож харахгүй бол
Дэргэд ойрхон байгаа
Дэггүй хүүхэд засварын газар өгчихнө шүү
Гэтэж мяраагаад
Гэнэт цочоовол
Урхидаж хуураад
Уйлтал зовоовол
Том хүн засварын газар
Торонд хийгээд тушаачихна шүү.

( Сэтгэгдэл [] | Шүлэг | Оноо: 2/2 | Галсансүх Б )

Шүлэг: Б.Галсансүх : Дондог, Янжмаа хоёр
Оруулсан admin on 2008-10-02 20:56:17 (12938 уншсан)

Дондог, Янжмаа хоёр
Дээвэр дээр суугаад
Өвс татна
Цавуу үнэрлэнэ
Дондог Морьтой болохыг хүснэ
Янжмаа үртэй болохыг хүснэ

( Дэлгэрэнгүй... | Сэтгэгдэл [] | Шүлэг | Оноо: 10/2 | Галсансүх Б )

Өгүүллэг: Б.Галсансүх : Эгшиглэнт хэмнэл нэгэнтээ ирвэл
Оруулсан admin on 2008-09-03 10:17:53 (5867 уншсан)

Эгшиглэнт хэмнэл нэгэнтээ ирвэл
Эргэж хэсэгтээ надаас явдаггүй.
Аялгуу төгс тэрхүү айзмыг
Алдчихвий гэхдээ би газраар явдаггүй
Бие цогцос минь тайлагдашгүй хэмнэлд автахад
Баяр баясгалан намайг эзэмддэг.
Хэлхийн эрхгүй тийм аялгуунаас болж би
Хэн нэгний нүдэнд хачин этгээд харагддаг.
Надааар дүүрэн тэрхүү аялгуунаас болж
Нойрсож амрахыг умартах сайхан байдаг.
Үгээр хэлшгүй эгшиглэн үргэж холдохвий гэхээс
Үнэндээ би түгшдэг ч жаргалтай болдог.
Намуун болоод гэгээн хэмнэл
Нэг л мэдэгхэд намайг орхисон байдаг.
Нисэж нисэж газар дээр буугаад би
Нялх хүүхэд шиг тэнцэж ядан хөлд ордог

( Сэтгэгдэл [] | Өгүүллэг | Оноо: 0/0 | Галсансүх Б )

Шүлэг: Б.Галсансүх : Нүдийг минь нээмүй
Оруулсан admin on 2008-06-16 03:51:52 (8125 уншсан)

Царцаахайн мөнгөн царгиа
Салхины алтан сэрчигнээтэй нийлээд
Цам харайх тогрууны бүжигэнд
Хүн байтугай хулгана хүртэл автаад
Нуурын дээрээс манан халамцан хөөрөхөд
Нугас ангир дуугараад
Нуугин шуугих нарсан ойн гоо үзэсгэлэн
Нүдийг минь нээмүй

( Дэлгэрэнгүй... | Сэтгэгдэл [] | Шүлэг | Оноо: 10/2 | Галсансүх Б )

Шүлэг: Б.Галсансүх : Бурханд хэлэх зөвлөгөө постпанк шүлгүүдээс
Оруулсан admin on 2007-12-16 03:32:00 (10545 уншсан)

Хоол идэж суухад өлссөн хүн харах шиг
Ходоодных нь шүлс ялгарч өлөн шүлсээ залгих шиг
Хэн ч хараагүй чамайг харахсан гэж бодоод л
Хамгийг халиагч чамайг харж байгаад итгээд л

Үхдэггүй, үрждэггүй сайхан хүүр ээ чи...

( Дэлгэрэнгүй... | Сэтгэгдэл [] | Шүлэг | Оноо: 19/4 | Галсансүх Б )

Шүлэг: Б.Галсансүх : Сэтгэл
Оруулсан admin on 2007-12-16 03:30:00 (12261 уншсан)

Миний сэтгэл гонзгой урт-улаан хоолой шиг
Мушгирч уурлахаараа пөмбийж хавагнаад томболздог.
Баярлахаараа агшиж сунаад агшиж сунаад агшиж сунаад
Байдгаараа тэлээд тэлээд тэлээд, тэгээд сөөчихдөг.

( Дэлгэрэнгүй... | Сэтгэгдэл [] | Шүлэг | Оноо: 15/3 | Галсансүх Б )

« өмнөх12 дараах »

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 177 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Өвөрхангай
ubr-008.JPG
Хэмжээс: 1280x960 602k
Сэтгэгдэл: 0
Үзсэн: 4122

Должин : 2007 оны аялал
mongolia2007year-221.JPG
Хэмжээс: 600x450 51k
Сэтгэгдэл: 0
Үзсэн: 3913

Должин : 2007 оны аялал
mongolia2007year-033.JPG
Хэмжээс: 600x450 81k
Сэтгэгдэл: 0
Үзсэн: 3770

Агуулга

Friday, 2007.04.06
·	Б.Галсансүх : Англи хэлэнд итгэж зориулав
Wednesday, 2006.03.22
·	Б.Галсансүх : Мастурбаци
Monday, 2005.12.12
·	Б.Галсансvх: Символист- хүн судлал
Friday, 2005.11.18
·	Б.Галсансүх: Сонгодог авангард-Хүн судлал
Thursday, 2010.06.10
·	Б.Галсансүх: Гэгээн гуниглал минь
Thursday, 2005.11.17
·	Б.Галсансүх: Хувь заяатайгаа би ...
Wednesday, 2005.11.16
·	Б.Галсансүх: Сентименталист-Хүн судлал
·	Б.Галсансүх: Шивээстэй бүсгүйн хаалга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn