BIIRBEH.MN by Bataka

Шүлэг: Б. Ганзориг : Цаснаар ирсэн хайрын аялгуу
Оруулсан admin on 2010-12-27 03:22:00 (5835 уншсан)

Цасан ширхэг эргэлдэн бүжсээр
Цээжний гүнээс догдлол айсуй
Чамайг сансан сэтгэлийн алсад
Чамд дуулсан дуу эгшиглэнэ

Харцаараа учраад сэтгэлд тэмүүлсэн
Хайрын болзоонд цаснаар ирээд
Шинэ жилийн үнсэлт шиг
Чамайг хөглөсөн миний аялгуу

Өвөлөөр ургасан улаан сарнай
Цаснаар цоморлогоо дэлгээд энхрийхэн
Холын тэртээд одод гэрэлтээд
Хайрын бүжигэнд чамайг дагана

Цагаахан гантиг гэрлийн гялбаа
Цайран харагдах цасан өнгө
Хайрт чинийхээ гараас хөтлөөд
Хүний хорвоогийн харгуйгаар алхана.

( Сэтгэгдэл [] | Шүлэг | Оноо: 8/2 | Ганзориг Б )

Шүлэг: Б.Ганзориг : Есдүгээр сарын шүлэг
Оруулсан admin on 2010-09-01 12:37:00 (9340 уншсан)

Ижилдэн дассан нөхдөөн үгүйлсээр
Эрдмийн гэгээн өргөөндөө ирлээ
Ижий шиг минь санагддаг
Эгэл даруухан багшдаа үнсүүллээ

Холын шувууд нутагтаа буцаж
Намрын тухай зураг л үлдлээ
Хүслийн цэнхэрхэн далайн чимээтэй
Балчирхан насыг минь хонхны дуу угтлаа

( Дэлгэрэнгүй... | Сэтгэгдэл [] | Шүлэг | Оноо: 6/2 | Ганзориг Б )

Шүлэг: Б. Ганзориг : Миний залуухан хайр
Оруулсан admin on 2007-12-30 03:09:00 (6832 уншсан)

Зүсийг чинь ганцхан удаа харсан ч
Зүйрлэшгүй гоё сайхныг тэр өдөр олсон
Зүрхэнд минь цэцэгс цомирлогоо нээгээд
Зуун жилээр амьдармаар тэнд би сэтгэлээ үлдээсэн

Наран зүгийн салхи зөөлөн сэвэлзсээр
Миний ертөнцийг гуниггүйхэн илбэхэд
Надад ирсэн чимээгүй дурлалын
Мөнхийн аялгуу нь чи байлаа

Харцаараа сэтгэлрүү минь тас цохчихоод
Холын бүсгүй цааш алхсан
Бүжин наадах салхины аясаар
Бодол минь чамтай хамт явсан

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Шүлэг хайр хоёр
Оруулсан admin on 2007-10-29 03:53:46 (5927 уншсан)

Миний амьдрах хорвоо дэндүү сайхан
Надад хайртай явсан бүсгүйчүүдийг
Мөнх бусын тавилан гэж нэрлээд
Насны цас будрах жавартай ханьсаж

Миний сэтгэл алдарсан бүсгүйчүүдийн
Зураг унтлагийн өрөөны хананд өлгөөтэй байдаг
Маргаашийн тухай бодож та нарын хэнтэй ч
Зүрхнийхээ угаас ярилцаж байгаагүй юм байна

Сайхан бүхний эхэнд харц минь ундагггүй болохоор
Санаандаа би амьдралтай явахыг хүсэж
Сар жилүүдийн шуурган дунд
Салхи шиг гандаж явсаар

Залуухан дурлалын гунигт би дарагдаагүй
Зүрхэндээ үнэнч хайр минь
Зүсээр гоодсон охид байгаагүй ээ
Зунаараа дэлгэрсэн шүлэг минь
Миний хайр байсан
Тэгэхээр шүлэг хайр хоёр
Миний ойрын хамаатан юм байна.

2007-10-15

( Сэтгэгдэл [] | Шүлэг | Оноо: 1/1 | Ганзориг Б )

Шүлэг: Б.Ганзориг : 4 мөртүүд
Оруулсан admin on 2007-10-29 03:52:33 (5147 уншсан)

Хайрын тухай битгий яриа ч хүмүүсээ
Тэнд чинь хайр байхгүй юм байна
Хэн хэндээ итгэх тухай бодооч
Тэр л хайрын эхлэл сэтгэл юм байна.

Б.Ганзориг

( Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Хайр гэж...
Оруулсан admin on 2007-10-29 03:51:15 (6412 уншсан)

Хар багадаа хайрласан бүсгүй минь
Хожмын өдрийн дурьтгал битгий байгаач
Чамд өгсөн сэтгэлээ анхны цас шиг цагаахан гээд
Чамаас олсон бүхнээ өөрт минь ирсэн аз жаргал гээд

Хайрын төлөө үхтлээ тэмцэнэ
Хамаагүй ээ чи надад дурлахгүй байсан ч болно

Нүдэн тойромоосоо нулимсан сувд бүү унгаарай
Нууцхан цохилох зүрхний минь цохилтыг битгий тоолооч
Сэтгэлээсээ чамайг явуулж чадахгүй болохоор
Сар жилүүдийг амьдрал надад гэгээн байдаг

( Дэлгэрэнгүй... | Сэтгэгдэл [] | Шүлэг | Оноо: 10/2 | Ганзориг Б )

Шүлэг: Б.Ганзориг : Хавар намар хайрын тухай
Оруулсан admin on 2007-10-29 03:49:39 (7428 уншсан)

Зүүд эргэх үдшээр яргуй нялхараад
Зүрхэн сүмийн нутагт бороо царай юу
Зүсээр ижилхэн ханийн болзоонд
Зуун дамнаж эцгийн минь гэрт ирчихээд

Нутаг холын бүсгүй ахтай минь ханилах гэнэ
Нуур тойрмын шувуудын ганганаан дуунд
Нууцхан чандаас зүрх догдлож уяраад
Нууж чадаагүй дээ сэтгэлээ би эгчмэдхэн бүсгүйгээс

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Сүүлчийн бороо
Оруулсан admin on 2007-10-29 03:47:58 (6230 уншсан)

Би зүрхтэй юм байна
Бодож байгаагүй зүйлээ бодлоо
Дурлаж үзээгүй юм байна
Дурлалыг шүтээгүй юм байна

Тэр намрын зураглал сэтгэлд
Найрагч бүсгүйтэй хамт үлдэж
Тэндэхийн бүх юм үзэсгэлэнтэй
Намайг хөглөх тухай бодсон

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Бүсгүй минь чи надад хайртай байсан гэв үү
Оруулсан admin on 2007-10-29 03:46:22 (4679 уншсан)

Сандаггүй ээ бүсгүй минь чи надад хайртай байсан гэв үү
Санаандаа иргэж буцдаггүй болохоор чиний тухай дурсамж л үлдэж
Салхитай байсан тэр үдэш миний хацрыг нулимс зүсээд
Сартай зөргөөр танихгүй залуутай сугдаад л одсон
Мартаж чаддаггүй юм даа тэр агшинийг
Маргаашийн тухай бодохоор гунигтай ч юм шиг
Чиний явсан зүгийн салхи зэсрүүн салхилаад
Чамд тоогдох гэж иргэж гүйгээгүй болохоор
Хожуу цагийн босгон дээр
Хайрын тухай хайрлуулах гэж ирээ юу
Үгүй дээ үгүй би буцмааргүй байна
Үлгэрийг жаргаж төгсдөг гэж бүү бодоорой
Үнэн сэтгэлээ чи хаана ч юм гээчихсэн
Үүрийн гэгээ шиг хүйтэн байхыг би хүсэхгүй
Чамд өгсөн сэтгэлээ хайр гэж тунхаглаад
Чиний намайг орхиод явсан тэр үдэш
Хагдарсан навчис шиг бүгдийн хийсгэсэн
Хамаагүй чи хэнд ч дурлаж болно
Ганцхан надад л биш...

Б.Ганзориг

( Сэтгэгдэл [] | Шүлэг | Оноо: 9/2 | Ганзориг Б )

Шүлэг: Б.Ганзориг : Нуурийн эрэг дээр
Оруулсан admin on 2007-10-29 03:44:52 (5996 уншсан)

Тэр хаврыг би сэтгэлдээ зурахыг хүслээ
Тэнгэрийн хаяа шаргалтаад
Тод улаан туяа
Тэртээх уулсын оройд тусаад
Сэтгэлээ өгсөн
Нутгийн бүсгүй чамтай
Сэр сэрхэн салхин дор
Нууцхан догдолж алхсанаа
Тунгалаг усны шуугиан
Хөгжим шиг аялгуутай
Тогоруун цуваа хайрын дуу шиг
Хажууханд ганганалдаад
Яасан ч гэгээн гуниг вэ

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Гадаа
Оруулсан admin on 2007-10-29 03:43:38 (4353 уншсан)

Сэтгэлийг байгалийг хорвоогийн өнгө олчихож
Санаад минь эв элхэн байна
Салхи салхилж байсан намрын тухай зургалалтай хамт
Сарны хүүхдүүд нар жаргахаас өмнө өдрийг харах гэж

Саарал үүлний цаанаас бодол хийлж
Хүний хорвоог шохоорхож хараад л
Сэм сэмхэн гунигаа мартаад
Хамаагүй навчис шаргалтаад

Тэр сонин харагдаж байгаа тухай
Бодоод ч олохгүй гэдгийн чинь мэдэж
Миний намарт сарны хүүхдүүд дурладагүй юм
Мэдэж авцгаа тэр чинь миний сэтгэл
Намрын тухай бодсоных.
Орой болчихож

2007-10-15

( Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Миний хайсан харц
Оруулсан admin on 2007-10-29 03:13:59 (4801 уншсан)

Чиний инээмсэглэл хөгжим шиг
Тэр аялгуунд сэтгэлээ согтоомоор
Чамд зориулж шүлэг бичээд
Тэр орон зайг дурлал гэж нэрлэхсэн

Зөрөг замаар алхсаар
Надад харцаараа баяртай гэх шиг
Зүүдний гудамжинд минь урилгагүй ирчихээд
Нарнаар дуугүй буцаад л явсан

Маргаашийн тухай чи төсөөлсөн үү
Магад би чамайг бодсон
Дахиад л чиний замыг тоссон
Даанч чи яваагүй

Тэр өдрөөс хойш
Чиний инээмсэглэл хөгжмийн аялгуутай сонсогдож
Тэнд л надтай учирсан бүсгүйн
Намайг ширтсэн харц дурсамж болсон...

Б.Ганзориг
Улаанбаатар хот 2007-10-22

( Сэтгэгдэл [] | Шүлэг | Оноо: 5/1 | Ганзориг Б )

Шүлэг: Б.Ганзориг : Захидал бичиж амжсангүй
Оруулсан admin on 2007-10-29 03:12:38 (6017 уншсан)

Сайхан байсаан анхны учрал минь
Сарыг өртөөлж гэрийн чинь үүдэнд очоод
Дуудаж уулзах зориг надад байгаагүй ээ
Дурласан хүн хайртай хүндээ зориг гарагдаггүй юм байна лээ

Дуу шиг гэгээн байхыг хүсээд
Дандаа бодолдоо цагаан гунигтай явдагсан
Чиний явсан замаар өглөө бүр
Чамд тоогдох гэж алхахдаа

Чиний сайхнаар амьдралыг гоёж
Чамаараа хайрын шүлэг цээжиндээ тэрлэж
Сэмрэх гунигаа салхинд хундаглаж дайгаад
Сургуулийн зүг араас чинь дагдагсан

( Дэлгэрэнгүй... | Сэтгэгдэл [] | Шүлэг | Оноо: 10/2 | Ганзориг Б )

Шүлэг: Б.Ганзориг : Би хэнд таалагдах ёстой юм бэ.
Оруулсан admin on 2007-10-29 03:10:29 (6459 уншсан)

Урьд хайрласан бүсгүй намайг тоогоогүй шиг
Учралдаа шатсан хэн нэгэн хайрын тухай дуулах шиг
Уяралын аялгуу зүрхэнд эгшиглүүлж хожуу цагийн босгон дээр
Урдийн бүсгүй сэтгэлийг минь ирэх шиг
Би буцаж хайрлахгүй
Дурсамжиндаа хадгална түүнийг...

Гунигийн бороо зүсэрсэн үдшийн тухай
Гэнэн сэтгэлээр бодсон тэнэглэлийн тухай
Эцэгтэй ширүүн үг чулуудаж гомдооно гэж бодоогүй
Эцсийн сургаалийг нь сонсоогүй тухай
Би хожим халаглаж бичнэ
Дахиж надад олдохгүй учраас нандигнана

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Аравдугаар сарын шүлэг
Оруулсан admin on 2007-10-29 02:57:34 (6085 уншсан)

Бороо цас холилдож орсон аравдугаар сарын зургааны өдөр
Бодолд минь гуниг нэрээд тэр бүсгүй надаас явсан
Болж бүтэх заяаны дэнсэн дээр хайрын цэцэгс хагдарч
Бүтэн заяаны зурвас буцахын шалтагтай байжээ.

Хайрласан сэтгэлийн гэгээн наран өглөөгүүр жаргадаг тухай
Хаа холын үлгэрээс уншиж байсан болохоор
Хажууд ханьссан бүсгүй дэр нэгтгэхгүй гээд
Хачин янзийн уйтгартай бодолхийлж

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Амьдралаас урссан аялгууг би хайр гэж бодном
Оруулсан admin on 2007-10-29 02:55:06 (4381 уншсан)

Амьдралаас урссан аялгууг би хайр гэж бодном
Алдарсан сэтгэлийн учгийг тайлж
Алсын алсад орших байгальд ургах
Амар амгалангуй цэцэг

Надаас хол байгаагүй ээ
Намрын өвсны толгойд
Шүүдрийн гялбаа туссан
Шижир туяат наран

Сүүлчийн хонхны дуутай
Баяртай гээд одох шиг
Сэм сэмхэн гунигаан дайгаад
Тэнд л үлдсэн...

Улаанбаатар хот
2007.10.09 Б.Ганзориг

( Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б.Ганзориг : Арван долоотойд сэтгэл алдарсан бүсгүй
Оруулсан admin on 2007-10-29 02:53:39 (4535 уншсан)

Арван долоотойд сэтгэл алдарсан бүсгүй
Анхны хайр минь байлаа
Хэнд ч өгмөөргүй чамайг
Холоос нууцхан харж явсан

Сургуулийн жилүүд өндөрлөж
Сурагч насаа үдэх агшинд
Гараас чинь атгаж
Гэнэн ч юм шиг

Хайрласан сэтгэлээ илчилэхийг хүссэн
Хамаагүй эндүүрч бодсон болохоор
Тэр агшинд надад тийм тавилан байсангүй
Тэвэр тэвэр салхи л үлдсэн чамаас

Баяр гунигийн агшин үргэлжилж
Бодолдоо чамайг мартаагүй
Яасан ч хурдан юм цаг хугацаа
Ятгын эгшиг адил

Надаас хол байгаа
Ангийн минь бүсгүй
Намрын сүүлчийн бороо шиг
Алсаас сонсогдох аялгуу юм.

Бямбасүрэнд бичив. Б.Ганзориг

( Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б. Ганзориг : Ирээдүйд илгээх захидал
Оруулсан admin on 2007-09-01 03:24:44 (7798 уншсан)

Зуун жилийн дараа миний үргэлжлэл
Зовлонт орчлонд байх үгүй хэн ч мэдэхгүй
Зүрхнээс минь асгарсан шүлэг бүхнээ
Захидал болгож ирээдүйд илгээнэ…
Миний одоо байгаа ертөнцийг
Монголоор нь үлдээх гэж
Төлөвшиж тогтоогүй гэнэн бодолтой
Танхилхан үрсийн минь амьдрах
Тэр хожуу цагийн дор
Тэвэр тэвэр цэцэг өргөж

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б. Ганзориг : Харьд гарсан бүсгүй
Оруулсан admin on 2007-09-01 03:19:08 (5893 уншсан)

Яасан ч ихээр гуниглана вэ
Ямархан саран дор учирсан болоод
Сормуусан дор чинь нулимсан сувд
Сондор эрхлүүлж хүлээнэ вэ

Цэцэг түүж явсан
Цэнхэр тал чинь чамайг санаад
Цээл уяхан хоолойн чимээ
Цээжний цаанаас эгшиглэж

Багадаа дуулсан дууны хөг
Одоо хүртэл тасраагүйг
Бууж суусан чулууд чинь
Орчлонд хадгалсаныг санаарай

( Дэлгэрэнгүй... | Сэтгэгдэл [] | Шүлэг | Оноо: 0/0 | Ганзориг Б )

Шүлэг: Б. Ганзориг : Чи минь
Оруулсан admin on 2007-09-01 02:58:35 (4788 уншсан)

Хайрын гэгээтэй нарнаар шивэрсэн
Хүслийн цэнхэрхэн бороо шүү дээ чи
Зуны салхитай ханьсан бүжсээр
Зүрхэнд ургасан цэцэгхэн шүү дээ чи

Өнгө өнгөөр гоёоогүй болохоор
Өөрөөс чинь илүүг харлахгүй
Орчлонд заяасан ганцхан зүүдэндээ
Оддын гэгээтэй учирсан даа

Хайрын тэнгэрт саран гэрэлтээд
Үдшээр нялхарсан яргуй шүү дээ чи
Хажууд минь суугаад эрхэлсэн
Үлгэрийн янагхан дагина шүү дээ чи

Цэцэгс цомирлогоо дэлгээд мишээсэн
Цэнгэг улиралын эрвээхэй шүү дээ чи
Цээжний гүнээс асгарч оргилсон
Цэвэр ариухан сэтгэл шүү дээ чи

( Сэтгэгдэл [] | Шүлэг | Оноо: 5/1 | Ганзориг Б )

« өмнөх12 3 дараах »

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 138 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-257.JPG
Хэмжээс: 600x800 242k
Сэтгэгдэл: 0
Үзсэн: 3916

Должин : 2007 оны аялал
mongolia2007year-186.JPG
Хэмжээс: 600x450 138k
Сэтгэгдэл: 0
Үзсэн: 3900

Должин : Зам зуур
zam-028.JPG
Хэмжээс: 600x450 136k
Сэтгэгдэл: 0
Үзсэн: 4139

Агуулга

Saturday, 2007.09.01
·	Б.Ганзориг : Аялгуут насны хайр
·	Б.Ганзориг : Хайрыг хайрла
Wednesday, 2010.09.01
·	Б.Ганзориг : Есдүгээр сарын шүлэг
Saturday, 2007.09.01
·	Б.Ганзориг : Нэгэн бүсгүйд
·	Б. Ганзориг : Би зогссоор…
Thursday, 2007.06.21
·	Б. Ганзориг : Хорин жилийн хайр
·	Б.Ганзориг : Ээжээ би таньд хайртай
Monday, 2007.06.18
·	Б.Ганзориг : Хайртдаа
·	Б.Ганзориг : Би эмзэг
·	Б.Ганзориг : Хайр өөрөө хагацал
·	Б.Ганзориг : Миний ойлгодоггүй дүрэм
·	Б.Ганзориг : Сэтгэл урсана
·	Б.Ганзориг : Хайртаа санаж бичсэн шүлэг
·	Б.Ганзориг : Ээждээ бичсэн захидал
·	Б.Ганзориг : Нас
·	Б.Ганзориг : Хайрын сэтгэл
·	Б.Ганзориг : Ээжээ санаад
·	Б.Ганзориг : Надаар дутаж яваа бүсгүйд
Thursday, 2007.06.14
·	Б.Ганзориг : Даруухан тэр бүсгүй
·	Б.Ганзориг : Тэр орой бороо орж байсан ...
·	Б.Ганзориг : Миний ойлгодогүй дүрэм
·	Б.Ганзориг : Хүлээж бичсэн шүлэг
·	Б.Ганзориг : Шүлэг шиг бүсгүй
·	Б.Ганзориг : Зөрөг бүсгүйд

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn