BIIRBEH.MN by Bataka

Шүлэг: Ц.Доржсэмбэ: ЧИНИЙ САЙХАН ГАРЫН ХҮЙТЭН
Оруулсан admin on 2023-10-19 10:40:23 (1314 уншсан)

Халуун галын хажууд

Халж суунам

Гаднаас авчирсан жавараа

Гаргаж суунам

Гадаа танилцсан хүүхний

Гар хэчнээн хүйтэн ч

Гоё сайхан санагдсан сан

Халуун галын хажууд

Халж суунам

Гаднаас авчирсан жавараа

Гаргаж суунам

Гарсан тэр жавартай хамт

Гараад явчихаагүй л байгаасай

Чиний сайхан гарын хүйтэн...

( Дэлгэрэнгүй... | Сэтгэгдэл [] | Шүлэг | Оноо: 0/0 | Доржсэмбэ Ц )

Шүлэг: Ц.Доржсэмбэ: ЦАС БОРОО
Оруулсан admin on 2023-10-19 10:36:47 (1917 уншсан)

Чамтай л харсан цас

Жинхэнэ цас байсан

Жигүүртэй цас байсан

Түүнээс хойш

Тийм цас ороогүй

Ороогүй гэж бодсон

Ой дурдатгалын минь тойрон

Одоо ч цас орсоор л байна.

Чамтай л норсон бороо

Жинхэнэ бороо байсан

Жигүүртэй бороо байсан

Түүнээс хойш

Тийм бороо ороогүй

Ороогүй гэж бодсон

Ой дурдатгалын минь тойрон

Одоо ч бороо орсоор л байна...

( Дэлгэрэнгүй... | Сэтгэгдэл [] | Шүлэг | Оноо: 0/0 | Доржсэмбэ Ц )

Шүлэг: Ц.Доржсэмбэ : НАМАЙГ ХАРСАН НҮД
Оруулсан admin on 2023-10-18 14:43:10 (1472 уншсан)

Намайг харсан нүдээрээ

Өвгөн хэрээ

Хоёр зуун жилийн дараах

Намрыг харна

Доржсэмбийн шүлэглэсэн

Намар цаг

Домог болон

Үлдэнэ ээ хөөрхий....

( Дэлгэрэнгүй... | Сэтгэгдэл [] | Шүлэг | Оноо: 0/0 | Доржсэмбэ Ц )

Шүлэг: Ц.Доржсэмбэ : Өлзийтийн суурин минь
Оруулсан admin on 2008-01-25 01:56:16 (5685 уншсан)

Дотно нандин бүхэн минь шаналгаат самуурлаар дуусч байхад
Шөнийн гийчин болж харанхуйд чинь би ирлээ
Нохдынхоо дуу шиг элэгсэг дотноор угт даа
Шуурган цастай нэгэн сарын Өлзийт минь
Хулгайч нь хүртэл ийм шуургаа зүхдэггүй
Хувь заяаны чинь нэгэн шөнөөр аяны үүргэвчтэй
Хашааны нөмөрт гэмтэн мэт зогсох надаас
Халуун сэтгэл хайх мэт салхи нь исгэрэн заам ярна.
Ай тэр гэрийн минь тооноор гэрэл үзэгдээд
Алиахан ээжийн энгэрт дүү минь үнэгчлэн байгаа
Атгасан гарт нь ч хайр шингэсэн аав минь
Амбаарынхаа дээврийг босгоод л амжжээ ганцаараа
Асаасан янжуурын улаан цог улалзуулан алхахыг минь
Араас дагах нохдын чинь дуу л бүхэнд илчилнээ, суурин минь

( Сэтгэгдэл [] | Шүлэг | Оноо: 10/2 | Доржсэмбэ Ц )

Шүлэг: Ц.Доржсэмбэ : Хэнд би таалагдах ёстой вэ?
Оруулсан admin on 2008-01-25 01:55:16 (5182 уншсан)

Хэнхдэг цээжний минь цаанаас
Хэмжээлшгүй гоёор нахиалсан модыг
Хүн бүгд л зөөлхөнийг нь гайхаж
Хуруу гараа сунгацгаадаг сан
Хамаг амьдралын хуудсуудын
Хагасыг нь эргүүлчихээд хартал
Хайр татсан модны минь мөчирт
Хурц өргөс л жадлан ургажээ
Хүрэх гэж сарвалзсан хуруунуудын
Хэнд нь ч цаашдаа таалагдахыг би хүссэнгүй…

( Сэтгэгдэл [] | Шүлэг | Оноо: 2/1 | Доржсэмбэ Ц )

Шүлэг: Ц.Доржсэмбэ : Удиртгал
Оруулсан admin on 2008-01-25 01:52:00 (6828 уншсан)

Аниргүйд би хөнгөн санаашралтай
Алиман сарнаар өгөөмөр явлаа
Эмтэрсэн бүхэнд эмтэрхий нь болж очдог байлаа
Эмгэн хүнд өвгөн болж нэгэн цагт очно гэж мөрөөддөг
байлаа
Даль нь гэмтсэн шувуунд
Далавч нь болж тэнгэрийн салхи очдог
Асгарч буй нулимсанд би
Алчуур нь болж очдог байлаа

( Дэлгэрэнгүй... | Сэтгэгдэл [] | Шүлэг | Оноо: 5/1 | Доржсэмбэ Ц )

Шүлэг: Ц.Доржсэмбэ : Хотын шүлэг
Оруулсан admin on 2008-01-25 01:51:00 (7151 уншсан)

Хот
Хөдөө хээрийн минь суурин гацааг
Ховдоглон залгиж дуусаад
Хорт утаагаар бүгшүүлэгч
Хот
Ялдам төгс, зориг хүчээр хооллогч
Ялдам төгс, зориг хүчгүйчүүдийг үйлдвэрлэгч
Хот

( Дэлгэрэнгүй... | Сэтгэгдэл [] | Шүлэг | Оноо: 10/2 | Доржсэмбэ Ц )

Шүлэг: Ц.Доржсэмбэ : Хүлцэл
Оруулсан admin on 2008-01-25 01:32:00 (4501 уншсан)

Цаг хугацааг тэнгисийн шуурга шиг сэрээж явсан
Цадиг ихтэй өвгөдийн минь шарил дээгүүр
Гуринхалсан чоно шиг хэсүүл цагаачдын
Гандсан нөмрөгийн хормой хэдийнэ шүргэжээ
Өстний чинь өмнө өдөт сум шиг байж чадаагүй
Өрөвдөлтэй хэдэн үрсийн чинь өмнөөс
Өвгөд минь та нараасаа түмэнтээ хүлцэл өчье.

( Сэтгэгдэл [] | Шүлэг | Оноо: 0/0 | Доржсэмбэ Ц )

Шүлэг: Ц.Доржсэмбэ : Удахгүй
Оруулсан admin on 2008-01-25 01:27:00 (6441 уншсан)

Тун удахгүй би хэлгүй болно
Тэр цагт
Мянган хэлтэй бурхадын
Мэлмий туяаран баясна
Гэвч
Хэлтэй байхад минь
Тоож сонсоогүй миний яриаг
Үгүйлж эхлэх амьдрал
Үггүйгээр оршиж

( Дэлгэрэнгүй... | Сэтгэгдэл [] | Шүлэг | Оноо: 19/4 | Доржсэмбэ Ц )

Шүлэг: Ц.Доржсэмбэ : Гуйлгачин, тэнүүлчин хоёр
Оруулсан admin on 2008-01-25 01:25:00 (4388 уншсан)

Аз жаргалгүй
Тэнэмэл хүмүүсийн
Гандсан нөмрөгийн
Хормой шүргээгүй
Газар нутаг гэж
Хаана ч алга
Тэнгэрийн доромжлол
Хүрсэн хүн
Гуйлгачилдаг
Газрын даажигналд
Өртсөн хөл
Тэнүүчилдэг.

( Сэтгэгдэл [] | Шүлэг | Оноо: 0/0 | Доржсэмбэ Ц )

Шүлэг: Ц.Доржсэмбэ : Өвлийн хүмүүс
Оруулсан admin on 2008-01-25 01:25:00 (4390 уншсан)

Цас малгайлан орохыг
Мэдээгүй мэт
Цонхны цаана
Малгайтай хүмүүс бужигнана.

( Сэтгэгдэл [] | Шүлэг | Оноо: 5/1 | Доржсэмбэ Ц )

Шүлэг: Ц.Доржсэмбэ : Шувуу
Оруулсан admin on 2008-01-25 01:23:00 (4588 уншсан)

Матрын шүдэнд үлдсэн идэшний хогийг
Түүж иддэг шувуу болчихсон андыгаа
Тэнгист шавдаг шувуудаас ялгаж би танилаа
Мөрөөдөлгүй амьдарч эхэлсэн цагаасаа л ийм болтлоо
хувирч дээ, хөөрхий

* * *

Өрөөн дотуур холхих
Бяцхан сүүдэрт ч
Өнө мөнхийн тухай
Өөрийн гэсэн мөрөөдөл бий.

* * *
Цэндийн Доржсэмбэ
“ХЭНД БИ ТААЛАГДАХ ЁСТОЙ ВЭ…” Шүлгийн түүврээс

( Сэтгэгдэл [] | Шүлэг | Оноо: 5/1 | Доржсэмбэ Ц )

Шүлэг: Ц.Доржсэмбэ : Оёдолчны дууль
Оруулсан admin on 2008-01-25 01:22:00 (8840 уншсан)

Аз жаргалыг би
Өмсөх хувцас адил
Өөртөө тааруулан урлахыг хүсдэг ч
Ур дутуу оёдолчин би
Өөртөө хэзээ ч тохируулж чаддаггүй
Өмсөөд үзэхэд багадсан байдаг
Ханзлан задлаад дахиад л оёдог ч
Урьдынхаасаа ч бүр богинодуулсан байдаг

( Дэлгэрэнгүй... | Сэтгэгдэл [] | Шүлэг | Оноо: 4/1 | Доржсэмбэ Ц )

Шүлэг: Ц.Доржсэмбэ : Шөнүүд минь
Оруулсан admin on 2008-01-25 01:21:00 (6614 уншсан)

Харанхуй шөнийн ор хөнжлийг
Хувааж янагласан бүсгүй минь
Урьд насандаа би чиний
Уруул дээр чинь үнсэж явлаа
Тэмдэгт баталгаа нь гэвэл
Тачаангуй чиний уруул байна
Эргэж хөрвөх энэ насны хуудсанд ч
Эцэг тэнгэр ахиад л

( Дэлгэрэнгүй... | Сэтгэгдэл [] | Шүлэг | Оноо: 5/1 | Доржсэмбэ Ц )

Шүлэг: Ц.Доржсэмбэ : Гал цас
Оруулсан admin on 2008-01-25 01:17:00 (4516 уншсан)

Ц.Доржсэмбэ : Гал цас Будрах цасны үзүүрт Бодлогошрол минь явдаг Бодлогошрол минь цас Би цасанд байсан учраас Бүлээрэхийг минь хэн ч анзаардаггүй Дөллөх галын илчинд Хайр минь явдаг Хайр минь гал Би галанд байсан учраас Даарахыг минь хаана ч үздэггүй ээ… Цэндийн Доржсэмбэ “ХЭНД БИ ТААЛАГДАХ ЁСТОЙ ВЭ…” Шүлгийн түүврээс

( Сэтгэгдэл [] | Шүлэг | Оноо: 0/0 | Доржсэмбэ Ц )

Шүлэг: Ц.Доржсэмбэ : Илбэ
Оруулсан admin on 2008-01-25 01:15:00 (6909 уншсан)

Юутай энхрийхэн минь
Дахиж хэзээ ч уулзахгүй бүсгүй минь
Даль жигүүрээ би
Бэртээгч бүхний зөнд бэлэглэсэн
Бушуухан чамдаа очих
Далавч минь одоо дэлгэгдэхгүй
Үй түмэн солонгын дотроос
Үнэмшиж дурласан солонго минь

( Дэлгэрэнгүй... | Сэтгэгдэл [] | Шүлэг | Оноо: 20/4 | Доржсэмбэ Ц )

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 219 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

khuv5-056.JPG
Хэмжээс: 600x450 63k
Сэтгэгдэл: 0
Үзсэн: 4612

Должин : Зам зуур
zam-072.JPG
Хэмжээс: 600x450 153k
Сэтгэгдэл: 0
Үзсэн: 4121

Аний бууяа ичээд байна ш дээ
Хэмжээс: 600x800 208k
Сэтгэгдэл: 0
Үзсэн: 4872

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn