Нүүр Гишүүн Шүлэг Өгүүллэг Сургамж Зөвлөгөө Зургийн цомог Холбоо барих
 

Сайтын мэдээлэл ...
Facebook
Twitter
RSS2

Mail : info@biirbeh.mn
Yahoo ID : tbatbaatar
Mobile : 9907-6364

Нэрээр
  ''Өврийн дэвтэр'' яруу найргийн реалити шоу  
  4-н мөртүүд  
  Sienna  
  Window of Mongolian poetry  
  Youtube  
  Агиймаа Э  
  Алтангадас  
  Алтанхундага А  
  Амарбаяр М  
  Амарсайхан A  
  Амарсанаа Б  
  Амор Хайям  
  Ардын аман зохиол  
  Ариун-Эрдэнэ Б  
  Ариунболд Энх-Амгалан  
  Афоризм  
  Аюурзана Г  
  Бавуудорж Ц  
  Багабанди Н  
  Бадарч П  
  Базардэрэг Н  
  Байгалмаа А  
  Батзаяа Б  
  Батзүл Д  
  Батнайдвар М  
  Батнайрамдал П  
  Батнасан Лу  
  Батрэгзэдмаа Б  
  Баттуяа Ц  
  Батцэцэг Ш  
  Баяр ёслол хурим найр  
  Бодрол  
  Болдсайхан С  
  Болдхуяг Д  
  Болор-эрдэнэ Х  
  Болормаа Б  
  Болормаа Х  
  Бум-Эрдэнэ Түмэнбаяр  
  Бум-Эрдэнэ Э  
  Бусад  
  Буянзаяа Ц  
  Буянцогт C  
  Буянцогт /Цахарын/ С  
  Бямбаа Жигжид  
  Бямбажаргал Ц  
  Бүжинлхам Эрдэнэбаатар  
  Гадаадын уран зохиол  
  Галсансүх Б  
  Ганзориг Б  
  Ганзориг Батсүх  
  Гэсэр  
  Гүрбазар Ш  
  Дагмидмаа Ч  
  Далай ламын айлдвар  
  Дамдинсүрэн Цэнд  
  Дашбалбар О  
  Дениска Михайлов  
  Дорж Б  
  Доржсэмбэ Ц  
  Дулмаа Ш  
  Дууны үг  
  Дэлгэрмаа Ц  
  Дэлхийн уран зохиол  
  Ерөөл, Магтаал  
  Жамбалгарав Ц  
  Зохиолчдын намтар  
  Зүйр цэцэн үг  
  Ичинхорлоо Б  
  Кана Б  
  Лодойдамба Ч  
  Лочин Соном  
  Лхагва Ж  
  Лхагвасүрэн Б  
  Лхамноржмаа Ш  
  Монгол Улсаа хөгжүүлье  
  Монголын өгүүллэгийн цоморлиг 2003  
  Мэдээ, мэдээлэл  
  Мөнхбат Ж  
  Мөнхсайхан Н  
  Мөнхтуяа А  
  Мөнхцэцэг Г  
  Мөнхчимэг А  
  Намдаг Д  
  Намсрай Д  
  Нацагдорж Д  
  Номин Г  
  Номинчимэг У  
  Нямсүрэн Д  
  Оюун-Эрдэнэ Н  
  Оюундэлгэр Д  
  Пүрэвдорж Д  
  Пүрэвдорж Лувсан  
  Равжаа Д  
  Ринчен Б  
  Сумъяа Доржпалам  
  Сургамж  
  Сүглэгмаа Х  
  Сүрэнжав Шарав  
  Сүхзориг Г  
  Тайванжаргал Н  
  Төрбат Д  
  Улам-Оргих Раднаадорж  
  Урианхай Д  
  Уугансүх Б  
  Хасар Л  
  Хишигдорж Л  
  Ховд Их сургуулийн Утга зохиолын нэгдэл  
  Хулан Ц  
  Хүрэлбаатар Ү  
  Хүрэлсүх М  
  Хүүхдийн дуу  
  Цэемаа М  
  Цэцэнбилэг Д  
  Чойном Р  
  Чоно  
  Чулуунцэцэг Б  
  Шог өгүүллэг  
  Шүлэг  
  Шүүдэрцэцэг Б  
  Энхбат Балбар  
  Энхболд Энхбаатар  
  Энхболдбаатар Д  
  Энхтуяа Б  
  Энхтуяа /Эмүжин/ Р  
  Эрдэнэ С  
  Эрдэнэсолонго Б  
  Эрхэмцэцэг Ж  
  Явуухулан Б  
  Ярилцлага  
  Үлгэр  
  Үржинханд Э  
  Өвөр Монголын яруу найраг  
  Өгүүллэг  
  Өлзийтөгс Л  
  Өөрийгөө ялах нь  

Ангилал
  Article1  
  Шүлэг  
  Өгүүллэг  
  Найраглал  
  Афоризм  
  Богино өгү  
  Роман, тууж  
  Зүйр цэцэн  
  Үлгэр  
  Ертөнцийн  
  Ардын аман  
  Нийтлэл  
  Дууль  
  Сургамж  
  Зөвлөгөө  
  Мэдээ  
  Намтар  
  Ярилцлага  
  Ерөөл магтаал  
  Дууны үг  
  Ардын аман зохиол  
  Youtube  
  Дурсамж  
  Бусад  

Дэм дэмэндээ гэж
Та бүхнийг бидэнд туславал бид баярлах болно.
$



  

Шүлэг


Бусад 		 Шүлэг: Б.Улаанхүү : БИ ЦЭНХЭР ТАМГААРАА БАТЛАСАН ХАЛХ МОНГОЛ ЭР ХҮН
Оруулсан admin on 2016-02-03 14:49:12 (1067 уншсан)

Усан цэнхэр тэнгэрийг нүд цавчилгүй ширтэж

Уудам шаргал талын зөөлөн хөрсийг үнэрлэж

Уралдах хурдан морьдын туурайн чимээг чагнаж

Уртын сайхан дууны яруухан эгшгийг сонсож

Улаан шаргал цайны самарсан сүүнд нь уусаж

Улбар цэнхэр дөлтэй задгай галанд дулаацаж

Уураг сүүлний амтыг нэхий өлгийнд амтлаж

Уньтай ханатай гэрийн бүслүүр түшин тэнцэж

Ургах улаан нартай өглөө болгон золгосоор

Унаган төрсөн биеэ ханхайж өсхийг харзнаж

Удам дагасан шөрөмсөө хөвчөрч зангирахыг хүлээж

Унаганы хөхүүл саамаар айраг эсгэн залигласан

Би цэвэр ариун цустай жинхэн монгол эр хүн

Би цэнхэр тамгаараа батласан халх монголын эр хүн

Уургын уртыг суналзуулж адуугаа хураан хөндөлдөж

Усан тэлмэн жороотой хүлгийн сайхныг сонгон барьж

Уран ганган гишигдлийг нь хазгай суун тааруулаад

Уулын хүрэн бүргэд шиг нисгэн халигуулан гангар ч

Уужим тэнүүн нутгийнхаа цэнгэг агаараар амьсгалаж

Улаан залаат монголынхоо удмыг залгасан эр хүн би

2016 оны-2-сарын 2 нд сартуул Б.Улаанхүү Багануур



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б.Батцэцэг : Сэтгэл салхи биш шуурга шиг
Оруулсан admin on 2016-01-22 11:31:29 (969 уншсан)

Хоёр үзүүртэй утас шиг энэ сэтгэл гачлантай

Хөг үгүй ятга шиг нэг л онцгүй

Хаашаа л бол хаашаа холбирч мэдэх энэ зүрх

Хатаж орхисон цэцэг шиг нэг л ёозгүй

Сэтгэл гэгч нь ийм олон араншинтай атал

Саран авхайд хүслээ дайж би юу хийнэ

Зүрх гэгч нь ийм олон өнгөтэй байхад

Зүрхлэн би ам гарах хэрэг байна уу даа

Хэзээ л бол хэзээ, хэдийд л бол хэдийд

Дураар хувирч болох сэтгэл зүрх гэдэг

Хээрийн саваагүй салхинаас ч бэрх

Дотоод ертөнцийн минь нэгэн орчил л юм даа



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б.Батцэцэг: Хайрын наран аавдаа
Оруулсан admin on 2016-01-22 11:29:47 (983 уншсан)

 Алсран одсон он жилүүдийн нугачаанд

Аавтайгаа би мөнхөд амьдрах юм шиг санаж

Эрх танхил охины дүрээр

Энгэрт тань ямагт зүүгдэх юм шиг бодож

Цаг хугацаа хэчнээн чиг өнгөрсөн таныгаа

Цал буурал болохгүй юм шиг санажээ

Өдөр хоног урсан холдлоо ч таныгаа

Өнөөдрөөрөө л байх юм шиг эндүүрч охин чинь

Дандаа л тантайгаа дуулалдан жаргана гэж

Даан чиг хол мөрөөдөж үр чинь

Дэврүүн багын тэр л янзаараа

Дэргэдээс тань үргэлж зүүгдэх юм шиг андуурч

                Бурхан Буддад мянгантаа залбираад

                Буцаад нэг хүүхэд болохсон

                Зөрүүдлэн байж таныгаа гомдоосноо

                Засчихмаар санагдаад болохгүй юм, аав аа

Ид шид гэж хэрэв байдаг сан бол

Эргээд би хүүхэд болохсон

Элдвээр аяглаж таныхаа урмыг хугалснаа

Энүүхэндээ бас залруулчихмаар байна

                Сайхан аавынхаа нөмөрт нь өссөн би азтай хүн

                Саран авхай ч атаархам би жаргалтай хүн

                Амьдралыг минь тэгшитгэх үнэтэй сургаал хайрлах

                Аавтайдаа би хамгаас баян хүн

/Б.Батцэцэг/ 



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б.Батцэцэг : Би эх орны хүү
Оруулсан admin on 2016-01-22 11:26:16 (980 уншсан)

Бүсгүй хүн түмэн учгийг тайлах хатан ухаантай

Бүрхэг өдөр ч ханиа гийгүүлэх гэрэлт дэнлүү

Балчир үрдээ бүүвэй аялсан дар эх шиг бай гэж

Бодлын үр минь нахиалсан тэр мөчөөс өдий хүртэл сургамжилжээ

Настан буурлынхаа сургаалаар би

Намар намартаа шарлах навчис адил эмзэгхэн

Нартай борооны дараах солонго мэт үзэсгэлэнтэй

Нахиа бүрээсээ гэрэл цацруулсан бүсгүй цэцэг болжээ

Гэвч би хатан заяанаасаа зөрж

Ган илдийг гартаа барихгүй бол

Төөрөг тавилангаа түрдээ орхиод

Төрийн хэрэгт хошуу дүрэхгүй юм бол

Түүх шастир дахь өвгөдийн минь үйл баларч

Талын дайчдын босгосон аугаа Монгол ангалд унах нь

Хэдхээн хувалз Монголын минь толгойд шигдчихээд

Халуун цус, хатан зоригийг минь сорж дуусах нь

Эм хүн байтал төрийн хэрэгт дурлаад гэж

Ээ дээ, та нар минь л бүү тэгж хэл

Зүү, утас сүвлэх заяатай бүсгүй хүн юм шүү би гэж

Зүрхэндээ өөрийгөө намжааж олоон жил боллоо

Хаан заяат эрчүүд байхад алзахгүй дээ гэж

Хайран чиг олон жилийг үдэж өнгөрөөлөө

Харсаар байтал Азийн зүрхэн дэх сувд минь

Харлаж гундаад гэрэл нь бөхсөөр төд удлаа

Хангалттай гэдэг үгээр бамбай хийгээд

Ган илдээрээ тэр хувалз нартай би тэмцье

Үгийн хүчээр тэднийг жадлаад

Үр хойчдоо улсаа хүлээлгэе

Чадал чинь ердөө л энэ үү гэж бүү бас

Чангахан дуугарч чадахгүй ч

Алган чинээ цаасан дээрээ

Аянга ниргүүлэн та нартай уулзъя

Эцэг өвгөдийн халуун амь, биений төлөөсөнд ирсэн

Энэ Монголынхоо ширхэг чулуу, дусал усыг ч хайрлах учиртай

Эцэг өвгөдийн эрдэнэт амь, үнэт үйлийг

Эдүгээ бид үнэгүйдүүлэх учир үгүй

Эм хүн гэлээ ч би эх орны хүү

Эм хүн боловч би монгол хүн

Үрээ харамлах эхийн сэтгэлээр

Үнэт монголоо турьхан биеэрээ хамгаалах би бүсгүй хүн

Тэтгэрт тэтгэгдсэн эгэл монгол эмэгтэй

Тэвчээр заасан бүсгүй заяа

Талд ургаж, мөнхөд тэнгэр өөд ширтсэн

Танхилхан өссөн талын сарнай 



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б. Дэлгэрсайхан: Элбэрэл
Оруулсан admin on 2016-01-13 16:12:49 (890 уншсан)

Ээжийнхээ энгэрт зүүгдэж
Эрхэлж өссөн юм болхоор
Эргэх дөрвөн цагийн уртад
Эх орон минь надад юунаас ч үнэтэй
Эмээлийн зүг өөрчлөн өртөөлсөн ч
Эрдэнэсийн сан шиг эх хэлээ та нар бүү март
Ижийтэйгээ цуг өсөж торнисон юм чинь
Эхийнхээ хэвлий шиг эх орноо бүү умарт
Энэ сайхан хорвоо дэлхийд
Ижийгүй хүн гэж байдаггүй юм
Эх орноо хэрэв чи умартвал
Ижийтэй хүнд өөрийгөө бүү тооц
Ижилхэндээ ээж аавын хүүхдүүд
Ээжээ гэж хэлд орохдоо
Эх хэлээ тэд мэдэрдэг юм
Эрээн барааныг үзсэний эцэст
Эргэж буцдаггүй энэ ертөнцөд
Эх орон, эх хэл, ижийтэй хүн гэдгээрээ бахархдаг юм.

 



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б Эрдэнэцог : Өгий нуур
Оруулсан admin on 2016-01-06 17:02:19 (882 уншсан)

Өнгөн дээрээ өрөм загссан

Өвгөн голын сүүн мандал

Хөх тэнгэр нүүрээ тольдсон

Хөгшин орхоны усан мандал

Зэгс ургамал нь нуураа чимсэн

Загас жараахайнууд нь нууцхан жаргасан

Азийн шувууд алжаал тайлан нутагласан

Арын хангайн алдар нэрээр овоглосон

Хангайн нурууны хөл нуур

Хойт далайн сав нуур

Тахилга тайлгатай танхил нуур

Тал хээрийн тэнгис нуур.

Өгий нуур өвгөдийн өгсөн нуур

Өгий нуур өнө эртний өгөөж нуур

.    

 



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б Эрдэнэцог : Их хаад
Оруулсан admin on 2016-01-06 15:56:25 (983 уншсан)

Дайны бодлого боловсруулж чадсан

Дайтах ур ухаанд гаршиж сурсан

Цаад талаа гарцаагүй байдалд оруулсан

Цаг хугацааг онож орон зайг эзэгнэсэн

Эвтэй байхын эхийг эрхэмлэсэн

Энх цагийн эрэлчид байжээ их хаад

Цэрэг эрсийн урам хугалж зүрхлээгүй

Цээжний хонжоогоор байлдаж ялагдаж үзээгүй

Туурайндаа галтай хүлэг морьдын нуруун дээр

Тугаа өргөж онгодоо дуудан огшсон

Сэргэн мандалтын үеийн хэт цахиур

Сэтгэл зүйн их ангуучид байжээ их хаад

Уухайлан дайрахыг урлаг болгож чадсан

Урссан цусыг эх орны үнэд хадгалсан

Агт морьдын давхианд онилсоноо онож дадсан

Аравт зуут мянгат түмтээр дархан цохилт хийдэг

Олон ардын оройд нь гялалзаж

Орчлонд харвасан од шиг явжээ их хаад

Амьсгалаа дарж бүтэх учиргүй

Амаа барьж халаглах алдаагүй

Дахан доор бойжиж өссөн

Дэлхийг дотроо багтааж бодсон

Түмэн сэтгэлийг түүртэхгүй эрхшээдэг

Төгс агуу удирдагч нар байжээ их хаад

Ухааныг шүтэн уламжлалаа сэргээж

Улирах зуун зуунд ул мөр нь баларахгүй дурайж

Улс орнуудын үзмэрт хүндтэй байр эзэлж

Уудам дэлхийн түүхэнд улаанаар зурагдан мөнхөрсөн

Үхсэн ч амьд байгаа юм шиг дурсагдаж

Үүлэн тэнгэрийн дор үүрд нойрсож байна их хаад

Эрдэм чадлаараа эзэн хэмээн ямбалж

Эрээвэр санааг өөрийнхөөрөө хураангуйлж

Эмс хүүхний сайхныг өвөртөө оруулж

Эрх мэдлээ тогтоон ид хаваа гайхуулж

Амьд байсан цаг үедээ

Аатай явжээ их хаад

Тэнгэрийн хүчийг газарт давтсан

Тэнхээтэй гүрэн улс байжээ их монгол

Түүдэглэн ассан дөл шиг дүрэлзсэн

Тамиртай хүмүүс байжээ монгол эрчүүд

Заяа хийморь ньбадарсан

Золбоолог зоригтонгууд байжээ их хаад

Ард харцуудаа эд агуурсаар дутаахгүй байж

Албат нараа албан татвараар дарахгүй сууж

Баатар эрс жанжинуудаа бат хамгаалдаг

Балаг таригсдыг лав цээрлүүлдэг

Юм үзэж нүд тайлсан

Нүүр бардам мэргэд байжээ их хаад

Төрийн хэрэг түвшин байх ухаан уралдулж

Түмэн олны амгаланг батлан сахиж

Дорно өрнийг нүүдэлчдын буулганд сөгдүүлж

Дэлхий дахиныг түгшүүрийн дуунд дуудсан

Хууль цааз тогтоон

Хуудуугүй үнэнийг мандуулж  байжээ их хаад.



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б,Улаанхүү : ОМОГШИЖ БАРДАМНАН ШҮЛЭГЛЭЖ БАЙНА
Оруулсан admin on 2016-01-05 12:58:36 (989 уншсан)

ОМОГШИЖ БАРДАМНАН ШҮЛЭГЛЭЖ БАЙНА

Ацтай хоёр шонгийн нарийн суран хэцэн дээр

Алтай хангайг холбосан агаарын цэнхэр зам дээр

Амраглаж дурласан хосын чин үнэн ч хайран дээр

Агсарч цамнан давхисан эмнэг азарганы туурайн  дээр

Шандас хурдан хүлгүүд ээ

Шаглаж урлан шүлэглэж байна

Асрын өмнө дэвэх хүчит бөхчүүдийн далбаан дээр

Аянга нижигнэн асгарах аадрын мөсөн мөндөр дээр

Арилжиж хатиран жороолох жороо морьны явдал дээр

Архинд халамцсан эрийн аархаж даналзах агсам дээр

Алтан туурайт хүлгүүдээ
Амилуулан ангалзуулан шүлэглэж байна

Завхан Хүнгий голын нийлэх торгон уулзвар дээр

Зогсоо хайрхан уулын сүүмэлзэх тэргүүн орой дээр

Зогдорт хүрэн тэмээний ширмэн дөрвөн тавган дээр

Засаж залгасан уурганы нарийн үзүүр залгаан дээр

Шандаст хурдан хүлгүүд ээ

Шагшуулан гайхуулан шүлэглэж байна

Загийн шугуй ургасан Говийн торгон элсэн дээр

Зулран хулжих хавтгайн тролзон жирийх бараан дээр

Зандан хүрэн атнуудын тэшин жонжох алхаан дээр

Зуузай холбон хурдлах зэрлэг тахийн тоосон дээр

Зүс зүсмийн мрьдоо

Зүслэн зүтгэн шүлэглэж байна

Хардал жанжин бээсийн адуугаа манасан бэлчээр дээр

Хангал буга хатирсан халхын хурдны төрцөн  дээр

Хөх толбот монголын малчны дугуй буйрин дээр

Хөндий талаар жирэлзсэн бөхөнгийн хоёр эврэн дээр

Хүлэг сайн морьдынхоо

Хийморийг сэргээн шүлэглэж байна

Хөх луу шиг хүржигнэж цахилгаан цахилсан тэнгэр дээр

Хөвчийн өндөрлөгт нутаглах цаатан иргэдийн урцан дээр

Хүдрийн заар сэнгэнэсэн тайгын ойн цоорхой дээр

Хүслээ шивнэн захих ээж модны мөчир дээр

Хүндэт хурдан хүлгүү дээ

Хүндэтгэж магтан шүлэглэж байна

Холын холд аялах  хоёр хунгийн жигүүр дээр

Халх цагаан гэрийнхээ хоёр тулгуур  баганан дээр

Хулаар дүүрэн айрагны аманд чимчигнэх амтан дээр

Хаш цагаан гаансны уруул эсгэм дэншигэн дээр

Хумбан дөрвөн туурайтнаа

Хурайлан дуудан шүлэглэж байна

Хан хэнтий хайрханы бэлтрэг улих өндөрлөг дээр

Хан хөхийн сарьдагийн буга урамдах хөтөл  дээр

Хүрэн бүргэд өндөглөсөн хэцүү бэрх асган дээр

Хөх чоно гөлөглөсөн энэ л сүрлэг сарьдагууд дээр

Хүчирхэг монгол морио

Хөөмийлөн хүнгэнэн шүлэглэж байна

Хөндийн жавар тачигнасан тэсийн голын мөсөн дээр

Хүн чулуу хөшнөөний нарлуу харсан элгэн дээр

Хүрэн баавгай ичсэн хангайн битүү ширэнгэн ойд

Хүн хүлэг  хоёрын анх танилцсан тоолол дээр

Хөнгөн дөрвөн туурайтнаа

Хөлөглөн хөлслөн шүлэглэж байна

Дөрвөн туурай нь тачигнасан монголын уудам тал дээр

Дэлхийг донсолгож бөмбөрдсөн тэртээх зууны цуйраан дээр

Дэлээ хийсгэн хурдалсан эрэмгий хүлгүүдийн шанхан дээр

Дэнжээ хотойтол наадсан монгол наадмын дэвжээн дээр

Дээшээ хийморьтой хүлгүүд ээ

Даллаж дуудан шүлэглэж байна

Онгон говьдоо цахилсан ороо хулангийн дэлэн дээр

Орой нь мөнхийн цастай Отгон хайрханы нүүрэн дээр

Олон түмэн агтны түжигнэн давхих чимээн дээр

Омог бардам монголын дэлгэсэн тэрлэг шиг нутаг дээр

Омголон хүлэг морьдоо

Омогшиж бардамнан шүлэглэж байна

Монголын хаадын хураасан их гүрний түүхэн дээр

Могол шарын давааны багана босгосон өндөрлөг дээр

Морин хуур хөгжмийн хоёр хялгасан утсан дээр

Мөлхөө жаалхан хүүгийн зүүмэл хөөрхөн хонхон дээр

Монгол морьны түүхийг

Магтан дуулан шүлэглэж байна

Цагаан сүүгээ өргөсөн монгол ээжийн цацал дээр

Цал буурал өвгөдийн цагаан сахалны ширхэг дээр

Цэгээн хаш хөөрөгний алтан нуухтай шүрэн дээр

Цагаан шонхор шувууны бардам хоёр сарвуун дээр

Цулбуурт хурдан хүлгүүдээ

Цуурайтуулан цоллон шүлэглэж байна

Саам ханхалсан зэлнээс уяатай унаганы ногтон дээр

Саальчин монгол бүсгийн самарсан сүүний хөөсөн дээр

Салаалж сүлжсэн гэзгэний тахим давсан үзүүр дээр

Саяхан төрсөн нялхын өмөлзөх хөөрхөн  хошуун дээр

Сайвар хатир морьдоо

Салхилуулан эсгэрэнхэн шүлэглэж байна

Ургах улаан нарны цацраг бүхний тусгал дээр

Унтах шөнөөр мандах тэргэл сарны туяан дээр

Урлаж мэтгэсэн дээлний уран гоё эмжээр дээр

Унаач жаахан хүүхдийн жингэнэх нарийн гийн гоо дээр

Удамт хурдан хүлгүүдээ

Уухайлж өндөлзөн шүлэглэж байна

Жаргал зовлон ээлжлэх замбуу тивийн тавилан дээр

Жаахан шаргыг шуранхайлсан нарийн сайхан хоолойн дээр

Жонон харыг бөмбөлзүүлсэн хуурын чамин датлага дээр

Жороо хатир уралдсан хүй мандлын дэвжээн дээр

Жаахан шаргын удмуудаа

Жаргууланхан халигуулан шүлэглэж байна

2015 ОНЫ 12 САРЫН 30НД САРТУУЛ Б,Улаанхүү Багануур хот

нэгэн шүлгийг ихэрлүүлэн бичсэн бөлгөө



( Сэтгэгдэл [] | Шүлэг | Оноо: 0/0 | Бусад )

4-н мөртүүд 		 Шүлэг: Б.Улаанхүү : ОМОГШИЖ БАРДАМНАН ШҮЛЭГЛЭЖ БАЙНА
Оруулсан admin on 2015-12-30 13:25:21 (905 уншсан)

Айраг хяргас нуурын цалигах цэнхэр мандал дээр

Ангамал хөдөө ургасан алтан харганы хальсан дээр

Амуу тариа шиг шаргалтсан цагаан түнгэний дэрсэн дотор

Агь ханхалсан говийн хуурай цэвэрхэн хөрсөн  дээр

Шандас хурдан хүлгүүд ээ

Шаглаж урлан шүлэглэж байна

Завхан Хүнгий голын нийлэх торгон уулзвар дээр

Зогсоо хайрхан уулын цэнхэртэх тэргүүн орой дээр

Зогдорт хүрэн тэмээнүүдийн цуврах зөрөг жимэн дээр

Засаж залгасан уурганы нарийн үзүүр залгаан дээр

Шандаст хурдан хүлгүүд ээ 

Шаглаж урлан шүлэглэж байна

Хардал жанжин бээсийн адуугаа манасан бэлчээр дээр

Хангал буга хатирсан халхын хурдны өлгий нутаг  дээр

Хөх толбот монголын малчны дугуй буйрин дээр

Хөндий талаар жирэлзсэн усан цэнхэр зэргэлээн дээр

Хүлэг сайн морьдынхоо

Хийморийг сэргээн шүлэглэж байна

Хөвсгөл цэнхэр далайн цэнхэрлэн тунарах нууран дээр

Хөвөгч усан онгоцны жуулчин цуглах талбай дээр

Хүдрийн заар сэнгэнэсэн хорхой хүргэм хөвч дотор

Хүслээ шивнэн захих ээж модны мөчир дээр

Хүндэт хурдан хүлгүү дээ

Хүндэтгэж магтан шүлэглэж байна

Дөрвөн туурай нь тачигнасан монголын уудам тал дээр

Дэлхийг донсолгож бөмбөрдсөн тэртээх зууны цуйраан дээр

Дэлээ хийсгэн хурдалсан эрэмгий хүлгүүдийн шанхан дээр

Дэнжээ хотойтол наадсан монгол наадмын талбай дээр

Дээшээ хийморьтой хүлгүүд ээ

Даллаж дуудан шүлэглэж байна 

Онгон говьдоо цахилсан ороо хулангийн дэлэн дээр

Орой нь мөнхийн цастай Отгон хайрханы нүүрэн дээр

Одод хараван гялс хийх  тэрхэн чөлөө завсар дээр

Омог бардам монголын дэлгэсэн тэрлэг шиг нутаг дээр

Омголон хүлэг морьдоо

Омогшиж бардамнан шүлэглэж байна

Загийн шугуй ургасан Говийн торгон элсэн дээр

Зулран хулжих хавтгайн тролзон жирийх бараан дээр

Зандан хүрэн атнуудын тэшин жонжох алхаан дээр

Зуузай холбон хурдлах зэрлэг тахийн тоосон дээр

Заяа буянаар учирсан хүлэг сайн морьдоо

Зальбарч мөргөн шүлэглэж байна

Монголын хаадын хураасан их гүрний түүхэн дээр

Монгол шарын давааны багана босгосон өндөрлөг дээр

Морин хуур хөгжмийн хоёр хялгасан утсан дээр

Мөргөл үйлдэх сүмүүдийн хоёр согооны зүрхэн дээр

Монгол морны түүхийг

Магтан дуулан шүлэглэж байна

Хан хэнтий хайрханы бэлтрэг улих хавцлууд дээр

Хан хөхийн сарьдагийн буга урамдах хяр  дээр

Хүрэн бүргэд хөөрөх нэргүй өндөрлөг байцан дээр

Хөх чоно гөлөглөсөн энэ л сүрлэг сарьдагууд дээр

Хүлэг хүлгийн удмыг

Хөөрөн баясан шүлэглэж байна

Асрын өмнө дэвэх хүчит бөхчүүдийн далбаан дээр

Аянга нижигнэн асгарах аадрын мөсөн мөндөр дээр

Арилжиж хатиран жороолох жороо морьны явдал дээр

Архинд халамцсан эрийн аархаж даналзах агсам дээр

Алтан туурайт хүлгүүдээ

Амилуулан анхааруулан шүлэглэж байна

Хөндийн хүйтэн тачигнасан идэр еөсийн жавран дээр

Хүн чулуу хөшнөөний нарлуу харсан элгэн дээр

Хүрэн баавгай ичсэн хангайн битүү ширэнгэн ойд

Хүрхрэн шавах буурын хөлдөж хүрээлсэн шаваан дээр

Хөнгөн дөрвөн туурайтнаа

Хөлөглөн хөлслөн шүлэглэж байна

Саам ханхалсан зэлнээс уяатай унаганы ногтон дээр

Саальчин монгол бүсгийн самарсан сүүний хөөсөн дээр

Салаалж сүлжсэн гэзгэний мөнгөн даруулга хавчаар дээр

Саяхан төрсөн нялхын өмөлзөх хөөрхөн  хошуун дээр

Сайвар хатир морьдоо

Салхилуулан эсгэрэнхэн шүлэглэж байна

Ургах улаан нарны цацраг бүхний тусгал дээр

Унтах шөнөөр мандах тэргэл сарны туяан дээр

Урлаж мэтгэсэн дээлний уран гоё шаглаан дээр

Унаач жаахан хүүхдийн жингэнэх нарийн гийн гоо дээр

Удамт хурдан хүлгүүдээ

Уухайлж өндөлзөн шүлэглэж байна

Жаргал зовлон ээлжлэх замбуу тивийн тавилан дээр

Жаахан шаргыг шуранхайлсан нарийн сайхан хоолойн дээр

Жонон харыг бөмбөлзүүлсэн хуурын чамин датлага дээр

Жороо хатир уралдсан хүй мандлын дэвжээн дээр

Жаахан шаргын удмуудаа

Жаргууланхан халигуулан шүлэглэж байна

2015 ОНЫ 12 САРЫН 30НД САРТУУЛ Б,Улаанхүү Багануур хот

 



( Сэтгэгдэл [] | Шүлэг | Оноо: 0/0 | 4-н мөртүүд )

Өвөр Монголын  яруу найраг 		 Шүлэг: Х.Бөхманд: Бүдэрч босохын орчлон 
Оруулсан admin on 2015-12-28 16:05:45 (905 уншсан)

Хүн, чулуу хоёр адилхан
Бүдэрч босохын орчлонд
Хүйгээсээ эхэлж бид
Тасарч бүдрэн тийчиж босдог оо...
Хөмсөгний минь зай шиг
Бурхан чөтгөр хоёрын хил дээр
Тархиараа бүдэрч
хүйтэн халуун он жилийн урсгалд
Амьтай амгүй бүдэрчихдэг ээ...
Даль нь шархтай шувууд минь
Газартаа биш гарт бүдэрсэн юм аа
Тургилдсан азарга адуу минь
Талдаа биш чөдөрт бүдэрсэн юм
Дэндүү сайн санаат явсан өвөөг минь
Цагийн муу бүдрүүлсэн юм аа...
Бүдрэх юмгүй болтлоо
Бүдэрч явааг нь харах бүрдээ
Босно доо гэхээс
Бурхан эх оронтой доо би бардам байдаг аа...
Хаяарах тэнгэргүй нутаг
Олшрохын дайтай орчлонд
Хаан суудалт эх орноосоо
Холдож бид бүдрээгүй ээ...
Харах тусмаа хямгаддаг бол
Морьтойгоо бид бүдрэхгүй
Хайрлах тусмаа хамгаалдаг бол
Монголтойгоо бид бүдрэхгүй ээ...
Ямар байсан ч бид Монголоо гэсээр
Бүдэрч, босдог юм билээ
Муугаар үнэсүүлж
Босч,бас бүдэрдэг юм билээ
Муруй шулуун зам дээрх
Бүдэрч босох хоёр үгийн хувилбар нь
Бид юм билээ
Бид өөрөө орчлон юм билээ...

2007.7.20



( Сэтгэгдэл [] | Шүлэг | Оноо: 0/0 | Өвөр Монголын яруу найраг )

Бусад 		 Шүлэг: Б.Улаанхүү : ДОМОГТ САРТУУЛЫН САР ХАЙРХАН
Оруулсан admin on 2015-12-25 17:24:57 (915 уншсан)

Дэргэд нь очоод хараад байвал
Дээшээ харуулсан еүмбүү ч юм шиг
Дэлгэсэн хадган дээр тавьсан ч юм шиг
Дэлхийд өргөсөн өргөл ч юм шиг
Давхар гуутай бурхан ч юм шиг
Далдыг хардаг хайрхан ч юм шиг
Домог түүхээ ярьдаг ч гэмээр
Догшин эзэнтэй хайрхан баймаар
Даншиг наадмаар тахилга өргөж
Даян түмэн эх төрүүлж байгаа нь
Дээрээс хардаг эзэнтэй гэмээр
Доороос түшдэг түшмэлтэй гэмээр
Домогт сартуулын Сар хайрхан
Дилов хутагтын нутгийн хайрхан
Ороо зэрэглээ давлгаалсан тал дээр
Онцгойр ч тогтсон ганц хайрхан
Олон түмэн нь зальбар ч мөргөсөн
Онгон тахилгатай Сар хайрхан уул
Салхи эсгэрсэн сайртай тал дээр
Сансар огторгуйг ширтэн дүнхийж
Сартуул түмний билгийн мэлмийг
Солонгоруулж байдаг сар хайрхан
Буурал өвгөдийн минь шүтээн уул
Бууриар тамгалсан өвөөгийн нутаг
Багаасаа дассан миний л нутаг
Буурал хайрхан Сар хайрхан уулаа

2015 оны 12 сарын 23
сартуул Б.Улаанхүү Багануур хот



( Сэтгэгдэл [] | Шүлэг | Оноо: 0/0 | Бусад )

Өвөр Монголын  яруу найраг 		 Шүлэг: Х.Бөхманд: Шувууд минь
Оруулсан admin on 2015-12-23 10:54:17 (925 уншсан)

Бууцан дээр минь эргэцэж
Тоонон дүрсэнд нисдэг
Босож суухын чөлөөнд ч
Тэнгэр газрын дэгийг зурдаг
Сүүн хошуугаараа хүнс зөөн
Үрээ үнэсэж тэжээдэг
Сүүдэр гэрлийн далиа дэлгэсэн
Шувууд минь...
Налайсан тал намуухан толгодоор
Өд нь хаяа харагддаг
Нүдэнд өртсөн тэр өд нь
Хөмсөг шиг сэрвэлздэг,
Эзнээсээ хагацаж уйлсан энэ өд
Шувууных гэдэг нь гарцаагүй 
Өдрөөс өдөр уйлж яваа олон шувуу
Миний өд гэхэд буруугүй ээ...
Сая сая жилийн тэртээд 
Хорвоо өглөгч байв уу гэлтэй
Хормой энгэрээ дэлгэж
Хорогдож өөрөө авчисан...
Сайхан зөгнөлөөр ч олдомгүй
Бахдал түүнээс цухалздаг нь
Санахаас шувууд минь
Бэлэг Дэмбэрэл нь байсан ч юм уу даа...
Гандуу байдаг цаг хугацаанд
Дасах гэж бид хэчнээн оролдлоо
Гараараа зааж боломгүй шувуудаа
Хайрлахгүй бид яалаа
Гараг эрхэст гарах гэж хүн төрөлхтөн
Онгоц солироо ч нисгэлээ
Ганц шувуу шиг л байж чадаагүй
Галаваа ч дундалж орхилоо...
Оньс мэт маргаашаа нээх гэж
Түлхүүрээ бид их удаан эрлээ...
Од шиг олон шувуудаа харсаар байж
Ухаарсан гэдгээ мэдээрэй
Орон байргүй орчлонгоо
Мөнх мөнх бус гэж
Сэтгэлээ бид их зүдрээлээ...
Оюут мэргэн шувуудад минь
Тунхаг нь байдагт итгээрэй
Бууцан дээр минь эргэцэж
Тоонон дүрсэнд нисдэг
Босон суухын чөлөөнд ч
Тэнгэр газрын дэгийг зурдаг
Сүүн хошуугаараа идээ зөөн
Үрээ үнэсэж тэжээдэг
Сүүдэр гэрлийн далиа дэлгэсэн
Шувууд минь...



( Сэтгэгдэл [] | Шүлэг | Оноо: 0/0 | Өвөр Монголын яруу найраг )

Батзүл 	Д	 Шүлэг: Д.Батзул : Өрц дарсан өлгийнхөө шанхны ариун цоргионд
Оруулсан admin on 2015-12-22 22:53:50 (1014 уншсан)

Өрц дарсан өлгийнхөө шанхны ариун цоргионд

Өрлөг нандин ижийнхээ сэтгэл ороосон манцуйнд

Дал шүргэсэн хонхны шуурай болсон жингэнээнд

Дасаж тэнцсэн унага шиг балчир нас минь өндийсөн юм.

 

 



( Сэтгэгдэл [] | Шүлэг | Оноо: 0/0 | Батзүл Д )

Бусад 		 Шүлэг: Б.Улаанхүү : УЯРАН ХАЙЛАН САНАВ УУДАА ЧИ
Оруулсан admin on 2015-12-14 16:26:32 (858 уншсан)

Унаган багын минь амраг минь

Унтах нойронд минь ирэх дээ

Урлаж мэтгэн харагдах чинь

Уяран хайлан санав уу даа хөө

Алдрай насны минь амраг минь чи

Амгалан нойронд минь үзэгдэхдээ

Аялан дуулаад харагдах чинь

Анхны хайраа дурсав уу даа чи минь

Хонгор багын минь амраг минь чи

Хоногийн зүүдэнд минь ирэх чинь

Хагацсан хайраа дурсан дуулаад

Хайлан уяран санав уу даа чи минь

Сэргэлэн цовоо амраг минь чи

Сэрүүн зүүдэнд минь ирэх чинь

Салаа замруу ширтэн харуулдаад

Санааширан байгаа юмуу даа чи минь

Заяа заяагаа дагасан замыг хоёулаа яалтай

Замилан хорвоод хоёулаа энх яваа юм чинь

Буцаад явдаг замаас бултах аргагүй юм чинь

Бурхны оронд хоёулаа хамтдаа жаргаж явъя даа

2015 он 12 сарын 13 нд сартуул Б.Улаанхүү



( Сэтгэгдэл [] | Шүлэг | Оноо: 0/0 | Бусад )

Бусад 		 Шүлэг: Б.Улаанхүү : ШҮҮДЭР ШИМСЭН ТАЛЫН УНАГА
Оруулсан admin on 2015-12-14 16:23:10 (991 уншсан)

Хуй угалзалсан хонгорхон говьдоо

Хуйран давхих хулангийн унагатай

Хурд хувааж тоглож уралдсан

Хумбан туурайтны садан төрөл

Шаргал хонгор элсэн говь доо

Шар халтар хулангийн унагатай

Шандас сорин уралдаж өссөн

Шанаган туурайтны удмын унага

Шар халзан ооно шиг цахилсан

Шөрмөс чангатай говийн хүлэг

Шүүдэр шимсэн талын унага

Шүлгэнд амилсан молор эрдэнэ

Дэлхийд ганцхан монгол говийн

Дээшээ тоостой говийн унага

Даахин дэлтэй унаган ажнай

Давхар дарсан бэрс шиг хүлэг

2015 он 12 сарын 14сартуул Б.Улаанхүү Багануур хот



( Сэтгэгдэл [] | Шүлэг | Оноо: 0/0 | Бусад )

Батзүл 	Д	 Шүлэг: Д.Батзул : Би бүтэн амьдарна
Оруулсан admin on 2015-12-07 21:26:35 (1030 уншсан)

Би зуунаас ч удаан

Би зуурдаас ч богино

Би үүлс шиг хөнгөн

Би уулс шиг бардам

Би гал мэт халуун

Би мөс мэт хүйтэн

Би аадар адил ширүүн

Би салхи адил хурдан

Би бүлээн зүрхээ сэтгэлээрээ хучаад

Бүх л амьдралдаа бүтэн амьдарна



( Сэтгэгдэл [] | Шүлэг | Оноо: 0/0 | Батзүл Д )

Өвөр Монголын  яруу найраг 		 Шүлэг: Х.Бөхманд: Бараан хошигнол
Оруулсан admin on 2015-12-03 19:04:34 (1514 уншсан)

Цаг хугацааны хөтөл хотойтол
Хүлээсэн тэвчээрээ тайлж
Чамдаа гэдэг бүх юмыг
Чанга сорсон тамхиныхаа ёзоортой орхилоо.
Цаашаа наашаа өнгөрөх
Олны хөлд холхихдоо
Чамайг хөтөлсөн бол ингэхгүй гэж
Цагаатгахаа ч одоо болилоо.
Хад мөргөөд халтичих шиг
Нар хараад алмайрах шиг
Хатуу муу хорвоог базчих шиг болохдоо
Улаахан цамцтайгаа ирдэг
Тэр нэгэн охинтой
Цэнхэрхэн тэнгэрийн доор
Уулзчихаад байгаагаа сая саналаа:
Би зовлонтой атлаа жаргалтай
Ирэхгүй чинийхээ 
Ихэрлэж ирмээр үгэнд чинь хууртдаг
Тэрийг нь өөр хүн орлосон байдаг...
Би яг энд гозойсон мод шиг
Гунигтай атлаа зугаатай
Навчаа гөвчихээд
Нисдэг навчтай сүржигнэдэг
Тэр нь шувуу байдаг...
 
2013,11,17 Tokyo 


( Сэтгэгдэл [] | Шүлэг | Оноо: 0/0 | Өвөр Монголын яруу найраг )

Өвөр Монголын  яруу найраг 		 Шүлэг: Х.Бөхманд: Хүн
Оруулсан admin on 2015-12-02 10:54:05 (1195 уншсан)

Нуур баярлуулж шувуу шувуундаа жиргэх шиг
Нутаг баярлуулж хүн хүнээ хайрлахаар
хорвоодоо амьтай ирдэг юм байна...
Нууцхан замбуулингийн санаа алдах хоромд ч
Нумын хөвч шиг хүний богинохон заяа
Үйлийн үрээ эдэлдэг юм байна...
Сүүдэр нь хүртэл бие газар хоёртоо аргамжаатай байхад
Зүрх зүрхнийхээ гэрэлд
Бурхан чөтгөр хоёрыг хамтад нь нуудаг юм байна...
Дээврээ урагдуулж дэлхий маань хүртэл түгшиж байхад
Дэрэн дээрээ хүн
Хайр нүгэл хоёрыг адилхан үнэсч унтдаг юм байна...
Алдаа оноо бүхнээ ч
Айраг, архитай хольж уухдаа
Арцаагүйгийнхээ эрхэнд
Амьд, үхэлийг хүртэл ялгадаггүй юм байна...
Өдөр шөнийн ээлжид
Гэрэл харанхуйгаар будуулж амьдардаг юм байна...
Жаргал зовлонгийн тэгнүүр дээр
Хүнд хөнгөний тэнцүүргүй юм байна...
Үнэн худал хоёрын алган дээр
Үхтлээ эрхэлдэг тоглоом юм байна...
Бадаг шүлгэнд минь багтдаггүй
баян ядуугийн туйл хүн юм байна...

Хоёр мянга зургаан оны наймдугаар сарын хоёрт бичив



( Дэлгэрэнгүй... | Сэтгэгдэл [] | Шүлэг | Оноо: 0/0 | Өвөр Монголын яруу найраг )

Бум-Эрдэнэ  	Түмэнбаяр	 Шүлэг: Г.Содбаяр : Диваажинд би очихгүй
Оруулсан admin on 2015-11-25 22:48:12 (1368 уншсан)

 Диваажинд би очихгүй

Тэнд яагаад ч би очихгүй 

Тэр газрыг сонсохыг ч хүсэхгүй

Аз жаргал, аав ээж , үзэсгэлэнт хань 

Үр хүүхэд , үүрдийн анд , үнэнч албат

Өнө мөнх жаргал амалсан ч тэнд л би очихгүй

 

Тэнд уйтгартай бас урагшгүй.

Уйлах шалтгаангүй , шаналах сэтгэлгүй. 

Ухаарах мөчгүй , өрөвдөх гачлангүй , бодохгүй бас ойлгохгүй...

Тиймээс би ТАМД очино. 

 

Нүглийн үүр, бузрийн оромж , залхаан цээрлүүлэх орон зай.

Нулимс, цус, хөлс, тарчлаан, хашгирах чимээний аялгуут оромж.

Энэ бүгдийн дунд зогсож байна гээд төсөөл дөө!

Энгүй их үзэсгэлэн харагдаж байна уу? ГАЙХАМШИГ! 

 

Үнэн хэрэгтээ төгсийн бас үзэхийн хязгаар юм.

Үзэшгүй аймшиг бишээ! Үхлийн хүч мэдрэмж.

Харамсал , гуниг ухаарлын, хамгийн дээд халуун цэг. 

Түүнээс мэдрэх хайрыг төсөөлж л болно өөр аргагүй. 

 

Зүрх зүсэж гомдоосон хэн нэгний зовлонг мэдэрч 

Өрөвдөж хайрлан , өөрийгөө зүхэхдээ ,

Зах хязгааргүй буян үйлдэх , хүчтэй сэтгэл бас огшилт.

Замбараагүй бодрол, харууслын хязгаар

Сургамж, сургууль , ойлголт

Эцэс сүүлд нь амирлангуй их бясалгал

Тамын тарчлалаас тайвшрах таашаал, Эрх чөлөө

Ай! энэ ямар их хүч бас агуу мэдрэмж юм.

Төсөөлөөд үздээ! Гүн ухааны мастеруудаа! 

Сэтгэл судлаач нар минь , хэнээтэнгүүд минь. 

Олох , ойлгохын урлагыг бүтээгчидээ! 

Шинжлэх ухааны сүүлчийн гэрчлэлт мөч биш гэж үү!

 

Энэ бүх ойлгохын хязгаарыг яг дэргэдээс нь

Эд эс бүхнээрээ мэдрэхийг хүсэж байна. 

Галзуу солиотой байна уу? Гажууд хэрцгий байна уу? 

Тэр хязгаар хүртэл бүх сургаалийг 

Түрүүлээд ойлгочихлоо, одоо яах вэ?

Сэтгэл дотроо онолыг нь үзээд 

Сэрүүн зүүдэндээ практик болголоо.

 

Учир нь учиртай тэр нь учиртай байдаг уялдаа холбоог

Урлаг , уянга, яруу найргийн үнэн чанар шалтгааныг

Шинжлэх ухаан, сэтгэл судлал, тайлагдашгүй нууц

Үнэн худал, үхээрийн бузар, үйлийн үр

Үхэх хүртэл хүлээх үүрэг эрх хариуцлагын талаар

Үнэндээ зүгээр л бодоод олчихсон , төсөөлсөн бас мэдэрсэн....

 

Тэгээд ч шунал минь барагдахгүй байна вэ яах вэ!

Ямар байна галзуурал тийм үү!

 

Тиймээс би диваажинд очихгүй гэсэн юм!

Тэнд уйтгартай, бүх юм ойлгомжтой!

Мөнх нас үүрдийн жаргал горилох шунаг сэтгэлтнүүдийн

Мөрөөдөл болсон жинхэнэ ТАМ,

Хайр өгөөд хариу нэхэх хувиа бодогчдын

Харц нүдний хор цугласан газар.

 

Үүрэг хариуцлагаа бүгдийг нь ягштал биелүүлж

Үр удмаа үлдээж, үнэн мэдлэгийг сургаж

Өвгөдийнхөө ёсоор өвлүүлж дуусгаад

Үзэхийн хязгаар үхлийг туулсаны дараа

Шударга бусын анхны цэгт би очихгүй ээ

Шууд ТАМ хэмээх үнэний Сүм рүү тэмүүлнэм...

Өршөө!!!

Г.Содбаяр 2012.8.12



( Сэтгэгдэл [] | Шүлэг | Оноо: 0/0 | Бум-Эрдэнэ Түмэнбаяр )

Бусад 		 Шүлэг: Б.Улаанхүү : БАРУУН АЛТАЙД БОСОО ҮЛГЭРИЙН БААТАР ХҮЛЭГ
Оруулсан admin on 2015-11-25 17:26:52 (1249 уншсан)

Буурал Алтайн босгонд борви тэнийсэн унага

Буянт сүргийн дотор ховорхон төрөсөн ажнай

Бар арслангийн хүчтэй эгэлгүй хурдан буурал

Баяр наадмын чимэг үнэхээр сайхан ажнай

Баруун алтайд босоо үлгэрийн баатар хүлэг

Багаасаа уралдаж сурсан айраг алдаагүй ажнай

Баримал зормол юм шиг дэндүү сайхан буян

Баатар нямын адуунд буянаар төрсөн хүлэг ээ

Өргөн уудам алтайн өнгийг тодруулсан ажнай

Өдрийн од шиг ховорхон ганцаарай төрсөн хүлэг

Өдтэй юм шиг нисдэг алтай нутгийн шувуухай

Өөд уруугүй таралдаг гайхамшигт хурдан хүлэг

Өмнөө адгуус гаргадгүй хүлгийн шинжтэй ажнай

Өндөр Алтайн өмнөөс өчнөөн удаа уралдахдаа

Өвдөг ховорхон тоосдсон цуутай хурдан ажнай

Өөрсөө төрмөл шандастай говийн Алтайн унага

Өвлүүлж үлдээх угшилтай бардам нэгэн ажнай

Өөрийн сүргийнхээ удмыг мөнхөд дуурсгах буян

Өнөөдөр уралдахад бэлэн харьшгүй хазаарт хүлэг

Өлгий нутгаа дуурсгасан халиун сумын ажнай

Дээвэр цэнхэр дэлхийн дэлтэй хүлгэн шувуухай

Дөрвөн мөчөөрөө нисдэг газрын ганцхан шувуу

Дөрөө харшуулж зэрэгцэх хурдан туурайт олдоогүй

Дэнжээ ганцаараа эзгэнсэн Алтай нутгийн ажнай

Дөч гаруй уралдахад айрагаас мултар ч үзээгүй

Дэвэнд дуурсаж танигдсан монгол Алтайн унага

Даншиг наадмын тоостой  Алтайн буурал хүлэг

Дахин дахин түрүүлэх  мятрашгүй хурдан ажнай

2015 оны 11сарын23 19 цаг 41 минут

Сартуул Б.Улаанхүү Багануур хот



( Сэтгэгдэл [] | Шүлэг | Оноо: 0/0 | Бусад )


 
Санал асуулга
Та онлайн номын дэлгүүрээр хэр их үйлчлүүлэх вэ ?
Байнга
Нилээд
Хааяа
Цөөн
Үгүй
Санал асуулгын дүнг үзэх

Ном

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа


Гишүүн
Хэрэглэгчийн нэр

Нууц үг

Та манай гишүүн болохыг хүсвэл энд дарна уу.

t
Одоо онлайнд 191 зочин 0 гишүүн байна.


Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Windows XP, 7 үйлдлийн системийн стандарт монгол гарын драйвэр софтверийг ашиглан бичээрэй. Таны оруулсан мэдээллийг админ үзээд идэвхжүүлнэ.

Санал хүсэлтээ илгээх
Хайлт


Зургийн цомог


orkh-016.JPG
Хэмжээс: 600x450 125k
Сэтгэгдэл: 0
Үзсэн: 3957

А. Чадраабал	70х85, зотон тос
Шөнө
Хэмжээс: 600x474 149k
Сэтгэгдэл: 0
Үзсэн: 3018

Должин  : 2007 оны аялал
mongolia2007year-253.JPG
Хэмжээс: 600x450 73k
Сэтгэгдэл: 0
Үзсэн: 2258


Агуулга
Мягмар, 2016.10.25
· Б.Улаанхүү : Зүүн голын минь унага шүү дээ
· Б.Улаанхүү: Сансарын удамтай монгол морио
· Хүслийн цагаан мананд төөрүүлж явах сайхан
· Б.Улаанхүү : Ясанд минь тултал шингэсэн язгуурын дөрвөн мөрт минь
· Б.Улаанхүү: Завхан зогсоо уулын, зоригт хурдан ажнай минь
Пүрэв, 2016.10.20
· Миний ээж
Даваа, 2016.10.17
· Хожимдсон ухаарал
Даваа, 2016.10.10
· Зохиолч Лувсангийн Пүрэвдоржийн товч намтар
· Шуурайн Солонго : ХАМААТАН
· Шуурайн Солонго : БҮЖИН ҮР
· Б.Төгсгэрэл : Энгүй ачтан ээжүүдэд
Бямба, 2016.10.08
· Сонгинот поле
Баасан, 2016.10.07
· Би
· Хөх толбот Монгол
· Ш.Солонго : Хуучин нөхөр
· Б.Төгсгэрэл : Сэрэмж
Пүрэв, 2016.10.06
· Б.Төгсгэрэл : Зөв тэсрэлт
Мягмар, 2016.10.04
· Оноосон тавилан
Бямба, 2016.10.01
· Өвөр монголд төрсөн
Пүрэв, 2016.09.29
· Б.Улаанхүү : Үндэсний дөрвөн мөрт минь
Лхагва, 2016.09.28
· Н.Өлзийтэлгэр : Манайхан
Бямба, 2016.09.10
· Н.Тайванжаргал : Аав шүтээн
· Н.Тайванжаргал : Номын дэлгүүр
Баасан, 2016.08.12
· Б.Улаанхүү : Сумъяад
Бямба, 2016.07.30
· Б.Улаанхүү : Цэнхэр нуурын цолмон халтар
· Б.Улаанхүү : : Багахэнтийн уяан дээр айрагдах морьд эвшээлгэнэ
· Б.Улаанхүү : Их хурдын түрүү магнай мөнгөн шагайн хүрэн
· Б.Улаанхүү : Ачтай буянтай нутгийнхаа сайхныг магтан ярилцахсан
Бямба, 2016.07.16
· Б.Улаанхүү : Дэлгэр мөрний дэнжийн хул
· Б.Улаанхүү : Азарганы чадалтай архангайн аварга
· Б.Улаанхүү : Багахэнтийн уяан дээр айрагдах морьд эвшээлгэнэ
Лхагва, 2016.05.11
· ЧИНГИСИЙН ЕСӨН ӨРЛӨГТЭЙ ӨНЧИН ХӨВГҮҮНИЙ ЦЭЦЭЛСЭН ШАСТИР
Бямба, 2016.04.23
· А.Шихихутуг : 10 жилийн аниргүй
Бямба, 2016.04.02
· Б.Улаанхүү : ХАЗААР ЦУЛБУУР СУЛРААГҮЙ ХҮЛЭГ ЭЭ
· Б.Улаанхүү : БИ АЗТАЙ ОДТОЙ МОНГОЛ ХҮН
· ХӨЛӨНДӨӨ САЛХИТАЙ ХҮНГИЙН ХҮРЭН
· Б.Улаанхүү : ЗАВХАН ГОЛЫН УНАГАНУУД ЗАРД ГАРСАН ХҮЛЭГҮҮД
Мягмар, 2016.03.29
· Энэ чинь хэн нэгэн биш Пүрэв баавай шүү дээ
Ням, 2016.03.20
· Д.Сосор : Миний муу эжий
· Д.Сосор : Бүргэд хаалга

Та сараа сонгоно уу


Санал хүсэлт

Нэр:

Э-шуудан:

Санал хүсэлт:



Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2017 Biirbeh.MN.
     All rights reserved.
By Bataka
Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364
И-мэйл :info@biirbeh.mn