Хаа вэ
Алдар нэр чинь
Хэн бэ гэж
Асуусанд болбол
Баруун хойт тивийг
Эзлэнхэн төрсөн
Арван таван толгойтой
Атигар хар мангас гэгч
Би л яваа нь энээ
Дөрвөн уулын чиглэлээр
Дөрвөн далайн хөвөөгөөр
Нутаглан суудаг
Агайн улаан хааны
Амь биөий нь алнаа
Албат малы нь талнаа
Хүүр биөий нь хөндөнө
Хүүхэд малы нь тална
Энэ л үгийг хэлэв гэнэ
Арван таван толгойтой
Атигар хар мангас
Агайн улаан хааныг
- Хэрэг зориг хэнд вэ
Хэт нутаг хаа вэ?
Яваа зориг хэнд вэ
Ямба ёс чинь хаа вэ
Алдар нэр чинь хэн бэ
Асуусанд нь бол
Агайн улаан хаан
- Хэт нутаг энд байна
Хэрэг зориг энд байна
Ямба ёс энд байна
Яваа зориг энд байна
Дөрвөн уулын чиглэлээр
Дөрвөн далайн хөвөөгөөр
Нутаглаж суудаг
Агайн улаан хаан гэгч
Би л яваа нь энээ
Ах гуай минь урьдахуу
Дүү чинь урьдах уу
Энэ л үгийг асуусанд
Арван таван толгойтой
Атигар хар мангас
Зоригийн ихийг зорьж
Алс холоос ирснээр
Ах чинь урьдана даа
Энэ үгийг хэлсэнд нь
Агайн улаан хаан чинь
Далан хоёр товчоо
Дагууд нь мултлаад
Далайн цагаан цээжээ
Гарган нэгэн асуусанд нь
Арван таван толгойтой
Атигар хар мангас
Далайн далайн
Далан хоёр цавчив гэнэ
Даасан ч үгүй гэнэ
Ирлэн ирлэн
Өрин хоёр цавчив гэнэ
Даасан ч үгүй гэнэ
Эр хүнд байшгүй
Ийм зэв гэм
Элс шороонд булуулж байм
Элэгдсэн зэв гэм
Энэ л үгийг хэлээд
Арван таван толгойтой
Атигар хар мангас
Эргээд нэгэн зугтаж гэнэ
Агайн улаан хаан
Далан хоёр товчоон
Дагууд нь товчилж
Хурдан хонгор морио
Хуруувч мэт хумхиулаад
Зүү мэт сунгуулаад
Арван таван толгойтой
Атигар хар мангасыг
Бутан дунд нь бултуулаад
Эргэн дунд нь сөгдүүлээд
Бариад нэгэн авав гэнэ
Арван таван толгойтой
Атигар хар мангас
Ороо морины чинь
Уурга хуйв болъё
Догшин морины чинь
Чөдөр тушаа болъё
Үнсий чинь гаргая
Аргалы чинь түүеэ
Авгай хүүхдийн чинь
Аль муу албат боол болъё
Амийг минь аварч аль
Энэ үгийг гуйв гэнэ
Агайн улаан хаан
Аавын түүхэнд үзсэн
Алалгүй горьгүй гээд
Алж нэгэн орхив гэнэ
Ээжийн түүхэнд үзсэн
Эвдэлгүй горьгүй гээд
Элэг бүгдийг зүсэж
Эрэг жалганд хаялж гэнэ
Нуруу бүгдий нь нугачиж
Нутаг жалганд хаялж гэнэ
Хавирга бүгдий нь хадаж
Хад жалганд хаялж гэнэ
Агайн улаан хаан чинь гэнэ
Мордоод нэгэн алхуулж
Дөмөөр дөмөөр алхуулсаар
Дөрвөн давааг давуулсаар
Намаар намаар алхуулсаар
Явж нэгэн байтал
Өндөр гэгчийн уулын
Энгэр дээр
Өрх ч үгүй
Үүд ч үгүй
Өндөр цагаан өргөө
Байхыг үзжээ
Агайн улаан хаан
Өрх үүдийг олж орох гээд
Гурван хоног эргэж гэнэ
Олсон ч үгүй гэнэ
Аав ээж хоёрын минь
Ордон цагаан өргөө биш
Албат иргэдий минь
Хөрөнгө хогшил биш
Үүнийг юугий нь хайралхав гээд
Нэг талыг цөм өшиглөөд
Орж нэгэн очсонд нь
Тохмын чинээн гэдэстэй бүсгүй хүн
Дайснаа дарав уу
Дархан цолоо олов уу
Өстнөөн дарав уу
Өргөн цолоо олов уу
Иддэг чинь зүүн дээр
Уудаг чинь баруун дээр
Энэ үгийг хэлсэнд нь
Чиний тавьсныг
Иддэг нь
Би биш гээд
Тохмын чинээн
Гэдсий нь цөм нэгэн
Өшиглөтөл
Ган төмөр биөтэй
Хүү нэг гарч ирж
Агайн улаан хаантай
Гурван өдөр
Гурван шөнө ноцолдож
Агайн улаан хаан
Арай гэж л дийлж гэнэ
Ах гуайдаа би хэдэн
Үг хэлье
За тэг гэсэнд нь
Арван сараа би
Гүйцэж гараад
Ангир шар уургаа
Амссан бол
Ах гуайдаа дийлэгдэх ч
Үгүй юмсан
Аавынхаа өшийг
Нэхэж чадах юмсан
Энэ үгийг хэлтэл
Агайн улаан хаан
Аавын түүхэнд үзсэн
Алалгүй горигүй гээд
Алж нэгэн орхив гэнэ
Ээжийн түүхэнд үзсэн
Эвдэлгүй горигүй гээд
Эвдэж нэгэн орхив гэнэ
Элэг бөөрийг зүсэж
Эрэг жалганд хаялж гэнэ
Нуруу бүгдийг нь нугачиж
Нутаг жалганд хаялж гэнэ
Хавирга бүгдий нь хадаж
Хад жалганд хаялж гэнэ
Агайн улаан хаан
Арван таван толгойтой
Атигар хар мангасын
Албат иргэдийг хураагаад
Орон нутагтаа эргэж гэнэ
Хаданд байдаг нь халиу гэнэ
Бутанд байдаг нь булаг гэнэ
Дэргэр эвэртэй ооно гэнэ
Дэлдэн чихтэй шаргачин гэнэ
Урт сүүлтэй үнэг гэнэ
Уран хулгайч чоно гэнэ
Энэ бүгдийг намнасаар
Ордон гэртээ ирэв гэнэ
Олон түмэн албатдаан
Дуулгаж нэгэн хэлж гэнэ
Баян гэсэн айл нь
Зуун хонины зумтай
Зуун лонх архитай
Барагтай нэгэн айл нь
Тавин хонины зумтай
Тавин лонх архитай
Хоосон гэсэн айл нь
Хорин хонины зумтай
Хорин лонх архитай ирж
Түмэн эрээн майхан барьж
Наян их асрыг босгож
Найгал зандан ширээ засаж
Нандин идээн сархадыг өрж
Хутга тавилгүй мах идэж
Хундага тавилгүй архи ууж
Найрын ихээр найралж
Амар сайхан жаргажээ.

Монгол ардын үлгэрүүд. Редактор Ө.Банди. 1966 он.

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа