Дурлал гэдэг тэр зүйлээс чинь

Дуслын төдийд амсахад

Дуулим хорвоо бүхлээрэй эргэж

Дуутай залуу нас үелэгддэг юм билээ

Амсхад амт нь зөөлөрч

Архи шиг бас гашуун юм билээ

Ахиад цааш нь балгачихаар 

Алаг зүрх нь хайраар дүүрдэг юм билээ

Халихаас нь наана зогсохгүй бол

Хагацал болоод хоосорчихдог юм билээ тэр зүрх

Дуусахаас нь өмнө дахиад уухгүй бол

Дуу гарахаа байж үхдэг юм билээ

Гэхдээ нэг амсчихаар тэр дурлал чинь

Гарч чадамгүй донтон шиг болгочихоод

Гараас нь мултраад зугатах гэхээр 

Гарцаагүй хөлөөс дүүжлэгдчихээд хэцүү юм билээ

Хүч оюунаа дайчлан байж 

Хүлээснээс нь мултарчихаар 

Оргилж халиад байсан дурлал чинь 

Ор мөргүй уурсчихаад 

Орондоо унтах ч чадалгүй болтол 

Оролдон намайг тарчлаах юм билээ

Ээ хөөрхий тэр дурлалаа гэж 

Эцэс нь харагдахгүй далай ч юм уу

Ай чааваас тэр дурлал чинь

Атгын чинээ өчүүхэн ч юм уу даа 

М. Батнайдвар 2011.09.28 22:07

YolHad_42.JPG
Хэмжээс: 700x525 98k
Сэтгэгдэл: 0
Үзсэн: 3615

Гэгээ
Хэмжээс: 453x600 121k
Сэтгэгдэл: 0
Үзсэн: 4931

khuv5-025.JPG
Хэмжээс: 600x450 60k
Сэтгэгдэл: 0
Үзсэн: 3778