Ш.Гүрбазар : Хайрын таталбар

Та миний тэмдэглэлийн дэвтрийн чимээг сонсож байгаа байх

Ханьдаа байтугай үрдээ нууж явдаг тэмдэглэлийн дэвтрээ танд үзүүлж

Хар торгон хамжаарыг чинь боржигонд харлаа Хандармаа

Ангир цагаан цээжийг чинь эр болохдоо тэвэрлээ Хандармаа

Хандармаа ханиасаа нуусан харцны минь жаргал нь юм билээ Хандармаа

Үрдээн ч яриагүй үнэний зовлон нь юм байна лээ Хандармаа

Үдэхдээ үхэхийн хэртэй цовхчих зүрхний чинь чимээнээс

Надад хайртайг чинь наслахын хэртэйд үнэн байгаад би итгэж байна

Санаад л байхаа мэдсэн бол сэтгэл минь хүртэл буруутай

Чамайгаа би чинь хаашаа ч явуулмааргүй санагдан хорогдоод байна

Бороотой шөнийн гудамжаар чамруугаа яаран алхахдаа би дуртай

Болор мөнгөн дуслаар нь сормуусаа үнсүүлэн эрхлэхдээ би жаргалтай

Одоохон одоохон чамтайгаа уулзана гэхээр очих газрын холыг яана

Бие биедээ тэмүүлэн очтол борооны чимээ зогсвол яана

Баруун баруунаас саатан жаргах нарны цоохор гуниг сарниж

Бадаг санаанд минь өөрөө шивэрсэн бодлын бороо ороосой

Ингээд уншаад байвал хайрын тухай хэчнээн олон бадаг шүлгийг би танд уншиж болохоор байна. Зүгээр би бодоход хүн гэдэг үхэн үхтлээ дурлаж явдаг амьтан шүү. Дараа уншъя хүн ирж байна

Facebook Twitter LinkedIn WhatsApp Email Дуртай Хэвлэх Like

Санал сэтгэгдэл
2014-05-15 kkk setgel gedeg togtworgui ymdaa.
2014-01-21 unshaad l suuxad ulum tatagdaad sajaxiin argagui argamjix ymaa eneshuleguud
2012-09-16 сайхан шүлэг л дээ би гүрээ ахын шүлгэнд их дуртайл даа
2012-03-17 гоё шүлэг юмаааааааа