Н.Тайванжаргал : Өөдрөг яваа дүү минь
Нарны өнгөнд баярлаж Насны залуугаараа гоёчихсон яваа дүү минь Хорвоо чиний өнгөнд атаархдаг юм шүү Хорин насаа хорьж тогтоож яваарай Өөдрөг явахад юм бүхэн өнгөтэй байдаг ч Өнөөдрийн нар маргааш тусахгүй байж магад Хөлөө олсон өнөөдрийн амьдралдаа бат зогс Хүссэн амжилтаа өөрийнхөө зоргоор ав Чамд болож дүүрэн байна аа Цаана чинь илүү их амжилт хүлээж байна Өндөр дээрээс хүн унахаараа Ёроолд хүрч байж л тогтдог юм Өөрийгөө мэдэж хянамгай амьдар Хэн чамайг баярлуулж гомдоохыг чи мэдэхгүй ч Хичнээн олон жил чамайг хүлээж байгааг чи мэднэ Залуу халуун явахад зовлон чамаас хол санагдавч Замын бартаа өчнөөн байж магад Энэ л сайхан залуу насаа Эрдэж бардаж яваад алдав даа Эцгийнхээ сургаалыг Эхийн хайртайгаа санаж явахад Миний дүү Хүний дайтай сайн явнаа
Дэгэж дарвих нь элбэг Дэндүү омголон дүү минь Дээлийнхээ өвөрт бодолтой явахдаа Дэргэдээ яваа найздаа түшигтэй яваарай Сайн явахад найз нөхөд олон байдаг ч Сархад бариад ирдэг нь дэндүү олон доо Гурван дугараанааас хэтрэлгүй тохитой байж Гуйвтлаа уухыг гутамшиг гэж ойлгоорой Гуйлгачингийн гарыг хоосон буцааж болох ч Гутал тосолж буй хүний шудрага хөдөлмөрийг сайн үнэлээрэй Гунхсан сайхан бүсгүйд харц алдавч Гутартлаа сэтгэлээр унах хэрэггүй Чиний төлөө амиа ч өгч болох Чин сэтгэлт охин хаа нэгтээ чамайг хүлээж байгаа Үгийн дайварт хууртаж хөнгөхөн бүү хөдлөөрэй Үргэлж өөртөө би хүний төлөө амьдарч байна гэж Бусдыг хайрлаж яваарай дүү минь Бурхан биш ээж аав чинь чамайг төрүүлсэн Бусдыг нь чи өөрөө авч явах болохоор Өвгөдийнхөө нэрэнд сэвгүй Өөрийнхөө амьдралд толбогүй Үргэлж сайн яваарай дүү минь
Найз нөхдөөрөө хүрээлүүлж Найрын дугараанд онгод шиг бадарч яваа дүү минь Дөмөгтэй яваа нэгнээр шар хэвлэл оролддог хойно Дөрөөн дээрээ чангахан гишгэж яваарай Бурхан шиг тахигдсан байсан ч биеэ бүү тоо Бусдын нялуун манж үгийг бүү сонс Магтаал их сонсохоороо хүн биеэ тоодог Манж үг олдохоороо буруу замруу хөтөлдөг Дээрээс бусдыг харах хэрэггүй Дэргэд нь байж үгий нь сонс Оргилд хүрсэн замаа үргэлж санаж яв Одоо боллоо гэж бүү буу Амьдрал чиний хувьд яагаа ч үгүй Ахиад чамд зөндөө олон боломж байна Хүний мөрөн дээр гишгэж амжилтанд хүрсэн Хүнтэй бүү нөхөрлө Хүзүүн дээрээ гаргачихвал Хэзээ ч чи түүнийг буулгаж чадахгүй Сайн муутай энэ хорвоод Санасан шигээ сайхан амьдрахдаа Хүүхдийн инээдтэй газар аз жаргал бэлэглэж Хөгшидийн мааньтай газар буян хийж яваарай Өөдрөг яваа миний дүү Өнө мөнхөд сайн сайхан явнаа
Н.Тайванжаргал
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
YolHad_27.JPG 700x525 89k Сэтгэгдэл: 0 Үзсэн: 5060
zam-038.JPG 600x450 104k Сэтгэгдэл: 0 Үзсэн: 4343
Замдаа 600x450 85k Сэтгэгдэл: 0 Үзсэн: 4564
Нэр: Э-шуудан: Санал хүсэлт:
/www.biirbeh.mn
Twitter 
