“Эх”
Эх хүн гэж Миний ээжийг хэлдэг Ээжээ гэж дуудах Энхрий үр нь би байдаг
Эх хүн бурхан биш ч Элбэрэл хайр нь ид шид байдаг Эмч домч биш ч Эдгээх анагаах нь дом байдаг
Эх хүний
Сүү сэтгэл хоёр нь цагаан байдаг Сүсэг бишрэл нь гэгээн байдаг Сүүдэр газар ч нартай байдаг Сөгдөж суугаад залбирмаар байдаг
Дуун аялгуу нь бүүвэй байдаг Дундаа тасардаггүй аялгуу байдаг Дуулж суугаа нь элбэрэл байдаг Дууны дахилт нь сүү байдаг
Эх хүний Өнө мөнх хайр нь гэгээн байдаг Өгөөмөр сэтгэл нь цагаан байдаг Өглөө нар шиг ялгуун байдаг Үргэлж санахад сайхан байдаг
Төрүүлж өсгөсөн заяа нь эгэлгүй байдаг Түшиж өндийхөд эх хүний хайр дэм байдаг Түгдчиж алхахад урмын үг нь тэнцвэр болдог Түгшиж айхад нөмөр нь ивээл байдаг
Эх хүний Унаж бүдрэхэд сэтгэл нь газар зөөллөдөг Уйлсаар очиход нулмис сэврээх шидтэй байдаг Урмын үг нь бурам шиг байдаг Ухаан тэгширүүлсэн үг нь сургаал байдаг
Эх хүний Ухаан сүү хоёр нь ундарч байдаг Урсгал их мөрөн шиг дэвэрч байдаг Урам шагнал хоёр нь дүүрэн байдаг Уяхан сэтгэл нь хайр байдаг
Хайр ухаан хоёр нь хамт байдаг Халамж энэрэл хоёр нь нар байдаг Халуун сэтгэл нь хайр байдаг Хамтдаа байхад бурхан шиг байдаг
Хариу нэхээгүй сэтгэл нь сүү байдаг Халамж хайр нь амь байдаг Харж суухад бурхан байдаг Хайрлаж санахад шүтмээр байдаг
Эх хүний Үгийн үзүүрт нь сургаал байдаг Өгүүлбэрийн төгсгөл нь ухаан байдаг Үнсэлт бүхэн нь бурам байдаг Үнэний төлөөх сэтгэл байдаг
Тэнгэр их заяа нь эгэлгүй байдаг Тэвчээр хатуужил нь гайхмаар байдаг Тэнцүү биш эр эмийн тавиланд Тээж төрүүлэх их хувьтай байдаг
Буртаггүй сэтгэл нь Булайг нимгэлсэн сүү байдаг Бусдын төлөө шаналах нь Буяны мөр байдаг
Эх хүн
Элбэрэл буяны даллага байдаг Эцэг хүний хайр нь байдаг Эндэх алдах нь үгүй байдаг Ирээдүй цагийн эхлэл байдаг
Эх хүн Бараан нөмөрлөсөн ч гэгээн дүртэй байдаг Бачимдаж орилсон ч тайвшруулах үгтэй байдаг Баяр хөөрийн дээд нь байдаг Байнгà бодогдох бурхан минь байдаг
Алдаа оноог ялгагч нь байдаг Арга ухааны дээд нь байдаг Аз жаргалын замыг заагч нь байдаг Алив бүхний эхлэл нь байдаг Эх хүн
Энэ амьдралын эхлэл байдаг Энэрэл хайрын ундарга байдаг Эхлэл төгсгөлгүй үргэлжлэл байдаг Эрхэм чанарын эх булаг нь байдаг
Үүрд ханийн түшиг байдаг Үргэлж гэгээн саруул байдаг Үдийн нарны илч шиг өгөөмөр байдаг Үнэнч хайр нь дулаан байдаг
Үхэл амьдралын зааг дээр Үргэлж аврагч байдаг Үрдээ биеэ хуваасан ачий нь Үнэлж цэгнэх аргагүй байдаг
Эх хүн Гаслан хяслант хорвоог гэтэлгэгч байдаг Гайхамшигт ачлал нь элбэрэл байдаг Гамшиг аюулыг туулах арга ухаан байдаг Гал халуун сэтгэлийн булаг байдаг
Эх хүн Элэгдэж эмтэрсэн ч Эцсийн ганц амьсгал нь үрдээ л байдаг Ээдрээт амьдралын эсрэг Ирлэж хурцалсан сэтгэл байдаг
Хол ойрын газрыг сэтгэлдээ багтаасан Хорвоогийн амьдралын эхлэл байдаг Хосоор амьдрах тавилангийн Хоёр амины нэг нь байдаг
Бурхан биш ч Бүхний эхлэл амьдрал байдаг Буян хийсэн тус нь Бузрыг арилгасан ухаан байдаг
Газар дээрхи Ганц гэрэл гэгээ нь байдаг Гарцаагүй үнэнийг олж хэлдэг Гайхамшигт үгний эзэн нь байдаг
Энэрэнгүй сэтгэлийн дээд байдаг Эгэлгүй нэгэн хосгүй заяа байдаг Эхлэлээсээ аваад төгсгөл хүртэл Эх авсан ундрага шиг байдаг
Эх хүн гэж Энэ биеийн үндэс байдаг Ирж буцах хорвоогийн Ирээдүй цагийн гүүр нь байдаг
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
Сайнбаяр 600x450 92k Сэтгэгдэл: 0 Үзсэн: 4738
Үлгэр 600x800 203k Сэтгэгдэл: 0 Үзсэн: 5171
Тахилга 600x402 124k Сэтгэгдэл: 0 Үзсэн: 4664
Нэр: Э-шуудан: Санал хүсэлт:
/www.biirbeh.mn
Twitter 
