Шүлгүүд минь тэмээний нулимс; 

Эр тэмээний нулимс;
Эрт аяншсан солби тэмээний нулимс;
Сохор тэмээний нулимс...

Загийн бүүр цангамал байна
Захын тойром царцмал байна.
Цайдмын цэрдийг урсган, урсган
Цагийн аясыг зурмаар байна.

Шүлгүүд минь тэмээний нулимс

Зогдортоо түүртэхгүйн тулд урссан нулимс
Зовлондоо түүртэхгүйн тулд уйлсан нулимс...

Харганын бүүр хатмал байна
Хадны цуурай давтмал байна.
Жалгын зосыг урсган, урсган
Жамын үнэнийг зурмаар байна.

Шүлгүүд минь тэмээний нулимс
Домогт өгүүлдэгчлэн уулын орой ширтсэн хүлээлттэй нүдний нулимс
Дотогшоогоо бас ширтсэн бясалгалтай нүдний нулимс
Доголон нулимс...

Шүлгүүд минь тэмээний нулимс!

mongolia2007year-144.JPG
Хэмжээс: 600x450 123k
Сэтгэгдэл: 0
Үзсэн: 4085

zam-071.JPG
Хэмжээс: 600x450 80k
Сэтгэгдэл: 0
Үзсэн: 5103

YolHad_26.JPG
Хэмжээс: 700x525 68k
Сэтгэгдэл: 0
Үзсэн: 1269243