Follow us on Twitter
Нүүр Гишүүн Сэдэв Шүлэг Өгүүллэг Сургамж Электрон мэндчилгээ Зургийн цомог Шилдэг Хайлт
 

 
  • BIIRBEH.MN by Bataka: Б.Ичинхорлоо

    Энэ сэдэв дээр хайх:   
    [ Үндсэн хуудас руу буцах | Шинэ сэдэв сонгох ]

    Б.Ичинхорлоо Шүлэг: Б.Ичинхорлоо : Амьдрал
    Оруулсан admin on 2008-12-23 02:37:52 (715 уншсан)

    ehlenbichigch writes "
    Амьдрал үзлээ гэж ахмад хүмүүс шогшроно.
    Амьдралын амтыг үзэх гэж адгуу зарим нь яарна.
    Амьдралаа оллоо гэж анд надад гайхуулна.
    Амьдралд яарахгүй ээ гэж харин би бодно.
    Үзээд байдаг ший жүжиг үү амьдрал
    Амтлаад байдаг амттан уу амьдрал
    Олоод байдаг эрдэнэ үү амьдрал
    Хүлээлгэж болдог унаа юу амьдрал
    Би бодлоо амьдрал гэж юу вэ
    Өдөр цаг мөч бүхэнд амьдралыг
    Үзэж амталж олж яарсаар
    Бүрэн дүүрэн амьдарч байна
    "


    (Сэтгэгдэл бичих? | Шүлэг | Оноо: 5)

    Б.Ичинхорлоо Шүлэг: Б.Ичинхорлоо : Сарны анд
    Оруулсан admin on 2008-12-23 02:36:37 (254 уншсан)

    ehlenbichigch writes "
    Би мөнгөн сарны анд билээ
    Бичгийн ширээн дээр цагаан цаас
    Биеийг нь элээхийг хүлээж аниргүй
    Их хурын өмнө амьсгал түгжих тэнгэр шиг
    Тийм догдлонгуй
    Тэнгэрийн цэнхэрээс зээлж авсан бэхээр
    Охин биеийг хөндөх эрийн энхрийлэлээр
    Орчлонгийн мөрийг би сарны дор үлдээж
    Одоо энд цаас өөрийнхөөрөө дуулж байна
    Би мөнгөн сарны анд билээ"


    (Сэтгэгдэл бичих? | Шүлэг | Оноо: 0)

    Б.Ичинхорлоо Шүлэг: Б. Ичинхорлоо : Эх нутаг
    Оруулсан admin on 2008-10-23 03:54:24 (741 уншсан)


    Цав цагаан навчис тэнгэрээс хагдарч
    Хуучин гутлын уланд чахрана
    Цас орж байна гэж намайг тэнэглэхэд
    Хүмүүс аанай л толгой дохино
    Тэс хөлдүү моддын нөмөрт
    Даль хумин болжмор чичирч
    Зовлонт эх нутгийнхаа тухай
    Золгуй шүлэгч гиюүрэн дуулна
    Энд би оршуулгын газар шигээ дасч
    Элгээ өмлөн хоромхон чулуужнам
    Хуучин танил шиг элэгдмэл саран
    Хувхай мөчирт гэрлээ унагаж
    Хилэгнэл харууслын дуу
    Хэрээ мэт айсуй
    Цөөхөн байгаасай гэмээр яг энэ орой л
    Цөмөврөв үргэчихлээ шүү, сэтгэлийн хун шувууд...


    (Дэлгэрэнгүй... | Мэндчилгээ болгон илгээх |
    | 1936 байт | 1 сэтгэгдэл | Шүлэг | Оноо: 0)


    Б.Ичинхорлоо Шүлэг: Б. Ичинхорлоо : Яг одоо би таныг өөртөө авмаар байна
    Оруулсан admin on 2008-06-29 01:42:31 (1851 уншсан)


    Яг одоо би таныг өөртөө авмаар байна
    Ярих мэт нүдийг чинь,
    Харах мэт үгийг чинь...
    Эзэлмээр байна би таныг
    Итгэлтэй зүрх чинь хэрхэн итгэлээ гээж
    Илбэдүүлсэн мэт уйлан шархирахыг сонсмоор байна
    Тархины чинь хаа нэгтээ үүрээ засчихаад нисч
    Тасарсан утастай гитар шиг хэрэггүй болохыг чинь үзмээр байна
    Тэвдэж үзээгүй амгалан царай чинь түгшүүрээр дүүрч
    Тээр болсон дурлалынхаа амтанд шархдан унаж
    Яг одоо хүслээ нуучихаад ажиггүй инээмсэглэх
    Ягаахан уруул чинь хэрхэн чичрэн цайхыг хармаар байна
    Хэнд ч хэлж ззээгүй сайхан үгсээ цуглуулж
    Хичнээн дахин бичсэн шаналлын захиагаа базаж
    Өөрийн минь нэрийг шивнээд цөхрөн уйлахын төлөө
    Өөдөөс чинь харж суугаад хундага өргөн инээмсэглэнэм


    (Дэлгэрэнгүй... | Мэндчилгээ болгон илгээх |
    | 4 санал | Шүлэг | Оноо: 4.5)


    Б.Ичинхорлоо Шүлэг: Б.Ичинхорлоо : Салхиний хэлээр
    Оруулсан admin on 2008-06-29 00:59:33 (618 уншсан)

    ehlenbichigch writes "
    Хана налан зогсоод салхинд зам тавьж өг
    Харамсахгүй ээ, тэр хүрэх газраа хүрэг
    Сайхан нүдтэй мөнөөх эрийн
    Шанхан дээр үнсэг
    Цаг хугацааг модны мөчирт өлгөлөө
    Цааш юу болох нь хамаагүй ээ
    Энэ модыг хэний ч юм дурсамж
    Элэнцийн ч юм уу гуниг тэжээж ургуулдаг
    Өндөрсөх модны сүүдэрт алдаагаа булахаар
    Өнөөх эр дандаа ирдэг"


    (Дэлгэрэнгүй... | Мэндчилгээ болгон илгээх |
    | 1623 байт | Сэтгэгдэл бичих? | Шүлэг | Оноо: 4)


    Б.Ичинхорлоо Шүлэг: Б.Ичинхорлоо : Чамдаа
    Оруулсан admin on 2008-02-19 21:40:01 (2912 уншсан)

    Тэртээх хаврын өдрүүдийнх шиг хөтлөлцөөд нэг алхалмаар
    Тийм яруухан мөч хүлгийн төвөргөөн шиг нижигнэн
    Уйтай сэтгэлийн минь аниргүйг сэрээнэ
    Уулга алдан айсуй
    Үгүйдээ хайрт минь би мартаж чаддаггүй
    Үнэндээ чи ч бас мартагдахыг хүсдэггүй
    Харцны чинь гэгээнд шүлэг тэрлэж явахад
    Хаврын шувуудын дуун эцээд болдоггүй ээ


    (Дэлгэрэнгүй... | Мэндчилгээ болгон илгээх |
    | 1820 байт | Сэтгэгдэл бичих? | Шүлэг | Оноо: 4.7)


    Б.Ичинхорлоо Шүлэг: Р. Ичинхорлоо : Тэнгэр
    Оруулсан admin on 2007-04-14 05:20:00 (2805 уншсан)



    Миний монголын тэнгэрийг эсгэх гэж
    Бусдын од харвадаггүй
    Миний монголын тэнгэрт эрхлэх гэж
    Бусдын од шохоорхдог юм.


    Миний монголын тэнгэрт өдөлсөн шувуу
    Бусдын тэнгэрт өдөө цацдаггүй
    Миний монголын тэнгэрт өссөн бүргэд
    Будант газар ясаа тавьдаггүй

     

    1990 оны "Болор цом"-д уншсан тэргүүн байрын шүлэг



    (Дэлгэрэнгүй... | Мэндчилгээ болгон илгээх |
    | 3 санал | Шүлэг | Оноо: 5)


    Б.Ичинхорлоо Шүлэг: Б.Ичинхорлоо : Бодол
    Оруулсан admin on 2007-04-10 02:24:26 (1260 уншсан)

                            Нэгэн цагт
                            Нэгэн цагт би тэнд хүрнэ
                            Нэлмэгэр хөх гэрэлд татагдаж
                            Тэнэг жаахан охин шиг дурлаж
                            Тэр одны зүг дэнгийн эрвээхэй шиг нисэж хүрнэ
                            Тэр сондгой ганц одны зүг
                            Тэнхээ барагдталаа дэвьж хүрнэ


    (Дэлгэрэнгүй... | Мэндчилгээ болгон илгээх |
    | 4029 байт | Сэтгэгдэл бичих? | Шүлэг | Оноо: 0)


    Б.Ичинхорлоо Шүлэг: Б.Ичинхорлоо : Сарны анд
    Оруулсан admin on 2007-04-10 02:23:12 (779 уншсан)

                        Би мөнгөн сарны анд билээ
                        Бичгийн ширээн дээр цагаан цаас
                        Биеийг нь элээхийг хүлээж аниргүй
                        Их хурын өмнө амьсгал түгжих тэнгэр шиг
                        Тийм догдлонгуй
                        Тэнгэрийн цэнхэрээс зээлж авсан бэхээр
                        Охин биеийг хөндөх эрийн энхрийлэлээр
                        Орчлонгийн мөрийг би сарны дор үлдээж
                        Одоо энд цаас өөрийнхөөрөө дуулж байна
                        Би мөнгөн сарны анд билээ


    (Дэлгэрэнгүй... | Мэндчилгээ болгон илгээх |
    | 4716 байт | Сэтгэгдэл бичих? | Шүлэг | Оноо: 0)


    Б.Ичинхорлоо Шүлэг: Б.Ичинхорлоо : Намрын хүүхэн
    Оруулсан admin on 2007-04-10 02:19:40 (728 уншсан)

                            Би намрын хүүхэн
                            Хүсвэл өгч үнсүүлэх
                            Хүйтэн уруултай
                            Хүүхэн
                            Хүнд зовхийн доор
                            Гал гялбах
                            Харцтай
                            Шар хилэн хувцастай
                            Шалигүй эмзэг
                            Маргааш болоход
                            Мартагдах ... тийм хэрэггүй
                            Намрын хүүхэн
                            Юухан ч биш жаахан гуниг
                            Ерөөл зохихгүй бардам зан
                            Цээжинд минь шувуу шиг үүрлэсэн
                            Цэнгэх хүсэлтэй дууч зүрх
                            Амьдрахын тулд үхэхийг л чадах
                            Амь...
                            Ай, энэ би
                            Намрын хүүхэн


    (Сэтгэгдэл бичих? | Шүлэг | Оноо: 0)

    Б.Ичинхорлоо Шүлэг: Б.Ичинхорлоо : Цаг
    Оруулсан admin on 2007-04-10 02:10:31 (1082 уншсан)

                            Урьдын гунигт түүх
                            Улирсан
                            Уруулын минь өнгө
                            Бүүдгэрсэн
                            Тийм мартам дурлал
                            Тийм хурц өнгө
                            Тэр цагийнх байсан ...


    (Дэлгэрэнгүй... | Мэндчилгээ болгон илгээх |
    | 4852 байт | Сэтгэгдэл бичих? | Шүлэг | Оноо: 4.66)


    Б.Ичинхорлоо Шүлэг: Б.Ичинхорлоо : Зуун намар
    Оруулсан admin on 2007-04-10 02:07:57 (1473 уншсан)

                        Зуун намар, зуун намар би ингэж гунихгүй
                        Зузаан үүлсээр чамдаа хэл өгүүлэхгүй
                        Амгалан царайг чинь догдлон ширтээд
                        Аялгуут үгсийг шагладаг минь ч үлдэхгүй
                        Зуун намар, зуун намар ингэж гунихгүйгээс хойш
                        Зузаан үүлсээр чамдаа хэл өгүүлсээр байх болно
                        Амгалан царайг чинь догдлон ширтээд
                        Аялгуут үгсийг шагласаар л байх болно


    (Дэлгэрэнгүй... | Мэндчилгээ болгон илгээх |
    | 3335 байт | Сэтгэгдэл бичих? | Шүлэг | Оноо: 5)


    Б.Ичинхорлоо Шүлэг: Б.Ичинхорлоо : Тохуу
    Оруулсан admin on 2007-04-10 02:06:34 (680 уншсан)

                            Та миний хайр биш
                            Тэнхэл зүрхний гуниг биш
                            Ууж дассан дарс шиг
                            Ужи хөнгөн зугаа юм
                            Үгийн аясаар бөмбөрдөг
                            Араншиныг чинь би өр өвддөг
                            Үйлэр тантай нөхөрлөсөн
                            Алдаа гэж боддоггүй
                            Та бид хоёрын дунд
                            Там эсвэл диваажин
                            Хязгааргүй орон зай буй
                            Хагацал гэж байхгүй
                            Хайр бас сэрэхгүй
                            Сэтгэл хүлэх хүндэтгэл
                            Сэмхэн ч болов үргэхгүй
                            Та миний хайр биш
                            Тавилан заяаны тохуу юм


    (Сэтгэгдэл бичих? | Шүлэг | Оноо: 0)

    Б.Ичинхорлоо Шүлэг: Б.Ичинхорлоо : Үл үзэгдэгч хүмүүс
    Оруулсан admin on 2007-04-10 02:05:28 (557 уншсан)

                        Үл үзэгдэгч хүмүүс замын тоос хөндөн
                        Өндөр тэнгэрийн дор чимээгүйхэн алхана
                        Аньсга сормуус цантах өвөл ирснийг мэдээд
                        Алчуур болгож хөнгөн үүлсийг зангидна
                        Мөр нь үлдэхгүй хүмүүс удаан хөгширнө
                        Мөнгөн шөнийн зүүдэнд ч үл ирнэ
                        Нялх өвс бүлээн оргиулан өлмий тэмтрээд
                        Нарны гэрэл нөмөрч харганын нөмөрт унтана
                        Үл үзэгдэгч хүмүүст цаг тоолол хамаагүй
                        Үе олны дунд аниргүйхэн алхалсаар байна
                        Үхширч гандсан орчлон үүдээ хаахад
                        Үл үзэгдэгч хүмүүс л ертөнцөд үлдэх болно .


    (Сэтгэгдэл бичих? | Шүлэг | Оноо: 0)

    Б.Ичинхорлоо Шүлэг: Б.Ичинхорлоо : Хайр
    Оруулсан admin on 2007-04-10 02:03:38 (905 уншсан)

                            Доошоо ширтээд харцаа нуугаарай
                            Догдлоод би уйдамхай шүү
                            Инээдэн цаанаа үгээ дэвсээрэй
                            Итгэхгүй ээ, би хайртай шүү
                            Эмзэг зүрхийг минь чи аваарай
                            Энэ минь сүүлчийн бэлэг шүү
                            Элдэвлэж тунисан үгийг минь гээгээрэй
                            Ээ дээ, надад гуниг зохихгүй шүү
                            Хайрт минь чи ганцаараа ирээрэй
                            Хамаг итгэлийг минь өөрөөсөө хайгаарай
                            Цэх ширтээд уравснаа хэлээрэй
                            Цээжний минь нөмөрт алдаатайгаа багтаарай.


    (Сэтгэгдэл бичих? | Шүлэг | Оноо: 3)

 
Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2009 Biirbeh.MN.
     All rights reserved.
By Bataka
Утас : 976-99076364
И-мэйл :info@biirbeh.mn