Эхийн цагаан сүү нь үгүй ч
Эцгийн халуун хайр нь байдаг
Эр цэргийн албанд мордоогүй ч
Эх орноо гэсэн сэтгэл нь байдаг

Нулимс гаргам ширүүн үгтэй ч
Нуугдмал сэтгэл нь дэндүү уян
Зангидаж атгасан гар хатуу ч
Зүрхэндээ тэд дэндүү өрөвчхөн

Өдөөд ирэх дайсны өөдөөс
Өрсөөд давших нь МОНГОЛ Эрчүүд
Өөрийн гэсэн эх орон, эмэгтэйчүүдээ
Цээжээрээ хамгаалах МОНГОЛ Эрчүүд

Дэлхийн яруу найргийн өдрийг тохиолдуулан Соёл Яруу Найргийн Академиас 3-р сарын 18-нд “Ирж буй цаг” яруу найргийн чөлөөт уншлага зохион байгуулна. Уншлага “Ирж буй цаг” яруу найраг-уран бичлэгийн үзэсгэлэн дэлгэгдсэн Улаан Гэр арт галерейд болно. Яруу найргийг тайзнаас биш, дэргэдээс нь анирлахыг хүссэн хэн бүхэнийг хүрэлцэн ирэхийг урьж байна.

Улаан Гэр арт галерей 15 цаг 30 минут

Залуу яруу найрагч Э.Үржинхандын "Өөртөө үнэнч үлдэнэ" шинэ шүлгийн ном худалдаанд гарлаа.

Ном худалдаалагдаж буй цэгүүд:

1. Internom номын дэлгүүр
2. Улсын Их Дэлгүүрийн номын тасаг
3. 3,4-р хорооллын НОМИН-ийн номын дэлгүүр
4. Баруун 4 замд байрлах Шинэ Монгол Өргөө-ийн номын дэлгүүрүүдэд тус тус худалдаалагдаж байгаа.

Номын буян арвижих болтугай.

“Бас л завгүй” яруу найргийн цомог нь  монголын сор болсон 13 яруу найрагчдын шилдэг 26 шүлэг багтсан. Эдгээрийг дурьдвал:

• Б.Лхагвасүрэнгийн “ Боржигний бор  тал”, “Ижийтэйгээ байхад”
• Б.Явуухулан “Харахаас ялдам хонгор бүсгүй ”, “Би хаана төрөө вэ”
• О.Дашбалбар “Амьддаа бие биеэ хайрла”, “Эх орон”
• П.Бадарч “Эхийн сэтгэл”,  “Есөн эрдэнийн орон”
• Д.Урианхай “Өчиг” , “Богд эзнээ чагнахуй дор”
• Т.Цоодол “Харамчийханы дууль” , “Миний муусайн найзууд”
• Д.Нямсүрэн “Амитаба”,  “Дөрвөн цаг”
• Ц.Хулан “Ирээдүй анирдахын бадаг”,  “Санчигандаа бууралтай эр хүнд хайртай”
• М.Билэгсайхан “Эрчүүдээ өмөөрсөн шүлэг”,  “Гэгээн Монгол”
• Г.Мөнхцэцэг “Битгий урваарай миний хүү”,  “Дагуулахдаа л дагуулна”
• А.Эрдэнэ-Очир “Голын тохой дээр”, “Миний зурсан хорвоо”
• Б.Ичинхорлоо “Зуун намар”,  “Чамдаа”
• Модернист яруу найрагч  Б.Галсансүх “Бурханд хэлэх зөвлөгөө ” ,  “Чойномд бичсэн захидал ” гэх мэт  шилдэг шүлгүүд багтсанаас бөгөөд  яруу найрагчи шүлгээ өөрсдийн дуу хоолойгоор уншсанаараа онцлогтой юм. 

Уг цомогийг 1905 утсанд захиалвал таны  хаягаар үнэгүй хүргэж өгөх болно. Мөн   6390 төгрөгөөр Hi-Fi mega store, Orange records болон “Номин” их дэлгүүрийн салбаруудаар  худалдаалагдаж байна.

Давтагдашгүй яруу найргийн шилдэг бүтээлүүдийг мөнхлөн үлдээв.

Та доорх зарим шүлгийн хэсгээс татаж сонсож болно

• Шүлэгийн цомирлогоос
  
• П.Бадарч : Эхийн сэтгэл
  
• П.Нямсүрэн : Дөрвөн цаг
  
• Ц.Хулан : Нэргүй шүлэг
  
• О.Дашбалбар : Эх орон
  
• О.Дашбалбар : Амьддаа бие биеэ хайрлаарай
  
• М.Билэгсайхан : Эрчүүдээ өмөөрч бичсэн шүлэг
  
• Д.Урианхай : Өчиг
  
• Д.Цоодол : Харамчийханы дууль
  
• Д.Нямсүрэн : Амитаба
  
• Б.Явуухулан : Харахаас ялдам хонгор бүсгүй
  
• Б.Лхагвасүрэн : Боржигоны бор тал
  
• Б.Ичинхорлоо : Зуун намар
  
• Б.Галсансүх : Бурханд хэлэх зөвлөгөө
  

Ганцхан сумаас МЗЭ-ийн шагналт хоёр яруу найрагч төрнө гэдэг ховор тохиолдол гэж Дорноговийн Хатанбулаг руу явж байхдаа би бодсон. Их говийн өмнийн хөх хязгаар Хатанбулаг сумаас Сономын Чулуун, Гомпилдоогийн Мөнхцэцэг нар төржээ. Ноён хутагт Данзанравжаа ч энэ газар нутагтай амин холбоотой. Хулан хатныг нь ч энд оршоосон гэдэг. Ингээд бодохоор эл ариун дагшин газар нь эртнээс инагш дуу хуур, шүлэг найргийн онгод хийморьтой газар байж. 1990 онд “Болор цом” наадамд Дорноговиос гурван хүүхэд ирсний нэг нь Г.Мөнхцэцэг байв. “Бэхэн цэнхэр өдрүүд” гэсэн жижигхэн боловч чамбай хөөрхөн номоо тэр гурав надад дурсгахдаа
Мөнхцэцэг “Хархүү ахдаа өргөн барья. Онгод дэврэх болтугай!” гэж бичиж билээ. Эрдэнэ-Очир, Энхбаяр, Мөнхцэцэг гурвын
дурсгасан бяцхан ном одоо ч надад буй. Мөнхцэцэгийн ертөнц өвөрмөц, тэгээд ч шүлэг нь ямагт сэтгэлийнх нь байдаг.

1901 оны утга зохиолын салбарын нобелийн шагналтан:

СЮЛЛИ-ПРЮДОМ ФРАНСУА АРМАН /1839-1907/
Францын нэрт яруу найрагч Сюлли-Прюдом Парис хотод төрсөн.
"Станцууд хийгээд шүлгүүд"
"Авгиевын адууны хүрээ"
"Ганцаардал"
"Дэмий энхрийлэл"
"Шударга ёс"
"Аз жаргал"
"Яруу найргийнгэрээслэл" зэрэг түүний ном зохиолууд нь утга зохиолд үнэтэй хувь нэмэр оруулсныг нь үнэлж утга зохиолын салбар дахь анхны нобелын шагналыг түүнд 1901 онд өгчээ.

1902 оны утга зохиолын салбарын нобелийн шагналтан:

ТЕОДОР МОММЗЕН /1817-1903/
Германы түүхч Теодор Моммзен Шлезвиг-Гольштейне хэмээх газар нэг их чинээлэг биш ламтаны гэр бүлд төрсөн. Пруссийн парламент, Рейхстагын гишүүнээр сонгогдож байсан.
"Corpus Inscriptionum Latinarum" хэмээх 20 боть
"Ромын түүх" бүтээлээрээ түүхийн сэдвээр бичдэг томоохон зохиолчийн хувьд 1902 оны утга зохиолын салбарын нобелийн шагналыг гарджээ.