Хөвөөнд чинь төрж л өссөн дөө

Хөвсгөл тунгалагхан

тунгалагхан далай минь

Зүрхний минь тольтод л давалгаална даа

Зүүдэнд мөнхийн уяатай далай минь

        Энэрэлийн халуухан сэтгэл шиг

        Яасан  ариун дагшин нутаг ус вэ та?

        Эртний ямархан ерөөлөөр

        Хүү чинь болж төрсөн юм бэ би?

Алаг нүд шиг эх орноо

Аньсага сормуус шиг хилийн дээсээ

Хайрлаж явдаг шүү, сэтгэлдээ

Хадгалж явдаг шүү би зүрхэндээ

Хэлтрэх учиргүй хишиг буянаа

Хэлтийх учиргүй гэгээн төрөө

Хайрлаж явдаг шүү, сэтгэлдээ

Хадгалж явдаг шүү би зүрхэндээ

Өвлийн цагаан эрвээхэйнүүд шиг

Нисэнхэн эргэлдэх цасан бүжиглэнэ ээ

Өөр гаригийн сураг чимээ гэлтэй

Морилонхон айсуй шинэ жил бүжиглэнэ ээ

        Амьдрал дандаа шинэхэн байг гэж

        Амраг минь хоёулаа ч дуулан дууланхан бүжиглэе ээ

Намрын шувуу шиг одоход минь

Зэрэглээ нь даллаад үлддэг сэн

Намхан шаргал толгод минь

Дагаж гүйсээр хоцордог сон

        Урьдын ерөөл тавилантай

        Уудам Азийн элэгнээс

        Бууриа сэлгэж нүүгээгүй

        Буурал дээдсийн өлгий минь

Алган дээр чинь бойжихдоо

Алдраагүй билээ заяа минь

Аврал их бурхан шиг

Ачлал энэрэлтэй аав минь ээ

        Аврал их бурхан шиг

        Ачлал энэрэлтэй аав минь ээ

Сэрүүн намрын өглөө

Энэрэлтэйхэн эгчийгээ саналаа би

Сэтгэл санаа хямарч

Гэгэлгэн дуу дууллаа би

        Алдрай нялххан насанд минь

        Өргөж тэвэрсээр өсгөсөөн та

        Алсын аянд мордоход минь

        Өмөлзөж мэгшсээр хоцорсоон та

Хараа бараандаа мяралздаг

Хараа, Ерөө хоёр минь

Хангинан дурсаад суудаг

Аав л ээж л хоёр минь

        Хоёр буянтнаа санаад

        Хоолой зангируулж дууллаа би

        Холын шаргал харгуйг нь

        Эвхэн эвхсээр л харина даа

Хурц л алтан нарыг

Хуруугаар хааж л болох уу?

Хувьхан заяаны амрагаа

Хуураад хайрлаж л болох уу?

Ээж ээ, ээж ээ таныгаа би

Унтаад сэрэхдээ л саначихсан байх юм

Ээж ээ, ээж ээ танаасаа би

Удаан холдож чадахгүй байх шүү

        Үнэн голоосоо аминчлан гуйя

        Үргэлж надтай хамт байгаарай

        Дахин дахин шивнэж хэлье

        Дандаа надтай цуг байгаарай

Итгэл сайтын үр билээ

Сэтгэл сайтын үргэлжлэл билээ

Ижийн хайраар цангаагүй билээ

Эцгийн нөмрөөр дутаагүй билээ

        Удмыг минь битгий сэвтээгээрэй үр минь

Нартад заяасан ханийн тэнгэр чи минь

Насан туршийн гэгээн итгэл минь шүү дээ

Хайрын чинь цэнгэг нууранд шумбасан би чинь

Хамгийн жаргалтай бяцхан шувуухай шүү дээ

        Голын хайртай амраг чамайгаа

        Гомдоовол нүгэл, шаналаавал нүгэл ээ

        Зүрхний ганцхан эрдэнэ чамайгаа

        Зүдрээвэл нүгэл, зовоовол нүгэл ээ, хань минь ээ

Цэлгэр номин тохойд нь

Цэнгэн жаргаж өссөн

Цэнхэр боргио Хараа минь

Цэцгэн дундуураа мэлтэрнэ

        Аршаан цэнэтэй цэнгэг усан

        Алдхан биений минь амь шүү дээ

        Уяхан сэтгэл шиг Хараа гол минь

        Уудам монголын минь сүнс шүү дээ

Аавын мөнгөн өргөөний

Амгалан цэлгэр хоймор шиг

Ухаан бодолд ээнэгхэн

Улаанбаатартаа би хайртай.

        Богд Дүнжин гаравтайгаа би

        Борхон зүрхний холбоотой.

        Хатан тунгалаг Туултайгаа би

        Халуун амины хэлхээтэй.

Ургах наран тэнгэрээс

Улам ойртоод мишээлээ дээ хө

Билгүүн мөрөөдлийн арал дээр

Бидэн хоёр байлаа даа

Өврийн номин хангай нь хө

Харуул найман зовхистой доо

Өлзийт ногоон хөндий нь хө

Ханхлын цагаан овоотой доо

Зөөлөн хатуу нь ээлжлэхэд

Зөвтэй буруутай л явах юм даа

Алдрай насны дурсамжаа

Ахин дахин санах юм даа

        Хүслээр болдоггүй хорвоо юм даа   

        Хүн нь хүнийхээ дэмээр юм даа

Молор эрдэнийн гуурстай хүлэг морины

Монгол домгийг амилуулж цойлон нисэхдээ

Нартай, сартай мөнх хөх тэнгэртээ

Найдаж явдаг даа, сэтгэл минь

           Ай хө, тэнгэрийн харгуй минь, аяны харгуй минь

           Амгаланаар цэлмэн гийгээрэй

           Хурмастын жигүүрт цагаан хүлэг минь

           Хувь заяаг минь ивээн соёрхож дүүлээрэй

Арван тавны сар нь хө

Асгарсан цагаан гэрэлтэй

Алдуул гүйгүүл үүлс нь хө

Асарласан цагаан далавчтай

        Сарны доогуур, үүлсийн доогуур

        Цагаан морин зурвас зурвас

        Сарны ч дээгүүр, үүлсийн ч дээгүүр

Сүрлэг арслангийн зулзагыг нь болбол хө

Бярлаг шөрмөсөндөө идтэй л гэдэг ээ хө

Сүлдэн босоо хиймортой хүний л үрийг хө

Азийн Монголын манлай гэдэг ээ хө

        Дайдын дайдад алдартай дэлхий бөх Баянмөнх

        Далай даян дархан аварга аа хө

Будант уулын шилд нь

Буга согоо хоёр оо хө

Булиглах зүрхэнд  мишилзсэн

Булган хангайн бүсгүй хө