|
|
Вэб сайт хийнэ, байрлуулна ...
|
|
Хайх
Та эндээс шүлэг өгүүллэг хүссэнээ хайж болно...
|
 Шүлэг: Б.Энхбат : Өнгөрсөн ба ирээдүй
Оруулсан admin on 2015-10-27 12:53:51 (4393 уншсан)
Үглэл дуулал хөдөлгөөнжиж
Өмдний товч цахилгаанжиж
Үсний сор минь мөнгөжөөд
Өнөөдөр л нэг юм ухаажив
Өөрийн эрхгүй улс төржөв өө хө
Оюу толгойгоос долларжино.
Яваандаа тэгээд баяжинаа
Янзын улс болгоноо гээд
Ойгоод буутал нь хэлбэржиж
Олон намууд нь сонгуульжиж
Онцгүй нэгэн нь содонжиж ээ
Арга зальтай нь авлигажиж
Аргагүйн эрхэнд жагсаалдаж
Хүч тамираа шавхан байж
Хөгийн замуудыг засмалжуулж
Хоёр солонгос шиг дүүргийг
Хооронд нь холбож гүүржүүлж
Төрсөн тэлсэнийг шуурхайлуулж
Түц авдараар нь соёлжуулж
Мичин жилийн сургаар нь
Малаа хямдханаар төгрөгжүүлж
Ангараг дээрээс ус олдсон тул
Авто захуудыг нүүлгэнэ чиг
Аймаар том солир ойртох тул
Автобусанд суухыг нь картжуулж
Ирэх жилүүддээ тухлана чиг гээд
Ипотекийн зээлийг идэвхжүүлж
Алтан дэлхийгээс хоцрохгүйн тул
Авъяаслаг монголчуудаа дүрсжүүлжээ.
Илүү дутуу хаусгүй
Идсэн уусан тээндэргүй
Ирээдүйгээс ирсэн миний
Баруун зүүн тархинууд маань
Байдаг л чадлаараа ажиллаа
Эгнүүлж барьсан хашаанаас
Ээжийнхээ гэрийг олохгүй байна
………………...
Оцойтол ачсан гуч шиг байна чиг
Одоо боллоо...
Үсний сор минь мөнгөжиж
Өнөөдөр л нэг юм ухаажлаа хи хи хи
Ай даа хө би мөн ч тэнэг ээ...
Балбар Энхбат 2015.10.24
( Сэтгэгдэл бичих | Шүлэг
| Оноо: 0/0 | Зохиогч : Энхбат Балбар )
|
|
Шүлэг: Өвгөн : Нууж амьдрах
Оруулсан admin on 2015-10-27 12:34:28 (3361 уншсан)
Нээрээ би ондоо юм
Нууцыг чанд хадгалдаг юм
Нуухаа арчиж амжихгүй юм
Нэг өдрийг бардаг юм
Юм болгонд дасдаг байна
Юм болгоныг ойлгодог байна
Юм болгохыг мэдээд байна
Юмтай байхыг хичээж нэг өдөр
Ялаа алав, ямар их уур хүрэв
Яаж ийгээд алах гэхээр бултаад
Гэрт ганцхан ялаатай би улайрав
Гэнэдүүлж няцлах гээд зүдрэв
Гараа өргөөд гэнэт дайрахад бултав
Амжих уу гэх шиг арзайлгав
Аажуухан нүдэхээр зохиов
Хаа сайгүй чилтэл хайв
Новширж нуугдаад олдсонгүй
Нөгөө дүү шумуул нь унтуулсангүй
Нүхгүй цонхоор шургадаг овоо муу гар
Нууцгүй амьдралын хачир уу
Олдохгүй болохоор төвөгшөөв
Онцгүй болохоор салав
Ондоо амьдрал хайв
Орц бүхнээ солив
Авсан гайдаа уурсав, аваагүй гайгаа хайв
Нөхөж байгаа гэж бодов
Өр тавиагүй биздээ гэж найдав
Нээрээ энэ, амь далыг гаргаж хаяв
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Өвгөн : Харанхуй харц
Оруулсан admin on 2015-10-27 12:34:25 (3585 уншсан)
Хальт хараад нурлаа сэтгэл
Хажууд чинь очоод салгаллаа бие
Хаа ч явсан хоосроод бодол
Хамаагүй ээ чи эзэмдлээ
Хөөрхөнд чинь татагдлаа нүд
Хөөрөх сүүг балгалаад ам
Зөрж өнгөрөөгүйдээ баярлаад би
Зүрх зүүд зөндөө хөтлөгдлөө
Намайг харах инээмсэглэл чинь
Насан туршдаа гэх амлалт чинь
Хүрэлцэж хайлуулах амт чинь
Хүслээ шивнэх уруул чинь
Хамаагүй ээ, харанхуйд үгүйлэгдэх бүхэнд
Үгүйлж би дассан, өөрийгөө л чамаас хайдаг
Өнөөдрөөс илүү маргаашаа санадаг
Надад итгэх сэтгэл дотроос гэрэлтүүлдэг
Учиртай таарсан чамтайгаа, ухаандаа тээдэг намайгаа
Уулзаагүй бол би яана, төөрч л яваадаа би
Таараагүй бол яана гэх айдас
Дандаа намайг дагаж явдаг
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Намтар: Зундуйн Дорж
Оруулсан admin on 2015-10-25 12:16:41 (911 уншсан)
Зундуйн Дорж (1941 оны төмөр могой жилийн могой сарын 11 cар могой өдөр Булган аймгийн Авзага сумын (өнөөгийн Хишиг-Өндөр) 5-р баг, Хадан хошууны Ар зайдан гэдэг газар мэндэлжээ- 2015 оны 10-р сарын 12-нд нас баржээ)-Монгол улсын Төрийн шагналт, соёлын гавьяат зүтгэлтэн, зохиолч, яруу найрагч. Намтар
1952 онд буюу 11 настайдаа Авзага сумын бага сургуульд элсэн орж 1961 онд Булган аймгийн төвийн 10 жилийн дунд сургуулийг дүүргэсэн.
1962 онд МУИС-ын Хэл утга зохиолын ангид элсэн орж 1968 онд төгсөөд Монголын үндэстний радиод 1971 оныг хүртэл сэтгүүлчээр ажиллажээ. 1971 -1973 он хүртэл Берлины "Брундфункт" радиод сэтгүүлч.
1973 оноос эргээд Монголын үндэстний радиод сэтгүүлч, редактораар гавъяаны амралтанд гартлаа ажиллажээ.
1992 оны Хар мичин жилээс Мал сүргийг гэмт халдлагаас хамгаалах нийгэмлэгийг байгуулж "Баян Монгол" радио студийн захирлаар ажиллажээ. Тэрээр 12 хүүхэдтэй бөгөөд 3 нь сэтгүүлч, 4 хүүхэд нь яруу найраг, зохиолчийн мэргэжил эзэмшжээ.
Зундуйн Дорж нь ард түмний сэтгэлд хоногшсон "Сүүтэй чулуу", "Эрдэнэ засгийн унага", "Эрийн цээ", "Үхэгсэдийн дараах ганцаардал" роман, "Уулын модод", "Хасагдавч үрэгдээгүй зохиолууд, хаягдавч дарагдаагүй зохиолууд", "Байтагт мөнхөрсөн арав", "Америк хүүхнүүдийн нүүрний баясгалан", "Миний хайртай дайснууд" шүлгийн түүвэр, "Нас тогтох сайхан", "Тоодог шандын булаг" зэрэг мянга мянган шүлэг, яруу найраг, дууны үг, роман, тууж, сурвалжлага, нийтлэлүүд туурвисан манай нэрт зохиолч, яруу найрагч байв.
Түүнтэй салах ёс гүйцэтгэх ажиллагаа 2015 оны 10 дугаар сарын 19-ний Даваа гаригт Төмөр замын соёлын ордонд болсон. Утга зохиол урлаг, соёл, нийгмийн нэрт зүтгэлтнийг сүүлчийн замд нь үдэх ёслол өглөөний 07.40 цагаас 08.40 цагийн хооронд болсон бөгөөд түүний гэр бүл, УИХ, Засгийн газрын зарим гишүүд, найз нөхөд, урлаг соёлынхон болоод түүний уран бүтээлийг шимтэн уншдаг уншигчид оролцсон аж. Талийгаачийг 09.40 цагт Алтан-Өлгийд нутаглуулжээ. Шагнал
1993 онд "Эрдэнэ засгийн унага" түүхэн романаар Монгол Улсын төрийн соёрхол, 1999 онд Сүхбаатарын одон, 2008 онд Монгол Улсын Соёлын гавъяат зүтгэлтэн цол хүртжээ. Мөн түүний уран бүтээлийг мэргэжлийн байгууллага, хамт олон нь өндрөөр үнэлж Монголын Зохиолчдын Эвлэлийн болон Монголын Сэтгүүлчдийн Холбооны нэрэмжит шагнал, Монголын радиогийн тэргүүний ажилтан, "Малчны алдар" одон хүртээсний зэрэгцээ 2009 онд олон нийтийн санал асуулгаар Монголын ард түмний дээд шагнал "Ард түмний баатар" цолоор шагнажээ.
(Дэлгэрэнгүй... | Сэтгэгдэл бичих | Намтар
| Оноо: 0/0 | Зохиогч : Дорж Зундуй )
|
|
Найраглал: Б.Энхбат : ЭР ХҮН ЖАРГАЛТАЙ бэсрэг найраглал
Оруулсан admin on 2015-10-23 16:30:48 (4432 уншсан)
Цацар оройн дээвэр Гималайдаа
Цаст алтайн цагаан барс шиг
Цадиг түүхт их далбаагаа мандуулсандаа
Хөхөмдөг униарын огторгуй өөд
Хөөрөн нисэх хүчит шонхор шиг
Хүлгийн жолоогоо сансарт залсандаа
ЭР ХҮН ЖАРГАЛТАЙ
Галт цахиурын монгол олимпд ялж
Газрын ногоон дэвжээндээ хөөрөн
Гартаа алтан медаль атгасандаа
Тугийн хиурандаа цагаан сортой
Тагийн оройдоо алтан соёмботой
Тусгаар улс тогтносныгоо зарласандаа
ЭР ХҮН ЖАРГАЛТАЙ
Харцын хүү чин хүслийн манлайд
Халуун амь бүлээн цусаа урсган
Хатан зориг босоо нөгчсөнд нь огшихдоо
Хамгийг зовоохоор ирсэн дайсанд
Халуун илдний үзүүр долоолгох шиг
Халхын голоос үүрд үлдэн хөөсөндөө
ЭР ХҮН ЖАРГАЛТАЙ
Мөнхөд гэрэлтэх хайрын ууландаа
Мөхөшгүйн сэтгэлээ тангараглан
Мохошгүй итгэлээ бүсгүйд бэлэглэсэндээ
Долоон бурханы талим шиг ганцхан
Дорнодын өргөн талаа бахдан харж
Домгийн наран газраас мандан хөөрөхөд нь
ЭР ХҮН ЖАРГАЛТАЙ
Хөх чонын дуутай сав нутагт
Хүчтэй зэвсэгээр эрдэж давхихдаа
Хөгөлгөр хангайн үзэсгэлэнт бугыг хороогоогүй дээ
Урт хугацааны цэргийн албаа дуусган
Уургийн цайтай ижийтэйгээ уулзаж
Учран золгохуйдаа үнсүүлэх хацраа өгөхдөө
ЭР ХҮН ЖАРГАЛТАЙ
Хангал залуу насны ааг омгоо дарж
Ханилгаа үерхэлдээ үнэнч андуудтай
Хээрийн цагаан наргианд цайгаа оочлон суухдаа
Зүс өөр ч зүрх ижил аавын хөвүүдтэй
Зүсэм талхаа хувааж идэн нөхөрлөж
Зүйрлэшгүй орныхоо торгон хил манан зогсохдоо
ЭР ХҮН ЖАРГАЛТАЙ
Бөхөг түргэний голоос ундуй сундуй яаран
Бүхэл орчлонд намайг л ааваа гэж дуудах
Бүлтэн үрээ мэндэлсэнд нулимс унаган баярлахдаа
Халтар хүүхдүүдийн өнчирсөн харц
Хайр энэрэлгүй үхэлтэй халуун цэгээс
Халуун амь бүтэн ирж нутагтаа хөлөө тавихдаа
ЭР ХҮН ЖАРГАЛТАЙ
Энд тэндгүй үймүүлж шуугиулан
Эр сурны чангыг хонгоороо амссны дараа
Эцэгтээ үнсүүлж дотор цэлмэсэн өдрөө
Цаглашгүй хөгжмөөрөө уяруулаад
Цэнгэлийн таашаалыг эдлүүлсэн
Цагаан суваргын гайхамшигт аялгууг сонсохдоо л
ЭР ХҮН ЖАРГАЛТАЙ
Балбар Энхбат 2015.10.12
( Сэтгэгдэл бичих | Найраглал
| Оноо: 0/0 | Зохиогч : Энхбат Балбар )
|
|
Шүлэг: Б.Энхбат : Би эгнэгт буцашгүй ээ
Оруулсан admin on 2015-10-23 16:27:05 (4018 уншсан)
Ямх ямхаар ахисан амьдрал
Ямар сайхан амттай юм бэ
Янз янзаар хүслийг минь өдөх
Ямар сайхан хүний үр вэ чи
Цоожтой хаалганы цаахан нь
Цочим дурлал минь хүлээгээ юу?
Цэнгийн тогоруу дэвэлзэх мэт
Цээжинд чи минь л бодогдоо доо
Адбиш хүсэл нь намайг хатгаа юу
Аавынх нь эзгүйд эзгүйчилсэн
Арван зургаан насны шохоорхол уу
Аргалын овоолго үнэртүүлсэн
Алиа жаахан нас минь тэр үү ?
Хар л үүсгэсэн халуухан залуу нас уу ?
Халамж л нэхсэн хүний бяцхан хүсэл үү энэ?
Хүүхэн минь бүсгүй минь
Хүнийх нь дээд хийморьтойхон эр хүний дор жарга
Хүсэл чинь тэр битгий дотроо нуу
Энэ замбуулинд
Эр хүн болж төрнө гэдэг
Их дарамт даа энэ их ачааг үүрнэ гэдгийг
Эмэгтэй чи яахин ойлгох вэ дээ?
Хайр Хайр Хайр өөр юу ч биш
Харь гариг биш Хайрын чинь л бурхан шүү дээ
Эцэг болохоор тэнцэл нь их дээ их
Халуу дүүгэсэн амьдрал
Хамгийн эхэнд хэрэгтэй болохоос
Хахир ёдор зан чинь
Хавьдаа л надад хэрэггүйг мэдэх үү чи?
Эвхэрсэн орооцолдсон
Энэ амьдралаас агуу ихийг эр хүн л бүтээдгийг
Бид мэднэ
Чи мэднэ шүү дээ
Суусрын гүйдэл гүйлгэхгүй ээ
Сумын наадамд цойлохгүй ээ
Шашир цэцэгтэй майханд дэрвэхгүй ээ
Цэнгийн саруулд чам руу би мөлхөхгүй ээ
Шагай харвасан олбог дээрээ л байя
Би эргэж яргасан эр суран тэлээ
Би эгнэгт л буцашгүй
Эр хар сур шүү
Мэдтүгэй
Мэдэртүгэй
Эс болбоос
Бүү дагагтун
Балбар Энхбат 2015.10.13-ны үдэш тэрлэвэй
( Сэтгэгдэл бичих | Шүлэг
| Оноо: 0/0 | Зохиогч : Энхбат Балбар )
|
|
Шүлэг: Б.Энхбат : Хасын шүд
Оруулсан admin on 2015-10-23 16:26:47 (4037 уншсан)
Хилэн хар
Хүний нүд
Чам руу л
Ширтсээн
Хуш цагаан
Хасын шүд
Над руу л
Яралзсаан
Өчигдрийн бодлоор минь
Өвс өндийж
Ташуур шүргэлсээн
Өнөөдрийн инээдэнд чинь
Солонго нумран
Дэлхий баяссаан.
Балбар Энхбат 2015.10.18
( Сэтгэгдэл бичих | Шүлэг
| Оноо: 0/0 | Зохиогч : Энхбат Балбар )
|
|
Шүлэг: Б.Энхбат : Үүл манан эвцэлдэхүй
Оруулсан admin on 2015-10-23 16:24:27 (4139 уншсан)
Үүл манан эвцэлдэхүй
Үйлийн үрээс нь нэгхэн дусал унаж
Тэр дусал дуртайдаа урссаар
Тэчьяадам нуганд
Тэндээсээ энхрий үг сонсож
Тэг голд нь бадамлянхуа мэт завилан сууюу
Уур гомдол хурьцахуй
Ураг үрээс нь нэгхэн дусал унаж
Тэр дусал дургүйдээ урссаар
Тэсвэрлэшгүй нуганд
Тэндээсээ нэгхэн авиаг гаргаж
Тэнгэрийн гэсгээлд өвдөг нугалан хэвтмүү
Нэхэл замбуулингийн
Тэхэл орчлондоо
Энхрий үг ,гэсгээл ялгамгүй
Эвий дээ тэр дусал усхан
Би тэгвэл тэр хөрстийн үүл мананг
Би тэгвэл энэ хүмүүний уур гомдлыг
Яахсан билээ
Балбар Энхбат 2015.10.19
( Сэтгэгдэл бичих | Шүлэг
| Оноо: 0/0 | Зохиогч : Энхбат Балбар )
|
|
Шүлэг: Б.Энхбат : Сэндэргоо үрсүүд
Оруулсан admin on 2015-10-23 16:20:56 (3890 уншсан)
Салхин зүгээс сэнгэнэх хүжис нь
Сэндэн модны сайхан үнэрт үр юм
Сая жилээсээ ч дундрашгүй хайрын
Саран гэрэлт Сэндэргоогийн үрс юм
Баруухан уулын хяраас гялалзах нь
Баг цэцэгт алтан харганын үр юм
Буман жилээсээ ч дундрашгүй хайрын
Бадмын гэрэлт Сэндэргоогийн үрс юм
Зэсэн шаргал талын энгэр цээжинд
Зэлмүүхэн ургадаг нь зээргэнийн үр юм
Зуунаас зуунд жаргалыг зэндмэлсэн
Зэлгээхэн уургатай Харалдайн үрс юм
Хөвөх үүл асар тэнгэрийн хэвлийд нь
Хайрлам нандин үр нь гэгээн наран юм
Хөл тоос нь эрт түүхээсээ ариламгүй
Хөхчүүхэн мэнгэтэй Харалдайн үрс юм
Балбар Энхбат 2015.10.20
( Сэтгэгдэл бичих | Шүлэг
| Оноо: 0/0 | Зохиогч : Энхбат Балбар )
|
|
Шүлэг: Б.Батцэцэг : Өөрийгөө танихуй
Оруулсан admin on 2015-10-20 17:22:51 (3819 уншсан)
Би шархаллаа, шаналлаа, уйллаа
Цонхоор харагдах тэнгэрлэг оршихуй
Цочтол нижгэнэх цоглог аяз
Цайвалзан үзэгдэх гэгээн ертөнц
Цөм надаар тохуурхаад байх шиг
Би баярлалаа, хөөрлөө, инээлээ
Бүүдийн цонхоор харагдах бүрсгэр ертөнц
Бөртийн жаргах гэж буй наран
Бүлээн амьсгалтай хатаж буй ургамал
Бүгд надад эцсийн хүчээрээ урам хайрлах шиг
Сонин юм даа, сонин юм
Хэдий солонго татсан байлаа ч
Хиртсэн л бол сэтгэл минь түүнийг
Хэрхэвч солонго гэж хардаггүй юм байна
Хэзээ ч тэгж харахыг хүсдэггүй юм байна
Гайхам юм даа, гайхам юм
Жихүүдэс хүргэм харанхуй нөмөрсөн ч
Жаргалтай л байвал сэтгэл минь түүнээс
Жийрхэж ер дөлдөггүй юм байна
Жишүү харахыг ч боддоггүй юм байна
Харамсмаар юм даа, харамсмаар юм
Хүний сэтгэл тийм л хийсвэр гэдгийг
Хэдхээн өдрийн өмнө ч болов мэдсэнсэн бол
Хээрийн намуун салхины шуранхайг
Хааяахан будрах цасны шивнээг
Эгэл түмний сэтгэлийн уянгыг
Энэ ертөнцийн ямархан сайхныг
Хором бүрт мэдэрч тэнгэр өөд тэмүүлсэн
Хосгүй үзэсгэлэнт хүн цэцэг болох байж
Б.Батцэцэг
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Б.Улаанхүү : Баруун аймгийн Батсуурь арслан
Оруулсан admin on 2015-10-20 11:56:18 (3346 уншсан)
Ховд сумын Батсуурь арслан
Баруун аймгийн Батсуурь арслан
Баяр наадмын магнай арслан
Баруун зүүн хоёр жигүүрийг
Байс гээд л тэргүүлэн гардаг
Бөхөд байвал зохих шинжүүд
Бүрэн дүүрэн бүрдсэн арслан
Бусгаа хавираа даацтай арслан
Борвидож тахимдан дайрдаг арслан
Барьмал юм шиг хатуу арслан
Баяд дөрвөдийн хүчит арслан
Бушуу түргэн барилдаан ч арслан
Барьцнаас дамжих угсраа мэхтэй
Багаасаа сурсан дархан мэхтэй
Барилдаж байхдаа хурц шийдэмгий
Барилцаад авахад зүрх чичирмээр
Бар арслангийн шинжтэй хүчтэн
Баавгайн тэнхээтэй хүчит арслан
Бариагүй азарга шиг омголон бөх
Баруун зүүнгүй гуяддаг арслан
Баруун монголын хайртай бөх
Цэлийсэн цэнхэр увс нуурын
Цэцэг дэлгэрсэн цэнхэр талын
Цэл ногоон алдарт дэвжээнээс
Цойлон тодорсон залуу арслан
Цацаа цалигиа хурдтай арслан
Цочио нь гарсан хийгүй арслан
Цээжиндээ бяртай Батсуурь арслан
Цолондоо хүрсэн данагар арслан
Хамаг монголын ямар ч хүчтэнтэй
Хав дөрвөлжин золгоод барилдах
Халирч байгаагүй эрэмгий дайчин
Ховд сумын Батсуурь арслан
2015 он 10-р сарын 18-н
Сартуул Б.Улаанхүү
Багануур хот
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Б.Улаанхүү : Дөрвөн ойрадын даалуу арслан
Оруулсан admin on 2015-10-20 11:53:32 (3797 уншсан)
Хан хөхийн ханагар арслан
Хавчиг соёолон шиг эртэй арслан
Халхын наадмын түрүү үзүүртэй
Халзан тохоотой хүчирхэг арслан
Дэвж явах нь дэвжээ дүүргэсэн
Дээшээ хийморьтой босоо арслан
Дөрвөн мөчиндөө тэгш тэнхээтэй
Дархан хутгаатай даам арслан
Дээлэн дээрээ зодгоо бүсэлчихээд
Дэвжээн дээрээ алхаж харагдах нь
Долоон харынхаа шийрийг хатаасан
Дөрвөн ойрадын даалуу арслан
Дугтарч байх нь тасдаад байх шиг
Дальдар ч ухармаар хүчтэй арслан
Дээгүүр давуулан гуядаж байгаа нь
Дэндсэн гэмээр хүчирхэг арслан
Аатай эртэй аралтай арслан
Ааархаж хөөрдөггүй залуу арслан
Амласан бөхөө басаж байгаагүй
Аядуу зөөлөн ухаантай арслан
Аавын удмаас залгаж ирсэн
Аралтай бяртай удмын хүчтэн
Арслан цолоо дахин батлах
Аваргын энтэй хүчирхэг арслан
Баяр наадмын одтой арслан
Баядын хошууны бурхан арслан
Багаасаа барилдсан удмын бөх
Бүрэнтөгс арслан Давстын бөхөө
Увс аймгийн хүчтэн дотроос
Уул шиг түшигтэй сайхан арслан
Ургаа хад шиг хатуу арслан
Улсын арслан Давст сумынхаа
2015он 10сарын 19 нд
Сартуул Б.Улаанхүү
Багануур хот
( Сэтгэгдэл бичих | Шүлэг
| Оноо: 0/0 | Зохиогч : 4-н мөртүүд )
|
|
Дууны үг: Д.Доржготов : Эрийн тэнгэртэй аав минь
Оруулсан admin on 2015-10-19 17:13:44 (4396 уншсан)
Үг.Д.Доржготов Ая.Д.Батсүх
Эрийн тэнгэртэй аав минь
Ханийхаа итгэлд сэтгэл дулаахан
Үрсийнхээ дуунд хөгжөөн наргиантай
Хайр, энэрлээ харамгүй сөгнөсөн
Хүний хайлан, эрийн тэнгэртэйсэн Та
Айлын дайтай өрхөө тэргүүлж
Хүний зэрэгтэй үрсээ өсгөлцсөн
Буурал ээжийгээ өргөж асарсан
Нуруу түвшин, ухааны цараатайсан Та
Пр:Дүрлэгэр алаг нүдэндээ хайр гэрэлтүүлж
Дөлгөөхөн инээж суудаг дүр тань тодхон
Ааваа таныгаа үгүйлэх юм даа
(Дэлгэрэнгүй... | Сэтгэгдэл бичих | Дууны үг
| Оноо: 0/0 | Зохиогч : Дууны үг )
|
|
Шүлэг: Б.Жавхлантөгс : Дэлхийд дурласан сар
Оруулсан admin on 2015-10-19 12:09:56 (3855 уншсан)
Тээр жилийн нэг өвөл сар надтай ханьсаж
Тэвдүүхэн сэтгэлдээн саранд дурлаж
Тэнгэрт даатгасан хүслээ шивнэж билээ
Тэгэхэд тэр сар ямар гайхамшигтай байсан
Гэтэл тэр сар над дээр биш
Гэрэлт ертөнцийг гийгүүлэх гэж биш
Гэгээ цацруулсаар замхран одход
Тэр нэгэн өвлийн тэргэл сарыг
Тэнгэрт би дахин олж хараагүй юмдаа...
Б.Жавхлантөгс
( Сэтгэгдэл бичих | Шүлэг
| Оноо: 0/0 | Зохиогч : 4-н мөртүүд )
|
|
Шүлэг: Д.Батзул : Миний нутаг
Оруулсан admin on 2015-10-14 20:35:12 (3943 уншсан)
Салхин исгэрээ шувуудын ганганаа сүлэлдсэн
Саруул ухаанд бодол торинуулж үүрсүүлсэн
Дураар наадах хөгнийн хөх бялзуухай эрчилдсэн
Дурдмал сайхан эгшигэн хөгтэй миний нутгийн уулс минь
Хөгдөрч өвгөрсөн нүүрний татмагших нугалааг үзээд
Хөвүүн үрээ танихдаа униартах талаа дэвсдэг нутаг минь
Зээрийн хондлой шиг нутгаасаа үргэсэн төрмүүд үрээ
Зэгэстэй шар дэрсээрээ шавхуурдаж нэг өршөөдөгсөөн тал минь
Ариун усныхаа долгионд бүүвэйн эгшигтэй
Амгалан их талдаа агийн үнэртэй
Аав ээжийн минь өлмий дарсан мөртэй
Алтан нутаг минь амар энхийн өлгий
( Сэтгэгдэл бичих | Шүлэг
| Оноо: 0/0 | Зохиогч : Батзүл Д )
|
|
Шүлэг: Өндөр шилийн өвгөн хонгор
Оруулсан admin on 2015-10-12 17:29:47 (3669 уншсан)
Өргөн говийн өвгөн хонгор
Өвгөдөөс дамжсан гүр адуу
Өндөр шилийн өмнөөс уралдаж
Өндгөн багаасаа танигдсан хүлэг
Цагаан усаар бэлчээртэй азарга
Цамнаж давхисан омголон азарга
Цахилах гөрөөс шиг хурдан адгуус
Цалигсан хурдай хонгор азарга
Дааган цагаасаа давхисан хүлэг
Дарлаж уралдсан даалуу азарга
Дашдэмбэрлийн уяаны унага
Долоо түрүүлсэн цуутай ажнай
Гүү сайтай сүргийн удамтай
Гүр адууны удмын угшилтай
Гараа барианд хурдтай азарга
Галан шаргал говийн ажнай
Сайхан говийн хонгор азарга
Салхи эсгэрүүлсэн хурдтай буян
Соёолон насандаа эд хурдлаж
Соёрхол хүртсэн ардаг ажнай
Тал нутгийн таантай говийн
Тахийн сүрэгтэй төрөл нэгтэй
Хурааж болдоггүй хулангийн цустай
Хумбан туурайтны бүрдмэл хүлэг
Хатан говийн шигшмэлд багтсан
Хурдтай нутгийн хувьтай азарга
Хонгор азарга шилийн унага аа
2015 10сарын 11нд
Сартуул Б.Улаанхүү
Багануур хот
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Б.Улаанхүү : Арслан дэлтэй чонон бор азарга
Оруулсан admin on 2015-10-12 17:18:41 (3412 уншсан)
Ав хөөсөн азарган чоно шиг
Агуу хурдтай сүрдмээр азарга
Аравгар хээрийн аатай давхил шиг
Арвалзаж байдаг аяган туурт
Адуучин хүнд ховорхон заяах
Аархаж бардмаар алтан туурт
Азийн тэнгэр араасаа дагуулсан
Арслан цээжтэй аварга азарга
Адууны зэл нь унагаар дүүрсэн
Ацтай шонд нь аргамагууд цугласан
Араасаа дагуулах ариван хурдтай
Ачтай буянтай хүлгийн манлай
Алтан жолоо тогтмол өргөөстэй
Айраг шингэсэн алхан толгойтой
Арьсандаа биш ясандаа хурдтай
Арслан дэлтэй чонон бор азарга
Унаган цагаасаа уралдаж сурсан
Уралдах гараанд унаачаа сугартал
Урагшаа хурдтай шуургалан гардаг
Удмын гараатай унаган ажнай
Сул эргэсэн ч сурсан зангаараа
Салхи хагалан тархинд гардаг
Сувдан хөлсөө сул асгаруулсаар
Суларсан чигээрээ барианд ордог
Халхын хурднуутай хамт уралдахаар
Хавиргаа зурайтал сойгдсон хүлэг
Хаана ч уралдсан хаамал ажнай
Хангайн амьтны дүртэй азарга
2015 он 9-р сарын 10-нд
Сартуул Б.Улаанхүү
Багануур хот
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Дууны үг: Б.Улаанхүү : Тэрлэг нь гандсан аав минь
Оруулсан admin on 2015-10-04 12:40:40 (3680 уншсан)
ТЭРЛЭГ НЬ ГАНДСАН ААВ МИНЬ
Эмээлт хүлэг нь эвшээж шилгээгээд
Эзнээ тойрон эргэлдэнэ дээ
Эрийн тэнгэртэй аав минь ээ
Энэ л дүрээрээ мөнхрөнө дөө
Ай миний аавын минь дүр
Алдаж боломгүй агшин юм шүү дээ
Ай миний аавын минь дүр
Амьдын заяанд ганц л үлдэнэ шүү дээ
Задгай сайхан талын бэлчээрт
Завилаж суугаад ханхайна даа
Загийн саглгар мод шиг ээ
Зэргэлээн дотор сүүмэлзэнэ дээ
Ай миний аавын минь дүр
Алдаж боломгүй агшин юм шүү дээ
Ай миний аавын минь дүр
Амьдын заяанд ганц л үлдэнэ шүү дээ
Хөдөөгийн ногоон тал дээр буугаад
Хөөрөг даалингаа гаргаж тамхилаад
Хөлөрсөн морио түр амраагаад
Хөндийг харан бодлогширно доо
Ай миний аавын минь дүр
Алдаж боломгүй агшин юм шүү дээ
Ай миний аавын минь дүр
Амьдын заяанд ганц л үлдэнэ шүү дээ
Толгодын оройгоор дуран барьсаар
Тэрлэг нь гандсан аав минь дээ
Таван хошуу малтайгаа ижилдсэн
Тал нутгийн малчин аав минь дээ
Ай миний аавын минь дүр
Алдаж боломгүй агшин юм шүү дээ
Ай миний аавын минь дүр
Амьдын заяанд ганц л үлдэнэ шүү дээ
2015 он 9-р сарын 30
Сартуул Б.Улаанхүү
Багануур хот
( Сэтгэгдэл бичих | Дууны үг
| Оноо: 0/0 | Зохиогч : Дууны үг )
|
|
Шүлэг: Хургаагийн Сүглэгмаа: Чулуун гэр
Оруулсан admin on 2015-10-01 20:06:36 (4076 уншсан)
Энгэр газрыг тэгшлэн засаж
Эрдэнийн чулуугаар голомтоо тулна
Эрххэн хэдэн дүүгээ дагуулаад
Эвий эвий тоглож өнжинө
Хатан нарны бүслүүр дагуулж
Хаан гэрийнхээ ханыг дугуйлна
Үелээ үелээ толгодоо зүсэлж
Үүдэн хоймроо тэгшхэн голлуулна
Үйл үйлийн шаглааг бодож
Үе завсаргүй цувуулж өрнө
Үүрд амгалангийн бэлгийг бодож
Үүд хаалгаа нээлттэй барина
Зузаан нимгэн хоёр чулуугаар
Зуух тогоогоо эхэлж тулна
Хормойлсон чулуунаасаа тэгшийг нь харж
Хоймрын авдраа дараа нь тавина
Ижил ижилхэн хоёр чулуугаар
Ижий аавынхаа орыг зална
Идээ цагаа арвиныг ерөөж
Илүүхэн өндрөөр нь эрэгнэгээ тулна
Будаа чихэр өнгөөр алаглуулж
Бурхан тахилаа ёсоор өрнө
Бузгай айлын нүнжиг зааж
Буусан гийчинд идээ тавина
Уул уулынхаа чулуунаас түүсэн юм
Улаан голдууг нь үхэр сүрэг гэнэ
Цаад наад голоосоо авсан юм
Цагаан голдууг нь хонин сүрэг гэнэ
Оргил оргилынхоо өндрөөс нь түүсэн юм
Овоо товирууг нь адуун сүрэг гэнэ
Ойр хол говиосоо цуглуулсан юм
Олон тоотойг нь тэмээн сүрэг гэнэ
Зүг зүгийн толгодоос ирсэн юм
Зүс алгийг нь ямаан сүрэг гэнэ
Зүг бүртээ малаа бэлчээнэ
зүс ижилсүүлж сүргээ багшруулна
Хотгор гүдгэрээ дагуулж
Хороо бууц бүгдийг нь засна
Хормой хормой чулуунаас
Хот айл ингэж босно
Хаан тэнгэрт мөрлүүлж боссон
Тоонотой билээ энэ айл
Хатан дэлхийд шийрлүүлж тулсан
Тоонотой билээ энэ айл
Дөрвөн зүг найман зовхист
Ханаа дугуйлсан их МОНГОЛЫН
Дөрөөн чимээтэй уяан дээр нь
Дэлхий амсхийдэг
2009-07-25
"Нүүдэл"номноос
Эх сурвалж: erelch.blogmn.net
( Сэтгэгдэл бичих | Шүлэг
| Оноо: 0/0 | Зохиогч : Сүглэгмаа Х )
|
|
|
|
 |
Санал асуулга |
 |
|
Та манай гишүүн болохыг хүсвэл энд дарна уу.
t
Одоо онлайнд 124 зочин 0 гишүүн байна.
|
|
|
 |
 |
Агуулга |
 |
|
| Monday, 2024.07.01 | | · | Г.Мөнхтулга : “293” |
| · | Г.Мөнхтулга : . ӨӨДГҮЙ АМЬТАН |
| · | Г.Мөнхтулга : ХАЙР УДАХГҮЙ ИРНЭ |
| Saturday, 2024.03.30 | | · | Лха Отхан : ӨӨР ДУУНД УЯРАХГҮЙ |
| · | Лха Отхан : ЦАСНЫ УТГА УЧИР |
| · | Лха Отхан : ХАРААЦАЙ НАС |
| · | Лха Отхан :ӨНГӨРСӨН БҮХЭНД УТГА УЧИР |
| · | Лха Отхан : ДУРСАН САНАХ БАЛЧИР НАС ... |
| · | Лха Отхан : ҮХЛИЙГ ҮЗЭХ Л ҮЛДСЭН...! |
| · | Лха Отхан : ЭЛСНИЙ ЧИМЭЭ |
| · | Лха Отхан : АМЖИЖ ХАЙРЛАХААР ХОРВОО ДУТДАГ |
| · | Лха Отхан : ГИТАРЫН УТСАН ДАХЬ САРНЫ СОНАТ ... |
| · | Лха Отхан : ДӨЧИН ДӨРВӨН НАМРЫН ДУУ |
| · | Лха Отхан : БУРХАНГҮЙ ЕРТӨНЦИЙН УУЛС |
| · | Лха Отхан :ШУВУУД ИРЖ БАЙНА |
| · | Лха Отхан : СҮҮЛЧИЙН ТУХАЙ ХҮНИЙ ЗҮҮД ... |
| · | Лха Отхан : ДУУСАЖ БАЙГАА БИДНИЙ АМЬДРАЛ |
| · | Лха Отхан : Урсгалд хөвөх навчисыг он жилүүдтэй үдэж ... |
| · | Лха Отхан : ӨВСНИЙ АМЬДРАЛ |
| · | Лха Отхан : ЭХ НУТГИЙН ТУХАЙ ДӨРВӨЛ БОДОЛ |
| · | Лха Отхан : Шөнийн ганцаардал минь |
| · | Лха Отхан : БҮҮДГЭР ТЭР ХОТ МИНЬ |
| · | Лха Отхан : ХУУЧИН ХАЙР ... |
| · | Лха Отхан : ЗАМЫН ТУХАЙ ШҮЛЭГ |
| Monday, 2024.03.04 | | · | Б.Явуухулан: Сонин сурвалжлагчид ярьсан нь |
| Thursday, 2024.01.25 | | · | Г.Мөнхтулга : ХАЙР |
| · | Г.Мөнхтулга : ТҮҮНД |
| Thursday, 2023.12.21 | | · | Г.Мөнхтулга : ХОТЫН ШӨНӨ |
| · | Г.Мөнхтулга : ЧАМД |
| Tuesday, 2023.12.12 | | · | Долгорын Цэнджав : ТАМГА |
| Tuesday, 2023.12.05 | | · | Г.Мөнхтулга : Зүүд |
| · | Г.Мөнхтулга : ХЭДЭН ҮГ |
| · | Г.Мөнхтулга : ДҮРСГҮЙ БОДОЛ |
| · | Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ |
| · | Г.Мөнхтулга : БИ ХИЙСЭЖ БУЙ НАВЧ |
| Monday, 2023.11.27 | | · | С.Начин : Уучлалын шүлэг |
| Thursday, 2023.10.19 | | · | А.Эрдэнэ-Очир : АЯЛАГХАН ЗАЛУУ НАС МИНЬ |
| · | Ц.Доржсэмбэ: ЧИНИЙ САЙХАН ГАРЫН ХҮЙТЭН |
| · | Ц.Доржсэмбэ: ЦАС БОРОО |
| Wednesday, 2023.10.18 | | · | Т.Дарханхөвсгөл : Үхэр огдой |
Та сараа сонгоно уу
 |
|
|
|
 |
|
Facebook 
Twitter 
