Энэ орчлон бүхэлдээ хүний хүчээр бүтэж хүний л эрхэнд улирдаг жамтай.Миний сэтгэлд гэрэл гэгээ татаж наран мандах адил хүн бүхний сэтгэлд хүрч ажиллана гэдэг хэн бүхний санаагаар бүтэх ажил биш ээ.Энгүй өргөн талд унага унгалдан давхиж эрхт түмний сэтгэлд зэрэглээ татна.
Уул уулсын оройд манан татаж ухаант хүмүүний зүрхэнд хайр амирлахуй доор зүүний үзүүрт ширхэг арвай зүүрмэглэж хорвоод хүмүүн мэндлэнэ.Хоймор нутгийн тэнгэрт хурйн үүлгүй цэлмэг ховорхон хувь заяанд зүрх амирлана.
Хорин жилийн тэрээх тэр нэгэн өдөр дотрын тасаг хэмээх их айлын босгыг урт сайхан үсээ намируулж том алаг нүдээ эргэлдүүсэн эмч бүсгүй анхлан алхаж өөрийн сэтгэл зүрхээ түмэн олныхоо эрүүл мэндийн ээлжгүй харуулын албан зориулах зориг шулуудсан байна.
Сэтгэл зүрх…Залуу насны ааг омгоор ажлын ачааллыг дааж нойр хоолоо хугаслан сэтгэл зүрхээ шаналган зүтгэсэн энэ олон жилүүдийн чинадаас тэр үеэ эргэн дурсахад би залуу бас заримдаа гэнэхэн ч байж дээ гэж бодогддог
Өвдөж зовсоор биднийг зорвж ирэх өвчтөн үйлчлүүлэгчдийнхээ өмнө алдаж болохгүй амь насыг нь заавал аварна даа гэсэн чин сэтгэл өвөрлөж явсны үрээр олон олон хүмүүсийг хорвоогийн нарыг үзэх ховор бөгөөд эгэлгүй тавиланд нь тус болсон гэж заримдаа омогшдог.Гэхдээ би онгирч явсангүй ээ гэх энэ даруухан бүсгүйд ажилдаа үнэн сэтгэлтэй,амин зүрхэндээ мэргэжлээ л гэсэн итгэл байгаа нь анзаарагдсан.
Өвлийн жавар гадаа тасхийж өдрийг ч анзааралгүй аяаалалтай ажиллаж хөлс хүчээ түмэндээ зориулсан миний залуу нас бахархалтай.Цонх цантаад өдөр ч бүүдгэр цонхийсон царайтай миний үйлчлүүлэгч ч бүүдгэр…Хаврын наран гийж цан хайлуулах адил эрдэм чадлаа гайхуулж бид өвчтөнөө илааршуулан гэрт нь үдэх сайхан.
Манай тасаг жилдээ 1800 гаруй хүнд үйлчилж зон олныхоо сэтгэлд хүрч баярын нулимстай баярлалаа гэсэн үгтэй үдэж гаргаж байхдаа сэтгэл минь өөдрөг байдаг даа.
Ирдэг буцдаг хорвоогийн эргэлтэд эрдэнэт хүмүүний амь насыг аврах,эмчлэн эрүүлжүүлэх,урьдчилан сэргийлэх,зөвлөгөө мэдээллээр хангах нь бидний ажлын онцлог юм шүү дээ.Эрдэм чадлаараа гайхагдсан олон сайхан эмч сувилагч асрагч ажилтнуудынхаа дунд ажиллаж бие биенээсээ суралцаж бие биенээсээ суралцаж бие биенээн түшиж тулж ядахдаа би гэгээн сэтгэл,гэгэлгэн хүсэл минь биелж явснаараа бахархдаг.Санаа сайн бол заяа сайн гэх түмний үгэнд итгэж самсаа шархиран зүрхэндээ тэмүүлэлтэй явнам.
Ганганаж гунганан буцах намрын шувуудыг дагаад ганц нэгхэн нулимс унагах хүмүүс байхуйд эдгэрээд гарч байгаа өвчтнүүдээ дагаж нулимс унагах сэтгэл манай тасгийнханд байдаг.
Өвдөж шаналсаар ирсэн тэднийг өнгө зүс ороод гэр лүүгээ зориход өөрийн эрхгүй сэтгэл омогшиж өөрийнхөө ажлын үр дүнд бахархаж явнам.
Буянтай мэргэжил эзэмшиж буман олныхоо төлөө зүрх сэтгэлээ зориулж ирсэн цаашид ч зүтгэх энэ бурханлиг эмч бүсгүйн сэтгэлд хамт олон,”хаан” олон нь хадаатай байдаг юм.Бахархах хамт олонтой түших түмэн олонтой яваа энэ бүсгүйд ирээдүйн үйлийн төлөө шантралгүй зүтгэх итгэл хийгээд зориг буйд итгэнэм.
Мэргэжил бүхэн сайхан гэж хүмүүс ярилцана.Харин эрлэгийн өмнөөс эмээлгүй тэмцсэн,эмнэлгийн ажилтан эмч таны өлмийд цэцэг дэлгэрч,өгөөмөр занд тань зон олон биширч,өндөр эрдэмд тань өвчин бүхэн сөгдөхийн ерөөл өргөе.
Жаахлайт Чулуудайн Мөнхбаяр.
2010-09-15

mongolia2007year-253.JPG
Хэмжээс: 600x450 73k
Сэтгэгдэл: 0
Үзсэн: 3945

khuv5-040.JPG
Хэмжээс: 600x450 97k
Сэтгэгдэл: 0
Үзсэн: 4412

mongolia2007year-041.JPG
Хэмжээс: 600x450 62k
Сэтгэгдэл: 0
Үзсэн: 4006