Та бидний анд нөхөр , улсын эрхэм зохиолч Ж.Лхагва маань энэ хорвоод бурханы тааллаар ирээд мөн бурханы зарлигаар буцан одлоо. Тэр атаа жөтөө, алдар хэргэмийн аль алинаас хол хөндий байж, эгэл бус гавьяат хүмүүн хэрнээ эгэл хүмүүсийн адил аж төржээ. Хуурамч амьдралын ааш араншинг эрхий долоовор хуруугаараа имэрч үзсэн лугаа адил таньсан ч , шилбүүр унасан томоогүй хүүхдийн амьдралаар шувуу мэт дэндүү эрх чөлөөтэй дураараа жиргэж явлаа.
Бүхнийг эдэлж үзсэн хүний эрхэмсэг хэнэггүй нүдээр  ертөнцийг дээрээс нь харж хоргүй цагаан үгээр өхөөрдөн шоолдог байлаа. Монголын төдийгүй дорно дахины богино өгүүллэгийн төрөлд  энэ хүний эгшиглэнт сайхан зориол бүтээл  шинэ сэргэг нээлт,сонин содон үзэгдэл болон шагшигдаж, миний мэтийн олон олон залуу авъяастны нүдийг нээсэн. Нөхөр маань өчүүхэн атаархагч өт хорхойнуудыг байтугай өөрийн хүчирхэг дайснуудаа ч араасаа дагуулж өвдөг сөгдөн бишрүүлсэн их авъяасын гэрэг гэгээгээрээ ард түмнээ соён гэгээрүүлсэн том уран бүтээлч, монголын утга зориолын цаст оргилуудын нэг билээ. Үргэлжилсэн үгийн зохиол тэр дундаа өгүүллэгийг шүлэг шиг хөрхэн чаж бичиж болдогийг  тэр өөрийн уран торгон авъяасаараа харуулсан. Зохиол бүтээл нь төдийгүй,түүний архи уух нь өнөөдрийн хүмүүсийн ёс суртахуун, ахуй ,сэтгэлгээнээс хэт өндөр, бараг үлгэр жишээ урлагын хэмжээнд байсан гэхэд хилсдэхгүй. Архи ууна гэдэг бол том урлаг,хүний мөс яс,ааш арншингийн шалгуур, архи бол хүний нүүрэнд угалсан хуурамч багийг хуу татан авч хаядаг тэнгэрийн хан хөвүүн гэж тэр ярих дуртай. Миний Лхагва хойноос нь эрх маань шад тарни, ширхэг зул эс мандаасан ч  сүнс нь бурханы орон луу төөрөлгүй очих буянтай, бодь сайхан хүмүүн. Тлгодын цаана ингэ буйлна хэмээсэн зүрхний халуун үгээр чинь  толгой дээр чинь чулуу уйлуулан онголлоо. Агуу их торгон авъяас тань Монголын утга зохиолд эргэн төрөх болтугай.

Батбаатар
Хэмжээс: 600x800 219k
Сэтгэгдэл: 0
Үзсэн: 4807

B3-035.JPG
Хэмжээс: 600x491 131k
Сэтгэгдэл: 0
Үзсэн: 5476

Хаврын хээн эгшиг
Хэмжээс: 600x386 120k
Сэтгэгдэл: 0
Үзсэн: 4434