Шүлэг: Л.Батцэнгэл : Сэтгэлийн бадаг
Оруулсан Bataka on 2014-06-16 15:35:11 (8966 уншсан)
Ер бусын тунгалаг наран бүхий биеэс минь мандаж
Ертөнц дахины цэцэгс эргэн тойронд минь дэлгэрнэм
Хаврын бурхан би хаа сайгүй оршиж
Хад чулуу, бутны завсраар алтан цацраг минь шагайна.
Хот тосгод, буйд толгодын хүмүүст ариун хүсэл минь зочилж
Хол одогсод, бурхан болоочдыг гэгээн сэтгэл минь гийгүүлнэм.
Эгэл юм бүхэнд хайртай би нууцхан чамдаа зориулж
Энгийн нүдэнд үзэгдэхгүй эрдэнэт захидлаа илгээнэм.
Нарны амьтай шүлгүүд минь цэцгийн үндэс дамжсаар
Наана чинь бас уянгалахыг найз минь чи сонсоно уу.
Живаа дүнчүүр гэрлийн тунгалаг чавхдасыг хөглөсөөр
Жаахан чиний минь хацарт жаргалын туяа бэлэглэв үү.
Хагацал гэж үгүй мөнх залуу өдрүүдээр
Хаврын бурханы бүрэлбаа би нарны утсаар ертөнцийг хэлхэж
Шидэт цацрагаар хөвөрдсөн мөрөөдлийн хонгор уянгатай
Шигтгээт аялгуун титмээ хүн төрөлхтөнд дурсганам.
( Дэлгэрэнгүй... |
0
|
Шүлэг |
Далай ламын айлдвар
|
)
|