9907-6364 info@biirbeh.mn
Facebook RSS2 Нэвтрэх
BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Өгүүллэг

Өгүүллэг Өгүүллэг: Б.Догмид : Хөх тэнгэрийн зарлиг
Оруулсан admin on 2009-01-08 09:28:25 (10464 уншсан)

(Дууль өгүүллэг)

Манж, хятадын гурван замын их цэрэгт хиар цохиулж зүг буруулан зугтсан Дөрвөн ойрадын хан Галдан бошготын цөөн хүмүүс нутаг усаа тэмцэн өдөр шөнийг үл ялган мориноосоо буулгүй зүтгэсээр баруун Алтайн барааг харцгаажээ. Тэд энэ аглаг буйд нутагт намрын халтар сөл тасартал морь, хүнээ бяцхан амсхийлгэн цэргээ засч Алшаа, Ордос, Хөх нуурын монголчуудтай нийлэхийг хичээв. Тэрэг чингэлэг урц жодгор үргэлжлэн утаа май хөшиглөсөн цэргиин хүрээ буудлын голд барьсан Галдан ханы хөх халзтай их нүүдлийн зургаан ханатай өргөөний дөрвөн талд шадар жанжингуудын шар ланзан хээтэй шашир цацаг бүхий цагаан асруудыг босгож чулуугаар тэг гортиг татан хүндэтгэл үзүүлжээ.

( Дэлгэрэнгүй... | 7 | Өгүүллэг | Өгүүллэг | )
Өгүүллэг Өгүүллэг: Б.Догмид : Их талын хүн чулуу
Оруулсан admin on 2009-01-08 09:22:28 (9242 уншсан)

Төрийн соёрхолт зохиолч Балжирын Догмид

Дорнын их говийнхон нутгийн хоймор хэмээн сүжиглэж цай сүүнийхээ дээжийг өргөдөг, газрын цээж Галшарын гурван соёо цэнхэр уулын өвөрт Мэргэн вангийн хошуу, Цэцэн ханы харваачдын наадам эхэлж шагайн тойрмыг дайвалзуулан түрэх уухайн дуунд өвс, ногоо гурван өдөр, гурван шөнө хэнзлэн ургав гэнэ.Сэргэлэн дэнжид угалзлан алаглах гэр өргөө, асар майхны гадаах олон зэл уяанд толгой хаялах морьдын эмээл хазаар үүгээр түүгээр хэд гурваараа үерхэн гунхах авгай, хүүхнүүдийн үсний шүр, сувдан даруулга, хавчаар санжуургыг ажваас говь, хангай хоёрын аль л царай зүстэй бүсгүйчүүл, хөрөнгө чадалтай эрчүүл энэхүү намрын отгон наадамд цугларцгаасан мэт. Цэцэн хан аймгийнхан хэзээний юм юманд авхаалжтай, авьяастай, хүний дор ордоггүй улсууд боловч сүүлийн хоёр жилийн шагайн наадмаа ганц хоёр сумны зөрүүгээр Говь мэргэн вангийн хөх харцуулд алдаж, унасан морьд нь хүртэл урагш алхах урам хугарч нутаг нутгийн зүг буцсан тэр өдрийг хэн яахан мартах билээ.
( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Магваны Эрдэнэбат : Эх
Оруулсан admin on 2009-01-07 06:22:00 (9327 уншсан)
MЗЭ-ийн шагналт зохиолч Магваны Эрдэнэбат
Тэнгэрийн хаяанаас одод шуугдаж үүр хаяарчээ.Уйтайхан дорнын тэнгэрт ганц нэг одод болор талст шиг тодоос тод гялалзана.Зуны шөнийн богинохон басхүү уянгатайг яана.
Хандмаа энэ бүхнийг анзаарах сөхөөгүй харьж явна.Ер нь тэр энэ бүхнийг анзаарахгүй болоод уджээ.Эхэндээ ажилдаа дасаж өгөхгүй нилээдгүй зовсоны эцэст одоо овоо зүгшрэх янзтай.Гэвч энэ ажилд орсоны дарааханаас ээж нь өвдөж түүний сэтгэлийг нэг ч өдөр амар амгалан байлгасангүй.Хандмаа уг нь өндөр гоолиг нуруутай,үргэсэн зээр шиг том алаг нүдтэй сэргэлэн бор хүүхэн. ( Дэлгэрэнгүй... | 3 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Би янхан
Оруулсан admin on 2009-01-06 12:32:36 (14309 уншсан)

 Тиймээ би янхан, хүмүүс надаас дөлдөг. Харин согтуу хүмүүсийн хувьд би тэдний эрлэг нь. Богино банзал, шилэн торико, гялалзсан урт хумс, өндөр өсгийт.

Тог тог товшин бөгсөө бага зэрэг хаяалаад гэрээсээ гарахад надад бүтэхгүй зүйл байдаггүй. Шидэт дохиураар шивших мэт хүссэн бүхэн маань биелдэг юм.

Одоо яая гэхэв би энэ замыг сонгосон. Эхээс төрөхдөө би эрх танхил бяцхан охин байсансан. Харин одоо би бол нэрээ ч мэддэггүй. Нэрээ хэлэхээс ч ичдэг. Миний нэрийг янхан гэдэг үг чимдэг болсон. Мэдээж миний жинхэнэ нэрийг хэн ч мэдэхгүй хэнд хамаатай юм. Цэенхуар хэмээн би өөртөө нэр өгсөн. ( Дэлгэрэнгүй... | 11 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Тэр нэгэн шинэ жилийн өдөр (үргэлжлэл)
Оруулсан admin on 2009-01-06 12:20:07 (8749 уншсан)

 Он гараад хэд хонолоо. Би хоёр дүүтэй ч гэх үү хүүтэй ч гэх үү нэг тийм нэг их баян хүн болчихлоо энэ жил. Анх удаагаа гэрт минь хүүхэд үймэлдэж, инээд хөөрөөр цалгин, тэдэндээ зориулан дэлгүүрээс хэрэгтэй бүхнийг нь цуглуулаад цаг хугацааг хурдан өнгөрөөжээ.
Манай хоёрын талаарх цуглуулсан мэдээллийг үзэж байгаад нүдэнд дулаахан бүсгүй хоёр залуугийн хамт авхуулсан зураг яагаад ч юм дотно санагдана. Би том дүүгээ дуудан тэр зургийг үзүүллээ. Тэрээр аав ээж бас дүүгийн аав гэж заангаа нээрээ энэ зургийг харсан чинь ээжийгээ амьд байгаа тэгээд над руу харан инээж байна гэж бодлоо гээд нүдэндээ нулимсаа цийлэлцүүлэв. Би том хүүгийнхээ духыг үнэрлэн одоо бүх зүйл сайхан болноо ээж нь чамайг сайн байгаа болохоор л чамд зориулаад инээж дээ миний хүү. За одоо дүүгээ хувцасла гурвуулаа нэг юманд явна одоо машин ирж яваа хурдал гэлээ. ( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Б.Баярсайхан : Өлөгчин
Оруулсан admin on 2009-01-05 04:19:12 (10113 уншсан)
Өлөгчин хүнээс илүү юм ч үгүй, гажуу юм ч үгүй. Туранхай мөртэй, эцэнхий жаахан билээ. Харин нүд нь гэрэл цацруулсан ногоон юм. Ногоон гэхдээ оюу шиг цийлэн ногоон бас биш. Номин шиг цэв цэнхэр ч бас биш юм. Номин оюу хоёрын ууссан завсрын цэнхэр туяатай гэрэлт ногоон нүд билээ. Энэ нүднээс л хамаг хэрэг үүдсэн юм. Омгийн бүх эрчүүд түүнд тачаадаж билээ. Нууцын орноо хагас дутуу хаасан бүдүүн хадуун зэрлэг эрс эцэнхий жаахан өлөгчингийн юунд тэгтлээ унаж тусдаг байна вэ?
Өөрсдийн нь эхнэрүүд гэж чийрэг бадриун, идэр есийн хүйтэнд дагжиж үзээгүй өөх харвин зузаан, мунаар цохивч нэг удаа тэсэхээр муухан эрсээс ч хавьгүй илүү эмс билээ. Тэгэвч хөгшин залуу гэлтгүй бүгд өлөгчинд татагдаж түүнийг тойрсон нэгэн хүрээ үүсгэдэг байв. Юунаас болж тэр вэ гэж эр эмгүй толгой гашилган боддог байлаа.
( Дэлгэрэнгүй... | 4 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Тэр нэгэн шинэ жилийн өдөр
Оруулсан admin on 2009-01-01 01:45:22 (9302 уншсан)
Өнөөдөр шинэ жилийн баярын өдөр. Байдаг л нэгэн баярын ажиллагаа. Дэгжин хүүхдүүд дэлдгэнэсэн залуус, нэгэн хэмнэлээр бүгд л бие биедээ хэлдэг л тэр хэдэн үгнүүдээ чулуудан, хэн нэгэнд тал засан эсвэл хэн нэгэнд сайхан харагдахыг дор бүхнээ хичээх нь инээдтэй. Одоо яая гэхэв бусдынхаа жишгийг дагаад заавал очих шаардлагатай. Тольны өмнө өөрийгөө харж зогсохдоо дэгжин дажгүй залуу харагдаж байгаа хэдий ч надад баярлан хөөрсөн догдолсон ямар ч мэдрэмж алга. Би гарлаа.
( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Ц.Ванчаарай : Хоёулаа бурхны оронд уулзъя
Оруулсан admin on 2008-12-21 19:49:32 (9639 уншсан)
Усан гахай жилийн зуны дунд сар. Аргын 2007 оны долдугаар сар. Очирваань хайрханы тахилганд олныг даган баясаж, хангай дэлхийн тэрхүү сүр хүч баян тансагийг ихэд бишрэн түүнд нэгэн үе сүсэглэн залбирч, нөгөө үе их хайрханы тал талын гайхамшгийн барагдашгүй баян, бууршгүй алдрыг нь эргэцүүлэн бодсоор яваа өвгөн Буян Улиастай хотын нэгэн зоогийн газар хам хум цайлаад нутгийнхаа эмгэнтэй уулзахаар машиндаа суув. Ховсдуулсан мэт, аль эртний залуу настайгаа учрах гэж байгаа мэт гайхалтай сонин совинд эзэмдүүлсэн тэрбээр Улиастай хотын дээхнэ талын аль дивангалавын манжийн амбаны цагийн уртад додомдох эзэнгүйн улмаас нурж ойчсон шавар хэрэмний туурь харагдмагц түүнд нутгийнхны зааж өгсөн эмгэний гэр харагдах шиг болоод явчих нь тэр. Улиастай голын нэгэн салаа байсан өдгөө ус гол нь ширгэж хув хуурай бөөрөнхий чулуун сайрын өндгөн цагаан чулуу гялалзах жалганы хажууханд нэгэн цагаан гэр бий хэмээн зааж өгсөн нь цээжнээ тодоос тод байх бөлгөө. ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Дөнгөтийн Цоодол : Манжаа
Оруулсан admin on 2008-12-21 19:39:37 (11199 уншсан)
Манжааг гэнэт саналаа. Хүүхдээс өндөргүй, өөртөө томдсон ээтэн монгол гутал, элбэгдсэн дээлтэй Манжаа минь. Түүнийг өдий олон жилийн хойно сэтгэлийн олон гуу жалга нэгжин дурсах юм гэж санасан ч биш дээ. Манжаагийн уг нэр нь Манал. Гэвч миний л мэдэхийн толгойтой болгон Манжаа Манжаа гэцгээдэг байлаа. Навсгар жаахан Манжаа элбэгдсэн дээл, томдсон гуталтайгаа зогсож байх нь модоор зорсон монгол шатрын ноёнорхуу бас ч хэвлүү. Дээр нь нэг онцлог түүнд байжээ, одоо бодоход. Хүн бүр тэр үед "бидний монгол эзэн Чингисийн үеэс эхлээд..." гэж хэлж байсангүй.
( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Дэлхий эх
Оруулсан admin on 2008-12-19 03:57:13 (8798 уншсан)

 Алдар нь үл дуурсагдах даруухан нэгэн эмэгтэй үр ачаа тэжээсээр одоо өтөл буурай болжээ.Цагтаа цалгиж явсан цал буурал эмээ минь үр ачийнхаа цангинам инээд хөөрөнд уясан жаргадаг.

Тэртээ холоос нэгэн үр нь тэнгэрээс аврал эрэн гуйна. Тэрээр тэнгэрээс хурыг , будаа мэт арвин хоолыг, тэнхээрэл тэвчээрийг өлөн нүдээр бус үнэн сэтгэлийн угаас сүслэн залбирна. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Янагхан сарнай чи
Оруулсан admin on 2008-12-19 03:43:28 (8595 уншсан)
Яв ягаахан сарнай минь
Чи минь хичнээн үзэсгэлэнтэй билээ.
Яв ягаахан сарнай минь
Чинийхээ үнэр анхилгад би мансуурнам,
Яв ягаахан сарнай минь
Чинийхээ гоо үзэсгэлэнд
Би түмэнтээ сөхөрнөм бусуу.

Яв ягаахан сарнайхан чамайгаа хараад л баймаар, хайрлаад л, харамлаад л харамлаад л баймаар чамдаа би дэндүү, дэндүү их дурласан шүү дээ.
Чамдаа гэсэн сэтгэлийг минь тэнгэр газар бүгд мэднэ
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Миний эх оронг Бурханы буудалласан буянт нутаг гэдгийг ...
Оруулсан admin on 2008-12-11 22:33:36 (8612 уншсан)
Санаж байна уу та тэр нэгэн өглөөний цасыг. …

Урьд өмнө нь цас ингэж их инээж байл уу, урьд өмнө нь цас ингэж их энэлэн шаналж байл уу, урьд өмнө нь цас ингэж их эрхлэн жаргаж байл уу.

Тиймээ, тэр нэгэн өдрийн өглөө тэнгэрээс түм түмэн цасан ширхэг буусийм. Тэнхээ мэдэн тэрлэг нь болохоор тэнгэрээс газарт шүхэрлэн буусийм эх нутагтаа.

Амин насаа тэнгэртээ залсан, амьсгал юугаа эх орондоо өргөсөн амьд түүх , баатрууд минь тэр өглөө тэнгэрээс тэнгэрлэг эх орондоо анирлан шингэсийм.
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Гэрлэн цэцэгс бүжнэм
Оруулсан admin on 2008-12-09 02:26:45 (8896 уншсан)
Хайр гэж юу юм бол. Яагаад хайр гэж нэрлэсэн юм бол. Яагаад хэзээ ч дуусашгүй хайр ундран урсах булгийн ус адил цалгилан цалгилах далай адил, цэнхэртэн мэлмэрэх тэнгэр адил агуу уудам баян тансаг байдаг юм бол.

Тиймээ хайр үнэхээр сайхан. Хайртай гэдэг үгээ бид эжии аавдаа, эх орондоо, үр ачдаа, хайртаа бүхэндээ харамгүй хэлдэг. Хэлээд л байгаа хэрнээ улам олон удаа хэлмээр энхрийлмээр, хайрламаар эвийлмээр байх нь гайхалтай.

Сайхан сайхан амьдрал өөрөө сайхан. Хичээгээд л мэрийгээд л байна. Хүндлэл дээдлэл, энэрэл эгээрэл, ухаарал энхрийлэл энэ бүхэн хайрын анд нөхөд.
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Гэрэл чи үл үзэгдэх аниргүйн жаргалыг уруудуулна
Оруулсан admin on 2008-12-08 02:10:07 (8512 уншсан)
Гэрэл чи үл үзэгдэх аниргүйн жаргалыг уруудуулна. Гэвч би хоёр гараараа бас цамцаараа түүнийг хааж алгуурханаас алгуурхан мөнхөд нойрсож бүлээн үүлэнд хөвөн хөвөн тэлнэ.
Нүд минь чи үнэнг эрнэ. Зүрх минь чи аз жаргалыг хайна. Харин бие минь чи бусдын өмнөөс арцалдахыг эрхэмлэнэ.
Өглөө болж аливаа бүхэн идэвхижихэд өнөө л би харин алмайран хоцорно.
Цаг хугацаа урсан урссаар, цалгих үе минь өнгөрсөн байж, цаана нь бас үр хүүхдүүд минь чадал эрч суун сунасаар...
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Д.Батбаяр : Сэтгэлийн тэнхээ /тууж / төгсгөл
Оруулсан admin on 2008-12-04 05:50:00 (9616 уншсан)

 Дэмбэрэл Түвшинд баярлан, «Түвшинг ийм хүн гэж итгэж явсан юм. Хүний эвийг ингэж аятайхан олдог ийм л хүнээр ээлжийн мастер тавих хэрэгтэй» хэмээн бодож дотор нь уужирсан янзтай амьсгаагаа уртаар авлаа. Намхай, Түвшингийн асуултыг дуулаагүй юм шиг дуугүй байснаа,
Юү ч гэх юм дээ. Яагаад ч юм надад эндээс амьд гарч чадахгүй байх гэж бодогдоод байх юм.
Муу эр долоо үхдэг гэдэг чинь л тэр байх даа.
Тийм л байх. Ядаж дуулганы гэрэл түрүүн унтарчихлаа.
Миний энд та хоёрын дуунаас ондоо хань болох юм ер алга.
Чи нээрэн битүү дарагдчихсан юм уу? ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Илчээ өгсөн нэгэнд итгэлээ та өг…
Оруулсан admin on 2008-12-04 00:57:31 (9235 уншсан)
Би даарч байна. Халуун зунаар ч даардаг. Яагаад, яагаад даараад байгаагаа мэдэхийн тулд би өөрөөсөө олонтаа асуудагсан.
Би айж байна. Өдөр ч айдаг. Яагаад, яагаад айгаад байгаадаа өөрөө ч гайхдаг юм.
Цаашид даараад л, айгаад байхыг одоо би хүсэхгүй ээ. Би хэтэрхий үл үзэгдэм болоод эсвэл хэтэрхий даруу бус болоод айгаад, даараад байгаа юм болов уу.
( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Дэндүү их хайр - 30 жилийн дараа төгсгөл
Оруулсан admin on 2008-12-04 00:55:34 (9311 уншсан)

 Хүүхдийн найрны дараагийн 2 хоногоос Энхээгийн бие гэнэт муудлаа. Өвгөн эмчийн арга ядсан харц тэднийг бүр сандаргаж орхилоо. Германы виз ч хоёрхон өдрийн дотор гарч маргаашийн үд дундын нислэгээр нисэхээр бүх зүйлээ бэлдлээ. Өвгөн эмч тэднийхээс салсангүй байнга л хажууд байх нь үнэхээр санаа зовж байгаагийн шинж байлаа. ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Д.Батбаяр : Сэтгэлийн тэнхээ /тууж / эхлэл
Оруулсан admin on 2008-12-03 05:53:04 (9547 уншсан)

 Хамгийн түрүүнд түүнд амьд гарчээ гэсэн бодол орж ирлээ. Гэвч хөдөлсөнгүй. Амьд байгаагаа бие цогцсоороо бүрэн гүйцэд мэдэртлээ хэдэн агшин болов. Дараа нь ямар нэгэн сэржигнэх бүдэг бадаг чимээ сонсогдон, улмаар нүүрс шороо үнэртэж эхлэхэд амьд гэсэн мөнөөх бодол цусаар нь гүйж бүх биеий нь тойроод эргэж ирсэн мэт дахин бодогдов. Эргэлзээгүй ажээ. Нүдээ нээв. Таг харанхуй. Хэрэв тэр нэгэн бүдэг бадаг чимээ сонсогдоогүй, тоос шороо үнэртээгүй сэн бол амьд байгаадаа эргэлзэхээр харанхуй ажээ. Нүдээ хичнээн ч чавчлан харсан таг харанхуй хэвээр бөгөөд гагцхүү мөнөөх сэржигнэх чимээ л сонсогдоно. Ямар нэгэн ан цаваар өөрийнх нь дээрээс гоожиж байгаа шорооны чимээ болохыг танимагцаа өндийх гээд чадсангүй. Бүх бие нь баглаатай мэт ажээ. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Ааваа тань руугаа би яарч байна
Оруулсан admin on 2008-11-18 21:17:25 (8963 уншсан)
Ааваа тань руугаа би яарч байна

Одоо та минь дэргэд минь үгүй ч тань руугаа би яарч байна.

Хайртай бүхэн минь таниас л эхтэй, хайрын дээдийг та минь наддаа зориулдаг байсан.

Халгиж цалгиж явах үедээ таниасаа алслан одон, халуун зүрхийг тань, итгэл найдварыг тань үгүй хийж байжээ тэнэг би. ( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Чамдаа би өөрийгөө зориулахуй-5
Оруулсан admin on 2008-11-13 07:14:37 (8519 уншсан)

 Чамдаа би өөрийгөө зориулахуй-5

Ум, ум , ум тарнийг түмэндээ давтан, ум ум ум тарнид түмэнтээ сүсэглэв ээ.

Эх болсон хамаг амьтны тусын тулд энэ биеээ би огоорон эрхэт төрөө дээдлэн биширнэм би.

Эрхэмлэн нандигнадаг бүхэн минь эх орон таниас минь, энд байгаа чулуунаас, цэцэгнээс, аргалаас, шүүдрийн дуслаас эхтэй, дээд тэнгэр та хамаг оршин буйг ч бас эс оршин буйг ч аврал нигүүлсэлдээ багтааж хайрла, дэлгэр сайхан нутаг ус минь та энэ яваа насны минь дээдийн дээд нь билээ… ( Дэлгэрэнгүй... | 1 | Өгүүллэг | Өгүүллэг | )