9907-6364 info@biirbeh.mn
Facebook RSS2 Нэвтрэх
BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Өгүүллэг

Өгүүллэг Өгүүллэг: П.Батхуяг : Миний хийл
Оруулсан admin on 2008-08-04 23:00:11 (9831 уншсан)

  
Намайг анх төрөхөд ээжийн минь танил эмэгтэй нэг хийл бэлэглэсэн гэдэг юм. Харамсалтай нь би ямар хийл байсныг нь санадаггүй. Гэхдээ тэр хийлээрээ цөөнгүй аялгуу тоглож сурсан билээ. Учир нь, тэр хийл намайг хоёр нас хүрэх жил хэнд ч үзэгдэхээ больсон гэдэг. Хэнд ч үзэгдэхээ болихынхоо өмнө хананд өлгөөтэй байхдаа хоёр чавхдас нь шөнөжин жингэнээд хоносон гэж ээж минь бараг л барин тавин баталдаг юм. Харин үзэгдэхээ больсноос нь хойш барьж тэмтэрч үзсэн хүн манай гэрийнхнээс авахуулаад эргэн тойрны байрны бүх хүүхдүүд, зарим саваагүй томчуул зэргээр цөөнгүй байв. Аав минь нэг удаа хийлийг минь тэмтэрч үзсэнээ анх чамд бэлэглэхэд гялалзсан хүрэн хийсэн шинэхэн хийл байж билээ. ( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Ц.Буянзаяа : Хэрээ
Оруулсан admin on 2008-08-04 22:53:04 (8709 уншсан)
1.
Цонхны цаана өвлийн мөчир дээр нойрмог хэрээ сууна. Тэр цаджээ. Түүнд улай үзэх хүсэл ер алга. Хааяа нэг овгосхийн хөдөлж сангас унагана. Хэрээний сангас шинэхэн мерседес бензний хамрыг нялгадна. Бензний эзэн өдөржин алга. Тэр хажуугийн зуушны газар шар айраг эргүүлж суугаа нь лавтай. Яагаад гэвэл, манай байгууллагын жижигхэн дөрвөн давхар байшинд сайн машинтай нэг ч хүн байхгүй.Зэргэлдээ байгууллага бол ахмадын холбооныхон.
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Ц.Мухар : Бух Нацаг
Оруулсан admin on 2008-08-04 22:33:16 (8822 уншсан)
Нацагийнх нийслэлийн зүүн хойт жигүүр Дамбадаржаагийн суурин хороололд өглөөний нар харуулж барьсан олон мөр хашааны арын эгнээний зүүн буланд улиасны бяцхан төгөлтэй шургааган хашаанд амьдарна. Хашаа нь хүрээ хийцийн их дааман, явган хүний бага дамнуур хаалгатай. Энд Нацагийнхны гурван үеийнхэн Да хүрээ байхаас суурьшжээ. Нацагийнд таньдаг гийчин ирвэл явган хаалганы нууц татуургаар, үл мэдэх явуулын айлчин бол төмөр гинжин уяаг нүдэж байж ороход тотгоны хонх жингэр, жингэр дуугарна. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: П.Пүрэвсүрэн : Лимбийн эгшиг
Оруулсан admin on 2008-08-04 22:28:32 (10857 уншсан)
Гэв гэнэтхэн лимбийн эгшиг сэрүү таттал уянгалав. Ядарсан морь минь ч сэргэн сэртэсхийх шиг болов. Тал газрын ижил мянган ногоон ухаа дундуур өдрийн хагас аялан, халуун наранд алжааж ядарсан над энэ сайхан аялгуу, сэрүүн ундаа мэт санагдсаныг хэлэх юун. Элчилгүй их талын дээгүүр өвсөн толгой шүүрэн алдан нисэх мэт намуухан уянгалах лимбийн эгшиг эцсэн морины минь хөлийг хөнгөртөл юуг өгүүлнэм бэ.Би яаран яарсаар нэгэн ухаа дээр гарвал зэргэлдээх ухаа дээр эмээлтэй морь түүний дэргэд намхан оройтой бүрх өмссөн хүн цааш хараад завилан суусан харагдана. ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Тэвчээр
Оруулсан admin on 2008-08-04 14:10:00 (10274 уншсан)

 Алдартай каратеч болох нь Мицумигийн цорын ганц хүсэл. Гэвч түүний аав, ээж гэр бүлийнхэн нь энэ хүслийг нь огт хүлээн зөвшөөрдөггүй байлаа. Гэтэл нэгэн өдөр азгүй тохиолдлоор хүү машины осолд орж зүүн гараа тайруулжээ. Энэ үед хүүгийн сэтгэл санааны хүнд байдлыг ойлгосон эцэг эх нь хүүдээ каратегийн багш хөлслөв. Багш нь анхны хичээл дээр хүнээ баруун гараараа бариад эргүүлэн унагаах мэхийг зааж өгчээ. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Д.Батбаяр : Золбин
Оруулсан admin on 2008-08-03 22:27:05 (12240 уншсан)
Гандандэгчинлэн хийдийн гол дуганы нэг болох Цогчин гэгдэх хурал ном хурдаг гол газар руу зүүнтэйгээсээ шууд очих дөт зам бол хийдийн гадуур тойруулан барьсан хэрмэн хашааны зүүн талын хаалга байдаг. Энэ хаалгыг халз чиглэсэн гудамны хоёр талаар айлуудын хашааны хаалга, бурхан, цөгц, арц хүжний жижиг мухлаг, хүнсний мухлаг, гуанз олон бий. Тэдний нэг болох "Хүнсний дэлгүүр" гэсэн хаяг бүхий бэсрэгхэн мухлагийн үүдхэн хавьцаа ямар нэгэн хуучин хүрэм юм уу, хөвөнтэй туурганы тасархай хаячихсан юм шиг нэг нэвсгэр юм харагдана. ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Хөх даалимбан тэрлэг буюу гоёход учир бий
Оруулсан admin on 2008-08-03 22:20:13 (9995 уншсан)

 ...Цэнхэр дээлээ өмсөөд
Цэцэрлэгтээ очино доо... (Хүүхдийн дуунаас)
Сургуульд ордог жил ээж маань надад хөх даалимбаар, өдрөөс өдөрт өсч явааг минь бодолцсон уу жаахан элбэгдүү дээл оёж өгсөн юм. Муу аав маань хэдэн өдөр явж байж тэр үед ёстой нэг ховрын юмны нэг орос бахиалан гутал мөн л жаахан томдуулж авч өглөө. Биднийг бага байхад орос бахиал өшиглөхийг хүсдэггүй эрэгтэй хүүхэд гэж ч байгаагүй байхаа. Мөрөөдлийн бахиалаа өмсчихөөд сандал дээр гарч зогсоод тольдож байсан минь саяхан мэт. Хот газар дээл өмсөхөөр хүүхдүүдэд “хөдөөний хөөсөн мантуу”-гаараа дуудуулахын учир гэртээ л хоёр гурав өмссөн санагдана. Харин бахиалаа томоо ах нарыг дуурайж түрийг нь шагайнд нь тултал эргүүлж өмсөөд аав, ээж хоёртоо “Гудамжны хулигаан болох нь дутаа юу” хэмээн нэг сайн загнуулж аваад буцааж татаад энэ хавар цэргээс халагдсан агаагынхаа бэлэглэсэн цэрэг малгайтай хослуулан гангарч нэг л хэсэгтэй гудамжныхаа хөвгүүдэд гайхуулсансан. Гэхдээ нэг төгссөн зунаа хөдөө нагацындаа очсоных нөгөө муу хөх даалимбан тэрлэгээ ёстой гандтал нь чирсэндээ хөөрхий. Хоёр төгссөн зун бахиал маань багадаж, гурав төгссөн зун хөх даалимбан дээл маань дадайгаад мөн л багадаж жамтай юм жамаараа дүүд минь шилжиж билээ. Уралгын үзлэгт, шинэ жилийн багт наадам гээд хотод ч гэсэн нилээн хэд өмссөн л дөө. Миний нялх багын гоёо энэ байлаа.  ( Дэлгэрэнгүй... | 6 | Өгүүллэг | Өгүүллэг | )
Өгүүллэг Өгүүллэг: Сэтгэлээ тайтгаруулах нь
Оруулсан admin on 2008-07-16 09:51:33 (8520 уншсан)

 Шувууд жиргэж, цэцэг дэлбээлсэн сайхан зуны сэтгэл татам зургийг үгээр хэлэхийн аргагүй юм. Яагаад ч юм эргэн тойронд гайхамшиг бүрэлдэн тогтож уул ус ургамал ногоо өөрийнхөө гайхам төрхийг хэнээс ч нуухгүйгээр дэлгэн бэлэг барих мэт. Санаа сэтгэл тайвширч бүх уйтгар гуниг зовлон зүдгүүр тайлагдаж хүнд хэцүү хүлээснээс мултаран тайтгарах энэ сайхан мөчийг өнө мөнхийн хайрлан харамлах сэтгэл өөрийн эрхгүй дахин дахин төрнө.
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Аксиом
Оруулсан admin on 2008-07-14 06:09:05 (8425 уншсан)

 Он цагийн урсгалд балар эртний хүн сүрэг 6 гаруй тэрбум бүлтэйгээр байгаль ертөнцийг байлдан дагуулах их аянд аль хэдийн шамдан орж, олон олон зүйлсийн сөрөг үр дагаваруудыг хэдийн бүтээж амжжээ.
Нэгэнт бид агуйгаас гарч, модноос буусан тул эргэх зам, буцах эрх үгүй. Байгалийн тэнцвэрт байдлыг үгүй хийсээр байгаа болохоор энэхэн замбуулингийн мөхлийн шалтгааныг эхлүүлсэн байх нь.
Эхэлсэн бүхэн дуусдаг жамтай хэдий ч гараг ертөнцийн lifetime-ийг бид хэдийнээ хороогоод эхэлжээ. Экологийн тэнцвэр жамаараа амь зогоож буй чононд хамаагүй хэдий ч байгаль эх тэрхүү зохист тэнцвэрт байдлыг зохицуулсан байдаг. Харин хомосапиенсууд энэ хуулинд үл захирагдан өөрийн дур хүсэлд дулдуйдан чадлын хэрээр сөрөн тэмцэлдсээр...
( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Болжмор : Яргуйн хэнзхэн дурлал
Оруулсан admin on 2008-07-07 01:57:41 (10077 уншсан)

 Сүрэн жаахан сандран бэлтгэлийн өрөөнд биеэ халаан зогсоно. Тэрээр хүүхдийн "Яргуй" хүүхдийн урлагийн их наадамд ардын бүжгээр оролцохоор аймгаасаа шалгаран ирсэн билээ. Энд тал бүрээс нийлсэн авъяаслаг хүүхдүүд бүгд хуран чуулжээ. Бусадтайгаа зэрэгцэн том тольны өөдөөс харан сунгалтын дасгалаа хийж байтал түүний ардхан талд хотын цэвэрхэн цагаан баньд ярилцлага өгч байв.
( Дэлгэрэнгүй... | 3 | Өгүүллэг | Өгүүллэг | )
Өгүүллэг Өгүүллэг: Б.Эрдэнэсолонго : Том асуудал
Оруулсан admin on 2008-06-30 08:38:09 (10016 уншсан)

 /МЗЭ-ийн гишүүн, Г.Сэр-Одын нэрэмжит шагналт/

Би тэгэхэд долоон настай, дөнгөж сургуульд ороод байв. Эр эм, бяцхан хүүхэд, том хүний алиных нь ч тухай нэг л ойлголттой явсан үе. Ээж маань голын цаанаас миний гурав дахь дүүг авчрахаар явчихсан байлаа. Манай эмээ, хөршийн эмээ хоёр нутгийн маань хамгийн эртний хүмүүс, бас хамгийн сайн найзууд болохоор ихэвчлэн нийлж даалуу тоглоно. Эмээгээсээ хөтлөөд хөршийнд болдог ээлжит даалуунд очих үеэр энэ явдал тохиолдсон юм.
Хөгшид даалуу тоглоход би ихэвчлэн хийх юмгүй уйддаг болохоор хөршийн жингэр, энэ хавар төрсөн хэдэн халтар гөлгөөр нь зугаацах юмуу усны тэргийг нь түрж тоглоно.
( Дэлгэрэнгүй... | 3 | Өгүүллэг | Өгүүллэг | )
Өгүүллэг Өгүүллэг: З.Баттулга : Соргог хүмүүс
Оруулсан admin on 2008-06-29 00:50:37 (9429 уншсан)

 7-р сарын сүүлчээр юмсанжээ. Yдшийн орсон ширүүн бороо зүсэрч , гудамжинд хүний хөл татарчээ .
Цагдаа Түмэн бүтэн гурван цагийн турш хувиарт газраа эргээд Ерөөгийн 1-р гудамжны зүүн үзүүрийн сүүдэртсэн догол дахь нэг хашааны үүдэнд амсхийхээр ахархан жижиг сандал дээр суулаа .
« Ерөөгийн 9 тоотыг анхааралдаа ав !» гэсэн нэмэлт үүргээ бодож суугаа цагдаа Түмэн өврөөсөө тамхи гаргаж нуусхийж асаагаад галыг нь ханцуйдаа далдлан хаа нэг сорж , эргэн тойрноо ажин анир чагнав. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Аксиом
Оруулсан admin on 2008-06-27 08:46:06 (8436 уншсан)

 Он цагийн урсгалд балар эртний хүн сүрэг 6 гаруй тэрбум бүлтэйгээр байгаль ертөнцийг байлдан дагуулах их аянд аль хэдийн шамдан орж, олон олон зүйлсийн сөрөг үр дагаваруудыг хэдийн бүтээж амжжээ.
Нэгэнт бид агуйгаас гарч, модноос буусан тул эргэх зам, буцах эрх үгүй. Байгалийн тэнцвэрт байдлыг үгүй хийсээр байгаа болохоор энэхэн замбуулингийн мөхлийн шалтгааныг эхлүүлсэн байх нь.
Эхэлсэн бүхэн дуусдаг жамтай хэдий ч гараг ертөнцийн lifetime-ийг бид хэдийнээ хороогоод эхэлжээ. Экологийн тэнцвэр жамаараа амь зогоож буй чононд хамаагүй хэдий ч байгаль эх тэрхүү зохист тэнцвэрт байдлыг зохицуулсан байдаг. Харин хомосапиенсууд энэ хуулинд үл захирагдан өөрийн дур хүсэлд дулдуйдан чадлын хэрээр сөрөн тэмцэлдсээр...
( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Болжмор : Хүүг минь өгөөч дээ.....аймшиг
Оруулсан admin on 2008-06-27 08:42:48 (9745 уншсан)

 Болжмор               http://boljmor.blog.banjig.net/

Сарангуа нөхрөө даган хэдий дургүй байсан ч гэсэн томилогдсон газарт нь явахаар болов. Нөхөр Хаянаа нь энэ жил цэргийн сургууль төгсөөд төрсөн нутаг болох Төв аймагт томилогдсон билээ. Хэдий Сарангуа үлдэж болох байсан ч ид халуун хайрандаа шатаж,бас ч гэж шинээр гал голомтоо саяхан бадраагаад байсан болохоор үлдэж төвдсөнгүй.

( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Д.Норов : Хонзон
Оруулсан admin on 2008-06-16 03:50:05 (9348 уншсан)
Явган ширээн доор хэвтээд халз өмнөөс ширтэн байгаа хар нохойн, том хүрэн нүдийг Чулуун сая л анзаарлаа. Үл цавчрах тэр нүд, нохойн нүд огт биш байлаа.
Тэр нохой Чулууныг гар, хөлөө хөдөлгөх төдийд хяламхийвч Дэмчигийг ширтээстэй, ер үл хөдлөх аж. Дэмчиг, буйданд зэрэгцэн суусан гангар шаазан шиг хэврэг цагаан бүсгүйн санчигны үсийг илбэн аргадах юмуу, булцгар цагаан гарыг барих, эсвэл ширээнээ өрсөн идээ сархдад хүрэх тоолонд хар нохойн сэрвээний зогдор босож, уруул жавьж нь татваганан, сахал нь чичигнэнэ. Гэвч архирч дуугарсангүй. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Цэрэндоржийн БАЛДОРЖ : ЗУЛЦЭЦЭГ /эхлэл/
Оруулсан admin on 2008-06-03 06:15:04 (10577 уншсан)
/Тууж/

-Зулцэцэг ээ! Чи тэр хараач! Усны шувуу!
Охин маань миний гарыг дагуулан ширтэж байснаа:
-Аав аа, тийм байна. Манай энд нуур байхгүй шүү дээ. Одоо яанаа гэж дуу алдлаа.
-Манайд нуур байтугай тэнгис, далай ч бий шүү дээ. Яагаав тариан тэнгис…
Охин бид хоёр Угтаалын төвийн баруун хойд Хөшөөт толгой өөд алхаж явлаа. Удахгүй тариа хурааж эхэлнэ. Яг энэ үеэр би энд ирж дадчихжээ. Одоо охинтойгоо ирдэг болсон. Гэвч яс махны минь тасархай энэ өчүүхэн амьтан чухам юунд энд ирдгийг яаж мэдэх билээ. Гэхдээ охин минь чи мэддэг болно. Аав нь чамд бүгдийг ярина. Энэ миний үүрэг. Төрж өссөн газар шороо, хөл дээр чинь босгосон нутгийхнаа хайрлах тэр сэтгэл магадгүй энэ ярианаас ч эхэлж мэдэх юм. Гагцхүү чиний ухаан мэдэг. ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Болжмор : Аймшиг дагуулсан үхэл..........төгсгөл
Оруулсан admin on 2008-05-29 22:45:49 (9696 уншсан)

 Хатнааг хүмүүс гайхан галзуу солиотой,согтуу юмуу хэмээлцэн холуур дөлөн алхана. Гэтэл нэг эмгэн түүнийг угзчин миний хүү босоо гэр чинь хаана вэ хэмээнгээ гартаа зүүж явсан эрхээрээ адислав. Хатнаа гэнэт сэхээ орлоо. Тэрээр эмгэнд талархаад гэрийн зүг сажилан алхахдаа ямарч тэнхээгүй болсон мэт санагдана. Тэрээр газар ширтэн хүний өөдөөс харахаас дальдчин такси барин өөрийнхөө гэрт хүргүүллээ. Орцондоо орох гэсэн нэг л айдас төрөөд байсан тул дүүгээ утасдан дуудан гаргаж ирээд хамт орлоо. Хатнаа дүүгээсээ тас зууран алхаж байхдаа өвдөг нь өөрийн эрхгүй чичирч байлаа. Гэртээ ороод ээждээ бүх үнэнээ хэлтэл ээж нь бузартчихаж хэмээгээд арц уугиулан биеийг нь ариулав. Хатнаа усанд орчихоод Алтай уруу утасдан гэрт хонолоо маргааш эрт очиж хамт гандан гаръя хэмээгээд хөргөгчөө уудлан байнга бэлэн байдаг аавынхаа цагаан архинаас нэг томоохон хийж ууж аваад овоо тайвширан унтлаа. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Болжмор : Аймшиг дагуулсан үхэл..........аймшиг
Оруулсан admin on 2008-05-28 02:27:34 (9528 уншсан)

 Зуны тэр нэг орой гадаа хүүхдүүд орилолдон тоглоод,айлууд хоолоо хийж буй бололтой онгорхой салхивчаар төрөл бүрийн хоолны үнэр холилдон ханхална. Гадаа ид хөл хөдөлгөөнтэй үе. Өдрийн бүгчим халуун арайхийн намжин оройн сэрүүн орж эхэлж буй болохоор битүү байшингаас гаран хаа сайгүй нарлаж зуслан гарахыг мөрөөссөн хүүхэд хөгшид голдуу салхилсан хүмүүс харагдана. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Д.Батбаяр : Дундуур дүүрэн
Оруулсан admin on 2008-05-14 03:13:00 (9792 уншсан)
Хандармаа зүүн мөрөн дээгүүрээ энгэр руугаа тохож орж ирсэн гэзэгнийхээ үзүүрээр хуруугаа ороон гоочилж сууснаа толгой өргөн, идээшлэн налайж буй хониныхоо дээгүүр алсын хөх униар дунд сүүмэлзэн цэнхэртэх Дэлгэрхангай уулын зүг харж,
-Нар жаргахыг харах ч бас сайхан шүү. Би жаргаж байгаа нарыг харах болгондоо энэ чинь мандаж байгаа нар биш гэдгийг бүүр мартчихсан гайхан алмайрч ширтсээр байгаад л шингээчихдэг юм гэхэд нь “Сэтгэлийнхээ хамгийн нарийн нандин юмыг ярихаараа ингэж гэзэгнийхээ үзүүрийг гоочилдогсон. Намайг уурлаж дуугаа хураан дүлий дүмбэ шиг суухад минь “За битгий уурла л даа” гээд хуруугаа ороож оролдож байсан гэзэгнийхээ үзүүрээр миний хамрыг сөргөн “Инээ л дээ” гээд хөхөрч суудагсан гэж бодож суусан Жамган: ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Д.Батбаяр : Дундуур дүүрэн
Оруулсан admin on 2008-05-14 02:56:00 (13465 уншсан)

Хандармаа зүүн мөрөн дээгүүрээ энгэр руугаа тохож орж ирсэн гэзэгнийхээ үзүүрээр хуруугаа ороон гоочилж сууснаа толгой өргөн, идээшлэн налайж буй хониныхоо дээгүүр алсын хөх униар дунд сүүмэлзэн цэнхэртэх Дэлгэрхангай уулын зүг харж,
-Нар жаргахыг харах ч бас сайхан шүү. Би жаргаж байгаа нарыг харах болгондоо энэ чинь мандаж байгаа нар биш гэдгийг бүүр мартчихсан гайхан алмайрч ширтсээр байгаад л шингээчихдэг юм гэхэд нь “Сэтгэлийнхээ хамгийн нарийн нандин юмыг ярихаараа ингэж гэзэгнийхээ үзүүрийг гоочилдогсон. Намайг уурлаж дуугаа хураан дүлий дүмбэ шиг суухад минь “За битгий уурла л даа” гээд хуруугаа ороож оролдож байсан гэзэгнийхээ үзүүрээр миний хамрыг сөргөн “Инээ л дээ” гээд хөхөрч суудагсан гэж бодож суусан Жамган:

( Дэлгэрэнгүй... | 1 | Өгүүллэг | Өгүүллэг | )