9907-6364 info@biirbeh.mn
Facebook RSS2 Нэвтрэх
BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Өгүүллэг

Өгүүллэг Өгүүллэг: Э.Цэнгэл : Ийм нэгэн явдал
Оруулсан admin on 2009-09-20 09:11:28 (12262 уншсан)
Тэрхэн үед зүрхний минь цохилт хормын төдийд түргэсэн цээжин биед минь багтаж ядан булгилаж, алга минь хөлөрч амьсгаа минь давчдаад яахын аргагүй би догдолж байгаагаа мэдлээ. Догдлох сэтгэл минь дэндэж “дотоод хүн” маань намайг шатны уруу гүйлгэчихлээ. Гадаа гарч хэсэг хугацаанд өөрийгөө тайвшруулахыг хичээн элдвийг дотроо бодож эцэс сүүлд нь “Эр хүн! чи чаднаа! ” гэж өөртөө шивнээд эргээд л шат өөд гүйн гарна. Ингэж ахин дахин шат өгсөж буусаар нилээд хугацааг ардаа орхилоо. ( Дэлгэрэнгүй... | 13 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Сүүн зам
Оруулсан admin on 2009-09-20 08:41:31 (9550 уншсан)

 Сайн байна уу ээжээ, охин нь шөнө таныг зүүдэллээ. Таны минь нандигнан хайрладаг эрхиний утас тасарч байх юм миний зүүдэнд. Ээ халаг гэж...

Өдөр хоног өнгөрөх бүр бид хорвоогийн жамаар нэгэн туйл руу тэмүүлж байгаа ч таньтайгаа улам ойр, хамтдаа байж, таныхаа аз жаргалтай инээдэнд хөлбөрөн байхыг ямар их хүсэж байна гээч ээж минь. ( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Амур : Хувь тавилан
Оруулсан admin on 2009-09-20 08:37:51 (10764 уншсан)
Хүү өлсөж байлаа. Жавар тачигнаж хацар нүүрийг нь хайрах мэт болж даарснаасаа хөл гар нь мэдээгүй болжээ… Хүү өлсөж байлаа ч зарж буй чихэр печенээсээ идэж үл болно. Аз болж хэдэн чихэрээ зарчихвал өл залгах талх,бэлэн гоймон авч үлдсэнээр нь ахиад чихэр печенээ авна… Тэр цадах гэж юу болохыг бүр мартжээ ... ( Дэлгэрэнгүй... | 7 | Өгүүллэг | Өгүүллэг | )
Өгүүллэг Өгүүллэг: Заяаны хань
Оруулсан admin on 2009-09-15 03:57:27 (12044 уншсан)
Хаалгаар арай ядан тэмтчин орох залуу бүсгүйг автобусны зорчигчид их л өрөвдөнгүй харцгаана. Түүнийг Сузан гэх бөгөөд эмч нар буруу онош тавьж эмчилсэнээс гуч гаруйхан насандаа хараагүй болж, нэг л мэдэхэд уур уцаар, бухимдлын ертөнцөд унасан юм. ( Дэлгэрэнгүй... | 4 | Өгүүллэг | Өгүүллэг | )
Өгүүллэг Өгүүллэг: Н.Тайванжаргал : Хатанбаатарын хул
Оруулсан admin on 2009-09-03 23:32:40 (9610 уншсан)

1920 оны намрын дунд сар Засагт хан аймгийн Сэцэн сартуул хошууны нутгаар сайхан намар болж байлаа .Өглөөгүүр адуундаа мордсон Лувсан бараа сайтай нэгэн өндөрлөг гарч ирэн дуран тавьж суулаа . Хүний өөрийн нийлсэн хоёр азрага адуу нь ойрхон хоносон байсанд тэрээр ихэд олзуурхан ийш тийш дуран тавьж суутал дуранд бөөн морьтой хүмүүс зүүнээс баруун зүг морин цуваагаар явж яваа нь харагдлаа . Ихэд гайхаж ямар хүмүүс байдаг билээ гэж ахиулан сайн дурандваас туг хиур болон буу шийдэм үүрсэн хүмүүс харагдав. Юун түрүүнд дээрэм тонуул гамин, барон гэх айдаст бодлууд нөмөрч шалавхан мордож адууны зүг давхилаа. ( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Г.Аюурзана : Аз жаргалын үнэ цэнэ
Оруулсан admin on 2009-08-26 22:40:03 (10091 уншсан)
1.Өнөөдрийн дуу

Өдөр өдөр өөрийн дуутай. Өглөө сэрэхэд л тухайн өдрийн дуу аманд орж эвлээд, өдөржингөө сэтгэлд аялагддаг. Зарим өдрийн дуу хачин инээдтэй, бүүр багадаа хэлд орсныхоо дараахан арай ядан сурсан туулайны тухай хоёр мөр, эсвэл бүр авцалдаагүй "Хурц-ий улаан тугаараа баярыг хүргэе дээ-ээ, нөхдүүд ээ..." гэх маягийн даавууны тасархай мэт тийм жаахан хэсэг ч байх нь бий. Тухайн өдрийн дууг хүн өөрөө сонгодоггүй. Дуу харин өөрөө түүнийг олж ирээд байдаг мэт Галсанд санагдана. Өнөөдрийн дуу, хаа очиж, аятайхан дуу таарчээ.

Хажуунаас нь-нь
харах юм бол
Ханан хээтэй-эй
Самгалдай-ай...
( Дэлгэрэнгүй... | 1 | Өгүүллэг | Өгүүллэг | )
Өгүүллэг Өгүүллэг: Бороо
Оруулсан admin on 2009-08-18 01:58:00 (12695 уншсан)

 Хурмастын хааны эрх гүнж уйлж эхлэвүү гэлтэй бороо шивэрч эхэллээ. Хэд хоногийн турш залхтал шуурч бужигнаж байсан тоос шороо намдаад, зэргэлдээ байрны өнгө нь гандсан дээврийг борооны дусал хэрхэн ариусган угааж буйг би харж зогссоноо тэсэлгүй гадаа гүйн гарлаа. Тэр борооны сэтгэл догдлом үнэр бүхнийг шив шинэхэн өнгөөр будаж байгаа нь гайхалтай агаад замаар норохгүйн тулд хаашаач юм яаран гүйлдэх хүмүүсийн дунд норохсон гэхдээ хоёр гараа алдлаад тэнгэрлүү харан яваа намайг харсан хүн лав гайхаж байсан бизээ. ( Дэлгэрэнгүй... | 5 | Өгүүллэг | Өгүүллэг | )
Өгүүллэг Өгүүллэг: Уйтгарлах завгүй залуу нас : Хайр…………
Оруулсан admin on 2009-08-18 01:21:00 (12931 уншсан)

 Хүсээд болохгүй хорвоогийн хатуухан хувь тавиланг яалтай.
Цэн цэнгийн нулимсаа арчмааргүй асгаруулан суух заримдаа Зоригоод арай дээр ч юм шиг. Саяхан л ирээдүйдээ итгэж сэтгэл өөдрөг урам зоригтой явсансан. Юугаар ч солимгүй ариун хайртайгаа учирч юм бүхэн нь дэндүү жаргалтай байсаан.Удаан хүлээсэн хайраа олж тэнгэрийн илч мэт тэр л сайхан бүсгүйтэй учраад халуухан гараас нь атгахдаа хайртай гэдгээ шивнэн хэлэхдээ Зоригоо дотроо түүнийгээ хэзээ ч зовоохгүй дээ гэж тангаргаласан байлаа. Учир нь түүнийг бага байхад аав нь ээжийг нь их л зовоодог байсныг хүү бяцхан зүрхэндээ дэндүү гүн тогтоож авсаан.
( Дэлгэрэнгүй... | 10 | Өгүүллэг | Өгүүллэг | )
Өгүүллэг Өгүүллэг: Ш.Нацагдорж : Үүлэн чөлөөний нар
Оруулсан admin on 2009-08-17 22:40:00 (10274 уншсан)
Эмч намайг босож өрөөн дотор явахыг зөвшөөрсөн тэр өдөр би хаврын нарны бүлээн элч ээсэн өмнө талын цонхонд ойртон очиж, эмнэлгийн хашааны доторхийг харвал илаарь болж байсан өвчтөн гадна наранд ээж, хүүрнэн сууцгааж байна. Цагаан нөмрөг өмссөн нэг өндөр залуу хүн том баадантай юм ачааны тэргэн дээр ачиж байхыг хараад, өөрийн эрхгүй юу билээ? гэсэн шиг бодогдов. Арай биш байдаг байгаа. Тэр хэрэв энд байвал нар баруун хойноос гарна гэдэг болох бий гэж нүдээ арчин дахин нарийвчлан харвал яахын аргагүй мөн. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: П.Yйтүмэн : Чоно хөөсөн шөнө
Оруулсан admin on 2009-08-17 22:28:16 (9474 уншсан)

Өвлийн дунд сарын нар гийсэн нэгэн өдөр баруун аймгуудыг зорьдог битүү тэргэнд Баянхонгор аймаг руу явах дөрвөн зорчигч суусан байв. Дөрвөөс илүү зорчигчгүй байгаад нь сэтгэл дундуур байсан жолооч «Өнөөдөр миний явдаг ч талаар болох шив дээ, нэмээд дөрвөн хүн ирчихдэггүй юм байх даа» гэж элдвийг тунгаасан яг энэ мөчид зогсоол дээр нутгийн нь дугаартай «УАЗ-469» тэрэг ирж зогслоо.
Хүн нэмж суулгах нь уу гэж горьдон суусан жолооч тэрэгнээсээ гарч ирэгчийг хартал өрөийн нь таньдаг хүн байв. Тэрэгнээсээ буугаад түүнтэй хуучилж байгаа жолоочоо ажсан дөрвөн зорчигч нар дээр хөөрчихсөн байгаад хэн хэн нь санаа зовних аж. Урд талын суудлыг эзлэн суусан хүүхэн,

( Дэлгэрэнгүй... | 5 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Таны минь хайр
Оруулсан admin on 2009-08-17 21:12:37 (9145 уншсан)
Өглөө бүхэн гал тогооныхоо өрөөний цонхоор би гадагш харан зогсох дуртай л даа. Шинэ өглөөний гэрэл гэгээг, салхивчаар орж ирэх сэрүүн агаарыг, шулганан шаагилдах шувуудын чимээг чагнан байхуйд тэнгэрийн хязгааргүй уудам нь тэвэрч аван уусгах шиг цаанаа л нэг тааламжтай. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Пинку : Боодол бодол
Оруулсан admin on 2009-08-17 21:04:35 (8711 уншсан)
Энэ биений хоёр харагдах хөлнүүд нугаларж тэнийсээр, хуруунууд нь тэнцвэрээ хадгалсаар, уушиг ч юм уу би өөрөө ч юм уу агаар амьсгалсаар, орон зайн баримжааг нүд минь мэдээлэлсээр, булчин шөрмөс чангарж суларж бие цогцос төгс ажиллавч юү ч бодохгүй байгаа юм шиг бодол минь энд тэндгүй хаа сайгүй, юү ч сонсохгүй байгаа  чихний хажуугаар үхмэл анирууд өнгөрч миний мөнх бус цаг хугацаатай хамт хойно үлдэв. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Хайрын зурвас
Оруулсан admin on 2009-07-23 06:37:15 (11731 уншсан)

 Зуны өглөөний цэнгэг бүлээн агаар, болжморын уран жиргээтэй хамт нээлттэй орхисон тагтны хаалгаар урсан ирж, жаргалтай сайхан зүүдэндээ инээмсэглэн нойрсож буй залуу хөвгүүнийг илбэн сэрээлээ. Хөвгүүн сайхан зүүднээсээ хагацсандаа сэтгэл дундуур байгаагаа илтгэн хөнжилдөө улам шигдэн зүүдэндээ уулзсан үлгэрийн дагина мэт үзэсгэлэнт охиныг бодон хэвтсээр л байв. ( Дэлгэрэнгүй... | 20 | Өгүүллэг | Өгүүллэг | )
Өгүүллэг Өгүүллэг: Нарны хайр
Оруулсан admin on 2009-07-23 06:36:55 (9335 уншсан)
Эрт урьдын цагт “нар” хэмээх зүрх сэтгэлтэй амьд бөмбөлөг тэртээх хол бидний хичнээн хүсэвч хүрч үл хүрэх хязгааргүй уудам хөх тэнгэрт саатан тухлаж үүр цайх торгомсог мөчөөс үдшийн бүрий залран ирэх гунигт хором хүртэл хүмүүн бидний бүхий л амьдрал, баяр баясал, гуниг харуусал, атаа жөтөө, хайр энэрэл, азгүйтэл бүтэлгүйтэл, ололт амжилтыг ахин дахин ажин харж баярлах үедээ халуун илчээ харамгүй хайрлан төөнөж, харин гунигласан үедээ бүүдийн үүлний цаагуур нуугдан сэтгэлээ тайвшруулдаг байжээ. ( Дэлгэрэнгүй... | 9 | Өгүүллэг | Өгүүллэг | )
Өгүүллэг Өгүүллэг: Хатуу тоглоом
Оруулсан admin on 2009-07-02 04:00:16 (10672 уншсан)
Өглөөний цэнгэг агаар нээлттэй салхивчаар нэвтрэн тэнүүчилж, болжморын жиргээн хүмүүсийн чихийг мялаахтай зэрэгцэн Сүхээ сая орноосоо өндийлөө. Шөнөжин эл хуль бодолд автан нойр нь хулжсан авч тийм ч их ядарсан шинжгүй хувцаслах түүний нүдэнд ямар нэгэн гүн гомдол хурсан мэт харагдана. Тэрээр угаалгын өрөөнд орж нүүр гараа угаахдаа бодолд автсан царай нь огтхон ч хувирсангүй, бодол нь тэртээ хаа нэгтээ тэнүүчилж хэн нэгнийг хүлээж бас түүндээ дэндүү их гомдсон нь илхэн харагдах аж. ( Дэлгэрэнгүй... | 9 | Өгүүллэг | Өгүүллэг | )
Өгүүллэг Өгүүллэг: Доржзовдын Энхболд : Сүүлчийн хорчин
Оруулсан admin on 2009-06-18 01:23:27 (10392 уншсан)
(өгүүллэг)

Умар зүгээс Бээжин хотыг зорих хөл хөдөлгөөн нэт их нэгэн том замыг тосон мэхэлзэж , үдэн гэдэлзэх олон олон хот тосгодын нэг нь зам руу харсан өнгөн талаа пааландан гял цалаар гийлгэсэн атал ар нуруу нь ачаа даахаа алин цагийн больж, өтөлсөн хөгшин илжигний атираат нуруу шиг өмгөр умгар шавар тагзнуудаас бүрддэг Тайвас хэмээх нэвсгэр хот бөлгөө.
( Дэлгэрэнгүй... | 4 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Эртний зураг
Оруулсан admin on 2009-06-09 09:29:40 (9456 уншсан)
Би зусландаа одоо байнга байдаг болсон л доо. Хотын утаа униар , дуу чимээнээс хол сайхан байдаг юм. Бага хүү маань ирж байна уу даа. Хн манай ач ирж байна, одоо ч шулганаж гарна шүү дээ, оюутан болсон том охин гэвч надад эрхлээд жаахан чигээрээ л байх юм даа.

Эмээ, эмээ гэсээр ач охин минь гүйсээр ирээд амьсгаагаа даран байж, эмээ ээ манай ангийхан дадлагын ажлаараа монголынхоо түүхтэй холбоотой маш олон зураг цуглуулсан юм. Гэтэл тэр зурагнууд дотор таны зураг байхаар аваад ирлээ та энийг хар даа хэмээн надад хэдэн зураг сарвайв. ( Дэлгэрэнгүй... | 2 | Өгүүллэг | Өгүүллэг | )
Өгүүллэг Өгүүллэг: Хагацал, харуусал, үзэн ядалт том алдаа
Оруулсан admin on 2009-06-09 09:25:33 (10631 уншсан)
Хагацал харуусал, үзэн ядалт
Шиврэн орох бороон дундуур шингэхэн бас норсон үсээ хаяа нэг савчуулан алхах тэр бүсгүй амьдралын эрээн бараан бүхнийг үзсэн, тэрээр наранд борлон гундсан царайтай насандаа баймаажгүй хувцасласан одоо дөнгөж 40-ийн талыг насалж яваа залуухан бас ялдамхан. Цагтаа тэрээр зөрж өнгөрөх залуусын зүрхийг булаадаг бүсгүй байсан. Ганцхан жилийн өмнө түүний амьдрал ийнхүү орвонгоороо эргэсэн. ( Дэлгэрэнгүй... | 8 | Өгүүллэг | Өгүүллэг | )
Өгүүллэг Өгүүллэг: П.Дэлгэржаргал : Чамайгаа би хэзээ хэзээнээс илүү санаж байна
Оруулсан admin on 2009-05-26 02:38:00 (9548 уншсан)
Чамайгаа би хэзээ хэзээнээс илүү санаж байна. Чи минь хаана байгаа, хэн хэнтэйгээ байгааг ч үл мэднэм. Зүгээр л би чамдаа чин сэтгэлээсээ дурласансан. Үнэндээ яагаад би чамдаа ингэж их шунан дурласнаа ойлгож чадахгүй нь дээ. ( Дэлгэрэнгүй... | 0 | Өгүүллэг | Өгүүллэг | )
Өгүүллэг Өгүүллэг: Б.Наранцацралт : Захидал
Оруулсан admin on 2009-05-22 01:26:30 (9650 уншсан)
Хэлгүй Сүүнээ Норолхоо багшид хадаг барин шавь орж гэнэ гэсэн явган яриа сумын төв даяар хаврын салхи шиг тэр дорхноо тархав.
Үнэхээр ч баруун уулаар нутагтай Должин самганы ганц хүү Сүүнээ сумын сургуулийн нэр хүндтэй ахмад багш Норолхоод хадаг барин золгож, бичиг үсэгт сургахыг гуйсан бөгөөд тэрхүү хүсэлтийг Нооёо багш болгоон соёрхож, хадаг сэлтийг тогтоосон гэнэм. Намрын налгар өдрүүд нас хэлтлэн одсоор анхны цастай нөхцөж, төдхөнөө өвлийн амьсгал жиндүүлэх үесээр мөнөөх Сүүнээ сумын төвийн зарлал, албан газруудын хаяг, уриа, лоозон бүхнийг уншиж бараад, түүгээр ч зогсохгүй шинэхэн цасан дээр үг, үсэг холбон эрдэм номд хорхойсож явах болсон нь түүний хувьд цагаан толгойн баяр нь байлаа.
( Дэлгэрэнгүй... | 6 | Өгүүллэг | Өгүүллэг | )