BIIRBEH.MN by Bataka

Өгүүллэг: Э.Энхболд : Ижийдээ илгээх намрын зурвас
Оруулсан admin on 2011-08-11 21:24:39 (5961 уншсан)

Амар байна уу? таньдаа хаврын энэ сайхан өдрийн мэндийг хүргье! Хөлд хөглөрөх цасны гунигийг тээсээр хүү нь хичээлээ таран гэрийн зүг бэдэрч явна. Яг энэ хоромд яагаад ч юм таныгаа санагалзан мэндийн цэнхэр хадаг болгон энэхүү захидалаа бичиж байна. Оюутан болно гэсэн дэврүүн бодолдоо хөтлөгдөн их хөлийн газар болох Улаанбаатарын зүг хэдэн хувцастай цүнхээ үүрч гарсанаас хойш тав намрыг үдэн, зургаа дахь хавраа гэнэн шувуудынх нь хамт үдлээ. Үе үехэн сэвэлзэх салхи миний мэдэхгүй аязыг тоглон байгаа нь ээжийнхээ бүүвэйн дуугаа санаж байна уу? Гэх шиг нулимсаар минь наадна.
Та минь яг шүлэг л шиг. Чив чимээгүйн дунд орших бурхан шиг. Зөн совин минь зүрхний гүнд ээждээ үнсүүлэх тэр гэгээн агшиныг тээн ирэх мэт. Аниргүй тэгээд нам гүм таны сэтгэл шиг. Борог өвсний шүүдэр цуглуулан ганц балга ч болтугай цай чанаж өгнө хэмээн хичнээн хөглөж байв даа.

( Дэлгэрэнгүй... | Сэтгэгдэл [] | Өгүүллэг | Оноо: 0/0 | Энхболд Энхбаатар )

Шүлэг: Сүүлчийн удаа чамтай
Оруулсан admin on 2010-11-08 13:25:42 (4499 уншсан)

1. Сүүлчийн удаа чамтай

Хамт өнгөрүүлсэн мөч
Хэзээ байлаа...
Ногоон будагтай хуучин сандал дээр
Тайрмал үстэй охин суухад хичнээн их зохидог байлаа
Хааяахан даарахаараа алгаа өгөөд
Хацартаа үнсүүлдэг чинь хэдийд байлаа
Тэр цаг улирч одоод
Сайхан бүхний дурсамж үлджээ
Салхинд савлах савлуур
Ирээгүйд нь гомдох мэт
Гунигтайяа савлана

2. Дэндүү хар нүднээс минь

Шөнийн эрвээхий дайжаад
Энгэр заамаар чинь тоглон
Даашинзны чинь хормой дээр
Даанч бөх нойрсдог
Энэ орой хаа нэгтээ
Нэгэн цэцэг цоморлигоо дэлгэж
Баланд дуртай хичнээн зөгий
Түүнд тэмүүлэн хордон үхэх бол

3. Уруулын минь балыг дэвтээж

Усан бороо асгарна
Дан цамцны минь ханцуйнаас
Даанч томоогүй хайр дусагнана

( Сэтгэгдэл [] | Шүлэг | Оноо: 0/0 | Энхболд Энхбаатар )

Шүлэг: Уулын охин
Оруулсан admin on 2010-11-08 10:32:26 (5935 уншсан)

Сэтгэл минь үргэлж чиний гэгээн зүгт оршдог
Салхин зүгээс нь амрагийн минь нууцхан үнэр анхилдаг
Салахын аргагүй амтат жимс бүсгүйн бие шиг харагддаг
Сэвэлзэх салхи нь түүний сүрчигэнд уусаж шингэдэг ээ

Тэнгэр халхалсан үүлс цээжний минь өндөрлөгт хурахад
Тэр уулын охин надтай гунигаа өрж тоглодог
Хайранд минь оногдож ичингүйрэл тээсээр
Хагацахуйн их өрийг шувуудаар дайж буцаадаг аа

( Дэлгэрэнгүй... | Сэтгэгдэл [] | Шүлэг | Оноо: 0/0 | Энхболд Энхбаатар )

Шүлэг: Э.Энхболд : Идэр зүүдний хорвоо
Оруулсан admin on 2010-11-05 18:04:11 (4266 уншсан)

Тааварлахад хэцүү орчлонгийн дундуур манан болж нүүсэндээ
Тэнгэрийн доорх уулс толгодын энгэрээр солонго амталж өссөн юм
Бээрсэн болжморын далин дор учралын харгуйг зурсандаа
Будангуйран хийсэх навчисын зовлонг тээгээд хаварт дурлаж сурсан юм

Өвгөн цээжиндээ гуниг тэвэрч үеийн олон залуустай хундага тулгаж явсан ч
Нар сарны хорвоо дээр жаргалын дуу аялахдаа би гуниж явжээ
Өнгөрөн холдох өдөр хоногуудын дурсамж дүүрэн инээд дунд
Нүднийхээ нулимсыг өр зүрхэндээ тээж хачин их ганцаардаж явжээ

Энгэр дээгүүр минь үүлс хөглөрч эрвээхий дайжих энэ хорвоод
Эх орныхоо шаналалыг цуглуулж элгэн дээрээ хөндүүр тарьдаг юм
Цаг хугацааны бүлээн салхи сэвэлзэх үүлэн тунгалаг энэ хорвоод
Цасны сормуусаар уйтайхан сэтгэлээ аргадаж суудаг юм

Энэ л намрын урсгал дунд эх гөрөөсний зүүдийг тайлж
Эргэх цагийн үзүүрээс нам гүмийг мэдрэнхэн өнгөрсөн юм
Он жилүүдийн хавцал дээр андыгаа үдэж нулимстай зогсохдоо
Олж хараагүй, огт таниагүй харуусалтай хундага тулгадаг юм

Огторгуйн гэрэлт талбараас агшин зуур холдохдоо
Одох ирэх цагийн салхин дунд од сартай ярилцаж сурсан юм
Итгэлийн зөргөөр сэтгэлийн будан татаад төгөлдөр наран ургана
Инээд зүүдний хорвоо мөнхөд гэрэлтэйхэн л байна даа

( Сэтгэгдэл [] | Шүлэг | Оноо: 4/1 | Энхболд Энхбаатар )

Шүлэг: Наадмын өмнөх бодол
Оруулсан admin on 2010-07-15 17:10:34 (4250 уншсан)

Нар туучиж ядарсан унаганы зэлнээс
Долдугаар сарын бороо намуухан зүсрэх нь
Нимгэн дальтай эрвээхий гунигаа үүрч нисэх мэт
Дэврүүн омголон нас минь наадмын зүг эргэнэ
Солонго хөллөсөн энэ өдрийн тэнгэр
Шүүдэрт норсон өвсний толгойд гэрэлтэх нь
Саруул талын гэгээвчээр нэгэн бүсгүй шагайх мэт
Шүлгийн дэвтрээ нээгээд наадмын зүг бидэрнэ
Борооны үнэр нарны сүүнд шингэхэд
Бөгтөр хусны дор нэгэн согоо амаржих нь
Манан буусан уулнаас эртний хүн ирэх мэт
Монгол төрийн наадам энэ цаг дор эхэлдэг ээ

( Сэтгэгдэл [] | Шүлэг | Оноо: 0/0 | Энхболд Энхбаатар )

Өгүүллэг: Энхбаатарын Энхболд : Дөрвөн жилийн өмнөх ижийдээ бичсэн захидал
Оруулсан admin on 2010-07-06 09:59:11 (6086 уншсан)

Амар байна уу? таньдаа хаврын энэ сайхан өдрийн мэндийг хүргье! Хөлд хөглөрөх цасны гунигийг тээсээр хүү нь хичээлээ таран гэрийн зүг бэдэрч явна. Яг энэ хоромд яагаад ч юм таныгаа санагалзан мэндийн цэнхэр хадаг болгон энэхүү захидалаа бичиж байна. Оюутан болно гэсэн дэврүүн бодолдоо хөтлөгдөн их хөлийн газар болох Улаанбаатарын зүг хэдэн хувцастай цүнхээ үүрч гарсанаас хойш хоёр намрыг үдэн, хоёрдох хавраа гэнэн шувуудынх нь хамт угтах нь. Үе үехэн сэвэлзэх салхи миний мэдэхгүй аязыг тоглон байгаа нь ээжийнхээ бүүвэйн дуугаа санаж байна уу? Гэх шиг нулимсаар минь наадна.
Та минь яг шүлэг л шиг. Чив чимээгүйн дунд орших бурхан шиг. Зөн совин минь зүрхний гүнд ээждээ үнсүүлэх тэр гэгээн агшиныг тээн ирэх мэт. Аниргүй тэгээд нам гүм таны сэтгэл шиг. Борог өвсний шүүдэр цуглуулан ганц балга ч болтугай цай чанаж өгнө хэмээн хичнээн хөглөж байв даа.

( Дэлгэрэнгүй... | Сэтгэгдэл [] | Өгүүллэг | Оноо: 0/0 | Энхболд Энхбаатар )

Шүлэг: Э.Энхөолд : Навч мэт хийсэх бодлууд
Оруулсан admin on 2010-03-18 23:46:04 (4153 уншсан)

Навч мэт хийсэх бодлууд
Нэг л өдөр үстэй минь ороолдож
Навч хийсэх мэт бодлууд
Наян нэгэн эрхэс болон гэрэлтэж
Навч мэт хийсэх бодлууд
Нарны замаар хувь заяаг зураглаж
Навч мэт хийсэх бодлууд
Намрын тэнгэр уйлагнахад шүхрээ дэлгэж
Навч мэт хийсэх бодлууд
Номын тавиур дээгүүр хөглөрч
Навч мэт хийсэх бодлууд
Дэнлүүний минь гэрэлд цохиулж
Навч мэт хийсэх бодлууд
Үзэгний минь хошуугаар тоглож
Навч мэт хийсэх бодлууд
Навч мэт хийссээр
2010.03.18

( Сэтгэгдэл [] | Шүлэг | Оноо: 1/1 | Энхболд Энхбаатар )

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 132 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-262.JPG
Хэмжээс: 600x450 74k
Сэтгэгдэл: 0
Үзсэн: 3648

art_09.jpg
Хэмжээс: 600x144 64k
Сэтгэгдэл: 0
Үзсэн: 4915

Их Монголын шүтээн зураг
b-010.jpg
Хэмжээс: 300x398 42k
Сэтгэгдэл: 0
Үзсэн: 7272

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn