BIIRBEH.MN by Bataka

Хөнгөн тэргэнд сууж үзээгүй
Хөгжмийн транс урсгал сонсоогүй
Хөдөөний бандийг шоолох хэрэггүй
Хөөсөн мантуу гэж хочилж болохгүй

Аргагүйдээ тэд чинь адуугаан унаалж
Айрганд халхаараа жаахан шарга аялж
Эмэгтэй хүнээс илүү эмээл гөлөрж
Энгэсэг устнаас илүү ичэмхий нэгэнд дурлаж

Нарны эртэд адуугаа эрж
Сарны саруулд манаж хонодог юм
Насаараа амьдрах нутагтаа амьсаж
Ясаа тавиндаа гэж инээвхийлдэг юм

Залуу насандаа аагирхсан хөвүүд
Зах сугаа ханзартал барилдаж
Заан цолтой нутгийн хөгшнөөр
Заалгаж авсан мэхээ үзэцгээж

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Таньд тамхи байна уу?
Оруулсан admin on 2011-11-10 09:53:58 (5419 уншсан)

Уучлаарай тамхи байвал та надад өгөөч
Уцаарлалгүй гал байвал асаагаач
Тамхичин бишээ гэхдээ хэд сороодохьё
Таныг хань болгож уушгаа жаахан хорлоодхоё
            Тэртэй тэргүй би 3 дугаар хороололд гэртэй
            Тэндхийн утаанд хордоод дуусаж байгаа хүн
            Хорт утааны баг зүүхээс наах нь болоод
            Хоног өдрийг тоолон хаврыг хүссэн хүн
Утаан дунд шөнөөр Улаанбаатар харагдадгүй
Унтаж байгаа хүмүүс угааранд хордоод үхэхвий
Хаалга цонхоо бөглөөд хашир хандахгүй бол
Халиад нэг өглөө тэнгэрт сэрж мэдэхвий
            Олон жил гишүүд түмэн сайхан зүйл амласан
            Олонд хүрсэн зүйл огт алга
            Гэр хорооллыг хүртэл нүүлгэнэ гэж хуцсан
            Гэрийн хүртэл буулгаад байранд оруулах юм гэсэн
Өөрсдөө тэд чинь эрүүл агаарт хаустай
Өнгөн нүүрэндээ эргүүттэл ярих авьяастай
Сонгууль дөхвөл ажилж сонгогдвол амардаг
Сонин сэтгэхүйтэй сонгодог маягийн сармагчингууд
            Орцны хаалга нээвэл оройн цагт манантай
            Огтоос би андуурж аюулын харанга утаатай
            Олны бухимдал уцаар цээжиндээ л бугширна
            Орныхоо төлөө сонгогдсон 76-д үл хүрнэ
Миний таны гэр бүл үр хойч
Манант ирээдүйд идэгдээд л байх гэжүү
Утаанд хордож үхэхийн цагт харин
Улсаасаа гомдол нэхэж авснаасаа хашгирах болж байна уу
Уучлаарай тамхи байвал та надад өгөөч
Уцаарлалгүй гал байвал асаагаач
            Таныг хань болгож уушигаа жаахан хорлоодхоё
            Тэртэй тэргүй би утанд хордоод дуусаж байгаа хүн

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Уншигч та
Оруулсан admin on 2011-11-08 19:57:45 (3916 уншсан)

Эрхэм уншигч та шүлгийг минь
Эзнээр нь бүү дүгнээрэй
Халх шүлгийн минь утгийг
Халаглаж бүү муу хэлээрэй
Эзэн нь огт шүлэгчийн төрхгүй
Ээмэг зүүж гинжээр гангарсан
Харахад жаахан тавитаргүй
Хааш яаш нэгэн байж мэднэ
Уран цэцэн үгээр маруухан
Утга гуйвуулах хэтрүүлгэгүй даруухан
Орчин цагийн шүлгийг ойлгодоггүй
Онцгүй нэгэн байж мэднэ
Олон шүлэг минь өвгөн бичмэл
Орчин цагт гологдож мэднэ
Бодол минь өөрөө эмгэн эргэцүүлэл
Боловсронгүй цагт адлагдаж мэднэ
Өөрийн бичсэн гар бичмэл минь
Өөрт минь ойлгогдхооргүй заваан
Өрөөлийн гоё бичсэнийг
Өөдөө бодох бодол минь цамаан
Орчин цагийн шүлэг л гэнэ
Оймс бандгаар бүхнийг илэрхийлж
Харин миний шүлгүүд
Халх үгсээрээ хэлхэгдэж
Энэ бүхний цаад мөн чанар
Энэ цагт шүүгдэхгүй биз
Эрлэгт очсоны минь дараа нэг
Ээдээ мөн ч үнэн гэх биз
            Ард чойномыг алсныхаа дараа
            Алтаар тэд үнэлсэн юм
            Араажаваар шүлэг нь явж
            Амьтан хүмүүс шүтэцгээсэн юм
Гэхдээ би өөрийгөө адилтгаагүй
Гэлээ ч би тийм агуу байгаагүй
Халх шүлэгчийн үнэн алдрыг
Хамаг олонд хэлюү л гэсэн юм
Олон шүлэг минь өвгөн бичмэл
Орчин цагт гологдож мэднэ
Бодол минь өөрөө эмгэн эргэцүүлэл
Боловсронгүй цагт адлагдаж мэднэ

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Бүсгүй минь
Оруулсан admin on 2011-11-08 19:57:09 (3842 уншсан)

Хөөе бүсгүй минь түр азнаач
Хөдөөний бор баньдийг сонсооч
Зан ааш байдлын чинь тухай
Задгай хэдэн үг хэлээдхэе
Харц чинь наран өөд тэмүүлээд
Хамар чинь тэнгэр шүргэх нь
Гоо үзэсгэлэн чинь чамайг
Гагцхүү тэнэг болгох нь
Дэргэдүүр чинь зөрсөн залууст
Дэгжин бүхнээ гайхуулж
Дэлхийд ганцаар шиг аашлах
Дэмий бишүү ухаантай байгаач
Танил чинь таараад танимхайрхад
Таван үгээ бүү зөөгөөч
Тансаг үнэртнээр биеэ далдлаад
Танхил юм шиг бүү найгаач
Ээжийн чинь эцгийн чинь танилууд
Энд тэнд таарвал ихэмсэг бүү бай
Инээж ирээд мэндийг нь мэд
Эгэл янзаараа монголжин бай
Учир нь тэд улаан нялзрайгаас чинь
Унахдаа хаана унасныг чинь мэднэ
Ийм сэхүүн зангийг чинь мэдвэл
Эцэг эхийн чинь ухааныг чамлана
Хуурамч гоо үзэсгэлэн чинь
Худалдаж авсан оо энгэсэг шиг чинь
Насны хяруунд цохигддог юм
Намрын навч шиг ганддаг юм
Брэнд болсон бүхэн чинь
Баян эцэг эхийнх чинь
Биедээ хөдөлмөрөөрөө юу нааснаа
Бодлоосоо самнаад үзээрэй
Гудамд хүн цаг асуувал
Гудиггүй хэлээд өгөөрэй
Ганц хүнд буян болох нь
Гавив л гэж бүү бодоорой
Тусалсан хүнд ерөөл хэлж
Тамшаасан хүнийг ешөөддөг юм
Хүний чанар угаас ийм
Хүүхэн минь дотроо бодолтой байгаарай
Дэгжирж гангарлаа гээд
Дээд тэнгэрт чи амьдрахгүй
Гоо үзэсгэлэн байлаа гээд
Ганцхан нар чам дээр тусахгүй

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Хялмаа халзан
Оруулсан admin on 2011-09-06 19:44:06 (4156 уншсан)

Хялмаа халзан дааганы минь хондлой дагах хөлс
Газар онож унахдаа хурын дусал шиг шингээ биз
Давхил дунд нь шидэгдэх алтан туурных нь тоос
Дараагийн морь магнайлалгүй агаар өөд эрчлээ биз

Шарын арисан сураар хөхөл сүүлийг нь боов
Шаргачин гөрөөсний туурайгаар ташуур юуг нь бэлэгшээв
Сав сайт эхийнх нь саалийн айргаар мялаав
Сархад сүү өргөж баян хангайдаа сүсэглэв

Хаян хярваа бурханаа гийнгоон дуунаар баясгаж
Хамаг монголынхоо уламжлалт түмнийхээ наадамд сойв
Mолор эрдэнийн сүлдэт тахилгат тугандаа мөргөж
Монгол түмнийхээ наадамд түмэн эхүүдтэй мордуулав

Унасан хүүхдээ гууглахад нь ижийдээ яарах шиг нэмдэг
Уясан эзнээ харахаараа ижилдээ очих шиг хурдалдаг
Хурсан олны дуугаар хурдалж жаахан нэмдэг
Хувитай эзэндээ танигдаж зарагдаж ирсэн унага

Эжийнхээ сүүнээс салаад жил болоогүй унага
Ижил дундаасаа сойгдоод айраг алдаагүй хүлэг
Ирэх жилийн наадам зүүдэлж хонох хурдан буян
Исгэл олон даага нартай ирээ үзэх халтар халзан

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Эх орон минь та
Оруулсан admin on 2011-08-05 23:39:00 (4347 уншсан)

Эх орон минь та ямар
Эгэлгүй их өгөөмөр юм бэ
Эрдэнэсээ ухуулж соривживж
Энэ янзаараа л байхын
Эх орон минь та ямар
Эгэлгүй их энэрэнгүй юм бэ
Өөрийг нь зарах мэдэлтнүүдээ
Өөрийнх нь зоргоор жаргаах юм
Эх орон минь та ямар
Эгэлгүй их уужим юм бэ
Эндэх алтыг чинь зөөх хятадад
Элэгсэг найрсаг хандаад байдаг
Эх орон минь та ямар
Эгэлгүй их нэнжин юм бэ
Элэг нэгтнүүд биенээ хөнөөхийг
Эрлэгийн элч шиг ажжээ суудаг
Эх орон минь та ямар
Эгэлгүй их уучлал бэ
Ийм нүгэлт хүмүүсийг
Ингээд л даагаад байдаг
Таны энэ тэвчээрийг
Тааж огт мэдэхгүй юм
Тэнэгхэн миний энэ ухаан
Тэрлэхээс өөр нэмэргүй юм

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Сэлэнгэ нутаг
Оруулсан admin on 2011-08-05 23:38:27 (4611 уншсан)

Орхон голынх нь шуугиа нь
Онгон талын тариа шигээ
Олон түмнийх нь сэтгэл нь
Орголих арвин бүтээл шигээ

Сэлэнгэ нутгийн ард
Сэтгэл тэнүүн байна аа хө
Сэрүүн дэнжийн цэцэгс нь
Сэвэлзүүр салхинд ганханаа хө

Атрын шимт талбай нь
Арвин ургацын эх шигээ
Ажилч түмнийх нь сэтгэл нь
Асар уудам тал шигээ

Дэлгэр нутгийн ард
Дэндүү тэнэгэр байна аа хө
Дэлгээд барих хадаг нь
Дээдсийн ёс шиг зочломтгой хө

Буурлын эх нутаг нь
Буян хурсан өлгий шигээ
Булт олных нь сэтгэл
Булагийн уснаас ч тунгалаг шигээ

Сэлэнгэ нутгийн ард
Сэтгэл тэнүүн байна аа хө
Дэлгэр нутгийн ард
Дэндүү жаргалтай байна аа хө

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Миний цаг агаар
Оруулсан admin on 2011-08-05 23:36:00 (4554 уншсан)

Өчигдөр
Өдөртөө сэтгэлд тэнгэр цэлмээд
Шөнөдөө харин манан татна
Хүйтний хэм эрс буураад
Хөнжилөө дангаар нь нөмөрч болно
Өнөөдөр
Салхи сэтгэлээс минь секундэнд 10 метрийн хурдтай
Санаа бодол минь үүлэрхэг биеийн тэнгэр харанхуйлна
Тэр үүл нүднээс бороо болж шөнөдөө шаагаад
Тэгсэнээ үүр цайхад зогсоно
Маргааш нь
Биеийн темпратур тогтворгүй агаарын даралт хуурайшаад
Биенээ л үнсэх 2 уруул минь хуурайшахын тулд омголтоно
Өөр зүгийн салхи өрцөн наадлуу ширүүсч
Өөрийн минь цаг агаар өрөөлийн мэдэлд шилжэнэ...

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Сэлэнгэ сайхан нутаг
Оруулсан admin on 2011-05-17 17:26:29 (9553 уншсан)

Гурван голын бэлчирээр нутагтай
Ганхсан шаргал тариан түрүүтэй
Гүйгүүл морины сэтгэлд уяатай
Гүн сэлэнгэ мөрний чимээтэй

Сэлэнгэ сайхан нутагаа би
Сэмхэн санаж уйля даа
Сэрүүн сайхан өлгийгөө
Сэтгэлдээ шүтэж дууля даа

Дөрвөн зүгийн салхин өртөөтэй
Найман зовхисдоо дэлгэрхэн нутаг минь
Дөрөөн чимээтэй хөдөөдөө налгархан
Дээдсийн өвлүүлсэн буянт шороо минь

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ Гай болоогүй биз
Оруулсан admin on 2011-05-16 18:45:27 (5960 уншсан)

Хорвоог хардаг хоёр нүд минь онигор
Холыг анирдах хоёр чих минь дэлдэн
Тэглээ гээд таньд гай болсон зүйлгүй
Тэнгэрлэг гоо үзэсгэлэн энэ биед минь заяагаагүй

Гарын минь урт таньд гай болоогүй биз
Горрил гэж та нэг л өдөр дуудахуу
Аашны муухайгаа таньд гаргаагүй биз
Авирыг минь адсага гэж ам дамжуулан та хэлэхүү

Доромжилсон үгээ урдаа тээж араас нь уучлал гуйх хэрэггүй
Доголон сэтгэлийн хөндүүр гунигийг таяггүй байхад нь хөндөх хэрэггүй
Адаар ааш нь авах юмгүй авиргүй мунхаг нэгэн би
Алдаа оноогоо тэнцүүлж яваа амьдралд өөрийнхөө гол дүр би

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Байгаагаар минь намайг хайрла
Оруулсан admin on 2011-05-16 18:43:34 (4698 уншсан)

Байгаагаар минь намайг хайрла
Зангираа хөмсөгийг минь бүү адла
Зангийн минь муухайд бүү гунихар
Заавал чи намайг хайрлах албагүй
Заяа төөрөг гэж эндүүрэх хэрэггүй
Адаар аашийг минь адлах хэрэггүй
Амраг бүсгүйгээээсээ ч нууж үзээгүй
Худлаа инээж хүнд таалагдах
Хуурмаг занг сэтгэл минь сураагүй
Байгаагаар минь л намайг хайрлах
Бүсгүй хүн олдох биз
Зангийн минь эрээнийг засах
Зам дээрх хань учирах биз
Хайрла гэж чамаас гуйхгүй
Хайрлахаа хүрвэл зөвшөөрөл авахгүй
Хайртай гэдэгээ чамд ганцхан удаа хэлнэ
Харин тэрнээс хойш сэтгэлдээ үүрд хадгална
Байгаа минь л энэ юм
Баргийн бүхэн таалагдадгүй
Балай ааштай хүнээдээ би
Хорвоогийн эргүүлэгт төөрсөн
Ховорхон адаар хүнээдээ би...

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Яагад яагад яагад?
Оруулсан admin on 2011-05-16 18:00:01 (4345 уншсан)

Яагад гэдэг энэ үгэнд
Яагад ч юм би дуртай
Сониучхан аястай энэ үгийг
Сэтгэл минь нэг л хэлэх дуртай
Яагад гэж олон асуувал
Ядаргаатай гэж хүмүүс адладаг
Мэдмээр байхад өөр юу гэж
Мэргэн асуулт тавих юм бэ
Энэ яагад ийм тэр яагад тийм бэ гэхэд
Ээ халаг гэж эмээ хүртэл аашлана
Элэнцгээ хийж энд дурлана бэ гэж
Эхэлж тавьсан асуултанд минь хариулт өгөхгүй буаана
Яагад эмээ ингэж уурлав
Яагад энэ үг уурыг нь хүргэв
Яахав би мэдмээр байна
Яагад яагад яагад?

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Төрийн төлөөх оготно 2
Оруулсан admin on 2011-05-16 17:51:17 (5955 уншсан)

Оймсоо урдаас зөөдөг
Олиггеруухаадаа төрд гаргадаг
Шүдэнзээ хойноос авдаг
Шийтгэл аятай өнөө үе минь
Баяных нь хүүхэд гадаадад сурч байхад
Барлагынхан хүү дотооддоо ажилдаг
Баялгаа мэдэлтнүүд нь харынханд зарж байхад
Малынхаа бэлчээрт өвгөд нь сэтгэл зовинох
Хар цагаан 2-хон талтай
Хамаг монголын харанхуй зарчим
Инээд нулимс 2-т живсэн
Их монголын эмгэнэлтэй замнал

Энэ байдлаараа удвал
Эмс нь бүгд янхан болж
Эрс нь бүгд архичин болох биз
Эгээтэй нэг өдөр та бид хоёр
Эх орноосоо ч хөөгдөх вий

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Чамайг жаргалтай байлгахын төлөө
Оруулсан admin on 2011-05-16 17:49:44 (5777 уншсан)

Чамайг жаргалтай байлгахын төлөө зовлон руу би алхалаа
Чамайг жаргалтай байлгахын төлөө зол жаргалаа би орхилоо
Чамаас инээмсэглэл олж харах гэж нулимсаараа би наймаалцлаа
Чамаас инхрий зан хүсэхдээ шаналалаараа би арилжааллаа

Нулимсан бороонд чинь норсон сэтгэлийн утас илжрээгүй
Нууцхан гуниганд чинь эмтэрсэн хүн чанар холдож байна
Ганцаардал эвдэж санаашрах ганихан бодолоос чинь үргээгүй
Ганцхан чиний л төлөө өөрийгөө нь би золиосолж байна

Хаа нэгтээ би хэн нэгний мөр дагаж
Харанхуй гудамд хөлчүүхэн харах сүүдэргүй алхаж байна
Хайрлах ганцхан бүсгүйгээсээ харамлаж сэтгэлээ татаад
Хаврын хавсарган үдшээр салхи даган уруудаж байна

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Энэ Бум-Эрдэнэ
Оруулсан admin on 2011-05-16 17:49:03 (5662 уншсан)

Хорвоог хардаг хоёр нүд минь онигор
Холыг анирдах хоёр чих минь дэлдэн
Тэглээ гээд таньд гай болсон зүйлгүй
Тэнгэрлэг гоо үзэсгэлэн энэ биед минь заяагаагүй

Дэлдэн хоёр чихээрээ
Дэлхийн сонорыг илүү сонсдог юм
Дэндүү онигор 2 нүд минь
Дэмий зүйлсийг бага багтаадаг юм

Аашны муухайгаа таньд гаргаагүй биз
Авирыг минь адсага гэж ам дамжуулан хэлэхүү
Үгийн муухайг таньд хэлээгүй биз
Үнэн үгсийг минь та буруутгахуу

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Төрийн төлөөх оготно
Оруулсан admin on 2011-04-29 10:12:06 (5515 уншсан)

Уруулаа идэн цадаж байна
Уйлахаараа нулимсаараа даруулж байна
Хоолой дээр минь гомдол аргаж
Хортой тамхийг татаж байна

Орчлонгын эрээнд нүдээ сохолж
Омог бардам зангаа гээгээд
Гудамжинд гар бичмэлээ зарвал
Гуйгаад ч хүн авахгүйг мэдэж байна

Зүсэр бороонд зогсвол норох боловуу
Зүгийн салхи сөрвөл даарах боловуу
Зүс минь гундаж цус минь өтгөрөх цагт
Зөв бурууг минь амьдрал хэлэх боловуу

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Уучил
Оруулсан admin on 2011-04-29 10:09:17 (5837 уншсан)

Халамж тавьж жаргасныг минь уучил
Халамцуу болзоонд хүлээснийг минь уучил
Сэтгэлээ чамд өгснийг минь уучил
Сэвтэж үлдсэн ганцаардлыг минь уучил
Зүрхэндээ нандигнаж байсныг минь уучил
Зүүдэндээ уриж зочлуулсныг минь уучил
Чамайг хайрласан хайрын минь төлөөс
Чамд дурласан дурлалын минь төлөөс энэ болог
Эгэлхэн занд чинь татагдаж
Ичэмхий төрхөнд чинь хэт автаж
Хотол аалинд чинь уусаад
Хорвоогийн эргүүлэгт ороогдож
Зүрхэндээ нандигнасандаа уучлал эрие
Зүгээргүй бодсондоо хүлцэл өчие
Эзэнгүй сэтгэлээ чамаар дүүргэсэндээ
Эгэлгүй ихээр уучлал гуйя

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-Эрдэнэ : Хавраар хүн хайрлах дургүй
Оруулсан admin on 2011-04-29 10:08:27 (5642 уншсан)

Хавраар хүн хайрлах дургүй
Хайлган цагаар сэтгэл үймээд
Хэн нэгнийг санахын жаргалд
Хэн хүнгүй зовдог болохоор
Сэтгэлийн мянган утас сэм сэмхэнээр хөглөгдөж
Сэрж чадахгүй зүүдэнд сэргэлэн бүсгүй инээмсэглэж
Хайр дурлал 2-т автах би дургүй
Хайлчих гээд урсчих гээд байдаг юм
Нимгэн нимгэн даашинзтай охидын
Нэг л галбирхан биенд харц унаад болдоггүй юм
Нэхэл хатуу сэтгэл минь араас нь бие чангаагаад
Нэмэргүй үдшийн болзоо эрэх гээд дийлдэдгүй юм

( Дэлгэрэнгүй... | Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Өөртөө л хэлээрэй
Оруулсан admin on 2011-04-28 13:41:25 (4311 уншсан)

Гэгэлгэн зантай гунигтай харцтай хүү
Гэмгүй зангаар надад хайртай байж билээ гэж
Гэрчлэх нь ганцхан шүлэг минь юм шүү...
Гунигтай харцнаас нь шувууд хүртэл дайждаг
Гэмгүй зангаар нь ялаа хүртэл даажигнадаг гэж
Ганцч хүнд битгий хэлээрэй...
Шөнөжин нойргүй сууж шүлэг л бичдэг гэж
Шүхэргүй бороонд алхах шиг гуниг цацдаг гэж
Шүүмжилж бусдад битгий хэлээрэй ...
Уруулны минь амтыг шорвог гэж
Ухаанаас минь шүлэг л ундардаг гэж
Өөртөө л хэлээрэй өрөөл бусдад битгий хэлээрэй...

( Сэтгэгдэл [] | Шүлэг | Оноо: 0/0 | Бум-Эрдэнэ Э )

Шүлэг: Э.Бум-эрдэнэ : Хайрт минь намайг....
Оруулсан admin on 2011-04-20 10:47:06 (4465 уншсан)

Хайрт минь намайг уучлаарай
Харанхуйн дунд би нисэж явна
Хаа хүрэхээ харин огтхон ч мэдэхгүй нь
Шинийн саран тэнгэрт алгаа
Ширүүн салхи даган эрчилж явна
Хайрт минь намайг ойлгоорой
Манан дунд би төөрч явна
Магад хаа хүрэхээ мэдэхгүй
Маргаашийн тухай бодол алга
Маргаангүй алхаж л явна
Хайрт минь намайг дурсаарай
Гуниган дундаа би хөглөрч сууна
Гудиггүй үгсээ хэлхэж л сууна
Харцыг чинь үгүйлээд хэрэг алга аа
Хавирган сар шиг бүүдгэр сууна
Хайрт минь намайг санаарай
Хааяа ч гэсэн бодол хөгжөөж
Хархан нүдэндээ дүрийг минь зур
Харин би чиний тухай
Хаана ч гэсэн дурсаж л явах болно
Хайрт минь намайг мартаарай
Нумимсан бороо хавраар зүсрээсэн
Нууцхан сэтгэлээ гээгээрэй
Нурууны чинь араар хүйт даасан
Нүцгэн төрхийг минь мартаарай
Хайрт минь намайг....

( Сэтгэгдэл [] | Шүлэг | Оноо: 0/0 | Бум-Эрдэнэ Э )

« өмнөх12 3 дараах »

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 154 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Хавар 2007
IMG_1047.jpg
Хэмжээс: 600x812 151k
Сэтгэгдэл: 0
Үзсэн: 4070

Ц.Баттулга Зотон, тос 40x40
Хээтэй зохиомж
Хэмжээс: 584x600 168k
Сэтгэгдэл: 0
Үзсэн: 4157

Должин : 2007 оны аялал
mongolia2007year-158.JPG
Хэмжээс: 600x450 32k
Сэтгэгдэл: 0
Үзсэн: 4007

Агуулга

Wednesday, 2011.04.20
·	Э.Бум-Эрдэнэ : Хүнийх гэдэгээ чи хэлээгүй
·	Э.Бум-Эрдэнэ : Нууцхан мэгшиж уйлахуудаа би
Saturday, 2011.04.16
·	Хүнийх гэдэгээ чи хэлээгүй Э.Бум-эрдэнэ
·	Э.Бум-эрдэнэ : Ахиж л би хэзээ ч
·	Э.Бум-эрдэнэ : Нууцхан мэгшиж уйлахуудаа би
Thursday, 2011.04.07
·	Э.Бум-Эрдэнэ : Хэнд
Tuesday, 2011.04.05
·	Э.Бум-Эрдэнэ : Монгол минь
Thursday, 2011.03.31
·	Э.Бум-Эрдэнэ : Би
·	Э.Бум-Эрдэнэ : Миний нутгийн наадам
·	Э.Бум-Эрдэнэ : Хаварын гунигт өдрүүд
·	Э.Бум-Эрдэнэ : Мянган жилийн шаналал тээгч
Saturday, 2011.03.26
·	Э.Бум-Эрдэнэ : Бурханы театр
·	Э.Бум-Эрдэнэ : Мордохын хазгай
·	Э.Бум-Эрдэнэ : Хайрын үнэ цэнэ
·	Э.Бум-Эрдэнэ : Барны бүсгүйд
·	Э.Бум-эрдэнэ : Хэнээ чи санагхүй байна уу
·	Э.Бум-Эрдэнэ : Xуучин цагын монгол
Monday, 2011.03.14
·	Э.Бум-эрдэнэ : Э.Бум-эрдэнэ
Tuesday, 2011.03.01
·	Э.Бум-эрдэнэ : Орчлонг хардаг 2 цонх
Friday, 2011.02.25
·	Э.Бум-эрдэнэ : Залуу тэгээд шүлэгч байхын зовлон...
·	Э.Бум-эрдэнэ : Намайг хэн нэгэн
Saturday, 2011.02.19
·	Э.Бум-Эрдэнэ : Үе үе л дурсаарай

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn