BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:
☕
Бийрбэхэд кофе авч өгөх
21 жилийн түүхийг дэмжих (QPay)
5,000₮~

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Энхтуяа /Эмүжин/ Р

Р Энхтуяа /Эмүжин/

Нийт 69 нийтлэл
Энхтуяа /Эмүжин/ Р Шүлэг: Р.Эмүжин : Танил биш уруулын өмнө
Оруулсан Bataka on 2026-09-30 10:37:41 (11502 уншсан)

Танил биш уруулын өмнө
Харцнаас өөр өмсгөлгүй үлдэхэд
Танил бус энхрийлэлд
Хайраас бусдыг нь тушаахад
Өнгөө гээсэн алчуур шиг
Өвөрт чинь би эвхрэхэд

( Дэлгэрэнгүй... | 2 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.ЭМҮЖИН : Битгий уйл, миний Монгол.
Оруулсан Bataka on 2019-03-27 12:40:02 (12024 уншсан)

Дахиад зуун жил өнгөрөхөд миний шонхор
Далавчтай байгаад ч нисэхгүй бол яах вэ
Догшин түүхийн бардамхан дусал нулимс
Дорнын Монгол өвдөг сөгдвөл яах вэ

Ус усны эхэнд улаан шороо үлдвэл
Уйлаад уйлаад урсгалтай болно гэж үү
Уул уулын оргилд ухсан нүх хоцорвол
Ухаараад ухаараад бэлээсээ хэтэрнэ гэж үү

Цус нулимс урсаж цугаар олон зүдрэвч
Цувж явсан он жилүүд хэзээ дуусахыг мэдэхгүй
Цуутай мянганы төгсгөлд Монголын зүрх энэлэвч
Цуглаж суух өдөр хэзээ ирэхийг мэдэхгүй



( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Энхтуяа
Оруулсан Bataka on 2010-12-20 11:52:13 (11631 уншсан)

Ердөө л хайрлуулахын төлөө
Чиний торонд хоригдъё
Ер бусын араншингаар чинь
Эрх чөлөөгөө арилжъя
Хагацал мэт талын салхийг
Хань мэт үгүйлж
Хэлэх гээгүй хэгжүүн үгсээ
Хэсэгхэн дурсамж мэт нууя
Хэзээ ч хангинахгүй байж мэдэх
Түлхүүрийн чимээг хүлээе
Гадаах агаар ямар байгааг
Гарыг чинь үнсэхдээ мэдъе
Гунигаа хурааж
Гутлыг чинь гялалзтал тосолъё
Гудамжинд гээсэн төрөлх зангаа
Ганцаардлын сүүдэрт мартъя
Ер бусын өдрүүд өнгөрөхөд
Ердөө л хайрлуулахын төлөө
Чиний торноос би ниснээ



( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Ногоохон
Оруулсан Bataka on 2010-05-06 01:08:53 (11288 уншсан)


Улаан хошуут Жунгаа газраар явгалан гүйсээр ядарчээ. Улаан өнгөт сарвуугаа сарвайтал сунган хичнээн ч хол дэгдэв дээ. Өглөөний зоог нэг л амжилтгүй. Хүмүүс талхаа үртэс ч үлдээлгүй иддэг болчихоо юу даа. Намрын сэрүү ормогц Богд уулыг орхин хот бараадсан Улаан хошуут төдхөнөө багачуудын шидсэн чулуунаас бултаж, тагтаануудтай бужигнаж, болжморуудыг айлгаж сурчээ. Эхний цас хаялсан өдөр Улаан хошуут мэдээ хүлээж авав. Тагтаанууд хоохолзон гүвтнэлдэж, болжморууд сандран гүйлдээд нэг л биш.

( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Эмүжин : Эх нутагт минь намрын өдрүүд ирнэ
Оруулсан Bataka on 2009-02-16 01:15:18 (9081 уншсан)


Эх нутагт минь намрын өдрүүд ирнэ
Ээжийн минь сэтгэл навчсын гунигаар шуурна
Энгэр юүг нь түшээд уйлмаар бодогдоно
Эрхэлж өссөн насаа дурсмаар санагдана
Эх оронд минь намрын салхи үлээнэ
Элс нүүдэллэж, говьд тэмээ буйлна
Даруухан бор толгодод нар хоргодож өнжинө
Дасахаас айдаг зүрх минь хэн нэгнийг үгүйлнэ
Уул талаар намрын будан татна
Уугаад суухад сэтгэлд будан татна
Улирлын өнгөөр тэнгэр нүүнэ
Учирлын холоос нутгаа санана

( Дэлгэрэнгүй... | 0 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Эмүжин : Өвлийн шүлэг
Оруулсан Bataka on 2009-02-03 07:31:22 (10690 уншсан)


Шинэхэн цасны үнэр
Хуучин гудамжинд нэлхийхэд
Шидэт үг мэт дэнлүүний дор
Орь ганцаар хоцроход
Жавартай үдшийн салхи
Эрт, эдүгээг тууж одоход
Жаргалтай үеийн аялгуу
Энгэр заамнаас урсахад
Хуучин амрагийн үлдээсэн сүрчгийг
Шинэхэн болзоонд анхилуулж
Шидэт үг мэт дэнлүүний дор
Шөнийн турш зогслоо
Хуучин цасны үнэр
Буцах замд нэлхийж
Шинэхэн амрагийн гутлын чимээ
Араас нэхэх нь тээртэй



( Дэлгэрэнгүй... | 3 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Асгарсан халимаг үс, дотно төрхөө...
Оруулсан Bataka on 2008-09-23 04:40:42 (9208 уншсан)


Асгарсан халимаг үс, дотно төрхөө
Алс явуулчихсан, тэр залуу
Амраг минь байсан гэнэн насаа
Аль хэдийн гээж орхисон
Хажууд минь тэгээд өөрөө үлдсэн
Харанхуй буланд тавилга шиг хоцорсон
Өдөр болгон өнгөрснийг сануулж
Өнөөдрөөс зугтах хүслийг
Өгч амждаг, тэр!
Өглөө гарахад хөнгөн тоостой үдэж
Үдэш ирэхэд саначихсан угтдаг*. . .


( Дэлгэрэнгүй... | 0 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Уйлахад аргадаж, инээхэд баярладаг
Оруулсан Bataka on 2008-09-23 04:40:08 (8703 уншсан)


Уйлахад аргадаж, инээхэд баярладаг
Угтаад гүйхдээ санаагүй ээ гэж томорхдог
Ээжийн эр хүн
Тольдоод суухад гоё байнаа гэж бахархдаг
Том болоод үүрээл явнаа гэж амладаг
Ээжийн эр хүн
Энгэрт шулганахдаа энхрийхэн
Эрхлээд тунирхахдаа эршүүдхэн
Ээжийн нялх
Үнэрлээд эрхэмсэхэд хайртайхан
Үрсгэр даахь нь хонгорхон
Үр л зулзага минь.


( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Эмүжин : Алдвал ч алдаг ээ, миний гал халуун нас
Оруулсан Bataka on 2008-05-27 04:16:57 (11122 уншсан)


Алдвал ч алдаг ээ, миний гал халуун нас
Ахиад би ямар залуу явах биш дээ
Хорин тав хүрчихлээ гэж
Гомдоллохоо болъё
Хор шар атаа хорслын цаана
Насаа нууж явъя
Дураараа л гэлцдэгсэн, идэр залуу насыг минь
Дурсамжнаас уур юу үлдэх юм бэ?
Задгай гэзэг эрх чөлөөнөөс минь
Юндаа бишүүрхээв
Замын уртад үүнээс өөр
Хань болсон нь үгүй ээ
Оо энгэсэгээр гоёхын хэрэг байгаагүй
Одоо бол харин гоочлохын хэрэг байхгүй
Ай миний гал халуун нас
Ганцаар өнгөрөөсөн мөч болгоны төлөө
Гараан дэрлэж хоносон шөнө болгоны төлөө
Дундуур үлдсэн хундага болгоны төлөө
Дурлалаас нь татгалзсан хөвгүүдийн төлөө
Чиний өмнө, би буруутай



( Дэлгэрэнгүй... | 3 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Эмүжин : Орь залуу нас цалгиж булгиж явлаа ч
Оруулсан Bataka on 2008-05-27 04:15:32 (9450 уншсан)


Орь залуу нас цалгиж булгиж явлаа ч
Охь ганц дурлалд өвдөг сөхрөн боолчлогддог
Горхин цэнхэр зэрэглээ хаваржин урсахад л
Гомдол гэж юу байдгыг мартаж орхидог
Салхин зоргоор гэзгийг минь мөнхийн юм шиг асгаж
Сарнайн шүүдэр атаархтал хайр шивнэснээ дурс
Санаан зоргоор хүслээ одод шиг л цацалж
Сарны сэвхийг бүдгэртэл хэрхэн дурлалцсанаа сана
Хамгийн ялдам тачаангуй хайр чинийх гэдэгт
Хамгийн бардам энхрий үнсэлт минийх гэдэгт итгэ
Торгон гивлүүртэй нулимс хацар дээр эгшиж
Тооройн навч унахдаа өвөр дээр эрхлэг ээ
Хайлаас хайлаасныхаа сүүдэрт гунддаггүй
Хайтан цэцгийн дэлбээнд өвлийн нар зусдаг
Торгонд ямбалж, тортгонд гандлаа ч чи бидэн
Тогоруун дуунаар намар намрыг үднээ
Давхиад өнгөрөх омголон цагаан өдөр хоногууд
Дасал хонгор аашинд чинь надтай хамт төөрөлддөг
Давилуун залуу насаа зүс янаг уруулд минь үлдээ
Дахиад би чинийхээ мянган алдааг ч уучилж чаднаа



( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Өгүүллэг: Р.Эмүжин : Ширээний хүүхэн
Оруулсан Bataka on 2008-03-31 10:06:00 (16641 уншсан)

Цахирмаа томоос том зөөлөн алчуур нөмрөн цонхны дэргэд зогсоод ээлжээ хүлээнэ. Өнөөдөр түүнийг хамгийн хүнд, хэцүү үзүүлбэр хүлээж байгаа. Энэ давааг давчихвал зэрэг ахиж, цалин нэмэгдэх юм. “Марко” шөнийн цэнгээний газарт ширээний хүүхнээр ажиллах болсоор гурван сар гаруй хугацааг үджээ. Халамцуу эрчүүдтэй зууралдан, дуулж, хуурдаж, инээн хөхрөн сууж байхдаа Цахирмаа гэртээ ганцаар үлдсэн таван настай хүүгээ бодсоор байдаг билээ. Ээж, хүү хоёрыг хувцсаа боож тэврээд гарахад нөхөр нь,



( Дэлгэрэнгүй... | 32 | Өгүүллэг | Энхтуяа /Эмүжин/ Р | )

Энхтуяа /Эмүжин/ Р Өгүүллэг: Р.Энхтуяа : Эх
Оруулсан Bataka on 2007-12-27 12:07:36 (13038 уншсан)

 Өхөөрдөм жаахан гар хөдөлсөнгүй. Гоёмсог урт хуруутай, хөгшин хүнийх шиг үрчгэр арьстай тэр гар уг нь аавынхтайгаа адил юм. Жаал хөвгүүн нүүрээ улайлган чадлаараа бархирч, хоёр хөлөө савчин орилно. Хэсэг дуугүй болсноо гэнэт хөл рүүгээ год годхийлгэн шээж орхиод цочсон мэт өмнөхөөсөө чанга чарлав.

( Дэлгэрэнгүй... | 14 | Өгүүллэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Дэндvv их хайртайдаа Чамтай би ханилахгvй
Оруулсан Bataka on 2005-12-23 22:05:59 (28222 уншсан)

Дэндүү их хайртайдаа
Чамтай би ханилахгүй
Дэргэд чинь өнгөө гээж
Дээлэнд чинь нулимсаа шингээхгүй
Унаж боссон амьдралд
Уусан байхыг чинь харахгүй
Уруулд чинь духаа наагаад
Учирлаж гуйхгүй

( Дэлгэрэнгүй... | 27 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Тэгэхэд надад аймаар байсан
Оруулсан Bataka on 2005-10-19 17:40:48 (13549 уншсан)

Тэгэхэд надад аймаар байсан
Тэндээс үлээх салхи одны илтэстэй
Тэр хонгилд төгсгөл гэж үгуй
Тэнгэр, газар, модод гэж байхгүй

( Дэлгэрэнгүй... | 4 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Улаан, ногоон, шар
Оруулсан Bataka on 2005-10-14 21:02:39 (11558 уншсан)

Улаан, ногоон, шар
Уруулын хэлбэртэй галт дүрснүүд
Улбар хүрээ, гүн эргүүлэг
Гурвалжин өнцөгт сондгой тоонууд
Ганцхан цэгийг чиглэсэн
Галзуурам хүрд

( Дэлгэрэнгүй... | 0 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Шүхрийн дор
Оруулсан Bataka on 2005-10-14 21:00:33 (11249 уншсан)

Шүхрийн дор
Шүлэг шигээ алхахад
Сийрэг манан шүргэчин
Сиймгэр хормойн сэрчигнэх нь
Сүүлчийн ганц навч унах мэт
Уйлмаар гунигтай

( Дэлгэрэнгүй... | 0 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Эжий минь суугаа нутгийн
Оруулсан Bataka on 2005-10-14 20:59:26 (13627 уншсан)

Эжий минь суугаа нутгийн
Салхин зүгээс сүү үнэртдэг
Энгэр газрын чулуу нь
Санаа алдахад хөлөрч хонодог
Эрэг ганга, нугачаа бүхэн нь
Эжийн хуучин дээл шиг
Ээнэгшин угтдаг

( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Цэцэг бэлэглэнэ гэж би найдаагүй
Оруулсан Bataka on 2005-10-14 20:45:45 (15131 уншсан)

Цэцэг бэлэглэнэ гэж би найдаагүй
Цэнхэр цамц чинь санаанаас гараагүй
Цэвэрхэн царай, үүр шөнө шиг харц чинь
Тэр өдрүүдийн нар яаж жаргасныг
Тэр үдшүүдийн сар ямар өнгөтэй байсныг сануулдаг.

( Дэлгэрэнгүй... | 1 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : О.Дашбалбарт
Оруулсан Bataka on 2005-10-14 20:44:08 (11699 уншсан)

Бороошино
Бодлын алсад сэтгэлийн хүн
Бодлогоширно
Хөл дороос нь тагтаа үргэхгүй
Хөмсгөө зангидахгүй
Хүйтэн байна гэж гомдоллохгүй
Хөхөвтөр гэгээ мэт
Сэтгэлийн хүн бодлын үзүүрт
Бороошино.
2000.06.06. УБ.

( Дэлгэрэнгүй... | 2 | Шүлэг | Энхтуяа /Эмүжин/ Р | )

Энхтуяа /Эмүжин/ Р Шүлэг: Р.Эмүжин : Эдлэн газрын жимээр
Оруулсан Bataka on 2005-10-14 20:43:27 (11038 уншсан)

Эдлэн газрын жимээр
Эхүүн үнэртэй сар тэнүүчилж
Эмгэн хүн мэт бөртөлзөн алхахад
Гонсгор үдэш мэт ганц дэнлүү
Голын тэртээд ёлтолзон
Салхинаа хяхтнан савчих
Саарал гэрэл нь Хөлд унана.
2001.02.24. УБ

( Дэлгэрэнгүй... | 0 | Шүлэг | Энхтуяа /Эмүжин/ Р | )

☕ Кофе авч өгөх