BIIRBEH.MN by Bataka

Шүлэг: Ш.Лхамноржмаа : Амь сахигч сүүдэр
Оруулсан admin on 2008-12-06 23:49:13 (6176 уншсан)

Ай хань минь, сүүн дэр минь
Аялага намуухнаар мөрийг минь гэрэлтүүлэх
Алс цагийн цагаан сүүдэр минь
Эвий миний сүүдэр минь
Энэлэнт цаг хугацаанд ч намайг гээхгүй
Энэ амьдралын ганц түшиг минь
Шармал нарны түмэн тоосыг цуглуулж хүчээ сэлбэсэн болохоороо
Шантрашгүй байдаг чи
Гал гэрлийн илч дотор чинь оршдогтоо
Гандашгүй чи минь
Салхитай өдрийн дарцаг шиг дэрвэж явахад
Сэтгэлээ төвшитгө гэх шиг
Сунаж мөргөсөн
Бод биеийн
Боорчоос ч үнэнч сүүдэр минь
Бодол давж одсон дээдсийн
Билигт сахиусыг агуулсан
Босоо цагаан сүүдэр минь ээ

( Дэлгэрэнгүй... | Сэтгэгдэл [] | Шүлэг | Оноо: 2/1 | Лхамноржмаа Ш )

Шүлэг: Ш.Лхамноржмаа : Аав мод
Оруулсан admin on 2008-09-16 23:00:39 (6795 уншсан)

Уур цан савсуулж, уулнаас ирдэг аавыг минь
Улс амьтан Бавгар Шагдар гэдэг сэн
Одоо ч гэсэн дээ хөөрхий, Бавгарын охин гэж
Ондоо зөөлнөөр дуудаад байдаг юм
Ээжийг минь хайрласан аавын хайр
Цээжний чанад үндэс ширэлдүүлэхэд
Энгэр дээр нь мод цэцэглэсэн гэдэг
Хүүтэй боллоо гэж хөөрөхөд нь
Хошуун дээр нь хушин ой бүрэлдсэн гэдэг
Үрсийнхээ баяслаар өөр дээрээ мод тарьж
Үйлийн шугуй зурваслан ургахад
Хэн нь ч юм бэ сахалт гэж
Хэлж нэрлээд заншчихсан гэдэг

( Дэлгэрэнгүй... | Сэтгэгдэл [] | Шүлэг | Оноо: 0/0 | Лхамноржмаа Ш )

Шүлэг: Ш.Лхамноржмаа : Газрын үг
Оруулсан admin on 2008-02-23 23:18:00 (10142 уншсан)

Болор цом-2008 тэргүүн байрны шүлэг "Газрын үг"

Эх орондоо харьж урсдаг
Халхын гол сэтгэл минь билээ
Их л хол харьд суугаа миний төрлүүд элгэн минь дээ
Сэлэнгэ минь байгаль руу яарсан ч гэлээ
Сэвх нь ногоо болж ургадаг
Орчлонгийн хамаг амьтныг
Олсон гээсэн нүгэл буянтай нь
Хорол газар минь хотойж даасан юм

( Дэлгэрэнгүй... | Сэтгэгдэл [] | Шүлэг | Оноо: 21/5 | Лхамноржмаа Ш )

Шүлэг: Ш.Лхамноржмаа : Чамд хэн хэлсэн юм бэ?
Оруулсан admin on 2007-03-14 05:01:18 (8853 уншсан)

Миний амрагийг хав хархан нүдтэй гэж
Миний амрагийг хачин дөлгөөн аальтай гэж
Миний амрагийг хавар эртийн бороо шиг гэж
Миний амрагийг намар оройн нар шиг гэж
Чамд хэн хэлсэн юм бэ ?

Миний амрагийг халгин цалгин дуулдаг гэж
Миний амрагийг хад эмтэртэл гуньдаг гэж
Миний амрагийг халуун зуны харз шиг гэж
Миний амрагийг хайруу өвлийн зэрэглээ шиг гэж
Чамд хэн хэлсэн юм бэ ?

( Дэлгэрэнгүй... | Сэтгэгдэл [] | Шүлэг | Оноо: 36/8 | Лхамноржмаа Ш )

Шүлэг: Ш.Лхамноржмаа ： Холын уулын цэцэг
Оруулсан admin on 2007-02-27 21:24:00 (4992 уншсан)

                Тэрмэн дээлийнхээ нугалаасанд шүлгээ хоргоож
                Тэн жилийн шөнөөр одод буулган тэвэрч
                Тэртээ холын нутагт зүүдээ илгээж хоноод
                Тэнгэрийн доорх хайрыг тэрсүүд заяанд даатгалаа.
                Эзэнтэй хайрын суран жолоо атгуулсан
                Эрхэмсэг нэгэн цэцэг зунаар хагдраагүй л байгаа даа
                Эгээ л нойрт минь үе үе зүүдлэгдээд
                Энэ бүсгүй ээж болчихоо юмуу даа
                Үсээ самнаад эргэхдээ үйл заасан ур
                Өрхөө татаад ороход нь үг шидсэн зориг
                Салхи сүлжин урлах хайрын цэцэг бүтээгээд
                Сарнаар ханьсах сэтгэлийн дэрэнд ивээд орхихдоо
                "Галзуу" зүрхний гунигаа нэрмэлийн дайтай аягалж
                Ганцхан чамд л хайртай гэж аниргүй алсад шивнэсэн
                Холын уулын цэцгийг тасалж аваад мордмоор оо
                Ханьтай бүсгүйн сэтгэлийг эхнэртээ үзүүлж уйлуулмаар
                Зүйргүй чиний л төлөө цэцэг болоод ургамаараа

( Сэтгэгдэл [] | Шүлэг | Оноо: 9/2 | Лхамноржмаа Ш )

Шүлэг: Ш.Лхамноржмаа ： Чиний явсан мөр
Оруулсан admin on 2007-02-27 21:21:46 (8664 уншсан)

Нүднээс минь доглон нулимс унасан нь
Чиний явсан мөр байна
Нүцгэн модны мөчирт ганц навч дүүжлэгдэх нь
Чиний амласан хайр байна.
Шархадсан баатар шиг шаналан
Дурлалдаа халуурч
Шампалын орон гэж андууран
Чи над дээгүүр явж өнгөрсөн байна

( Дэлгэрэнгүй... | Сэтгэгдэл [] | Шүлэг | Оноо: 10/2 | Лхамноржмаа Ш )

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 85 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

зотон тос 91.5х152 см
Тал
Хэмжээс: 600x357 34k
Сэтгэгдэл: 0
Үзсэн: 3971

зотон тос 80х100 см
Шинэ өглөө
Хэмжээс: 478x600 43k
Сэтгэгдэл: 0
Үзсэн: 4379

Должин : Зам зуур
zam-081.JPG
Хэмжээс: 600x450 89k
Сэтгэгдэл: 0
Үзсэн: 3693

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2023 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn