BIIRBEH.MN by Bataka

Хорол тоонон дор аргал түлсэн нүүдэлчний
Хойморт мандсан нарыг
Дагаж өссөн юм болохоор
Хомоол үнэртсэн тостой бор Монголдоо
Хийморийн гэгээн дарцаг шиг
Дэрвэж өссөн юм болохоор
Гунигийн сараал мананд
Бүдчиж явахын цагт
Нутгийн хөх уулс нь
Салхиараа аргаддаг болохоор
Гурван усны нэрмэлд
Халамцаж явахын цагт
Нулимст хөх уулс нь

Жавраараа алгаддаг болохоор

( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхбат Ж )

Шүлэг: Ж.МӨНХБАТ : ТӨРД ХЭЛЭХ ҮГ /Болор цом-29" наадмын дэд байр/
Оруулсан admin on 2012-10-22 22:53:11 (6014 уншсан)

Болор цом-29" наадмын дэд байр. Ж.МӨНХБАТ

ТӨРД ХЭЛЭХ ҮГ

Атга шороо ширхэг чулууны чинь төлөө
Хэчнээн олон эрс
Амиа зул болгож өргөснийг сана
Эх орон минь
Алтан соёмбын чинь ихэр загасыг амгалан байлгах гэж
Хэчнээн ч аавын үрс
Асгарсан цус урссан хөлсөөрөө чамайг өмөөрснийг сана
Эрхт төр минь
Ижий бүхэн цацлаа төрийн сүлдэндээ өргөж
Эцэг бүхэн сэржмээ төрийн сүлдэндээ дээжилж
Буруудаж зөвдөхийн алинд ч хоёргүй сэтгэлээр
Бурхнаас ч илүү дээдэлж ирснийг сана
Төгөлдөр эрхэм бүхний дээд нь хэмээн итгэж
Төрийн сүлд өршөө гэж уулга алддагийг нь сана
Буудах цаазтай төмөр зарлигийг чинь сонссон
Буруугүй хичнээн зүрх чамд гомдоогүйг сана
Хаан богд Чингисийн халуун цусаараа гэрээсэлсэн
Хамаг монгол түмний халуун амиараа өмөөрсөн
Морин сүлдтэй морин нүүдэлтэй
Монголын төр чамд хэлэх үг байна
Гэм хийсэн буруутанг гэсгээж шийтгэхдээ чи
Аав шиг төр бай
Гэнэдэж яваа үрсийнхээ гэмийг нь уучлахдаа чи
Ээж шиг төр бай
Буруутай бол буруугаа хүлээчихдэг
Хүү шиг төр бай
Бусдын төлөө бүхнээ зориулсан
Бурханлаг төр бай
Төр чамайг мэргэн байх аваас
Төгөлдөр бас тунгалаг байх аваас
Арслантай тамганы чинь дардас хатваас
Цусаараа дэвтээхэд ч бэлэн
Алтан соёмбыг чинь хазайваас
Ясаараа ивж тулахад ч бэлэн
Ард түмэн чинь хүлээж байна
Агуу бас тэнгэрлэг бай
Харцаа буруулсан ч сэтгэлээ буруулдаггүй
Амраг шиг төр бай
Хамаг монгол түмнээ л гэсэн
Төр шиг төр бай

( Сэтгэгдэл [] | Шүлэг | Оноо: 0/0 | Мөнхбат Ж )

Шүлэг: Ж.Мөнхбат : Би тийн ялгал
Оруулсан admin on 2009-03-17 06:52:46 (7045 уншсан)

Би тийн ялгал
Бие сэтгэлээрээ тийн ялгал
Нэр дүр хоёр минь
Нэрлэхийн тийн ялгал
Хайртай гэсэн бүсгүйн зүрхэнд
Харъяалахын тийн ялгал
Өгөө аваатай амьдралд өөрийгөө элээсэн
Өгөх оршихын тийн ялгал
Заримдаг нэгэнд нь хүн чанарыг
Заахын тийн ялгал
Галзуу барын аманд орж бас
Гарахын тийн ялгал
Үнэн худлын хорвоод нүгэл буяныг
Үйлдэхийн тийн ялгал
Хаяа өлзийтэй сэтгэл зөвтэй хэнтэй ч гэсэн
Хамтрахын тийн ялгал
Чин хүсэл гэгээн мөрөөдөл минь
Чиглүүлэхийн тийн ялгал
Мөнхбат гэдэг нэр тэр чигээрээ
Мөн чанарын тийн ялгал
Хүсэлд хөтлөгдөж хясалд татагдсан
Хүн чанарын тийн ялгал

( Сэтгэгдэл [] | Шүлэг | Оноо: 0/0 | Мөнхбат Ж )

Шүлэг: Ж.Мөнхбат : Явлаа
Оруулсан admin on 2008-12-23 02:38:57 (117505 уншсан)

Хаалга үүдийг минь
Дахиж битгий тогшоорой
Хацар дээрээсээ чи
Уруулын минь хээг арчаарай
Сэм хэн нэгэнд алдарсан
Сэтгэлээс чинь би явлаа
Инээд хулжсан зүрхэнд чинь
Итгэлээ үлдээгээд явлаа
Дасаж дурласан сэтгэлийг
Дахиж битгий гомдоогоорой
Шаналсан зүрх хөг орохгүй ээ
Шархлуулж бүү үлдээгээрэй
Надаас урвасан чамайг
Уучилж чадсан намайг
Нандин гэгээн дурсамж
Нулимстай минь хамт мартаарай
Бусдад алдарсан сэтгэлээс чинь
Буцаад би явлаа
Харуусал асгарах зүрхэнд чинь
Хайраа үлдээгээд явлаа

( Сэтгэгдэл [] | Шүлэг | Оноо: 5/1 | Мөнхбат Ж )

Шүлэг: Ж. Мөнхбат : Санах тусам
Оруулсан admin on 2008-11-08 08:10:14 (5030 уншсан)

Гэгээн гэгээн бодол хөглөрүүлж
Гэнэхэн насны хайраа би дурслаа
Намар намрын навчис шиг эмзэгхэн
Намайгаа чи бас үгүйлээ болов уу
Дэргэд минь үгүй чиний төрх
Дэндүү дулаахан харцыг чинь үгүйлж
Сэмрэн асгарах нууцхан гунигаар
Сэтгэлээ аргадан чамайгаа саналаа
Зүүдэн зүүдэн учрал зөгнөж
Зөнгөөрөө би чамайгаа саналаа
Сэмрэн асгарах нууцхан гунигаар
Сэтгэлээ аргадан чамайгаа саначаа
Нандин нандин дурсамж үерлүүлж
Чинийхээ тухай би бодон сууна
Насан багын сэтгэл нялхарч
Чимээгүй нулимс минь хацар эсгэлээ

( Сэтгэгдэл [] | Шүлэг | Оноо: 5/1 | Мөнхбат Ж )

Шүлэг: Ж. Мөнхбат : Шинэ өглөө
Оруулсан admin on 2008-11-08 08:08:37 (7254 уншсан)

Өвөрт минь гүнж шиг нойрссон бүсгүй
Өглөө босоод усанд ороход би дуртай
Шүршүүрийн доор дагина мэт зогсоход
Шүүдрэн дусал гэзэгнээс нь унахад би дуртай
Надаас авсан бүхнээ усанд үйж
Нартад заяаснаас бусдаа усанд гээж
Нойтон гэзгээ цээжин дээр минь асгахад
Нойрмог өглөө цочин сэрэх би дуртай

( Дэлгэрэнгүй... | Сэтгэгдэл [] | Шүлэг | Оноо: 5/1 | Мөнхбат Ж )

Шүлэг: Ж.Мөнхбат ： Бурхан хүсэл
Оруулсан admin on 2007-02-28 22:37:07 (10596 уншсан)

Мэнэнгийн тал мэт тархсан их эвийг нэгтгэж
Сэлэнгийн урсгал мэт их хүчийг хурааж
Ерөөлийн хадагт хүслээ ес болгон зангидаж
Есөн тугтаа хүчээ нэг болгож залбирсан
Өвгөдийн минь өв
Өрлөгийн минь эв
Мандаж гандаж зовсон эх орноо
Маргааш хайрлана гэвэл орой биш үү элгэн түмээн
Төрийн сүлд өршөө гэж сүүгээ өргөдөг үрэстээ
Төмөр мэд хатуурхвал буруу биш үү эх ороон

( Дэлгэрэнгүй... | Сэтгэгдэл [] | Шүлэг | Оноо: 5/1 | Мөнхбат Ж )

Шүлэг: Ж.Мөнхбат : Өчил
Оруулсан admin on 2007-02-28 22:22:02 (8849 уншсан)

Надад юу ч байхгүй
Баян хоосны зовлон багаасаа л амсаж
Байх байхгүй дунд байгаагаараа л амьдарч
Согтуу ухаан шиг амьдралын дэнсэнд би
Сохор зоос ч үгүй алхадаг
Надад юу ч байхгүй ээ

( Дэлгэрэнгүй... | Сэтгэгдэл [] | Шүлэг | Оноо: 25/6 | Мөнхбат Ж )

Шүлэг: Ж.Мөнхбат ： Гэрч
Оруулсан admin on 2007-02-28 22:12:48 (7308 уншсан)

Хээрээр гэр хийж
Хэтний цахиур шиг чулуужсан
Хэцээр дэр хийж, хэдэр заг шиг хатуужсан
Үнэн худлын хорвоод
Цоожтой гинданд гинжлэгдэж
Үхэл сэхлийн ирмэгт
Чонын ухаанаар амьдарсан

( Дэлгэрэнгүй... | Сэтгэгдэл [] | Шүлэг | Оноо: 14/3 | Мөнхбат Ж )

Шүлэг: Ж.Мөнхбат ： Дутах эс дутахын шүлэг
Оруулсан admin on 2007-02-28 22:10:02 (11202 уншсан)

Жаргалтай нарны цацрагийг
Тоонон дээрээ аргамжиж
Жавартай шөнийн гурван одыг
Тотгон дээрээ залсан
Нар зөв монгол заяанд уйлж төрөхөд
Надаар эх орон минь дутаагүй ээ,
Тотго босго хоёроороо дэмнүүлж
Тоодон бойтгийнхоо хонхыг анх чимэглэхэд

( Дэлгэрэнгүй... | Сэтгэгдэл [] | Шүлэг | Оноо: 40/8 | Мөнхбат Ж )

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 109 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

А. Чадраабал 70х85, зотон тос
Шөнө
Хэмжээс: 600x474 149k
Сэтгэгдэл: 0
Үзсэн: 4710

orkh-010.JPG
Хэмжээс: 600x450 141k
Сэтгэгдэл: 0
Үзсэн: 4637

Ёл хад
YolHad_14.JPG
Хэмжээс: 700x525 84k
Сэтгэгдэл: 0
Үзсэн: 3960

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn