BIIRBEH.MN by Bataka

Шүлэг: У.Мөнхбаатар : Минийх
Оруулсан admin on 2011-04-26 19:18:43 (4465 уншсан)

Чи минийх гэдгээ мэдэхүү бүсгүй минь
Чин сэтгэлийн угаас чамд хэлэхийг хүсэж байна
Хүн хосоороо амьдрах ёстой байдаг
Тийм болохоор чамайг би орчлонгоос хайдаг
Миний хайрыг чи үүрд булаасан болохоор
Мэдээж би тэгхээр чамайг л хайж олохоор
Би чамд аз жаргалыг амлаж чадна
Би чиний төлөө бас үхэж чадна

( Дэлгэрэнгүй... | Сэтгэгдэл [] | Шүлэг | Оноо: 5/1 | Шүлэг )

Шүлэг: “Цагаан-Уул-2011” наадмын шагналтнуудын шүлгээс
Оруулсан admin on 2011-04-20 14:47:55 (4450 уншсан)

Монгол улсад Залуучуудын хөдөлгөөн үүссэний 90 жилийн ойн хүрээнд зохион байгуулагдсан хайрын шүлгийн “Цагаан-Уул-2011” яруу найргийн наадам өнгөрсөн баасан гаригт МЗХ-ны хүндэтгэлийн танхимд залуу авъяастнуудынхаа шилдгийн шилдэг хайрын шүлгийг тодрууллаа.
Хүн төрөлхтний агуу их хайрыг өнө мөнхийн билэгдэл “Цагаан-Уул” цэцгээр төлөөлүүлэн нэрийдсэн тус наадамд энэ жил 80-аад залуу уран бүтээлчдийн өөр өөрсдийн өнгө аяс бүхий 160 гаруй шүлэг өрсөлдсөн бөгөөд наадмын үеэр Болор цом, Монголын зохилчдын эвлэлийн шагналт яруу найрагчид залуу яруу найрагчдын аяны дөрөөнд шүлгэн мялаалга өргөв.
“Цагаан-Уул-2011” наадамд Дундговь, Баянхонгор, Говь-Сүмбэр, Говь-Алтай, Төв, Дорнод, Архангай аймгуудаас залуу яруу найрагчид хүрэлцэн ирж хайрын шүлгээрээ өрсөлдсөн нь жил ирэх тусам энэ наадмын цар хүрээ өргөжиж байгааг харуулж байна.
“Цагаан-Уул-2011” наадмын шагналтнуудын шүлгээс уншигчиддаа сонирхуулж байна.

МУИС-ийн 4-р курсын оюутан Ч.Өсөхболд /Тэргүүн байрын шагналт/

Хайрт минь

Орчлон өвөлд бэлтгээд
Одод гэрлээ татаад л
Сар хүртэл инээхээ болиод
Модод дуугаа хурааж
Шөнийн шувуудын нислэг ч
Сэтгэлд хүрэхээ больж байна
Энд өвөл болж байна
Гэвч
Тэнд хаварт бэлтгээд
Тэнгэр нь бороонд бүлээцээд
Шувууд өнөөх хайрын дуугаа аялаж
Модод сүүдрээ дэлгээд л
Дурлалын хотод, дурлалын эзэн маань
Дууланхан моддын доор суугаад л
Тэнд хавар болж байна.
Тэнгэрээс цагаахан одод бууж
Үсэн дээр чинь эрхлээд л
Тэнд ямар нам гүм гээч
Үгээр хэлэхийн аргагүй...
Тэвчээр минь, итгэл минь
Тэнгэр минь, инээд минь
Үг минь, үнэнч сэтгэл минь
Тэнд хавраараа байна.
Дандаа бүлээхэн бороо шивэрч
Дараа нь хайрын өнгөтэй солонго татаад л
Чи минь түүнийг хараад
Чимээгүйхэн моддын доор зогсож байна
Бурхан минь
Буцаах, түлхэх, ухраах эрх таньд байхгүй шүү
Энд бүх зүйл хавраараа байнаа
Хайрт минь...

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: Д.Урансувд : ЗҮҮД
Оруулсан admin on 2011-04-20 11:12:50 (3502 уншсан)

Чамайг би зүүдэллээ
Цэцэгт талынхаа ногоон зүлгэн дээр
Чамтай хөтлөлцөн зугаалж явна гээд
Чамайг би зүүдэллээ
Зүүдэлсэн зүүдээ үнэн юм шиг
Зөн совиндоо итгэн
Зүрхэндээ би мөрөөдлөөн шивнэн
Зүүд биш байгаасай гэж хүслээ
Чамайг би зүүдэллээ
Саран авхайн хавирган биен дээр
Савлаж хоёулаа тоглож байна гэд
Чамайг би зүүдэллээ
Зүүдэлсэн зүүдээ биелээсэй гэж
Зүрхэндээн би гараа тавьж
Зүүдний тэнгэр бурхандаа
Зөн совингоор учруулаач гэж хүслээ
Тэнгэр газрын мандал дээр
чамтай намайг зугаалж байхад
Түмэн хэлийн шувууд бас цэцэгс
Тал талаас баяр хүргэлээ
чамайг би зүүдэллээ
Зүүдлэх зүдлэхдээ чи бидэн
залуухан идэр байна гэж
Зөндөө баясан зүүдэндээ жаргалаа
Зүүд минь харин үнэн байгаасай

( Сэтгэгдэл [] | Шүлэг | Оноо: 5/1 | Шүлэг )

Шүлэг: Д.Урансувд : ЭЭЖДЭЭ зориулав
Оруулсан admin on 2011-04-20 10:57:36 (4203 уншсан)

Дээдийн дээдээр би таныгаа хайрланаа ээжээ
Дэлхий хөмөрсөн ч би таныгаа л гэнэ ээжээ
Дээл нь томдож бие нь жижгэрсэн ч ээжийгээ
Дээдлэн хайрланаа охин чинь
Нэрийг тань гутаахгүй би ээжийнхээ
Нулимсыг тань дусаахгүй би ээжийнхээ
Нартад дааруулахгүй би ээжиийгээн
Нөмөр болж хад би болье
Нар болж таныгаа би ээе ээ ээжээ.

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: У.Мөнхбаатар : Эрх чөлөө
Оруулсан admin on 2011-04-20 10:46:25 (3528 уншсан)

Эрх чөлөө бид бүгд өөр өөр агаараар амьсгалж байна
Эрх чөлөө бид бүгд нэг агаараар амьсгалахаас айна
Ардчилал таныг 90-оноос дуудан авчирч ирлээ
Ардчилал таныг гарч ирэхэд ард түмэн сэрлээ
Хаалттай нийгэмд бүхний нүдийг харанхуй бүрхэж
Ганц хүний дарангуйлалыг халж гэгээтэй бүхэнд хүрч
Хамаг сэхээтэн лам хуврагуудаа устган байж
Хамтын хүчээр гэсэн мөртлөө нэг нэгнээсээ айж
Одоо тэр харанхуй ертөнц ард үлдсэн бүхнийг март
Шинээр амьдрах хүсэл байна бидний гарт
Бүгдийг өөрийн гараар бүтээх итгэл сэтгэл зүтгэл байна
Бүгдийг өгсөн ардчилал таньд баярлаж илүү ихийг хайна
Тиймээ Монгол хүн өөрийн ухаанаар байх хэрэгтэй
Тиймдээ ч энэ нийгэмд амьд явах эрхтэй
Хамаг бүхнийг нэг гараар зангидан байж тэр нийгэм бүрдсэн
Харин одоо өөрөөр сэтгэн өөрөөр амьдарч баялаг бүрээс хүртсэн
Ардчилал алдаатай мөн оноотой гэдгийг хүн бүр мэдэж байгаа
Ардчилалын ачаар өдий зэрэгтэй болсоноо мэдэхгүй зарим хүмүүс зовлонгоо идэж байгаа
Ирээдүйд Монгол улс улам илүүгээр хөгжих байх
Ирээдүйд ардчилал улам илүү бэхжих байх

( Сэтгэгдэл [] | Шүлэг | Оноо: 0/0 | Шүлэг )

Шүлэг: Бүсгүй танд
Оруулсан admin on 2011-04-19 13:19:03 (5770 уншсан)

Гоё сайхны бэлэгдэл бүсгүй минь танд

Гоо сайхны жишээ эрхэм бүсгүй танд

Бүдүүхэн зүрхтэй бүрэг эрийн зүгээс

Бүдүүлэг загнаж хэлэх хэдэн үг байна

Салхи залгилсан залуу насандаа

Саваагүй гэнэхэн томоогүй зангаар

Савнаасаа халин бусдынх руу өнгийж

Санаандгүйгээр мэлзэж наргих сайхан

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: Д.Хишигдэлгэр : Эх орон минь Өршөө
Оруулсан admin on 2011-04-16 16:49:49 (4635 уншсан)

Мөн чиг сайхан эх орон минь

Миний шүтээн хайртай Монгол минь өршөө

Цээл сайхан уртын дуу шигээ яруу

Цэнгэл жаргалын минь охь Тандаа мэхийе

Хөл тушаалтай харийн нутагаас

Сэтгэл жигүүрлэн тань руугаа зорилоо

Зүүд гэдэг сайхан хөлөгөө дөрөөлж

Зөндөө санасан нутагаа эргэлээ би...

Аргаль янгиртай баян Алтай минь

Ар өвөртөө нөмөртөй дэлгэр Хангай минь

Хээлэн цэнхэртэх сүрлэг Хэнтий минь

Хэнийх ч биш Монголын минь уулс минь

Өвгөдийн минь мөнхөрсөн өндөр хайрхад минь

Өмөг түшиг сүрлэг хангайд минь өршөө

Алдрыг тань дуудахаас айдаг ардын хүү билээ би

Дүрийг тэнь зүйрлэхээс эмээдэг элгэн садантай билээ дээ

Будантай хөвч тайгад тань буруу зөв орилсоныхоо төлөө

Бурман жимс, самартай моддыг тань сэгсэрсэнийхээ төлөө

Тээж явсан хүслээ тандаа даатгаад мордохдоо

Атгаад тависан чулуунаас өөр

Арчилж таныгаа тэтгэ л үү дээ би чинь

( Дэлгэрэнгүй... | Сэтгэгдэл [] | Шүлэг | Оноо: 5/1 | Шүлэг )

Шүлэг: У.Мөнхбаатар : Мэдэж ав
Оруулсан admin on 2011-04-16 16:47:16 (3608 уншсан)

Ганцхан удаа ч гэсэн намайг ойлго бүсгүй минь
Гарцаагүй ганцаараа үлдэхийг хүсэхгүй байна
Чиний төлөө би бүхнийг хийхэд бэлэн ч гэлээ
Чин сэтгэлийг минь таниагүй гэдгийгээ чи хэлээ
Амьдралд ам гарч болохгүй гэдгийг би мэднэ
Ахиж над дээр чи ирэхгүй явсаныг чинь би л хэлнэ
Мэдээж амьдралд дан ганц хайр байгаад хэрэггүй
Мэдсээр байж ганц хайрыг идээд цадахгүй
Мөнгө тиймээ хүчтэй чамайг ч авах хүчтэй
Миний мэдэх тэр охин биш болжээ чи тэ
Чамайг явуулахгүй гэж би араас чинь зууралдахгүй
Чи ч өөрөө мэдэж байгаа салах байсан нуугаагүй
Эргээд харахад чамтай өнгөрүүлсэн хором бүр үнэтэй
Энэ удаад би хожигдож гэхдээ хайрлах ганц хүнтэй
Тэр азтай залуудаа мэнд дамжуул миний өмнөөс

( Сэтгэгдэл [] | Шүлэг | Оноо: 0/0 | Шүлэг )

Шүлэг: У.Мөнхбаатар : Эргэцүүлэл
Оруулсан admin on 2011-04-16 16:46:34 (4114 уншсан)

Би нэг юмыг ердөө ойлгохгүй байх юм
Бие сэтгэл минь түүнийг бодохоос айх юм
Энэ орчлонд мөнгө эрх мэдэл хаан байгаагүй
Энэ хорвоод хайр сэтгэл хаан байсын
Гэтэл одоо мөнгөний боол болж байна бид
Гэм хийсэн хүн шиг мөнгөний хоол болж байна бид
Хайрыг хэн нэгэн нь мөнгөөр худалдаж авч болдог
Гэтэл уг нь хүн хайрыг өөрийн сэтгэлээсээ олдог
Хайр Мөнгө 2 юугаараа өөр бас адилхан юм бэ гэж бодно
Хайрыг үлээж Мөнгийг хүлээсээр байгаад л хорвоогоос одно
Мөнгө мэдээж хэрэгтэй бас хайр ч хэрэгтэй
Мөнгийг олж хайрыг хайж олох эрхтэй
Хүн бүр мөнгөний хойноос үхэн хатан зүтгэнэ

( Дэлгэрэнгүй... | Сэтгэгдэл [] | Шүлэг | Оноо: 5/1 | Шүлэг )

Шүлэг: У.Мөнхбаатар : Архи
Оруулсан admin on 2011-04-16 16:43:44 (3366 уншсан)

Идээний дээж хэмээн нэрлэх болсон архи чи
Идэгдэж дууслаа чиний өмнө би
Манай монголын залуус архинд бүгд шингэж байна
Тэнэг зарим нэг нь архийг магтан ингэж байна
Ажлыг бүтээхэд том тус болдог нь архи гэнэ
Амьдралыг сүйтгэж байдаг ганц хор нь архи гэнэ
Хүн бүхэн сайхан амьдрахын төлөө мэрийнэ
Хүний сайхан амьдралтай цуг архи бас жирийнэ
Олон хүүхдийн нулимсийг архи чи зөндөө харлаа
Олон сайхан залуус чамтай нийлээд нас барлаа
Лонхонд байгаа чөтгөр яг юу бэ хэлээд өгөөч
Шингэн биетэй чөтгөрийн өмнө тэгж амархан битгий сөгдөөч
Архи чи хүний амьдралыг сүйтгэж ажлын бүтээнэ
Архи чи олон хүний нулимсийг үзэж ханатлаа инээнэ
Шингэн биенд чинь өрөвдөх сэтгэл алга уу
Шүлэнгтэн уух хүмүүс ингээд амьдралаас салах уу
Муулан байж тэр архийг хүмүүс ууж сууна
Салж чадахгүй байх хүмүүс үргэлж ууна
Ахиж хэзээ ч уухгүй хэмээн өөртөө үргэлж амлана
Хэд хоногийн дараа бас л ууж өөрийгөө тамлана
Хармаанд мөнгө ч үгүй амьдрал ч үгүй зүгээр л нэг хүний сүг
Хар усанд толгойгоо мэдүүлсэн арчаагүй нэг хогийн буг
Аманд чинь архийг барьж байгаад цутгаагүй
Аманд чинь хүчээр асгаж хутгаагүй
Өөрийн мэдэл байхгүй архинд бид живлээ
Монголчуудаа ухаантай байж урагшаа тэмүүлцгээе
Мохошгүй Монголын үр сад гэдгээ бүү март
Миний чиний бидний амьдрал архиний биш бидний гарт

( Сэтгэгдэл [] | Шүлэг | Оноо: 0/0 | Шүлэг )

Шүлэг: У.Мөнхбаатар : Яах гэж?
Оруулсан admin on 2011-04-15 13:34:04 (3102 уншсан)

Яах гэж чиний төлөө би нулимс дуслуулав
Яах гэж чамаар гэнэн сэтгэлээ услуулав
Мөрөөдөж байсан хайр хаа нэгтээгээс хүрч ирээд
Мөнхөд чамайг хайрлах юм шиг бодож сэрээд
Гарыг минь дэрлэж унтдаг хөөрхөн охин одоо хаана байна
Гараас нь хөтлөөд явдаг байсан тэр л охиныг би хайна
Сэтгэл хэмээх хөндүүрхэн эрхтэнээр чи тоглолоо
Нарийн нандин зүрх чамаас болж холголоо
Тэгээд ч чиний төлөө би чадах бүхний зориулаад
Өөртөө байсан хамаг бүхнээ чамаар би хориулаад
Тэр нэг бүрхэг өдөр чамаас салахаар зориглоод
Дотор байгаа хүн минь салаад хэрэггүй гэж хориглоод
Чамаас салсан ч надад зөндөө дурсамж бий гэдэгт итгээрэй
Чиний сайн сайхны төлөө хийсэн болохоор амьдралыг өөрөөр сэтгээрэй
Чамаас би сургамж авсан чамаас би хайрыг амссан гэхдээ л
Чи үнэхээр төгс байсан чиний дэргэд би мөхс байсан тэхдээ л
Харамсах сэтгэл хаяа төрхөл юм сэтгэл хөрхөл юм
Яах гэж чи бас би учирав даа эмэгтэй минь
Яах гэж чи надаас холдов эзэгтэй минь

( Сэтгэгдэл [] | Шүлэг | Оноо: 0/0 | Шүлэг )

Шүлэг: Г.Анударь : Тэнгэр шиг цэнхэрхэн нүдэнд чинь
Оруулсан admin on 2011-04-14 20:13:37 (3827 уншсан)

Тэнгэр шиг цэнхэрхэн нүдэнд чинь
Уруул минь улаахан харагдана уу
Дуурсах цуурай шиг харийн хэлэнд чинь
Дуугарах дуу минь ямархан сонсогдоно вэ

Будаггүй төрхнөөс салхи үнэртэхэд дуртай гэв үү
Буурал уулст нутгийг минь сонирхож нэгэн асуувуу
Алтаар гоёогүй эрх чөлөөнд минь
Атаархаж баахан дурлав уу
Алс холын эрмэгхэн гарлыг минь
Алмайрч л хэсэг сонжив уу

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: У.Мөнхбаатар : МОНГОЛ
Оруулсан admin on 2011-04-11 20:09:59 (3389 уншсан)

Зургаан үсэгээс бүтсэн МОНГОЛ гэдэг нэр нь бүрдэнэ
Зуун найман маанийн шившлэгэтэй МОНГОЛ гэдэг хүрдэнэ
Тал нутгийн салхи нь цаанаа хүртэл зөөлөн үлээнэ
Танхилуун сайхан МОНГОЛ бүсгүйг халх нутгийн өвөрт хүлээнэ
Эзэн Чингис хааны бидэнд үлдээсэн МОНГОЛ нутагт
Эгнэшгүй эрдэм төгс Данзанравжаа хутагт
Хөх МОНГОЛЫН хүү Сүхбаатар гэдэг баатар
Хөрст дэлхийд нэрээ үлдээсэн ардын хүү Хатанбаатар
Цайныхаа дээжийг бид МОНГОЛОО бодож өргөдөг
Өүлэн эхийн өлмийд адис авч мөргөдөг
Дөрвөн улирал ээлжилдэг МОНГОЛ нутаг гайхамшиг
Дэлхийд МОНГОЛ морины туурайг тамгалсан гайхамшиг

( Сэтгэгдэл [] | Шүлэг | Оноо: 0/0 | Шүлэг )

Шүлэг: У.Мөнхбаатар : Чи минь
Оруулсан admin on 2011-04-11 20:09:34 (3429 уншсан)

Би муу хүн гэхдээ хүнд гай тариагүй
Бие сэтгэл минь чинийх байсан ч чи таниагүй
Өчнөөн жил цугтаа байсанаа мартаж дээ миний хонгор
Өр зүрх чинь надруу биш хэн нэгэн лүү тэмүүлж дээ
За яахав би чамд аз жаргалыг л хүсэхээс
Даанч би мартаж чадахгүй байна баяртай гэж л үнсэхээс
Наран манддагаараа л мандана шүү дээ бүсгүй минь
Нартад чи нэгнийг гомдоосоноо мэдэж байна уу бүсгүй минь
Хайр хагацал 2 дандаа цугтаа байдагаас хойш
Хайртай гээд ч яахав чи хүнийх болсоноос хойш
Март намайг ор тас хэн ч биш гэж мартаа
Чи одоо л жинхэнэ аз жаргалаа олсон байна гартаа
Хэн нэгэн чамд аз жаргал дандаа хүсэж байг
Харин намайг дандаа нулимс хацрыг зүсэж байг
Эрхбиш би хүн юм чинь болно бүтнэ
Эргэлзэх хэрэггүй тэр хүндээ чи өөрөө сонгосон
Чамайг анх би олж харахад чи сахиусан тэнгэр шиг

( Сэтгэгдэл [] | Шүлэг | Оноо: 10/2 | Шүлэг )

Шүлэг: Ж.Эрхэмцэцэг : ''....Ганцхан байгаа зүрхийг тань хоёр хуваах гэж оролдсон байна...''
Оруулсан admin on 2011-04-11 20:08:51 (3984 уншсан)

Таараагүй гутал хөлөндөө угласан хүүхэд шиг

Таниар би сэтгэлээ зовоон хэсэг гоёлоо

Гоёлын даашинзгүй бүсгүй үдшийн болзооноосоо зугтах шиг

Ганцхан байгаа зүрхийг тань хоёр хуваах гэж оролдсон байна

Бүтэхгүй мөрөөдлийн араас гүйцэхгүй атлаа хөөж

Бүрэнхий энэ л орчлонг гэрэлтэйгээр бодон эндүүрч

Багахан дүүгийн хайрыг тань сэтгэлийн учиг хэмээн андуурч

Бүүр холын ирээдүйг ч сэтгэлдээ буруу зурчихсан байна

Аавын минь энгэр шиг дулаахан байсан таны сэтгэлийг

Аашлаад аргаддаг ээжийнхээ хайр шиг өмчлөн бодож

Амрагийн хэлхээ зангидсан гэргийн тань итгэл дээр бөхөх

Ардын дуу шиг омголон өөрийнхөө бодолд хууртсан байна

( Сэтгэгдэл [] | Шүлэг | Оноо: 4/1 | Шүлэг )

Шүлэг: У.Мөнхбаатар : Хорвоо
Оруулсан admin on 2011-04-11 20:08:31 (3542 уншсан)

Амьдрал та намайг уучил би тэнэг байж
Өөрийгөө ийм өчүүхэн гэж санасангүй байж
Нэг л мэдэхэд 25 насыг хүрсэн байна
Нэг их зүйл хийж чадаагүй л байна
Намайг яаж шийтгэх нь энэ билээ гэж дотроо хараана
Над шиг ийм азгүй хүн байдаг боловуу гэж дотроо бодно
За яахав дандаа ийм азгүй байхгүй л байх хэмээн өөрийгөө хуурах юм
Зам минь дандаа бартаатай байхгүй л байх ёстой хэмээн шимшрэх юм
Мэдээж энэ чинь амьдрал шүү дээ гэж хэн нэгэн хүн надад хэлж байсан санагдана
Миний л амьдрал юм чинь гэж хамаагүй байсан юм шиг харагдана
Гэхдээ яахав ээ би гутраагүй бас гундаагүй урагшаа алхаж байна
Гэсэн ч хаяа нэг л сонин энэ амьдралаас залхаж байна
Бурхан та мэдээж миний хүсэлийг сонсож байгаа биздээ
Би ч гэсэн таныг надтай цуг байгаа гэж итгэж байна
Хүн мөнх амьдрахгүй нь үнэн мөн зовж жаргах нь үнэн
Хүсэл нь их ч хүртээмж нь багахан энэ амьдрал
Орчлонгийн хууль хатуу гэдгийг мэдсээр байж
Өөдөөс нь өвчигнөж байж үрэгдэвдээ та минь
Мэдээж дандаа амьдрал хатуурхан гэж байхгүй ээ
Мөнхийн цагны урсгалаар ийм хатуухан болцон юм энэ хорвоо

( Сэтгэгдэл [] | Шүлэг | Оноо: 0/0 | Шүлэг )

Шүлэг: Ер бусыг нээнэм
Оруулсан admin on 2011-04-08 00:05:40 (5560 уншсан)

1
Өмнөх тэнгэрийн цаахнуур урьдын оюун санаа минь ганцаардан
тэнүүчилэхэд хурын төгсгөлд ч цувгүй зогсном
Тэр шувууны нүдэнд хичнээн гуниг буйг чөлөөт нисэлтийн эгшин л анзаармуй
Тэртээх хязгаарт төрсөн хүүгээ илгээсэн уг гарвал нэгтэй урт гэзэгт сармагчин
Шөнийн аниргүйд яруу найраг зүүдэлж жинхэнэ шаналлыг олох нь ганцхан
удаа мэт
Чөтгөр шулмас алиныг нь ч мэдэхгүй өөрийн хоёр дахь сүүдрийг сэхээрэн
өрөвдөхөд
Цөхөрсөн хэлгүйн хашгичих дууг булшны өвс сая жил сонсоод чив
чимээгүйхэн
Би ер бусыг төрмөл ертөнцөөсөө хулгайлж хоосон ирэхдээ их удахгүй буцна
Би хаа хамаагүй юмнаас шинийг үзэж, урван тэрсэлж болно
Биелэх, эс төгсөх гол биш энд юу үлдэхийг өөрөө би шийдмүй
2
Улаан цусанд цэнхэр туяа татаж, үс бууралтан үнэн төрхөө олно
Ухаан самуурч, зүрх зэврэх шиг усны намуун урсгал цээжинд харуусал
үлдээнэ
Гэвч би яахан очиж өмнөх долгион дээрээ өөрийгөө дахин бүтээхэв
Гэрэлт өдрүүдэд өнөөх модон хашааны маань төмөр хаалга байдаг л
янзаараа
Гэр дотор ямар уйтгартай байгааг мэдрэхүй, би бариул руу гараа өргөж
чадахгүй нь
Чи тэгтэл, тэнд хэнийг хайрлаж цаад ирээдүй рүү хамаг л харанхуйгаа хурааж
надаас нуугдана вэ
Чимээгүй бүдэг хэвээр эндээ би дүр төрхийг чинь дуулсаар зүрх сэтгэлийг
чинь мартнам

( Сэтгэгдэл [] | Шүлэг | Оноо: 0/0 | Шүлэг )

Шүлэг: Зүүднээс хагацахуй...
Оруулсан admin on 2011-04-07 23:56:41 (3598 уншсан)

Шив шинэхэн цасан дээр зуун ерэн естэй хэрээ суугаад гэгээрлийг өгүүлнэ
Шилэн цонхны цан гэгээнээс намайг тусгаарлаж, бас харанхуйгаас хааж,
харанхуйд далдалнам
Гуаглах дуун өчигдөрөөс хойших хураангуйг хөндөн, эзлэгдсэн тархийг минь
дэлсэж орхилоо
Гутал ширтээд шалан дээгүүр гүйлэгнэж хоёр юм тэртээ өндрөөс миний
зүүдэнд унах мэт оргино
Гуниглах гэвч, уур уцаар дотогшоо чиглэн хязгааргүйн гүнд тэсрэлт хийх шиг
цонхоо хагалсанд цочив
Гудамжинд гарч хэн буруутайг хайх нь хэрээний тавилангаас сүүлчийн гэрэл
гэгээг хулгайлах мэт
Нар утааны цаанаас үл үзэгдэн тэнэхэд, салхи сарны эрхшээлд зүүдэлсэн
хэвээр мэт
Намайг буцаж ирвэл хүйт орсон байшинд минь хэрээ эзгүйчлэн нойрсоод тэнд
шөнө үргэлжилсээр байх шиг
Цаг хугацаанаас өөр юм хөндөөгүй цасан дээр бөгтийн зогсоод байшингийн
зүгт санаандгүй ширтвэл
Цав цагаан намайг уусгаж, би алга болохтой ижил, үүний өмнө л хэрээг
ойлгоном

( Сэтгэгдэл [] | Шүлэг | Оноо: 0/0 | Шүлэг )

Шүлэг: Би буцсаар л байхад чи ...
Оруулсан admin on 2011-04-07 23:55:57 (3550 уншсан)

Чамайг орхиод одох минь ямархан бол доо, би буцсаар л байсан,
нотлогдоогүй ганцхан дуудлага биднийг хүлээж байгаа
Чихран дуугарах тэрэгний дугуй хаа хүрэх нь мэдэгдэхгүй, чи уйлсаар яваа нь
бурхдад ингэж сонсогдохгүй
Тэнд үлдэнэ, сүүлчийн мананг нөмрөөд инээмсэглэх гэж оролдовч төв цэгийн
давхрага руу бүргэд мэт харц ч нэвтрэхгүйд харууснам
Тэнгэрээр ниснэм, энэ жигүүр ургаагүй байхад ч би элин хөвсөөр байсан,
агаарт битүү орон зай үлдээгүй
Тэсэхийн аргагүй зөөлрөл, эс бүхэн дотор минь дүүрсэн, нарны дэлбэрэлт
адил юуг минь хуйхлахад, би нууцлаг оршимуу
Тэнцвэр алдагдахүй, хүйтнийг хадгалж чаднам, сийчэгдсэн нүхнүүд
мананцараар бөглөгдлөө, чи ирсэн замаа дурсана, би уйлна даа
Бидэн чулуун хэрэмний хоёр талд нэгэн болжморыг харан зогсоно, нисэх нь
ийм хагацал шүү, залбирнам
Би мөрөөдөлд чинь хичнээн хайртай билээ, магад би тийм л байгаасай гэж
нэгэн эгшинд бодном
Тэр хэрэв би бол ... хайрт минь ...

( Сэтгэгдэл [] | Шүлэг | Оноо: 0/0 | Шүлэг )

Шүлэг: Орь ганцаар хэвээрээ ...
Оруулсан admin on 2011-04-07 23:54:54 (3423 уншсан)

Орь ганцаар хэвээрээ ...

Өдрийн шаргал эрхэс бөхөж гүн харанхуй нөмөрчээ
Өнөө тэнгэрээр бараан хар үүлс нүүдэллэнэ
Үүлгэр хөх уулс аль эрт мөнхийн чимээ аниргүйд автсан мэт
Үдэш тэр зүгийн ганцаардлыг буй биеэрээ мэдэрнэ
Бүх юмс аниргүй дүнсгэр хүйтэн гунигтай санагдаад
Бүүр алсын саран өвсөн дотор нойрсжээ гэж бодогдоно
Тэнд зэвхий саарал манан хамаг дурсамжийг хучин байгаа
Тэнгисийн мандал бүүдгэр оддын дор бас л уйтгартай шуугин байгаа
Яг л одоо нэг бүсгүй миний сэтгэлийг даашинзтайгаа хамт тайлчихаад
Яаран, тэртээх ойн төгөл дундуур нүцгэн биеэ туяаруулан алхасаар
Ялимгүй хуйлран давалгаалах тэнгисийн эрэгт очиж яваа
Усанд хүлхүүлсэн нойтон элсэн дээр
Уйтгарлан суугаад юуг ч эс анзааран байгаа
Одоо би дахиж хуучин дарвуулт завиараа манант салхийг сөрөн ирж
Охин насны чинь сүүлчийн дурсгал шаргал гэзгийг чинь дэрлэж хэвтэхгүй
Уймарсан харцаараа одоо би дахиж түүний нүдийг эгцлэн ширтсээр
Удтал мэлмэрч цөхөөд тэнгис, далайн зүг ганьхаран одохгүй
Одоо би дахиж гоо хүзүү, цагаахан хөх, тослог уруулд чинь хууртан шунаж
Омголтсон уруулаа бас л шорвог гашуун нулимсаараа угаачихаад буцахгүй
Одоо би дахиж зөөлхөн хэвлийг чинь таалж далайн татлага шиг санахгүй
Оддын дор бас л чамаас гомдолоор жигүүрлэж цахлай шиг нисэж одохгүй
Оргилсон халуун зүрхээ хоосон итгэлээрээ шархлуулж
Одоо хэн ч гүн харанхуйд анхил үнэртэй мөрийг чинь хайхгүй
Онгон цээжийг чинь тэврэх гээд хүчит давалгаа адил хуйларан зүтгэж
Одоо хэн ч эргийн хад чулуудыг мөргөж бутрах шиг зүрх нь эмтрэхгүй
Одоо хэн ч тэнгист дэнлүү хөвөх шиг гоо үзэсгэлэнг чинь дурсахгүй
Одоо хэн ч тийм бүрэнхий дунд намайг олох гэж сарыг хүлээхгүй
Орь ганцаар хэвээрээ л одоо миний мартагдсан зүүдний эрэгт
Огт байхгүй чи минь мөнөөх л янзаараа өвдөгөө тэвэрч суугаа
Одоо хэн ч ... одоо хэн ч ...

( Сэтгэгдэл [] | Шүлэг | Оноо: 0/0 | Шүлэг )

« өмнөх 1 2 3 4 5 6 7 8 9 10 111213 14 15 16 17 18 19 20 21...90 91 дараах »

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 161 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Тэрэлж
trlj-012.JPG
Хэмжээс: 600x450 106k
Сэтгэгдэл: 0
Үзсэн: 5358

Должин : 2007 оны аялал
mongolia2007year-235.JPG
Хэмжээс: 600x450 157k
Сэтгэгдэл: 0
Үзсэн: 3914

Должин : 2007 оны аялал
mongolia2007year-259.JPG
Хэмжээс: 600x800 127k
Сэтгэгдэл: 0
Үзсэн: 16767

Агуулга

Thursday, 2022.11.24
·	До. Болдхуяг : ХААНЫ САНААШРАЛ (Монологи)
Wednesday, 2022.04.27
·	Аавыгаа холоо ажиллаж байгаад уучлаарай
Friday, 2022.04.22
·	Д.Дамдинжав : Бүсгүй хүн
Tuesday, 2022.03.22
·	C. Амина : Би ахдаа хайртай
Friday, 2022.03.18
·	О.Цэнд-Аюуш : ДУУЛГА
·	Д.Дамдинжав : Дурлал
Saturday, 2021.08.07
·	Мөнхжин А : Баяртай...
Sunday, 2019.12.22
·	Б.Улаанхүү : ЗАЛУУ ЦАГИЙН ДУРСАМЖ
Monday, 2018.01.08
·	Э.Намар: Шарх
Friday, 2017.11.03
·	П.Мөнгөнөө: Ахтай байх сайхан
Monday, 2016.12.19
·	Диваажин
Saturday, 2016.07.30
·	Б.Улаанхүү : Цэнхэр нуурын цолмон халтар
Saturday, 2016.07.16
·	Б.Улаанхүү : Дэлгэр мөрний дэнжийн хул
Saturday, 2016.04.02
·	Б.Улаанхүү : БИ АЗТАЙ ОДТОЙ МОНГОЛ ХҮН
·	ХӨЛӨНДӨӨ САЛХИТАЙ ХҮНГИЙН ХҮРЭН
·	Б.Улаанхүү : ЗАВХАН ГОЛЫН УНАГАНУУД ЗАРД ГАРСАН ХҮЛЭГҮҮД
Tuesday, 2015.10.20
·	Б.Батцэцэг : Ижий шүтээндээ
Wednesday, 2015.06.24
·	Б.Батцэцэг : ДУЛААХАН ДАА ДУЛААХАН
Sunday, 2015.04.19
·	Б.Улаанхүү : АЛДУУЛ ХҮЛЭГ МОРЬ МИНЬ ЧИ
Wednesday, 2015.03.18
·	Б.Батцэцэг : Шантрахгүй зүрх
Saturday, 2014.11.29
·	Б.Улаанхүү : Хүрэл амгаа хажигнаж уяаны хэц савлахад
Monday, 2014.09.22
·	Азтай охин
Wednesday, 2014.08.13
·	Ээжийнхээ цайг би чанаж байна
·	Б Эрдэнэцог : Ээжийнхээ цайг би чанаж байна
·	Б Эрдэнэцог : Мандал хайрхан
Saturday, 2014.02.22
·	Дамбын Ганболд : Сэтгэл юугаа дагаад
Tuesday, 2014.02.18
·	Дамбын Ганболд - ӨВЛИЙН ҮЗЭМЖ
Wednesday, 2014.01.22
·	Б.Улаанхүү : Хөх монгол сэрж байна
Saturday, 2013.12.14
·	Э.Заяа : Амьдрал чамаас Амьд явахыг шаардана
Sunday, 2013.09.01
·	Б.Эрдэнэцог : Торгон хилийн хүндэт харуулууд
Tuesday, 2013.07.23
·	Хараал
Thursday, 2013.06.20
·	Ариунаа : Өнгөөр гоёх залуу насны Өөгүй нэгэн будаг нь явахдаа ...
Wednesday, 2013.05.15
·	Х.Батболд : ДУРЛАЛ
Monday, 2013.05.13
·	Х.Батболд : Нүдэнд орсон хог
Saturday, 2013.05.11
·	Б.Улаанхүү : Дэрвэж өссөн цагаан түнгэ
Friday, 2013.04.26
·	Д.Баттогтох : Уулс
·	Д.Баттогтох : Орчлонгийн сайхныг би мэднэ
Monday, 2013.04.15
·	Монгол энэ нэр таньд ямар сонсогдоно вэ?
Wednesday, 2013.04.10
·	С.Бадамцэцэг : Цөн түрэх мэт
·	С.Бадамцэцэг : Бодол минь гэгээн тунгалаг

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn