BIIRBEH.MN by Bataka

Шүлэг: Э.Үржинханд : Би харамч хүн
Оруулсан admin on 2009-03-24 00:50:19 (4088 уншсан)

Сэтгэлийн төгөлд ургасан моддын тэнд
Сэрүүн хураар нахиалсан мөчрүүд бий
Хамаг амьтныг үхлээс өмөөрөх сэтгэлд минь
Хайрын үндсээр соёолсон энэрэлийн цэцэгс бий

Сүүн цацлаа өргөж бүхнээ зориулдаг ээжийгээ
Сүслэн биширч хүндэлдэг оройн дээд багшийгаа
Сүүдэр гэрлийн алинд ч итгэлээ дэлгэсэн найзыгаа
Сэтгэлд минь хамаарах бүхнийг хагацлаас л би хаацайлдаг

Үүнээс өөр юунаас ч би харамлаж үл чадах
Үнэнч амрагаа хүртэл өөр бүсгүйтэй хардахгүй
Үндэс мөчир хагацаан байж нулимс үерлүүлж ирдэг
Өөр юунаас ч биш үхлийн сүүдрээс л би харамладаг аа

2009.03.19

( Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Сергей Александрович.Есенин танаа
Оруулсан admin on 2009-03-24 00:46:46 (4201 уншсан)

Сергей Александрович.Есенин танаа
Сэтгэлийн гүнээс өргөх шүлэг минь энэ ээ

Сэрүүн бүрхэг энэ л өдөр хөргийг тань ширтэхэд
Сүмийн уйтгарт ая эгшиглэх шиг намуухан агаад
Сэмрэх бодолд минь ариуслын салхи хөвөлзөж байна
Харц чинь тунгалаг боловч далдхан гунигтай юм
Харин шүлэг чинь гунигтай авч ер бусын юм
Хамгийн сүүлд бичсэн гэх энэ л
Хагацлын шүлгийг чинь уншаад
Хатан зүрх минь шимширч сууна

( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Учирч амжаагүй хань минь
Оруулсан admin on 2009-03-13 04:59:40 (3992 уншсан)

Усны дэргэдэх ургамлын сайхныг биширч
Учрал зөгнөвч учирч амжаагүй хань минь ээ
Ухаан бодлын хязгааргүй далайдаа
Ургуулан төсөөлж явна уу намайгаа
Уруудаж өгсөх амьдралын шуурганд
Уйтгарт автан ганцаардаж явна уу эсвэл

Учирч амжаагүй хань минь ээ

Уруулаа болоод сэтгэлээ чамдаа хадгалж
Уулзах мөчийг тээж ирэх шувуудыг
Угтан тосож итгэл өвөрлөн явнаа би
Урган соёолох нялх нахиат хавар шиг
Уужуу ухаандаа бодлын цэцэгс тариад
Учиг хэлхэж ерөөл өргөн явна уу чи минь

Учирч амжаагүй хань минь ээ

Чи хэн ч байж мэднэ тэр хувь тавилангийн хэрэг
Чи хэзээ ч таарч болно тэр цаг хугацааны хэрэг
Чи хаанаас ч ирж магад тэр харгуй замын хэрэг
Чи хэний ч үр байж мэднэ тэр заяа төөргийн хэрэг
Чи хань минь л байж таарна тэр хайр сэтгэлийн хэрэг
Чин зүрхээрээ ижилсэх нь харин чи бидний хэрэг ээ

Учирч амжаагүй хань минь ээ

2009.03.13

( Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд. Эрхэмсэг нэгэн бүсгүй билээ
Оруулсан admin on 2009-03-12 04:25:40 (5338 уншсан)

Энгүй хайрын давалгаа эргээ даван цойлж
Эмзэг бяцхан зүрхийг минь цохилон асаж
Эрх танхил жиргэх дурлалын шувуухай
Эх дэлхийгээр самнан чамайг хайж гэмээнэ
Энэлэнгийн сүүдэрт жиндсэн ч эвий ганцаар гунигласан ч
Ихэмсэг харцаа буулгаж эрийн өмнө сөхрөхгүй

Эрхэмсэг нэгэн бүсгүй билээ би

Элгээ эмтлэн шаналж ганцаардлын далайд хөвж
Дурлалын салхинд сульдаж үгээ асгалгүй уйлавч
Эр хүн таны дэргэд гунигаа дотогш юүлж
Эгэл бүсгүй жудгаа ижий шигээ дээдэлж гэмээнэ
Энэлэнгийн сүүдэрт жиндэж эвий ганцаар бэдэрсэн ч
Ихэмсэг харцаа буулгаж чиний өмнө сөхрөхгүй

Эрхэмсэг нэгэн бүсгүй билээ би

Эх Бөртэ Үжиний энэрэл хайрын үргэлжлэл
Эрэлхэг Мандухай хатны гоо харцны тусгал
Эртнээс нааш өвлөсөн нандин сэтгэлийн нууцаа
Эгэл сэтгэлийн чинадаас дээжлэн өргөж гэмээнэ
Энгүй уужим ухаанаар жаргалын наран мандаадаг
Эр хүн таныг зүрхэндээ, бишрэн хайрладаг тийм л

Эгэл жирийн агаад эрхэмсэг нэгэн бүсгүй билээ би

2009.03.12

( Сэтгэгдэл [] | Шүлэг | Оноо: 10/2 | Үржинханд Э )

Шүлэг: Э.Үржинханд : Хань минь чи мөн үү
Оруулсан admin on 2009-03-11 03:47:15 (4258 уншсан)

Хасын цас мөнгөн бороо хаялан байх орчлонд
Харьшгүй сэтгэлээр насаараа уяатай
Хань минь чи мөн үү
Харанхуй шөнө гэрэлт өдөр ээлжлэн байх амьдралд
Халамж энэрлээр харамгүй тэтгэх
Хань минь чи мөн үү

Үүрдийн чамтайгаа заяа холбоод
Өргөө гэртээ баясан жаргахсан
Үрийхээ зулайг үнэрлэн цэнгээд
Өвгөдийхөө элгийг дэвтээн суухсан

Халуун хүйтэн харшин байдаг тавиланд
Хайр халамжийг минь дааж явах
Хань минь чи мөн үү
Хатуу зөөлөн нь хослон байдаг орчлонд
Хамаг бүхнийгөршөөн энэрэх
Хань минь чи мөн үү

( Дэлгэрэнгүй... | Сэтгэгдэл [] | Шүлэг | Оноо: 10/2 | Үржинханд Э )

Шүлэг: Э.Үржинханд : Юуны учир вэ, хонгор минь
Оруулсан admin on 2009-03-11 03:36:30 (4630 уншсан)

Зүрх нэгэнт дурлахаараа зүггүй хүүхэд шиг болдог юм байна
Зүгээр ч сууж чадахгүй үгүйлэн санаад хэцүү юм
Зүүд нойрондоо хүртэл эгэлгүй дүрийг нь тольдоод
Зүйрлэшгүй хачин мэдрэмж хамаг биеийг эзэмдсэн байна
Юуны учир вэ хонгор минь

Огт санаандгүй учралаар харц тулан зогтусчихаад
Оломгүй ханиа оллоо гэж хайраа надад илчилчихээд
Одтой тэнгэр ивээлээ гэж сэтгэл дэврэн догдлоод
Одоо л нэг жаргах нь ээ гэтэл нэвсийсэн гунигт дарагдсан байна
Яагаад энэ вэ хонгор минь

( Дэлгэрэнгүй... | Сэтгэгдэл [] | Шүлэг | Оноо: 10/2 | Үржинханд Э )

Шүлэг: Э.Үржинханд : Эх орон таныгаа
Оруулсан admin on 2009-03-11 01:08:00 (4654 уншсан)

Дээдлэе, эх орон таныгаа дээдлэе
Дэлгэрч бас хагдарч түмэн намтраа үлдээхдээ
Дээр орших гэгээн, хурмастын дайтай дээдлэе би

Дэврэн хуйлрах амьдралын шуурганд аргахад минь
Дэргэдээс тэтгэх хайрын рашаанаас ундаалж
Дуулж уйлан таньдаа зоргоор эрхэлсэний учир
Дэндүү уужим эх орноо эцэг шигээ дээдлэе би

Энхрийлье, эх орон чамайгаа энхрийлье
Эвлэрч бас эвдэрч мянган түүхээ шивнэхдээ
Энэрэлийн их далай ижий шигээ энхрийлье би

( Дэлгэрэнгүй... | Сэтгэгдэл [] | Шүлэг | Оноо: 6/2 | Үржинханд Э )

Шүлэг: Э.Үржинханд : Алсыг зорьж буй чамдаа
Оруулсан admin on 2009-03-03 13:56:00 (4522 уншсан)

Алсыг зорьж буй чамдаа дурлалаа би дайлаа
Амраг сэтгэл сэвэлзүүлээд
Алаг зүрхийг минь эсгээд
Алсын хот руу явлаа чи минь

Аян холын замдаа алжаал үгүй хүрсэн үү
Аль эсвэл над шиг санахын шаналанд автсан уу

Харийг зорьж буй чамдаа итгэлээ би өглөө
Хонгор сэтгэл хөвөлзүүлээд
Хүрэн зүрхийг минь хөндөөд
Хүний нутаг руу нислээ чи минь

( Дэлгэрэнгүй... | Сэтгэгдэл [] | Шүлэг | Оноо: 5/1 | Үржинханд Э )

Шүлэг: Э.Үржинханд. : Учрахсан
Оруулсан admin on 2009-02-19 00:52:05 (4342 уншсан)

Учрахсан
Учрахсан гэж дурлалыг удаан хүлээлээ
Уярахсан гэж хайрыг би удаан хайлаа
Газар дэлхий дээр дурлагсад зуу зуугаараа байхад
Гагцхүү намайг л тойрох нь юуны учир вэ

Дурлахсан,
Дурлахсан гэж он цагийг туулан хүлээлээ
Дуулахсан гэж орчлонг аргадан шүлэглэлээ
Дуулим хорвоо дээр хүмүүн мянга мянгаараа байхад
Даанчиг намайг л тойрох нь юуны учир вэ

Хайрлахсан,
Хайрлахсан гэж хэн нэгнийг өчнөөн хүлээлээ
Хайлахсан гэж зүрхээ чагнан өчнөөн эрлээ
Хөрст дэлхий дээр хайрлагсад бум түмээрээ байхад
Харин намайг л олохгүй нь юуны учир вэ

"Өөртөө үнэнч үлдэнэ" шүлгийн түүврээс

( Сэтгэгдэл [] | Шүлэг | Оноо: 5/1 | Үржинханд Э )

Шүлэг: Э.Үржинханд : Шүлгэн дарс сөгнөхүй
Оруулсан admin on 2009-02-17 21:38:25 (4336 уншсан)

Омар Хайяамын сэтгэлийн шүүдэртэй шүлгээр ундааллаа
Одоогоос 1400-аад жилийн өмнө дарсан дарснаас амслаа
Оюуны минь аглагт миний туулалгүй өнгөрч одсон бүхнийг
Онгод хийгээд билэг цогц гэгээн найрагч шүлэглэн мөнхөлжээ.

Орчлонд би эсэж огшсон дарснаас амтлан амсая гээд
Орь гэгээн хүсэл бүхий шүлгэн дарснаас илүү амттайг нь олохгүй биз
Омголон бардам Отеллогийн дурлал шиг хичнээн нууцлаг
Оюунлаг, гэгээн дээдсийг бишрэн шүлгэн дарсыг тамшаалнам

Оргилох их авъяас билгийн ариун дагшиныг магтан байж
Огторгуйгаас ирэх ех бусын гэрлийн дор тэргүүнээ мэхийж
Оддын дунд суу билгээрээ мөнхрөх ирээдүйн их хүмүнд
Орчлонгийн бүх яруу найрагчдын төлөө одоо би дарсаа нэрье

"Өөртөө үнэнч үлдэнэ" Шүлгийн түүврээс

( Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Шиврээ бороо
Оруулсан admin on 2008-05-02 01:12:44 (6659 уншсан)

Сонсох тусам шивнээ мэт сэмхэн, аргадангуй зөөлөн
Сондор мөнгөн дуслууд нь нулимс мэт тунгалагхан
Харах тусам ялдамхан, бас амирлангуй гэгээн
Хайлан уярах хүмүүний сэтгэлийн нууцыг хөндөнө
Намс намсхан наашилсаар нарны өмнүүр бүрхэж
Навч навчны алган дээр хөнгөн сүүдрээр хучиж
Гэгэлгэн салхины үзүүрээр итгэлгүйхэн илбээд
Гэгээн гунигийн мөртүүдээр зүрхний чандад хүрнэ
Өөрийн эрхгүй эргэцэх бодлын мананд уусаж
Өнгө алаг хорвоогийн сайн мууг бясалгаж
Сэмрэн орох дуслаар нь сэтгэлээ би угааж
Сэрж чадамгүй зүүд шиг гүн бодолд автана
Сонсох тусам ялдамхан тэгээд аргадангуй зөөлөн
Харах тусам яруу сайхан бас амирлангуй гэгээн
Сондор мөнгөн дуслууд нь нулимс мэт болортоод
Хайлан уярах хүмүүний сэтгэлийн нууцыг хөндөнө

( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Нартай тэмцэлдэж бичсэн шүлэг
Оруулсан admin on 2008-05-02 01:12:08 (4663 уншсан)

Нар чи орчлонг гийгүүлж зулай дээрээс манддаг
Нар чи ертөнцийг эзэгнэж орой дээр залардаг
Нар чи амьдрал бэлэглэж зүрхэнд гэрэлтдэг
Нар чи алсын алсаас энэрэл юугаа хайрладаг.
Гэвч чамайг магтан дуулж аялгуулахаас илүүтэй
Гэгээн бодлын өчил юугаа яг одоо дэлгэмээр
Мянга мянган маргааш өчигдөр болон хувирахад
Мянга мянган амьдрал түүх болон үлдэхэд
Мандахаас эхлээд жаргах хүртэл чи л хамт байсан ч
Маргааш нь нэг л янзаараа гэрэлтэн байдаг
Хэрхэн ийм орших тэр эрхэмсэг дүрийг эсгэж
Хэрхэн ингэж нулимсаа харуулалгүй мөнхөд үлдэх
Хичнээн түмэн жилийн амар амгаланг олох вэ
Дулаан илчээрээ чи дэлхий даяныг ивээдэг ч
Дуулах дууг минь ч үл сонсон эрхэмсэгээр оршдог бус уу
Түм түмэн жил хүн төрөлхтөн мөхөж, мандах
Түүхийн аль ч үед чиний л өлмийд сөхөрдөг
Аугаа их эрхэмсэглэлийг “нар” таниас өвлөсөн ч
Аяа, юундаа чамд доор өөрийн эрхгүй мэхийнэм
Тэнгэрт чи эрхэлж дэлхийг даяныг сөхрүүлж
Тэндээс ертөнцийн эрээн барааныг ажиглаж

( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Тэнд
Оруулсан admin on 2008-05-02 01:11:34 (3676 уншсан)

Тэнд харсан төрх зүрхэн тольтод минь мөнхөрч
Тэнд бодсон бодол дурсамжийн өрөөнд үлдэж
Тэнд цацарсан наран сэтгэл дотор гэрэлтэж
Тэнд очсон өдрийн тухай хэзээ ч мартамгүй ариухан

Тэнд орсон борооны дусал харцан дунд тунгалагтаж
Тэнд үлээсэн салхи нь шивнээ болон бүжиглэж
Тэнд хүлээсэн мөчүүд зүрхний цохилтоор урагшилж
Тэнд аялсан дуу бүхэн шувуудын далавчинд дайгдаг аа

Тэнд ирсэн малгайтай хүн захаа засан цэмцгэнэж
Тэнд ургасан цэцгийн сайхныг баглаа болгон хамж
Тэнд хүлээсэн бүсгүйдээ дурсгах гэж догдолсон ч
Тэр намайг мэдэхгүй хэвээрээ тэндээ үлдэг ээ
Э.Үржинханд

( Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Үзэг бэхний мөрөөр
Оруулсан admin on 2008-05-02 01:11:03 (4339 уншсан)

Үзэг бэхний мөрөөр бодол бүхэн минь мөнхөрч
Үлэмжийн гайхамшигт амьдралаар амьдарсныг минь гэрчилнэ
Үймсэн их салхи шиг замбараагүй энэ орчлонд
Өнийн урт дурсамжийг бүтээснийг минь батална
Бодол бодлын хэлхээ салхи бүхэнтэй ханьсаж
Босон суун элээсэн эрээн өдрүүдийг сануулна
Будан манан ээлжлэн нэгэн цогцыг бүтээж
Буурал энэ хорвоогийн үнэн бүхнийг илчилнэ
Учрал хагацлын тохиолд салхи мэт ганхалгүй
Уужим энэ ертөнцийн хатуу зөөлнийг мэдрэнэ
Уйлан дуулахын завсар он жилүүдийг туулж
Уудам сайхан хорвоод хүн байсныг минь нотлоно
Цагаан сэтгэл бүгээн гунигийн завсар хатуужиж
Цал буурал суухаас урьтаж ухаарлын шатаар өгсөнө
Цас борооны хэмнэлээр насны тоо нэмэгдэж
Цаглашгүй их зовлон жаргалыг туулсны гэрч энэ ээ

Э.Үржинханд

( Сэтгэгдэл [] | Шүлэг | Оноо: 5/1 | Үржинханд Э )

Шүлэг: Э.Үржинханд : Үүрд дуусахгүй маргаашаар баян ч
Оруулсан admin on 2008-05-02 01:10:16 (4263 уншсан)

Үүрд дуусахгүй маргаашаар баян ч
Үлдэж хоцрох өчигдрөөр харин дутуу
Үлэмжийн сайханд ханаж цадахаа мэдэхгүй
Үнэндээ хүн гэдэг яасан шуналтай юм бэ дээ
Уужуу амьсгалах агаараар баян ч
Ухаан балартам зовлон бас их юм
Улыг минь шагайж араас минь архирч
Улин хуцах ноход шиг нөхөд гэж байх юм
Гэвч, улираад одох мөч бүхэн дахин тохиохгүй
Урсаад одох цаг хугацаа эргэж ирэхгүй
Үүрдийн биш энэ нас нэгэн цагт дуусна
Өнгөрснөө бодоход гуних зүйлгүй амьдрах сайхан
Цацран цацрах нарны гэрэл сайхан ч
Цаашлан одох өдөр бүхэн хайран
Цамаархаж, өчигдрийн тухай мартдаг

( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Хайрын мананд хөлчүүрхэж омголон загнаж явахад
Оруулсан admin on 2008-03-31 10:18:06 (3497 уншсан)

*** *** *** ***
Хайрын мананд хөлчүүрхэж омголон загнаж явахад
Хатуу бүхнийг мэдрүүлсэн хагацал чамайг танилаа
Эцгийн голомтонд би үүрд эрхлэх юм шиг
Энгүй сайхан жаргалд нь эндүүрч ташуурч явлаа

Захиж хэлсэн үгсийг нь задгай мөнгө шиг цацалж
Зориулж хийсэн бүхнийг нь борооны ус мэт асгалж
Орчлонгийн жаргалд би мөнхөд умбах юм шиг
Омголон их бардамналдаа одоо гэмшиж сууна даа
*** *** *** ***
"Өөртөө үнэнч үлдэнэ" шүлгийн түүврээс Э.Үржинханд

( Сэтгэгдэл [] | Шүлэг | Оноо: 5/1 | Үржинханд Э )

Шүлэг: Э.Үржинханд : Чи
Оруулсан admin on 2008-03-27 01:57:57 (3710 уншсан)

Чи
Сэрж босоод тэнгэрийн өнгийг шинжинэ
Сэрж босоод сэтгэлийнхээ өнгийг үл мэднэ
Эргэж хараад толинд нүүрээ ширтэнэ
Эргэлдэвч харин сэтгэлийн дүрээ үл харна
Чи
Зорьж ирээд зүс царайг минь ширтэнэ
Зовхины минь цаадах гуниг баярыг үл ажина
Зөрж одох бүхэнд дурсамж хэлхэн урлана
Зуур ч болов зовлон жаргалыг минь үл мэдрэнэ
Чи
Буцаж одохдоо маргаашийн өдрийг зөгнөнө
Буцаж ирэхдээ өчигдөрийн тухай мартана
Насан туршдаа харамлах гэж надаар чи дутавч
Насан туршдаа хайрлах гэж чамаар би дутавч
Чи
Навчны хээ тоолдгүй шиг гунигийг минь ер аждаггүй
Намрын тэнгэрийн санаа алдахыг огт сонсдоггүй
Налгар сайхан уул шиг дүр төрх чинь ихэмсэг ч
Намайг харах бүрдээ өөрийхөө л төлөө амьдардаг аа, чи

"Өөртөө үнэнч үлдэнэ" шүлгийн түүвэр Э.Үржинханд

( Сэтгэгдэл [] | Шүлэг | Оноо: 5/1 | Үржинханд Э )

Шүлэг: Э.Үржинханд : Тэнгэрийн нулимсыг амслаа
Оруулсан admin on 2008-03-27 01:57:13 (3864 уншсан)

Хувирашгүй мөнх оршиж орчлонг дээрээс тольдох
Хурмастын их гуниг ямар гэгээхэн юм бэ
Уйлахдаа асгарах уяралд нь сэтгэл минь өмөрч
Урсах борооны дусал тэнгэрийн нулимсыг би амслаа
Унасан нулимс нь далай шиг шорвог биш болохоор
Уудам хорвоо тэр аяараа сэргэдэг юм билээ
Заримдаа тэр догширохдоо аадар бороогоор уйлна
Заримдаа бүр байж ядахдаа мөндөр шидлэн гомдоллоно
Чанга гэгч нь дугарч аянга болоод ниргэнэ
Цамнаж дэлхийн элгэн дээгүүр үер болон урсана
Цасан ширхэг болж орчлон даяар тэнүүчлэнэ
Цаанаа л нэг энэрэнгүй инээмсэглэл дэлгэж найрсана
Цайлган болохоор бүхнийг өршөөж үүлээ сөхөж тайвшрана
Нэг л их санаа алдах нь салхины аясаар мэдрэгдэнэ
Нэлэнхүй орчлонгийн сайн мууг ямагт тэр л мэднэ
Нөмгөн хөх үүлсээрээ хорвоог аргадаж гоёно
Нээрээ, тэнгэрийн нулимс хүнийх шиг гашуун биш юм билээ
Тэр ариухан хураар нь дэлхий угаагдаж ариусдаг
Тэр болорхон дуслаар нь ангасан ургамал сэргэдэг
Тэр харамгүй хайраар нь амьдрал бүхлээрээ тэтгэгдэг
Тэгээд ер бусын шивнээгээр нь түүнтэй би ярилцадаг аа.

''Өөртөө үнэнч үлдэнэ'' Шүлгийн түүврээс Э.Үржинханд

( Сэтгэгдэл [] | Шүлэг | Оноо: 0/0 | Үржинханд Э )

Шүлэг: Э.Үржинханд : Хөндүүрлээд байгаа зүрхний минь үер мэт зовлон
Оруулсан admin on 2008-03-27 01:46:58 (3750 уншсан)

Хөндүүрлээд байгаа зүрхний минь үер мэт зовлон
Хөшгиний цаана шуурах хаврын салхи мэт тавгүй
Хээрийн үнэр, яргуйны настай зуурын төдий бодлууд
Хэзээ ч юм зурсан зураг шиг тавилангийн өрөөнд төөрөлдөнө

Ханш нээж урин цагийн дуулал орчлон даяар эгшиглэхэд
Сэтгэл гэдэг тогтож өгөхгүй хавсрага мэт хуйсагнаад
Харгуй замаар нялх ургамал амьдрал царайчлан соёолох
Хамаг бүхнийг өрөвдөж зүрх шимшрээд нэг л тавгүй

Энэрэх гэсэндээ гишгэж чадамгүй хөөрхий тэр навчис
Эмзэглэхийг минь мэдрээд бөхийж байх шиг санагдана
Ивээл дулаан нарны дор ертөнцийн нэгэн эс би бээр
Эгэлгүй их хайраараа орчлонг бүхлээр нь жаргаахсан

Өөртөө үнэнч үлдэнэ" шүлгийн түүврээс Э.Үржинханд

( Сэтгэгдэл [] | Шүлэг | Оноо: 5/1 | Үржинханд Э )

Шүлэг: Э.Үржинханд : Алсад ч, дэргэд ч…
Оруулсан admin on 2008-03-11 23:38:26 (3881 уншсан)

Алсад ч, дэргэд ч очиж үзээгүй газар өчнөөн бий
Алгаараа ч, харцаараа ч мэдэрч үзээгүй цэцэгс төчнөөн бий
Алдсанаа ч мэдэлгүй будилж одсон учрал зөндөө бий
Амьдралд авч болдоггүй зүйл гэж хичнээн олон юм бэ дээ
Амттай гэсэн дарс болгоныг бид уух албатай гэж үү
Өнгөтэй гэсэн цэцэг бүхнийг бид тасдах албатай гэж үү
Сарвайсан бүхнээ авах гэсэн зоргоор хүслэнт хүмүн бидэнд
Сар наран өгөөмөрөө дэлгэж цацрагаа ямагт илгээнэм
Алгасаж одсон хичнээн өртөөнд нөхөж буудаллах шиг
Алдаж оносон хичнээн буруугаа ухаарлаар гэмших шиг
Аяа, амьдрал гэдэг төгс бусын их далайн гүнд
Алдхан биеээрээ уусаад сувд болон мөнхөрнөм бид
2008.03.10
Өөртөө үнэнч үлдэнэ Шүлгийн түүвэр 2008 он

( Сэтгэгдэл [] | Шүлэг | Оноо: 0/0 | Үржинханд Э )

« өмнөх 1 2 3 4 5 678 9 дараах »

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 121 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

erd-007.JPG
Хэмжээс: 600x450 95k
Сэтгэгдэл: 0
Үзсэн: 4281

Х. Ууганбаяр 80х100, зотон тос
Sound of silence
Хэмжээс: 600x761 272k
Сэтгэгдэл: 0
Үзсэн: 5209

Должин : 2007 оны аялал
mongolia2007year-101.JPG
Хэмжээс: 600x450 93k
Сэтгэгдэл: 0
Үзсэн: 4328

Агуулга

Tuesday, 2015.06.02
·	Э.Үржинханд : Анирхүү / 12-р хэсэг /
·	Э.Үржинханд : Анирхүү / 11-р хэсэг /
Monday, 2015.05.25
·	Э.Үржинханд : Анирхүү / 10-р хэсэг /
Friday, 2015.05.22
·	Э.Үржинханд : Анирхүү / 9-р хэсэг /
Monday, 2015.05.18
·	Э.Үржинханд : Анирхүү / 8-р хэсэг /
Friday, 2015.05.15
·	Э.Үржинханд : Анирхүү / 7-р хэсэг /
Monday, 2015.05.11
·	Э.Үржинханд : Анирхүү / 6-р хэсэг /
Thursday, 2015.05.07
·	Э.Үржинханд : Анирхүү / 5-р хэсэг /
Monday, 2015.05.04
·	Э.Үржинханд : Анирхүү / 4-р хэсэг /
Wednesday, 2015.04.29
·	Э.Үржинханд : Анирхүү / 3-р хэсэг /
Monday, 2015.04.27
·	Э.Үржинханд : Анирхүү / 2-р хэсэг /
·	Э.Үржинханд : Анирхүү / 1-р хэсэг /
Monday, 2014.10.27
·	Э.Үржинханд : Улаан навчис унахуйд
Friday, 2014.10.24
·	Э.Үржинханд : Навчисын унах чимээ
·	Б.Үржинханд : Нэг сайхан ярилцахсан
Wednesday, 2014.04.09
·	Э.Үржинханд : Эмзэглэхгүй
Saturday, 2014.03.08
·	Э.Үржинханд : Хонгорхон бүсгүйчүүд та нар минь
Thursday, 2014.03.06
·	Э.Үржинханд : ЗӨНДӨӨ ХАЙРТАЙ яруу найргийн цомог
Tuesday, 2013.10.01
·	Э.Үржинханд : Ээждээ дэндүү хайртай
·	Э.Үржинханд : Усан сэтгэлтэн биш ээ
·	Э.Үржинханд : Урт намар, бас...
·	Э.Үржинханд : Аадрын дараах
·	Э.Үржинханд : Бороотой болзоо
·	Э.Үржинханд : Өөрийгөө сонс
·	Э.Үржинханд : Цайрах алсаас
·	Э.Үржинханд : Дан ганцаараа буй дайчин эмэгтэйчүүдэд
Tuesday, 2013.05.28
·	Э.Үржинханд : Хайр
·	Э.Үржинханд : Үерлэж дуусдаггүй мөрөн сэтгэл
Monday, 2013.03.18
·	Э.Үржинханд : Эр хүн танд
Tuesday, 2013.03.05
·	Э.Үржинханд : Нарнаас тод наран
·	Э.Үржинханд : Ижий шувуу
Saturday, 2013.02.23
·	ШУВУУТАЙ ЦҮНХ өгүүллэгийн түүврийн Гурав дахь удаагийн хэвлэл гарлаа
·	Э.Үржинханд : Дэлхий шүүрс алдахын зуураа
Monday, 2013.02.18
·	Э.Үржинханд : Эрдэнийн чулуун бөгж /Өгүүллэг/
Thursday, 2013.02.14
·	Э.Үржинханд : Хайрын тухай цээлхэн дуугаар
Wednesday, 2013.02.13
·	Э.Үржинханд : Энэхэн зуур
·	Э.Үржинханд : Дэлгэр уудам Монголын минь...
Saturday, 2013.02.09
·	Э.Үржинханд : Бурхан харж байгаа
·	Э.Үржинханд : Хэзээ ч битгий мартаарай
·	Э.Үржинханд :Алсын гэрлийн хэлтэрхий

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn