BIIRBEH.MN by Bataka

Шүлэг: С.Буянцогт : Би нутгаа санаад байх юм
Оруулсан admin on 2008-11-05 06:38:55 (3958 уншсан)

Би нутгаа санаад байх юм
Биенд минь лугшаа цус
Усаа санаад байх юм

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Санааны гүнд нутагтай
Оруулсан admin on 2008-11-05 06:38:22 (4167 уншсан)

Сэвсээ салхинаар илбүүлэх урсгал усан шиг
Сэв сэмхэн зайртсан чиний минь нүд,
Сарны дор шивнэсэн ганц үг чинь
Санааны гүнд нутагтай амьд эгшиг юм

Сарны дор шивнэсэн болохоор
Санаанд оромгүй тансаг юм
Салахын цагтаа хэлсэн болохоор
Санаанаас гарамгүй тунасаг юм

Урсгал уснаас угаалгах хайр чулуу шиг
Удаах хоног хүлээсэн миний л сэтгэл,
Одны дор шивнэсэн ганц үгийг чинь
Одоо ч гэсэн мартаагүй хэвээрээ юм

Одны дор шивнэсэн болохоор
Ой тойнд баймгүй тансаг
Одохын цагтаа хэлсэн болохоор
Ой тойноос холдомгүй тунасаг юм

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Наашаа нутаг
Оруулсан admin on 2008-11-05 04:41:59 (3707 уншсан)

Их талын цаанаас салхи намсаж наашилна
Ив дарсан харанхуйг шингэлж сар наашилна
Тэнгэрийн элгэнд үүргэлсэн уул эвшээж наашилна
Тэмтрэгдэхийн чинээгээр ойртон нутаг минь наашилна

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Чамайг санах намрын шөнөөр...
Оруулсан admin on 2008-11-05 04:41:28 (4001 уншсан)

Чамайг санах
Намрын шөнөөр
Гадаа бороо шаагина
Сэтгэлд байгаа хэрнээ
Чи
Тэр бороон дунд
Намайг хүлээнэ
Түрлэгэр алаг нүд чинь
Харанхуйнх болчихсон
Тунамал цагаан царайн чинь туяа
Үүлнийх болчихсон
Туньсан хөх нулимс чинь
Борооных болчихсон
Чамайг санах
Намрын шөнөөр
Гадаа нулимс асгарна
Сэтгэлд чинь байгаа болохоор
Би
Тэр нулимсан дунд
Чамайг хүлээнэ.

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Жаргалтай байдгийм
Оруулсан admin on 2008-11-05 04:40:51 (4187 уншсан)

Салгуу алсад амьдарч яваа юм болохоор
Санаа санаандаа тээгээд явах ч жаргалтай байдгийм
Зүйл зүйлийн сураг нь ирдэг л байгаа биз
Зүүдлэх болгондоо учрах нь сайхан л байдгийм

Бойдуу алсад амьдарч яваа юм болохоор
Бодол бодолдоо тээгээд явах ч жаргалтай байдгийм
Сэм сэмхэн сураг нь ирдэг л байгаа биз
Сэтгэл нялхамсан санах нь сайхан л байдгийм

Зүтгүү алсад амьдарч яваа юм болохоор
Зүрх зүрхэндээ тээгээд явах ч жаргалтай байдгийм
Сайн муу сураг нь ирдэг л байгаа биз
Санах тусмаа ухаарч амьдрах сайхан л байдгийм

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Дэргэд ялаа үнгэнэнэ
Оруулсан admin on 2008-11-05 04:40:19 (3981 уншсан)

Дэргэд ялаа үнгэнэнэ
Дэмий орчлонг өрөвдөөд байгаа шиг...
Цусанд шунан дайраад л
Шороон түмэн цэрэг нь үрэгдээд л...

Хажууд ялаа дүнгэнэнэ
Хайртай амьдралаа дуулаад байгаа шиг...
Халшралгүй дуулаад л
Хана, цонхыг хагачаад л...

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Уянгын их найраг - миний эх орон
Оруулсан admin on 2008-11-05 04:39:54 (6459 уншсан)

1
Нар үнэртсэн
Монгол гэрийн бууцнаас
Уурганы минь хуйвь сунаж хүрдэг
Есөн том гараг одон, нар, хөх тэнгэр
Миний эх орон.

Сүү үнэртсэн
Монгол гэрийн хаяанаас
Нүүдэлчин монголын сэтгэл тэлж хүрдэг
Саран тамгат газар
Энэ миний эх орон
Өвөг дээдсийн минь
Хайраа дархалсан газар шороо.

( Дэлгэрэнгүй... | Сэтгэгдэл [] | Шүлэг | Оноо: 5/1 | Буянцогт /Цахарын/ С )

Шүлэг: С.Буянцогт : Би өөр лүүгээ
Оруулсан admin on 2008-11-05 04:39:23 (5418 уншсан)

Би сар шиг тэнэж
Өрнө рүүгээ
Би салхи шиг эргэж
Дорно руугаа
Би тэлсэн нумын хөвч харих шиг
Өөр лүүгээ
Би төв Азийг тэлж орших
Нутаг руугаа...

Би тэнгэр цөмөлж
Өөдөө
Би ус цоолж
Уруугаа
Би уулнаас буух хүрхрээ шиг
Өөр лүүгээ
Би тэнгэр газрын дунд тогтох
Монгол руугаа л ...

( Дэлгэрэнгүй... | Сэтгэгдэл [] | Шүлэг | Оноо: 0/0 | Буянцогт /Цахарын/ С )

Шүлэг: С.Буянцогт : Хоригдол
Оруулсан admin on 2008-10-31 09:37:00 (3930 уншсан)

Бид үхэгсдийнхээ
Хоригдол

Мөдхөн л суллагдъя гэхэд
Мөнх л эндээ байя гэж дасах

Бид өөрсдийнхөө
Хоригдол

( Сэтгэгдэл [] | Шүлэг | Оноо: 0/0 | Буянцогт /Цахарын/ С )

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 346 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-272.JPG
Хэмжээс: 600x450 75k
Сэтгэгдэл: 0
Үзсэн: 3500

orkh-014.JPG
Хэмжээс: 600x450 132k
Сэтгэгдэл: 0
Үзсэн: 6160

B2-004.JPG
Хэмжээс: 600x450 123k
Сэтгэгдэл: 0
Үзсэн: 3834

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2023 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn