Нүүр Гишүүн Шүлэг Өгүүллэг Сургамж Зөвлөгөө Зургийн цомог Холбоо барих
 

Сайтын мэдээлэл ...
Facebook
Twitter
RSS2

Mail : info@biirbeh.mn
Mobile : 9907-6364

Нэрээр
  ''Өврийн дэвтэр'' яруу найргийн реалити шоу  
  4-н мөртүүд  
  Sienna  
  Window of Mongolian poetry  
  Youtube  
  Агиймаа Э  
  Алтангадас  
  Алтанхундага А  
  Амарбаяр М  
  Амарсайхан A  
  Амарсанаа Б  
  Амор Хайям  
  Ардын аман зохиол  
  Ариун-Эрдэнэ Б  
  Ариунболд Энх-Амгалан  
  Афоризм  
  Аюурзана Г  
  Бавуудорж Ц  
  Багабанди Н  
  Бадарч П  
  Базардэрэг Н  
  Байгалмаа А  
  Батзаяа Б  
  Батзүл Д  
  Батнайдвар М  
  Батнайрамдал П  
  Батнасан Лу  
  Батрэгзэдмаа Б  
  Баттуяа Ц  
  Батцэцэг Ш  
  Баяр ёслол хурим найр  
  Бодрол  
  Болдхуяг Д  
  Болор-эрдэнэ Х  
  Болормаа Б  
  Болормаа Х  
  Бум-Эрдэнэ Түмэнбаяр  
  Бум-Эрдэнэ Э  
  Бусад  
  Буянзаяа Ц  
  Буянцогт C  
  Буянцогт /Цахарын/ С  
  Бямбаа Жигжид  
  Бямбажаргал Ц  
  Бүжинлхам Эрдэнэбаатар  
  Гадаадын уран зохиол  
  Галсансүх Б  
  Ганзориг Батсүх  
  Ганзориг Б  
  Гэсэр  
  Гүрбазар Ш  
  Дагмидмаа Ч  
  Далай ламын айлдвар  
  Дамдинсүрэн Цэнд  
  Дашбалбар О  
  Дениска Михайлов  
  Дорж Зундуй  
  Дорж Б  
  Доржсэмбэ Ц  
  Дулмаа Ш  
  Дууны үг  
  Дэлгэрмаа Ц  
  Дэлхийн уран зохиол  
  Ерөөл, Магтаал  
  Жамбалгарав Ц  
  Зохиолчдын намтар  
  Зүйр цэцэн үг  
  Ичинхорлоо Б  
  Кана Б  
  Лодойдамба Ч  
  Лочин Соном  
  Лхагва Ж  
  Лхагвасүрэн Б  
  Лхамноржмаа Ш  
  Монгол Улсаа хөгжүүлье  
  Монголын өгүүллэгийн цоморлиг 2003  
  Мэдээ, мэдээлэл  
  Мөнх-Өлзий Б  
  Мөнхбат Ж  
  Мөнхсайхан Н  
  Мөнхтуяа А  
  Мөнхцэцэг Г  
  Мөнхчимэг А  
  Намдаг Д  
  Намсрай Д  
  Нацагдорж Д  
  Номин Г  
  Номинчимэг У  
  Нямсүрэн Д  
  Оюун-Эрдэнэ Н  
  Оюундэлгэр Д  
  Пүрэв Санж  
  Пүрэвдорж Д  
  Пүрэвдорж Лувсан  
  Пүрэвсүрэн Соёрхын  
  Равжаа Д  
  Ринчен Б  
  Сумъяа Доржпалам  
  Сургамж  
  Сүглэгмаа Х  
  Сүрэнжав Шарав  
  Сүхбаатар Ширчин  
  Сүхзориг Г  
  Тайванжаргал Н  
  Төрбат Д  
  Урианхай Д  
  Уугансүх Б  
  Хасар Л  
  Хишигдорж Л  
  Ховд Их сургуулийн Утга зохиолын нэгдэл  
  Хулан Ц  
  Хүрэлбаатар Ү  
  Хүрэлсүх М  
  Хүүхдийн дуу  
  Цэемаа М  
  Цэцэнбилэг Д  
  Чойном Р  
  Чоно  
  Чулуунцэцэг Б  
  Шагж гэлэн  
  Шог өгүүллэг  
  Шүлэг  
  Шүүдэрцэцэг Б  
  Энхбат Балбар  
  Энхболд Энхбаатар  
  Энхболдбаатар Д  
  Энхтуяа Б  
  Энхтуяа /Эмүжин/ Р  
  Энэбиш Батсамбуу  
  Эрдэнэ С  
  Эрдэнэ-Очир Арлаан  
  Эрдэнэсолонго Б  
  Эрхэмцэцэг Ж  
  Явуухулан Б  
  Ярилцлага  
  Үлгэр  
  Үржинханд Э  
  Өвөр Монголын яруу найраг  
  Өгүүллэг  
  Өлзийтөгс Л  
  Өөрийгөө ялах нь  

Ангилал
  Article1  
  Шүлэг  
  Өгүүллэг  
  Найраглал  
  Афоризм  
  Богино өгү  
  Роман, тууж  
  Зүйр цэцэн  
  Үлгэр  
  Ертөнцийн  
  Ардын аман  
  Нийтлэл  
  Дууль  
  Сургамж  
  Зөвлөгөө  
  Мэдээ  
  Намтар  
  Ярилцлага  
  Ерөөл магтаал  
  Дууны үг  
  Ардын аман зохиол  
  Youtube  
  Дурсамж  
  Бусад  

Дэм дэмэндээ гэж
Та бүхнийг бидэнд туславал бид баярлах болно.
$



 

Шүлэг


Шүлэг 		 Шүлэг: Д.Бямбажав : НАМАР
Оруулсан admin on 2023-10-18 14:24:18 (464 уншсан)

Сэтгэлд далдын гуниг үргээж салхи сэвэлзэнэ
Итгэлд хайрын шивнээ мялааж амраг минь эрхэлнэ
Сэмбэрүү манан газраар хөглөрч тэнгэр хуйсагнана
Сүмэн өвс өнгөө гоёж дэлхийг аргадна

Намайг хайрласан бүхний зүрхэнд би уянга болж эгшиглэнэ
Намрын гурван сарыг аргамжиж ятга болон товшуурдана
Зөөлөн зүсрээ нь дээвэр гижигдсэн энэ өдрүүдийн
Зүүсгэл гоёл нь миний энхрийхэн хайр байж нялхарна

Тэртээгээс морьтон бууж мордох дэлгэр цагийн
Тэлмэн жороо аялгуунд таанын замбага сугсарна
Тэрлэг нимгэн бүсгүйн уяхан гоо бэлхүүсэнд
Тэнгэрийн нарны ханхүү мөнгөн бүс ороож үзэгдэнэ

Суль өвс жиндээж мэдэх оройтсон борооны
Цул итгэл алдарч болох солонгон өнгөнд
Сэтгэлийн шувуу нисэн нисэн бууж далдыг шивнэнэ
Сэмхэн гуниг үргээн үргээн ойртож бодлыг минь уншина

Үүл эсгэн ганганах шувуудын зэллээнд хүслээ дайж
Үрэл мөнгөн шүүдэрт цэцэгсийн дэлбээнд өлмийгөө зүлгэж
Өөрөө би цуурай нь оддын чөлөөнд нэвт гэрэлтэх
Өнөөдрийг маргааштай нь холбосон цахилдган цэнхэр бөгж юм

Огторгуйд анивчин анивчин шөнийн мэнд илгээсэн
Оддын дурлалыг энд хэн нэг нь тосон авч
Хязгааргүйн гүнээс уусан мэлтрэх зүүдний тайтгаралдаа
Хайрын шувуухай болгон алган дээрээсээ нисгэнэ

Энд би намрын тухай шүлэг тэрлэж суухад
Тэнд өвлийн цасны цагаахан хяруу хялмаалж эхэлнэ
Энд навчисын сэрчигнээнд бодол хулжиж өртөөлөхөд
Тэнд найрын дугараа уртын дуутай шуранхайлна

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: А.Эрдэнэ-Очир : Голын тохой дээр
Оруулсан admin on 2023-10-18 03:23:51 (24314 уншсан)

Дорноговь аймгийн Улаанбадрах сумын уугуул Д.Нацагдоржийн нэрэмжит шагналт, “Болор цом” яруу найргийн наадмын эзэн, яруу найрагч, Монгол Улсын соёлын гавьяат зүтгэлтэн Арлааны Эрдэнэ-Очир

 

Газрын магнайнаас хөлөрч урссан Сэлэнгийн салаа тохой дээр
Гандсан намрын шаргал өдөр устай мушгиран одохыг харжээ суугаад
Ганц дуу чамд зориулан дуулж түүнийгээ тэнгэрийн цээлд нараар мэтгэн
Ганихан хорвоогийн өнгөн дээр бусдын зүрхэнд шигтгэн гэрэлтүүлэх болов би

Амьдрал мөнхийн зүүд минь тэнгэрийн зурсан зураг минь
Алдааг нь цуглуулахад ч жаргал амтагдмаар хонгор минь
Алсаас над руу урссан цаг хугацааны зэрэглээн дундаас
Амжиж миний олж харсан үл мэдэг инээмсэглэлт минь



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Аюурзана 	Г	 Шүлэг: Г.Аюурзана : Миний мэдэх намар
Оруулсан admin on 2023-10-16 06:01:31 (4047 уншсан)

Харсаар байтал зуны сарууд яг дэргэдүүр минь өнгөрч
Хачин уйтгартай ч нэг л танил шаргал өдрүүд ээлжилнэ
Навчис, шувууд, дурлалууд надаас холдоод явахын цагт
Намрын бороо зуных шиг шивэрч сэтгэл үймүүлэх нь юу вэ

Чиний тухай бодлуудыг минь намрын салхи холоо хийсгэж
Чийглэг зөөлөн уруулын хээ навчтай цуг хатчихсан байна
Амрагийн сэтгэл шувуу шиг үргэж би намар шиг гунихын цагт
Арван сар гэдэг надад амьдрал шиг урт санагдаж байна

Инээлдэж байсан цэцэгс толгой гудайх нь үхэл шиг
Илүүдэж байсан дурлалуудаас нэг ч үгүй, цэцэгс шиг
Яг далайн давалгаа шиг шүлгэнд минь хүртэл гуниг шингэчхэж
Ямар их уйтгар вэ намар минь чамайг би өрөвднөм



( Дэлгэрэнгүй... | Сэтгэгдэл [] | Шүлэг | Оноо: 0/0 | Аюурзана Г )

Шүлэг 		 Шүлэг: Зундуйн ДОРЖ : Өглөө болгон эрт босч
Оруулсан admin on 2023-10-14 19:23:04 (617 уншсан)

АУГАА ИХ  ДАНЗАНРАВЖААТАЙ ӨЧҮҮХЭН
ШҮЛЭГЧ НАМАЙГ ЭНДҮҮРСЭН  НЬ
1994 онд хурандаа Жамцын Жамсрангийн "Залуужуулж урт наслуулах увдис ухаан" нэртэй ном хэвлэгдэн гарсан юм. Эдгэршгүй хүнд өвчнийг эмчилгээ, өөрийн ухаан сэтгэлээр эмчилж, эрүүл саруул явахын үлгэрийг ард түмэндээ хайрласан Жамсран гуайн энэ ном бас л нэг чухаг сайхан ном болжээ.
Уг номын гуравдугаар хэсэгт /14-р тал/ "Байгальтай шүтэлцэх ухаан" гарчигтай  бүлэг  байна. Тэр бүлэгт:  "Байгальтай шүтэлцэх ухааныг шууд заан сургасан Монголын их яруу найрагч Догшин ноён хутагт Данзанравжаагийн сургаалыг даган баясч, шүтэн биширч мөргөн залбирч явууштай.

Өглөө болгон эрт босч 
Өндөр тэнгэрийг бүрэн харж бай
Огторгуй хурмаст уужмын хутаг аа 
Оюун ухаанд тань хайрлах болно. 
Орой бүхэн гэрээс гарч
Одон ертөнцийг хүндэтгэн харж бай 
Эрхэс гараг үзэсгэлэн сүлдээрээ 
Эгнэгт Таныг тэтгэх болно. 
Алтан нарыг мандах тоолон
Алаг зүрхнээсээ догдлон харж бай 
Эндэлгүй дэгжихийн учир тавилангаар 
Эрдэнэт бөмбөлөг гийх болно
Ухаант хүмүүн хаа ч явсан 
Уулсын оргилыг бүрэн харж бай
  Баян буурал хангайн хишгээр 
Бат төвшин явах болно 
Учирсан бүхнийхээ нүүр царайг 
Уяхан даруу инээмсэглэн харж бай 
Өнөр өтгөн урт наслахын 
Өлзий хутаг бүрдэх болно 
гэсэн яруу сайхан, хамгаас үнэтэй энэ сүргаалыг өрх гэр, хүн бүрийн амьдралд  шингээх юмсан. Байгальтай шүтэлцэх, бурханд залбиран мөргөхийн алинд ч адилхан ийм үнэнийг дагаж чадвал урт насалж, жаргах өлзий буян лавтай  оршино” гэжээ.
Энэ  шүлгийг  Улаанбаатар Радио хэдэн жилийн турш өглөөний санамж  нэвтрүүлгийн  эхлэл гэж явуулж байна. 
Энд бүхлээр нь иш татсан шүлэг нь Данзанравжаагийн шүлэг биш, миний 1987  онд бичсэн "Хөхөөн дууны  сар" шүлгийн түүврийн эцсийн хуудсанд хэвлүүлсэн "Хөхөөн дууны сар" номын өндөрлөн барих аяны сониноос авсан байж болох юм. 
Aугаа их хүнтэй өөрийгөө андуурсанд нэг талаас би баярлахын дашрамд миний тэр шүлэг хүн ардын урт наслахад хэрэг болох санаа aгyyлгаар  тийм дүүрэн байсан гэж үнэлсэнд баярлах байна. 
Мөнгөн сарыг хөөрөх бүрuйд 
Мөнхүү бас бахархан харж бай 
Сэрж санахын яруу тодыг 
Сэтгэлээрээ ямагт эдлэх болно
гэсэн нэг бадаг уг номонд хасагдсан байна. 
Суут их яруу найрагч  хүнтэй өчүүхэн нэгэн болхи шүлэгчийг андуурсан андуурлыг товчийн төдий тайлж өгсөн бодрол энэ буюу.
Зундуйн ДОРЖ

Зундуйн ДОРЖИЙН “Хасагдавч үрэгдээгүй зохиолууд, хаягдавч дарагдаагүй тохиолууд” номоос...


( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Батсайхан Баттөгс : Миний нутгийн намар
Оруулсан admin on 2023-10-14 16:47:43 (507 уншсан)


Намар намрын улиралд аавыгаа зорино
Нар нь шарсан хангай мишээсээр угтана
Хүдэн татсан уулс минь эцгийн энгэр шиг ханхайж
Хүрээд ирэвүү хэмээн салхиараа үнсэн мишээнэ
Миний нутгийн намар ийм л сайхан
Мэндлээд буцах хорвоод газрын диваажин гэлтэй
Хөлгүй ажил өрнөсөн намрын халуун өдрүүд
Хадлангийн майхан үзэгдэх баянгийн минь хөндий
Хадуур тармуур нажигнасан их хөдөлмөрийн өлгий
Хүйтэний амыг сөрсөн Малчин монгол нүүдэлчин
Тэрэгний хайнаг сүүдэр бараадан хэвтэж
Тэртээ алсаас хөтөлгөө морьтон дэргэж
Утаа суунаглан униартаж майхны амнаас алсарч
Унаган хангай нутагт хадлангийн цаг иржээ
Нар салхинд онгосон эгэл борхон залуу
Наян бухлын өвсийг хөндий дагуулан овоолж
Алх дөшний дуу хад дамжин цуурайтаж
Аглаг хөвчийн гүнд дотно эгшиг хадаана
Миний нутгийн намар ийм л сайхан даа
Мэндлээд буцах хооронд газрын диваажиндаа
Шимийн аагинд халамцуухан уртын дуу шуранхайлж
Шөнийн анирийг цочоож агтны төвөргөөн нижигнэнэ
Гол уруудсан хархүү баянгийн адгаар хоног тааруулж
Гоолиг сэтгэлийн гүнд хайрын гэгээ цацруулна
Миний нутгийн намар ийм л сайхан даа
Мэндлээд буцах хооронд газрын диваажиндаа
Улаан хошуут турилах зэлний шон дээр цуглаад
Уйтгар гунигийн хөгжимийг өөрсдийн хэлээр тоглож
Үе Үехэн сүрэглэх аяны шувуудийн ганганааг
Үдийн наранд аав минь саравчлан сонсох нь Намар юмаа
Миний нутгийн намар ийм л сайхан даа
Мэндлээд буцах хооронд газрын диваажиндаа
Саахалтын айлууд айлсаад сүү цагаа бялхаад
Сарлагын бух хэрж цагаан хяруунд захлаад
Хатан туул минь халуун намраар өрөмтөөд
Хангай сайхан нутагт минь намар эрт болохнээ
Миний нутгийн намар ийм л сайхан даа
Мэндлээд буцах хооронд газрын диваажиндаа
Ойн цоорхойн наранд халиун буга нь урамдаж
Орчлонгийн нэгэн уянгыг бусдын сэтгэлд мэдрүүлж
Танхил согоон сүрэг сүрт тулааныг гайхширч
Тайга хөвчийн нутагт минь намар айлчлан иржээ
Миний нутгийн намар ийм л сайхан даа
Мэндлээд буцах хорвоод газрын диваажиндаа
Зунжин наадсан багачууд сургууль цэцэрлэгээ зорьж
Замтын Өндөр даваа хадагаараа тэднийг ивээж
Сумын дотуур байр хүүхдийн дуунд сэргэж
Суран оосортой цүнхнүүд шинэхэн номонд ижилсэж
Миний нутгийн намар ийм л сайхан даа
Мэндлээд буцах хооронд газрын диваажиндаа
Намар болжээ нутагт минь ...



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Лхагвасүрэн 	Б	 Шүлэг: Б.Лхагвасүрэн : Хуримын зар
Оруулсан admin on 2023-10-10 02:33:35 (28934 уншсан)

Гүүний сүүл хөл дундуураа уруудсан намрын өдөр
Гил хар нүдэн чиний хуримын зарыг олны салхинаас сонслоо
Устай хавчгийг чинь тэгнэлцэж явсан худгийн асгарт хэллээ
Уулзаж учирч байсан намхан толгоддоо дуулгалаа
Найран дээр нь очлоо
Унага тамгалсан найртай давхацсан хурим
Уул доргиосон нижгэр боллоо
Их хөлтөй найрнаас сэтгэл салган гарвал
Эмээлийн мөнгөн баавар дээр хар чийг унажээ
Энтээ уулын хярд, азийн цолмон өеөджээ
Хайрлаж явсан хөөрхөн Хорголжин
Хаданд цав суутал тас тас инээнэ
Эрхэлж унасан намрын мананг яран
"Эр бор харцага" сэрчигнэнхэн замхарна
Уг нь би тэднийд агсам тавья гэж очсон юм
Ухаан ардын дуунд  хүлээтэй байгаад чадсангүй



( Дэлгэрэнгүй... | Сэтгэгдэл [] | Шүлэг | Оноо: 40/8 | Лхагвасүрэн Б )

Баттуяа 	Ц	 Шүлэг: Ц.БАТТУЯА: НАМАР
Оруулсан admin on 2023-09-18 20:14:11 (4779 уншсан)

Надаас урван одох зуны
Хэлж зүрхлээгүй үгсийг намар гэнэ
Над руу шунан тэмүүлэх өвлийн
Хачин нууцлаг санаашралыг намар гэнэ

Намайг хоргоосоор байгаад алдсан хаврын
Нандигнан хадгалсаар яваа хайрыг намар гэнэ
Надад халдаж зүрхлэлгүй халгах уйт цагийн
Наалинхай хонгор аалийг намар гэнэ

Нулимсыг минь даган шиврэх борооны

Нууж залгисан санаа алдалтыг намар гэнэ

Инээдийг минь тандан будрах цасны

Итгэж шивнэсэн үгсийг намар гэнэ

Учирч амжаагүй нэгэндээ

Сараар шивнүүлсэн үгсийг минь намар гэнэ

Уулзаад хагацсан түүндээ

Салхиар илгээсэн уучлалтыг минь намар гэнэ

Ц.Баттуяа 2014.08.27



( Дэлгэрэнгүй... | Сэтгэгдэл [] | Шүлэг | Оноо: 0/0 | Баттуяа Ц )

Бавуудорж 	Ц	 Шүлэг: Ц.Бавуудорж : МЭДРЭМЖИЙН ТУХАЙ ШҮЛЭГ
Оруулсан admin on 2023-09-12 10:09:49 (611 уншсан)


Судрын мөрнөөс тарнийн цэцэгс дэлгэрээд
Чиний зүг алгуурхан шүхэрлэж байдгийг мэдэр
Суу билгийн цагаан бороо 
Чамайг мэндэлсэн цагаас эхлэн дагаж зүсэрсээр буйг мэдэр
Уулсын зүрхэнд гэрэлтэн байгаа лус
Чамайг сониучирхаад ширтэж байдгийг мэдэр
Улаан, шар, ногоон, цагаан, хөх өмсгөлтэй дагинас
Мөрөн дээр чинь агшин бүрт бүжиж байдгийг мэдэр
Ус мөрний цэнхэр, цэнхэр долгис
Угтаа чиний сэтгэлээс ундрах гээд хураагдан буй 
Хөгжим гэдгийг мэдэр
Улбар ягаан мутар мэт туяа 
Тэнгэрт нэгэн мэлмийг урлан, урлан үүр гийх нь
Уйтан чамайг өөрийнхөө доторх гэрлийг тэмтэрч үзэхийг сануулсан
Зөн гэдгийг мэдэр  
Униар татаад сарних нь, зэрэглээ үзэсгэлэнтэйгээр бүжээд гэнэт нуугдах нь
Уяхан орчлон хоосон чанартайг шивнэж буйг мэдэр
Өвс өвсний шүүдэр дотор нэг нэг чинад үг боловсроод 
Өглөө бүхэн чамайг хүлээж байдгийг мэдэр
Тунгалагхан тэр шилтгээнүүд хормын дотор сарнихад
Туяаран буй тэр үгс
Чиний зүрх рүү нисэн ордгийг мэдэр
Хэн нэгний цацлын халбаганаас цацарсан сүү
Цагаан Дарь-Эхүүд болоод
Хэд хэдээрээ чамайг тойрон эргэлдэж байдгийг мэдэр
Алгаа дэлгээд сайн ажигла, тэгээд бясалга
Алтан олбогт мянган будда өмнөөс чинь ширтэж буйг мэдэр
Чиний зөвхөн алганд чинь мянган будда багтаж буй
Чимэггүй үнэнийг хэлэхэд 
Түүнээс ч олон бурхан чиний дотор буй
Амгалан хээр талд тогоруу шиг явгалан бэдрэх
Аниргүй цагаан сарны нүдийг мэдэр
Чиний зүрх ч бас үе үе яг энэ сар шиг
Чимээгүйхэн амсхийе гэж гуйж байдгийг мэдэр
Хурууны чинь өндөг бүхнээс мөнгөлөг эрвээхэйд гарч дэвээд
Хурмастын туурвисан нэгэн дууг чамд дуулж өгсөөр байдгийг мэдэр
Борооны дусал бүхэн нэг нэг навчинд хувираад
Бодь модыг дүрслэн, дүрслэн чамайг хучсаар байдгийг мэдэр
Тэр навчсаас гэрэлтэх номын үсэгнүүд
Тэнгэрт одох бас тэнгэрээс ирэх замын тухай хүүрнэж байдгийг мэдэр 
Салхи үе үе шанхны чинь үсийг сэвэгнүүлэхдээ
Сансрын хүрдний эргэлдэх чимээг сонсгож байдгийг мэдэр
Бөртөс бөртөс үзэгдэхдээ сарны туулай 
Бөмбөрцгийн хаалгыг олоод явж орох 
Ямархан хувь болох тухай дуулж байдгийг мэдэр 
Хорвоогийн хацарт хацраа наагаад гүн дотогш аяла
Хонгортох салхины мөрийг түшээд учрахуйн утгыг анирд
Нэгнээ хайрлахдаа л хүмүүн гэгч тунгалаг болдог гэдэг юм
Намрын будан дунд урамдах бугын дууг сонорд
Намирч шуургалахдаа өөрөө ч уярах шаргал өвсийг чагна 
Найгаж л байхдаа хүмүүн гэгч төгс оршдог гэдэг юм
Мэдрэмжээс мэдрэмжийн зүгт агшин бүрт зорч
Мэлмэрэгч сарны дайдад өөр цэнгэл гэж үгүй 



( Дэлгэрэнгүй... | Сэтгэгдэл [] | Шүлэг | Оноо: 0/0 | Бавуудорж Ц )

Бавуудорж 	Ц	 Шүлэг: Ц.Бавуудорж : ИТГЭЛ
Оруулсан admin on 2023-09-12 10:09:10 (633 уншсан)


Сөхөрч буй нэгний өвдөгийг зөөллөх 
Сөөм цагаан цэцгэнд хувилах авъяас танд бий, итгэнэм
Ганцаардан алхах хэн нэгний өмнө
Галбар занданы төгөл болох эрдэм танд бий, итгэнэм
Оршихуйгаас зөвхөн гэрлийг нь хураах таалал танд бий, итгэнэм
Орчлонг өрөвдөхүйн дияан ганцхан танд л бий, итгэнэм
Тэвэр тэвэр цэцгийн баглааг зуны хур мэт амилуулах 
Суу билигт зүрх танд бий, итгэнэм
Тэнгисийн санааг бусдад хэлмэрчлэх 
Хэл танд бий, итгэнэм
Аньсан булгийн нүдийг нээх үг танд бий, итгэнэм  
Аньсаганаас нь нулимс дусч буйгаар дүрсэлсэн 
Бурхадын тигийг засах гэрэл танд бий, итгэнэм
Огторгуйн мөн чанарт дөхөж очоод 
Мөр түшилцэн нөхөрлөх хувь танд бий, итгэнэм
Орь залуухан уулсын цасан дор 
Оргилон буй галыг амирлуулах бясалгал танд бий, итгэнэм
Дорнын мэлмийг арчиж өгөх дулаахан алга танд бий, итгэнэм
Дотоод сансарт нь өнөд шүхэрлэх зохионгуй танд бий, итгэнэм
Эрээн хорвоогийн цонхон дээр улаарах 
Мөнхийн цэцэгсийг олж үзэх мэлмий танд бий, итгэнэм
Энэ их хайрыг бүтээсэн хүмүүн төрөлхтөнд 
Талархах зөн танд бий, итгэнэм
Харанхуйгаас гэрэл барих уурга танд бий, итгэнэм
Гэрэл дотроос гэрэл шүүрэх мутар танд бий, итгэнэм
Мөнх бусын салхинаар замбу тивийн зүг эргээд шүхэрлэх
Мөнгөлөг цэцэгсийн дуулалдахыг сонсох сонор танд бий, итгэнэм
Амандаа мөнхийн ус балгасан хараацай шиг
Бөмбөрцгөө тойрон нисэх жигүүр танд бий, итгэнэм
Арцан дээр түүнээ гэнэт алдаж асгаад мөнхийн хутаг оршоосон
Буурал үлгэрийг амилуулах шид танд бий, итгэнэм  
Айсуй цагийг үүрдийн тунгалагт урвуулах увьдас танд бий, итгэнэм
Амьдралыг ганцхан зурвас гэрлээр бүтээж 
Мянган өлзийт гэрэлд дэвшүүлэх билиг билгүүн танд бий, итгэнэм
Гүнээ итгэнэм



( Дэлгэрэнгүй... | Сэтгэгдэл [] | Шүлэг | Оноо: 0/0 | Бавуудорж Ц )

Бавуудорж 	Ц	 Шүлэг: Ц.Бавуудорж : ТОМЪЁО
Оруулсан admin on 2023-09-12 10:08:37 (520 уншсан)

Өрнийн томъёо өөр болсон
Өндөр тэнгэрийн  томъёо өөр болсон
Бүүвэйн томъёо өөр болсон
Бөмбөрцгийн томъёо ч өөр болсон
Цасны томъёо өөр болсон
Цаг хугацааны томъёо өөр болсон
Мөнх бусын томьёо өөр болсон
Мөнгөн хэвлийд бүрэлдэхийн томъёо ч өөр болсон 
Арга билгийн томъёо өөр болсон
Асгарсан цагаан сарны томъёо өөр болсон 
Алган дээрх мэлмийн томъёо өөр болсон 
Аниргүйн томъёо өөр болсон...
Гэрэл сүүдрийн томъёо өөр болсон 
Гэрэлт эрхэсийн томъёо өөр болсон
Өвсний томъёо өөр болсон
Өвсөн дээрх шүүдрийн томъёо ч өөр болсон
Дээр бөмбийгч нарны томъёо өөр болсон
Дээвэр туурга, бүслүүрийн томъёо ч өөр болсон
Догшидын өмнөх бүх томъёо өөр болсон
Дорнын томъёо л гагц 
Нууцын нууц  үлдсэн...
Нүдний өмнөх бүх томъёо өөр болсон
Нүүдэлчдийн томъёо л  гагц
Чинадын чинад үлдсээн...
Галбуудыг тэр томъёогоор сэрээж болно
Гал, усыг тэр томъёогоор урвуулж болно   
Хүн төрөлхтнийг тэр томъёогоор аварч болно
Хөх өвсийг тэр томъёогоор мөнхөлж болно 
Дөрвөн далайг тэр томъёогоор захирч болно
Таван тивийг тэр томъёогоор засч болно
Тэнгэрийг тэр томъёогоор таньж болно
Дэлхийг тэр томъёогоор тулж болно
Дорнын тэр томъёогоор
Дотогшоо харах болтугай
Нүүдэлчдийн тэр томъёогоор
Нүдээ нээх болтугай
Хүн төрөлхтөн...



( Дэлгэрэнгүй... | Сэтгэгдэл [] | Шүлэг | Оноо: 0/0 | Бавуудорж Ц )

Бавуудорж 	Ц	 Шүлэг: Ц.Бавуудорж : НАМРЫН ӨВСӨН ДУНД
Оруулсан admin on 2023-09-12 10:07:49 (559 уншсан)

Энгүүхэн хөх өвсөн дунд
Эрхэмсэг оршихуйг анзаарч суунам
Яг энэ эгэл өвс шиг
Яруу сайхан бясалгахыг хүснэм
Гэрлээс гэрэл эхэлдэгийг энэ хөх өвс надад хэлсэн
Гэрэлт оршихуй тэндээс эхэлдэгийг бас хэлж өгсөн
Гэрлээс сүүдэр эхэлдэгийг ч хэлж өгсөн
Гэгээн орчил хамт эхэлдэгийг шивнэж хэлсэн
Харанхуйд гэрэл уйдашгүй гоо үзэсгэлэнтэй болдогийг шивнэсэн
Сөгдөшгүй хүчирхэг, ариун харагддагийг шивнэсэн
Биширмээр зөөлөн, тунгалаг бай гэж шивнэсэн
Бие, сэтгэл чинь аяндаа гэрэл болно гэж шивнэсэн
Ирэх одох, бүтэх эвдрэхийн орчлон
Этгээд гэрэл юм шүү гэж бас шивнэсэн
Гэрлээс эхэлсэн бүхэн 
Гэрэлдээ шингэх төгсгөл мөрөөсдөгийг ч шивнэж хэлсэн
Тэнгэрийн зүүдийг хүмүүн төрөлхтөн
Аль эрт таниагүйг хэлж өгсөн
Тээнэгэлзэж эргэлзээд бэдэрч явааг нь ч хэлж өгсөн
Аугаа их гэрлийн эрэгт 
Аль эрт хүрсэнийг нь хэлж өгсөн
Алгаараа хутгаад 
Амсаж амжаагүйг нь ч хэлж өгсөн
Зуланд үйсэн эрвээхэйдийг хэлж өгсөн
Зуурдын бус ертөнцөд нэвтэрч чадсаныг нь хэлж өгсөн
Илбийн солонгот биесийг нь хэлж өгсөн
Эгшин зуурт тэдний гэрэлтэй нэгдсэнийг ч хэлж өгсөн
Энэ хөх эрвээхэйдийн нэг болж чадах уу гэж
Эгцлэн ширтээд бас надаас цочтол асуусан... 
Өвс, өвсний нүд аниргүйхэн ширтэнэ
Өнгө өнгийн бодлыг минь сониучирхан ганхана
Ай ийм гэгээхэн агшинд
Ариун өвсний хүүрнэлд уяран суухдаа
Хүн төрөлд авна уу хэмээн сөгдөн сөгдөн гуйж
Хөх бөмбөрцгийн хаалгыг дахиад тогшмоор санагдана
Яг энэ эгэл өвс шиг
Яруу сайхан орших юмсан



( Дэлгэрэнгүй... | Сэтгэгдэл [] | Шүлэг | Оноо: 0/0 | Бавуудорж Ц )

Шүлэг 		 Шүлэг: Ю.БАЯН-ОЧИР : МАШИН
Оруулсан admin on 2023-09-12 09:53:51 (558 уншсан)


Орчин цагийн айлд
Олон машин хэрэгтэй гэнэ

Дундаж орлоготой өрхөд
Долоогоос дээш байх  юм  гэнэ

Ажил төрлөө амжуулдаг
Авто машин нэгдэх нь

Ухаалаг энгийн ажиллагаатай 
Угаалгын машин хоёрдох нь

Тооцоо зарцуулалтаа боддог 
Тооны машин гуравдах нь 

Махан хэрэглээтэй бидний
Махны машин дөрөвдөх нь

Томоогүй үрсээ тоглуулдаг 
Тоглоомон машин тавдах нь

Үрсийнхээ сэвлэгийн үргээх 
Үсний машин зургаадах нь

Сайхан эрийн анд
Сахлын машин долоодох нь

Бидний нэрлэснээр компьютер 
Бичгийн машин наймдах нь 

Яриад байвал хязгааргүй юм
Ямартайч машин хэрэгтэй бололтой

Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Ю.БАЯН-ОЧИР : ЦЭН ТОГОРУУ
Оруулсан admin on 2023-09-12 09:53:05 (575 уншсан)


Зуны урт өдрүүдийг 
Тонголзож үдсэн ганц тогоруу
Зуслангийн хонины бэлчээрт 
Торолзож өнждөг ганц тогоруу

Гантай жилийн өнгө
Хөөрхий тэр л ганц тогоруу
Газар сайгүй тэнэсээр
Хөхөрч гандсан ганц тогоруу

Хосоор оршдог хорвоод 
Яагаад өнчрөв ганц тогоруу
Холын холоос ирэхдээ
Ядарч ирсэн ганц тогоруу

Өмнө зүгээс зорьсоор
Үдлээд буцсан ганц тогоруу 
Өдөр шөнөгүй бөхөлзсөн 
Үлгэрийн юм шиг ганц тогоруу

Буцах өдрөө тоолон 
Талд өнжсөн ганц тогоруу 
Будант хорвоог туулан 
Тал түшсэн ганц тогоруу

Утас шиг хөврөх сүрэгтээ 
Нийлэн буцсан ганц тогоруу
Умард зүгийг зорьсоор 
Нисэн одсон ганц тогоруу 

Үнэнээс үнэн байдаггүйг
Өнөд сануулах ганц тогоруу
Үеийн үед бодогдох
Өнгө нь гандсан ганц тогоруу

Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Ю.БАЯН-ОЧИР : ЖАРГАЛ НЬ ТЭР
Оруулсан admin on 2023-09-12 09:51:28 (564 уншсан)


Хагацал амсаж өвдөг сөхрөөгүй бол жаргал нь тэр 
Хар санаа атаа жөтөөгүй бол жаргал нь тэр  
Худлаа хэлж хулгай хийгээгүй бол жаргал нь тэр 
Худрагагүй аашилж хуудуугүй загнаагүй бол жаргал нь тэр 

Сагсуу явж бусдад адлагдаагүй бол жаргал нь тэр 
Сархад хүртэж, шаналж хэвтээгүй бол жаргал нь тэр 
Сэтгэлээ нээж ярьж суух ханьтай бол жаргал нь тэр
Сэвлэгийг нь үргээж тоглож наадах үртэй бол жаргал нь тэр

Бүтэн нойр, бүлээн цайтай яваа бол жаргал нь тэр 
Бүгдэд адлагдаж бүрэгээрээ дуудуулаагүй бол жаргал нь тэр
Бэртэгчин загнаж өрөөлийг  гомдоогоогүй бол жаргал нь тэр 
Биеийг бодож бусдыг уйлуулаагүй бол жаргал нь тэр 

Хог түүж гуйлга гуйгаагүй бол жаргал нь тэр
Ходоод чинь хоржигнож хоол нэхээгүй бол жаргал нь тэр
Хөмсгөө  зангидаж гэмшиж  гутраагүй  бол жаргал нь тэр
Хөдөөтэй хоттой хоршиж яваа бол жаргал нь тэр 

Эрхэм чухал анд нөхөдтэй бол жаргал нь тэр
Эх орон ард түмэн эрдэм номтой бол жаргал нь тэр 
Энэрэнгүй сэтгэл эелдэг зантай бол жаргал нь тэр
Элгэн садан ахан дүүсдээ нэртэй бол жаргал нь тэр 

Өвчинд шаналж өвдгөө тэврээгүй  бол жаргал нь тэр
Өнөр бүлээрээ шуугиж өссөн бол жаргал нь тэр
Өрнөөс айж цожиж сэрээгүй бол  жаргал нь тэр 
Өнөөдөр л та тайван байсан бол жаргал чинь тэр 

Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Ю.БАЯН-ОЧИР : ӨНӨӨДӨР
Оруулсан admin on 2023-09-12 09:48:09 (622 уншсан)


Балар эртнээс  баадантай ирээдүйн чандад
Башир хийрхэл  баталгаат хээрхэл уралцана
Бадаг дууг  аялгуу юунаас  нь салгацгааж
Барууны  цөмийг  хээрийн салхитай  эмхэрдэнэ
 
Үл тасрах аялгуу шиг  согтуу наран гэлдрэхэд
Үр могойн үлгэрийг  усны бидэртэй агтална
Үндэстэй бүхэн  тэнгэрийн сөрөг  тэмцэлдэхэд
Үгүйсгэл оршингуй  өгцөөн нартай сүлэлдэнэ

Сувдан дусал давсны хүчилд нэрэгдэхэд
Суганы товч шувуудийн жиргээ шиг алсрана
Сурах чанадад хувьсгалын дөл бадамлахад
Сураг тавигсад сэмжин үүлс шиг сарьнана

Бэл бэнчин хоёрыг агаар юутай зүйрлэхэд
Бэрд чөтгөр гурвыг бурхан лугаа шүтнэ
Бээс ноён дөрвийн утга агуулгаар зөрчилдөж
Бэх цаас хоёр шиг тойргийн алсад огтлолцоно
 
Агаараар орогнох  үхэл баруун зүүнд дарамтлахад
Амьдрал тэтгэгчийн хомстол ар өврийг дарлана
Алдаж  оносон сумнууд аяганы амсраар чихэлдэхэд
Арван түмэн эс маргаашийн  сарлуу  тэмүүлнэ

Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Ю.БАЯН-ОЧИР : Миний ертөнц
Оруулсан admin on 2023-09-12 09:47:20 (560 уншсан)

Шаргал үстэй харийн бүсгүйг би хүсээгүй
Шанз шиг дуутай уяхан хоолойг би хүсээгүй
Шавар баримал шиг хиймэл эрхтэн би хүсээгүй
Шаант чөмөг шиг өндөр бие хааг би хүсээгүй
Шумуул шиг хорон нэгнийг би хүсээгүй
Шувуу шиг хөнгөн хийрхэлийг би хүсээгүй
Шугам шиг сайхан хөлтнийг би хүсээгүй
Шунал шиг халуухан тачаалыг би хүсээгүй

Сайхны өмнө харц буруугүй гэж хүмүүс ярих
Сархадны халуунд боллоо гэж зарим нь бурах 
Саваагүй явждээ гэж залуу насандаа тохох 
Санаандгүй юм болсон гэж хээв нэг хэлэх 

Өнгө мөнгөний энэ орчлон дээр 
Өөр өөр хүсэл байдаг байлгүйдээ 
Өсгийтөн болгоныг би сөгнөхийг ерөөс хүсдэггүй 
Өөрийнхөө бодолд л гагцхүү  үнэнч явхыг хүсдэг

Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Ю.БАЯН-ОЧИР : ӨМГӨӨЛХҮЙ
Оруулсан admin on 2023-09-12 09:45:25 (552 уншсан)

Эх орноо би хөдөө нутгаараа төсөөлдөг
Эрхтэй дархтай хэн нэгнээс өмгөөлдөг 
Элэнц хуланцаас ирээдүйн чандад  түүх тээх 
Эзэн нь болсон хөдөөний залуусаараа бахархдаг 

Морин дэл дээр нойр авж үзээгүй
Модон эмээл дээр өдрийг туулж яваагүй
Мойног болтлоо хар ажилд нухлагдаагүй
Моод хөөсөн  багачуудад  хөдөөний залуусаа адлуулахгүй
 
Дөрвөн улирлын нугачаанд өнгө зүсээр гундаагүй
Дөрөөн дээрээс буулгүй жил тойруулж шогшоогүй
Дөнө өвлийн жавраар ховоо татаж үзээгүй
Дөвчигнүүр хоосон нөхдүүдэд  хөдөөний залуусаа адлуулахгүй
 
Халуун нарнаар  хонь   хяргаж нозоороогүй
Хавсрага салхинд  борлон шүдлэн самнаагүй
Хадлан тарианд сар өдрөөр жиндэж үзээгүй
Хацар гоо хөвгүүдэд хөдөөний залуусаа адлуулахгүй
 
Идэр есийн хүйтэнд өглөө  оройдоо мордоогүй
Идэш хоолны цагаар хутга атгаж үзээгүй
Итгэл сэтгэл зүтгэлээрээ хөдөө нутгаа сахиагүй
Энгэсэг болсон  эрхмүүдээр хөдөөний залуусаа адлуулахгүй
 
Жавартай шөнөөр босож гал өрдөж үзээгүй
Жаахан үрсээ хөтөлж  аргал хомоол хормойлоогүй
Жалга довны үзлээр аяга хоосон гаргаагүй
Жадгар хэдэн охидоор хөдөөний залуусаа адлуулахгүй
 
Адуутай ноцолдож айргандаа халамцаж  жаргаагүй
Аргамаг сойж хээр хөдөөгүүр   гандаагүй
Ачаа ачиж улирал дамнан нүүдэллээгүй
Аманцар хээнцэр хүүхдүүдээр хөдөөний залуусаа адлуулахгүй
 
Соёлт хотын залуус та нар  өнгөтэй мөнгөтэй байж болно
Содон сонин ажил төрөл, царай зүсээрээ бахдаж бас мэднэ
Сонсдог үздэг хардаг сэтгэдэг нь өөр болохоороо ялгаравч
Сонирхол амьдралаар нь  хөдөөний залуусыг минь битгий адлаарай  

Эх орноо би хөдөө нутгаараа төсөөлдөг
Эрхтэй дархтай хэн нэгнээс өмгөөлдөг 
Элэнц хуланцаас ирээдүйн чандад  түүх тээх 
Эзэн нь болсон хөдөөний залуусаараа бахархая бахдая. 


Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг 		 Шүлэг: Ю.Баян-очир : Мод
Оруулсан admin on 2023-09-12 09:36:41 (617 уншсан)

Оюун ухааныг задлагч оньсон тоглоом нь мод 
Орон гэр байшин барилга нь бүгд мод
Олон ард түмний маань төрийн тамга нь мод
Онгон хүлгийн уурга хусуур нь бүгд мод

Айраг цагааны аяга тагш нь бүгд мод 
Ариун сайхан хөгжимийн зэмсэг нь бүгд мод 
Айл гэрийн баялаг болсон авдар сав нь мод 
Аяны хүнийг ерөөх сүүний цацал нь мод 

Бурхан тахилын шогол нь мод 
Буу зэвсэг багажны минь иш нь мод 
Бул тэрэг минь бас л мод 
Буур тэмээний маань буйл нь мод 

Миний монгол ард тэр чигтээ мод 
Малын саравч сараа нь бас л мод 
Мишээх бяцхан үрс нь мод л түшиж хөлд орно 
Мэргэн өвгөд хөгшид нь модон эрхээ эргүүлсээр 

Цагаан сарын ууцны цар сав нь мод 
Цалин цагаан цаас нь мод 
Цагийн түүхэн эзэн нь мод 
Цаг хугацааны нотлол нь өөрөө мод

Өтлөөд ирэх үед модон таяг тулж 
Өнгөрөөд буцах цагт модон авсанд л орно 
Өнгөтийн хэдхэн мод бидний амьдралыг тэтгэж 
Өргөн олон ардын хэрэгцээг хангасан мод

Тайрсан модыг хараад хүнийг л бодно
Тарьсан модыг үзээд хүмүүсийг л бодно
Тариад ургуулдаг мөртлөө хүн та 
Тайраад устгадаг нь сонин л юм даа

Яруу найрагч Юндэн овогтой БАЯН-ОЧИР



( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Болормаа 	Б	 Шүлэг: Б.Болормаа : Намайг явсны маргааш
Оруулсан admin on 2023-08-22 10:08:51 (658 уншсан)

Намайг явсны маргааш бороо татарч гэнэ лээ
Би үүл байж
Намайг явсны маргааш цэцэгс хагдарч гэнэ лээ
Би эрвээхэй байж
Намайг явсны маргааш мод нүцгэрч гэнэ лээ
Би навчис байж
Намайг явсны маргааш нуур цантаж гэнэ лээ
Би шувуу байж
Намайг явсны маргааш саахалтын хүү уйлж гэнэлээ
Би инээд нь байж
Намайг явсны маргааш айлын бэр баярлаж гэнэ лээ
Би гуниг байж
Намайг явсны маргааш хөлчүү залуус давхиагүй гэнэ лээ
Би сархад байж
Намайг явсны маргааш л намар болчихож гэнэ лээ
Би зун байж...

Яруу найрагч Б.Болормаа


( Дэлгэрэнгүй... | Сэтгэгдэл [] | Шүлэг | Оноо: 0/0 | Болормаа Б )

Бадарч 	П	 Шүлэг: П.Бадарч : Нулимст борхон болжмор
Оруулсан admin on 2023-05-15 09:27:21 (1319 уншсан)


Хаахнаас ч юм бэ нисэн ирж

Харуулын бяцхан шовгор дээр минь

Хээрийн хөөрхөн болжмор суугаад

Хэсэг юм шулганан хэллээ

Зүрхнээс ч жаахан энэ амьтны

Зүрх нь бас догдлон байна

Хөнгөн өдөө сэрвэгнэн чичиртэл

Хөөрсөн зүрх нь цээжээ түлхэлнэ

Ботгоных шиг уяхан нүдтэй юм

Болоочгүй бас түүндээ нулимстай юм.

Бугын бидэр шиг үелээ жигүүртэй юм

Буурал сөд өдөн дунд нь байх юм

Навчин чинээхэн далавчаа эцээн

Наад хөөрхөн зүрхээ булгиулан

Ботгон нүдэндээ нулимс гүйлгэн

Борхон шувуу минь юу гэж ирээв.

Үүрийн ягаан жаварт хөөрхий

Үүрэглэж суугаад даарсан ч юм уу даа

Өөр шигээ үүрийн жавраар

Өндөрт зогсоо намайг гайхна уу

Өөрийн чинь хэлийг мэдэхгүй болохоор

Өдөт борхон минь чамд би үг хэлье !

Хайртай ээжийнхээ мээмийг дэрлэн

Хархан нүдтэй нялххан монгол

Томоогүй наадмаа зүүдлэн мишээхийг

Тооноор нь чи хараад ирэв үү

Агьт талын адуун сүргээс

Алиахан унага унтаж хоцроход

Амраг эх нь эрэгцэн хайрлахыг

Ажиглаж чи үзээд ирэв үү

Баатар нь тэр тоглон зүүдэлж

Хүлэг нь тэр томоогүй унтаж

Эр цэрэг би хилийн харуулд

Эх орон тэднийгээ хамгаалж байгаа юм даа.

Хүүгийн бие цээнд хүрэх цагт

Хүлгийн унага шандас чангарах үед

Хүүгээн би сэрээж гэртээ харина

Хүлэг морьтойгоо тэр минь энд зогсоно.

Эх орныхоо энхийг хамгаалж

Энэ харуулд тэднийг зогсоход

Өөр унага талдаа бас унтаж

Өлгийдөө бас нэг хүү зүүдэлнээ

Эх орноо ухаант хүн гэдэг

Ингэж л уламжлан хамгаалж байдаг юм

Өглөө бүрий нь амгалан байлгах гэж

Өндрийн харуулд цэрэг эрс зогсоо байна

Жаргалтай дэлгэр эх орон гэдэгт

Жаалхан шувуу минь ч багтдаг болохоор

Нулимст борхон минь эндээс цааш хүний газар шүү

Нутгийнхаа зүг эргэж чи минь нис дээ!


1971 он



( Дэлгэрэнгүй... | Сэтгэгдэл [] | Шүлэг | Оноо: 0/0 | Бадарч П )


 
Санал асуулга
Та онлайн номын дэлгүүрээр хэр их үйлчлүүлэх вэ ?
Байнга
Нилээд
Хааяа
Цөөн
Үгүй
Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа


Санал асуулга
Хэрэглэгчийн нэр

Нууц үг

Та манай гишүүн болохыг хүсвэл энд дарна уу.

t
Одоо онлайнд 178 зочин 0 гишүүн байна.


Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх
Хайлт


Зургийн цомог


B2-007.JPG
Хэмжээс: 600x450 59k
Сэтгэгдэл: 0
Үзсэн: 4054

Должин  : 2007 оны аялал
mongolia2007year-002.JPG
Хэмжээс: 600x450 131k
Сэтгэгдэл: 0
Үзсэн: 3758

Должин  : 2007 оны аялал
mongolia2007year-127.JPG
Хэмжээс: 600x450 54k
Сэтгэгдэл: 0
Үзсэн: 3549


Агуулга
Лхагва, 2023.10.18
· А.Сүглэгмаа : Навчисын шуурганаар
· Ц.АВИРМЭД : ТЭР НАМАР
· Д.Бямбажав : НАМАР
Ням, 2015.10.25
· Зундуйн Дорж
Бямба, 2023.10.14
· Зундуйн ДОРЖ : Өглөө болгон эрт босч
· Батсайхан Баттөгс : Миний нутгийн намар
Мягмар, 2023.09.12
· Ц.Бавуудорж : МЭДРЭМЖИЙН ТУХАЙ ШҮЛЭГ
· Ц.Бавуудорж : ИТГЭЛ
· Ц.Бавуудорж : ТОМЪЁО
· Ц.Бавуудорж : НАМРЫН ӨВСӨН ДУНД
· Ю.БАЯН-ОЧИР : МАШИН
· Ю.БАЯН-ОЧИР : ЦЭН ТОГОРУУ
· Ю.БАЯН-ОЧИР : ЖАРГАЛ НЬ ТЭР
· Ю.БАЯН-ОЧИР : ӨНӨӨДӨР
· Ю.БАЯН-ОЧИР : Миний ертөнц
· Ю.БАЯН-ОЧИР : ӨМГӨӨЛХҮЙ
· Ю.Баян-очир : Мод
Мягмар, 2023.08.22
· Б.Болормаа : Намайг явсны маргааш
Даваа, 2023.05.15
· П.Бадарч : Нулимст борхон болжмор
Ням, 2023.02.19
· Цагаан сар – Хүүхдийн үг, шүлэг Хүүхдүүд:
Даваа, 2023.02.20
· Цагаан сарын мэндчилгээний үгс
· Цагаан сарын мэндчилгээний үгс
Мягмар, 2023.01.24
· Д.Энхболд: "Хар хүн" Өгүүллэг
Лхагва, 2023.01.04
· Сааюугийн Баттулга : ТЭНГЭР ҮР
· Эрдэнэ-Очирын Ганболд : АЛГЫН ЧИНЭЭХЭН ГАЗАР
· Долгорын ЦЭНДЖАВ : “ЦАГААН НОХОЙ”
· Ням-Очирын Баасанжав : АЛТАН ЗУУЗАЙ
· Лхагвагийн Дайриймаа : ГАР ХӨРӨӨ
· Наваанжамбын Мөнхсайхан ДАРДАС
· Битогтохын Цогнэмэх Ай, Сүнжидмаа минь ээ, хө!
· Баянмөнхийн Цоожчулуунцэцэг : ХИШИГ
· А.Ивээл : БУЙД СУМЫН НААДАМ
· Х.Эрдэнэцэцэг : ГЭРЭЛТЭГЧ ХУЛС МОД
Даваа, 2022.11.28
· Д.Галсансүх : ХЯТАД СУРГУУЛЬ
Баасан, 2022.11.25
· Д.Галсансүх : СЭТГЭЛЗҮЙН ТУУРИУД Ц. Буянзаяа-д
· М.Амархүү: УРГИЙН МОД
Пүрэв, 2022.11.24
· До. Болдхуяг : ХААНЫ САНААШРАЛ (Монологи)
· Чингис хааны алтан сургаалиас
Мягмар, 2022.11.22
· ЗАЛУУ НАСНЫ АЛДАА
Мягмар, 2022.07.19
· Жа.ПҮРЭВ : Гарын үсэг /Өгүүллэг/

Та сараа сонгоно уу


Санал хүсэлт

Нэр:

Э-шуудан:

Санал хүсэлт:



Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2024 Biirbeh.MN.
     All rights reserved.
By Bataka
Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364
И-мэйл :info@biirbeh.mn