|
|
 Өгүүллэг: Мянган жилд ургах ганц сарнай (үргэлжлэл)
Оруулсан admin on 2008-01-04 07:38:10 (4604 уншсан)
Өглөө нь Дөлгөөний дотор гэж авах юм алга. Нүдээ нээгээд хартал зочид буудалд унтаж байна. Гайхан урд шөнийн явдалыг санахыг хичээлээ. Хулантай хоёулаа таксинд суугаад үнсэлдэж байсан санагдана. Тэгээд яалаа хэмээснээ арай гэж бодоод хөнжилөө сөхтөл нүцгэн хэвтэж байдаг. За баларсан одоо Мишээлийн царайг яаж харнаа. Урьд нь олон л охинтой унтаж хэвтэж явсансан. Тэр үед ингэж балмагдаж байгаагүй санагдана. Гэтэл Хулан усанд ороод гарч ирэв.
Тэгснээ Дөлгөөнийг үнсээд эрхлэнгүй дуугаар ядарч байна уу хө,чи ч их ажиллсан шүү хэмээн инээв. Үнэндээ Дөлгөөнд босох ч тэнхэл байсангүй. Хулан өвөрт нь орж хэвтэхэд тэр арьсных нь зөөлөн,үнэрийнх нь сайхан өөрийн эрхгүй тачъяалыг нь хөдөлгөв.
Дөлгөөн Мишээлтэй танилцсанаас хойш нэг ч хүүхэнтэй унтсангүй. Мишээлийг хэд хэд оролдсон боловч цаадах нь хүнтэй унтаж үзээгүй болохоор хугацаа хэрэгтэй байна гээд халгаадаггүй байв.
Дөлгөөн өөрийн эрхгүй Хуланг биедээ татан ойртуулбал тэр яг л эмэгчин барс шиг мартахын аргагүй гайхамшигтай байлаа. Энэ өдрийг тэр хоёр дахин хамтдаа өнгөрөөгөөд орой л нэг юм салцгаав.
Машиндаа суугаад утсаа үзтэл Мишээлээс зөндөө дуудлага мессеж ирсэн байлаа. За байз юу гэж хэлдэг юм билээ,хэд хоног ажлаар гэнэт гадагшаа явахаар болчихлоо л гэж хэлэхээс.
Хулан их л баяртай байлаа. Хоёр хоногийн дараа утас нь дуугарав,хартал Дөлгөөний дугаар. Тэр хоёр олон юм ярилгүй бие биенээ шууд ойлголоо. Тэр хоёр Мишээлд энэ талаар юу ч хэлэхгүй хэмээн тохиролцов.
Мишээл Дөлгөөнийг үнэхээр их санаж байлаа. Ашгүй долоо хоногийн дараа Дөлгөөн утасдаж,сайн уу хонгороо найз нь ирчихлээ. Орой 6 цагт яваад очье хамт хоолонд орье гэв. Мишээл ч бөөн баяр,хүлээх тусам цаг ч өнгөрч өгөхгүй зовоож байлаа. Хоолонд орчихоод,анх Мишээл Дөлгөөнтэйгээ унтаж билээ. Дөлгөөн:
Чи нээрээ онгон байсан юм гэж үү !!! Миний жаахан охин чамдаа баярлалаа,намайгаа уучлаарай,би чамдаа яг одоо улам хайртай болчихлоо,найз нь чамайгаа хэзээ ч орхихгүй ээ гээд хайрлан байж энхрийлэв.
Хулан тэр өдрөөс хойш Дөлгөөнийг хараад байдаггүй,утасдаад ч утасаа авахгүй байв. Үүнээс нэг сарын дараа Хулан нэг л биш байгаагаа мэдэв. Дөлгөөнлүү мессеж бичиж: Надад чамтай ярих юм байна. Өнөө орой 7 цагт Сөүлд хүлээж байя,ирэхгүй бол маргааш гэхэд Мишээл бүгдийг нь мэдсэн байх болно шүү. Надад хамаа алга гэв.
****
Дөлгөөн юу ч хэлэлгүй чив чимээгүй сууна. Хулан уйлаад би тэгээд яах юм бэ?,ямарч байсан эхний хүүхдээ авхуулахгүй,тэгээд ч ээж мэдчихсэн,танай ээжийг мэднэ уулзана гэж байна лээ хэмээн худлаа хэлэв.
Дөлгөөн сууж,сууж байснаа надад хугацаа хэрэгтэй байна гэв. Хулан:
Хэдий хэр хугацаа вэ?, энэ хүүхэд чинь долоо хоногоор өсдөг гэж байна лээ. Суулчийн хугацаа Мишээлийн төрсөн өдөр шүү гээд гараад явчихав.
Ийнхүү Хулан өнгөрсөнөө бодон хорвоо чи ч хуурмаг явдалаар дүүрэн юм даа. Гэхдээ надад ямар буруу байгаа юм бэ?,би ч гэсэн хайрынхаа л төлөө явсан ш дээ. За Дөлгөөн хонгор минь чи одоо бүх зүрх сэтгэлээрээ минийх болсон,чамдаа барих сайхан сюрпрайз байнаа гэснээ,нээрээ Дөлгөөн итгэх болов уу гэх сацуу нэгэн бодол толгойд нь харван орж ирэхэд өөрийн эрхгүй инээд алдав.
Орой нь Дөлгөөн, Хулан хоёр хооллож дуусаад Хулан аяга тавгаа угаачихаад Дөлгөөний хажууд очин эрхлэнгүй дуугаар надад чамтай ярих юм байна гэв. гэтэл Дөлгөөн би ажилтай байна дараа хоёулаа яръя гээд бичгийн ширээнийхээ ард очиж суув.
Хулангийн уур нь хүрч: Чи хэзээ тэр хүнийг мартаж намайг Хулан гэдэг хүнийг хардаг болох юм бэ?,Би чиний нүднээс Мишээлийг хардаг байсан тэр нүдийг хүлээсээр бүр цөхөрлөө. Би яагаад чамайг хайрлаж,хайрлуулж болдоггүй юм бэ?,чиний тэр Мишээлтэй чинь би өнөөдөр эмнэлэг дээр тааралдсан. Нэг бор залуу хайр минь,хайрт минь гээл унаж үхчих гээд гүйгээд байна лээ. Угаасаа тэр хоёр чамаас цаагуур явдаг байсан юм бишүү. Тэгээд ч цаадах чинь жирэмсэн юм шиг байна лээ. Худлаа гэвэл зураг нь энд байна гээд утасаа урд нь шидчихээд өрөөнөөс гарав.
Дөлгөөн гайхан утасыг нь аваад үзтэл үнэхээр Мишээлийн хувцасыг нэг залуу өмсгөөд зогсож байгаа зураг харагдав. Дөлгөөн бүр гайхаж хоцров. Мишээл ээ чи ийм хүн байсан гэж үү,би тэгэхэд чамайг яаж бодож,өмөөрч явлаа. Чи бид хоёрын ярьдаг байсан мөрөөдөл бүхэн,чиний надад тавьдаг халамж хайр худлаа байсан гэж үү. Чи намайг зөвхөн бусад охидын адил ашгийн нүдээр хардаг байсан гэж үү. Би тэгэхэд одоо болтол анх чамтай уулзахад чиний сандарч айж байсан тэр л онгон өхөөрдөм нүдийг сэтгэлээсээ авч хаяж чадахгүй зовж байдаг. Би анх тэр л нүдэнд дурласан,яг л чононоос үргэж байгаа янзага шиг. Би чиний хувьд ер нь хэн байсан юм бэ?,тоглоом чинь байсан уу,эсвэл жүжгийн гол дүр байсан юм уу. Яаж ингэж үнэмшилтэй жүжиглэж чаддаг байнаа хэмээн бодоод гэрээсээ хар цагаан дуугүй гарлаа.
Дөлгөөн нэг л мэдэхэд Мишээлийн гадаа ирчихсэн байв. Одоо л кафегаа хаагаад ирэх болж байгаа даа. Арай энд амьдрахаа больсон юм биш байгаа даа. Ямар их хүнээр тоглодог яасан овоо хүүхэн бэ чи,гайгүй ээ тэр нэг юмтайгаа ирэх юм бол чамайг хэн бэ гэдэгийг хэлээд өгнөө гайгүй. Эсвэл анхнаасаа та хоёр хамсаатан байсан уу? Ийнхүү машинаа нуусхын тавиад рульээ дэрлэн элдэвийг бодон хүлээж байтал Мишээл ч нөгөө залуугиийнхаа хамт хүрээд ирлээ. Гэтэл нөгөө хоёр чинь хөтлөлцөөд садны тийш яваад өглөө.
Тулгаа,Мишээл хоёр орой бүр салахдаа анх танилцсан сандал дээрээ суудаг болжээ. Ийнхүү сууж байтал нэг хүн хүрч ирээд шууд Тулгааг заамдаад авав. Мишээл ч орилон хүүе ээ болиочээ яанаа гэтэл Тулгаа нөгөө гараараа цохитол тэр газар саван уналаа.
Мишээл чи зүгээр үү хэмээн Тулгаагын энд тэнд үзэж байтал,ямар халамжтай юм бэ?,танил байх чинь гэх дуунаар хартал Дөлгөөн завьжныхаа цусыг арчин босож харагдана.
-Чи энд юу хийж яваа юм бэ?
-Би юу??? тань шиг жүжигчин бүсгүйн тоглоом болсон хүн юу хийх ёстой вэ!!! тэрийг л мэдэх гэж явна. Чи хэн бэ хамсаатан нь уу гэтэл Мишээл
-Дөлгөөнөө чи арай ч дээ хэмээн үйлав.
-Тиймээ одоо наад гарч байгаа нулимас чинь хүртэл худлаа биздээ. Тулгаа
-Чи ер нь яах гээд байгаа юм бэ?хэн нь илүү жүжигчин бол,хэний зүрх илүү шархалсан бол? би ч чамтай нэг уулзахыг хүсэж байсан юм,чи өөрөө юу юм бэ гээд тэр хоёр дээр доороо орон зодолдож гарав.
72-ын камерт хоёулаа бие биений өөөдөөс муухай харан сууна. Хэн хэн нь шартай болохоор түрүүлж ам нээхгүй зөвхөн нүдээрээ хорсолтой нь аргагүй харан суух нь яг л олзоо үхэхийг хүлээж байгаа хоёр өлсгөлөн чоно шиг.
Жижүүрийн цагдаа Тулгаа гараад ир хэмээн дуудав. Ээж чинь батлан даалтаар гаргаж байгаа,чамаас хурааж авсан юмс энэ байна тулгаад аваарай гэв.
Балжир эхнэртэйгээ утсаар ярин: Би одоо гаргахаар явж байна,санаа зоволтгүй.
Тулгаа ээжтэйгээ үүдээр гартал, нэг өндөр сайхан хижээл насны бор хүн утсаар ярингаа зөрөхдөө нэг том харснаа хоёр гурав алхаад Чимгээ хэмээн ээжийг нь дуудав. Ээж нь гайхан эргэн харснаа царай нь нэг л сонин болсноо миний хүү очоод машинаа аваад ир гэв. Тулгаа ч нэг их юм бодолгүй бушуухан Мишээл дээрээ очихын түүс болж,за ээжээ хурдлаарай гээд явав.
-Сайн уу? Чимгээ чи ч жаахан насны намба суусан болохоос биш сайхан хэвээрээ байна шүү.
-Сайн чи сайн уу? ямар сонин хүн бэ? олон жил өнгөрч дээ Балжир минь гэтэл,Тулгаа ээжээ би ирчихлээ хэмээн дуудав. Балжир хүү чинь үү,,сайхан хүүтэй юмаа гэснээ,өө Чимгээ нээрээ утасныхаа дугаарыг өгчих,дараа нэг завтай өдөр сайхан ярьж сууя. Тэгээд ч удахгүй Эрхүүд сургууль төгсөгчдийн уулзалт болох гэж байгаа. Би яахав энд зөвлөл гээч юманд нь орчихсон хүний эрэлд гараад л явж байна хэмээн инээмсэглэв.
Чимгээ аан гэснээ миний утас хэмээн нэрийн хуудсаа гаргаж өгөөд,баяртай хэмээн салан одов. Чимгээ машинд суугаад чи минь үргэлж инээмсэглэж явдаг хэвээрээ байх шив дээ гээд өнгөрсөнөө нэхэн саналаа.
3-р курсэд ороод өөрийгөө хирэндээ л том болсон юм шиг санаж явлаа. Удахгүй шинэ жил болно,яаж орох вэ?,юу өмсөх вэ?,хэмээн өрөөний дөрвөн охин орой бүр л ярина. Туяа манай энэ дээд ангийн Балжир гэж үнэхээрийн сайхан залуу байнаа. Үгүй ээ тэр хамт явж байгаа охиныг нь ээ. Хааны хатан болсон аятай л ихэмсэг юм зүгээр дээгүүр хараад хэмээн хэлэхэд. Угын шооч Бадмаа өлгөн авч:яг үнэн ингэж явдаг юм хэмээн дуурайн үзүүлхэд бүгд хөгжилдөн инээв. Тэгснээ Туяа: Балжиртай ганцхан орой ч болов хамт байхын тулд юугаа ч хайрлахгүйсэн,яг л үлгэрт гардаг үнэсгэлжин шиг шидтэн ирээд дохиураараа нэг дохиод л...хэмээн нүдээ анин толгойгоо гэдийлгээд гараа урдаа авах нь нэн инээдтэй. Бадмаа хүүе,хүүе одоо болно чи дүрдээ орлоо гэхэд бүгд дахиад л хөгжилдан инээлдлээ. Тэр болгон юм дуугараад байдаггүй Сараа: Нээрээ Балжир ахыг энэ сургуулийн охид дотоод гадаадгүй ихэнхи нь битүүхэн харж явдаг байхаа тэ гэтэл
Туяа: За яршиг даа ах байхдаа яадаг юм гэв. Гэтэл
Чимгээ: Би л лав хардаггүй дэг. Надад тийм хэтэрхий шаазан ваар шиг дэгжин залуу тааллагддагүй юм гэтэл аманцараараа Туяа: тэгэхгүй яадаг юм чи өөрөө сайхан хүүхэн,тэгээд ч манай ангийн Төмөрөө чиний хойноос бүтэн хоёр жил гүйж байна,өөр бас хэдэн ч хүн байгаа юм мэдэхгүй ш дээ....би чам шиг хөөрхөн бол ч хэмээн санаа алдав.
Чимгээ инээснээ: Миний найз хөөрхөн ш дээ. Яах гэж өөрийгөө дандаа голж байдаг юм,чи эр хүнтэй харьцахдаа хэтэрхий найрсаг байгаад,хамаг юмаа бариад гүйгээд байхаар тэд нарт сонин биш болчихдог байхгүй юу,таалагдсан ч гэсэн хоёр гурван удаа нүүр өгөхгүй байхаар тэд нар өөрсдөө гүйгээд л ирнэ. Тэд нар чинь байгалиасаа тэмцэлд дуртай байдаг юм гэж сэтгэл судлал дээр үзээ биз дээ. Онол хүртэл нотолчихсон байхад гэхэд
Бадмаа: нээрээ тийм байх шүү гэтэл
Туяа: за за их багш минь ойлголоо,мэдээд,бодоод байгаа хирнээ яг цагаа тулахаар чадахгүй юм байна ш дээ гэв.
Чимгээ:Болноо хө,аягүй л бол чи бид нараасаа дээр хүнтэй сууна даа хэмээн инээснээ,за тэр яахав,би нээрээ шинэ жилээр өөрөө даашинзаа хийж өмсөх гээд энэ даавууг авсан. Нөгөө ангийн Светлана надад нэг сэтгүүл өгсөн юм. Тэрэн дээр байгаа нэг даашинз их таалагдсан,хийхэд ч гайгүй юм шиг байна лээ гэхэд нөгөө гурав үзье дээ хэмээн зэрэг дайрав.
Ээжээ та зүгээр үү,бид гэртээ ирчихлээ. Хүү нь таныг зовоосон бол уучлаарай.
За миний хүү усанд ороод гараад ир ээж нь сайхан хоол хийгээдэхье гэв. Тулгаа усанд орохын өмнө утсаа цэнэглэнгээ Мишээлрүү залгатал утас нь холбогдох боломжгүй байв. Яасан юм болоо,хичээл дээрээ байгаа юм болов уу...
Чимгээ чимээгүйхэн хүүгийнхээ хооллож байгааг харснаа,тэнгэр минь гэж ямарч адилхан юм бэ дээ,томрох тусмаа улам л адилхан болоод байхын,яг л ийм залуу байсан даа чи минь хэмээн бодсоноо өөрийн мэдэлгүй санаа алдчихав. Тулгаа ээжийгээ тэр хүнтэй уулзсанаас хойш нэг л сонин болсоныг мэдсэн ч юу ч асуусангүй,юу ч асуух юм билээ дээ. Тэгээд ч ээж нь өөрийнхөө ярихыг хүссэн зүйлээ л ярьдаг,илүү дутуу юм асууж ээжийгээ зовоогоод яахав дээ. Намайг л гэсээр өдий хүртэл явна шүү дээ хэмээн бодон дуугүйхэн хоолоо идэн сууна. Ээж нь:
Миний хүү чи яагаад надаас эцгийнхээ тухай нэг ч юм асууддаггүй юм бэ хэмээн гэнэт асуув.
Би тэртээ тэргүй мэдээ орох цагаасаа миний хажууд байгаагүй мэдэхгүй хүнийг юуг нь асуухав дээ. Надад та минь л байхад болоо. Ээжээ та хүүдээ уурладаг уу хэмээн асуув. Чимгээ юунд хэмээн гайхан асуутал.
Тээр жил та намайг жаахан байхад нэг хүнтэй суух гээд авчирхад би уурлаад хоёр хоног өрөөнөөсөө ч гараагүй,юм ч идээгүй гэхэд.
Чимгээ инээмсэглэн:юунд уурлах вэ дээ. Надад ч гэсэн чи минь байхад болоо гэв.
Тулгаа инээснээ би тэгэхэд таныг усанд орох юмуу,унтчихсан хойно чинь өрөөндөө баахан идэх юм тавьчихдаг байсан ш дээ. Харин ам л их цангадаг байсан гэтэл ээж нь инээмсэглэн:ээж нь мэдэлгүй яахав дээ тэгээд л чиний дуртай ундааг бөөн бөөнөөр нь авдаг байлаа ш дээ хэмээтэл
Тулгаа:ха ха ха,би харин гайхаад байсан юм,намайг аргадах гээд байна л гэж боддог байсан,хирэндээ л таныг аргалаад байна гэж бодоод байсан байгаа юм даа гээд тэр хоёр хөгжилдөн инээлдэв.
Хоолоо идэж дуусаад Тулгаа ээжээ уучлаарай хүү нь одоо нэг хүнтэй уулзах хэрэгтэй байна,орой таньд бүгдийг нь хэлнээ гээд үнсүүлээд гарлаа.
(
Сэтгэгдэл бичих? |
Өгүүллэг |
Оноо: 0/0 |
Өгүүллэг )
Манай сайт танд таалагдаж байвал LIKE хийгээрэй. Танд баярлалаа.
|
|
|
|
 |
Санал асуулга |
 |
|
Та манай гишүүн болохыг хүсвэл энд дарна уу.
t
Одоо онлайнд 318 зочин 0 гишүүн байна.
|
|
|
 |
 |
Агуулга |
 |
|
| Бямба, 2024.03.30 | | · | Лха Отхан : ЗАМЫН ТУХАЙ ШҮЛЭГ |
| Даваа, 2024.03.04 | | · | Б.Явуухулан: Сонин сурвалжлагчид ярьсан нь |
| Пүрэв, 2024.01.25 | | · | Г.Мөнхтулга : ХАЙР |
| · | Г.Мөнхтулга : ТҮҮНД |
| Пүрэв, 2023.12.21 | | · | Г.Мөнхтулга : ХОТЫН ШӨНӨ |
| · | Г.Мөнхтулга : ЧАМД |
| Мягмар, 2023.12.12 | | · | Долгорын Цэнджав : ТАМГА |
| Мягмар, 2023.12.05 | | · | Г.Мөнхтулга : Зүүд |
| · | Г.Мөнхтулга : ХЭДЭН ҮГ |
| · | Г.Мөнхтулга : ДҮРСГҮЙ БОДОЛ |
| · | Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ |
| · | Г.Мөнхтулга : БИ ХИЙСЭЖ БУЙ НАВЧ |
| Даваа, 2023.11.27 | | · | С.Начин : Уучлалын шүлэг |
| Пүрэв, 2023.10.19 | | · | А.Эрдэнэ-Очир : АЯЛАГХАН ЗАЛУУ НАС МИНЬ |
| · | Ц.Доржсэмбэ: ЧИНИЙ САЙХАН ГАРЫН ХҮЙТЭН |
| · | Ц.Доржсэмбэ: ЦАС БОРОО |
| Лхагва, 2023.10.18 | | · | Т.Дарханхөвсгөл : Үхэр огдой |
| · | Б.Явуухулан НҮҮДЭЛЧНИЙ НАМАР |
| · | А.Эрдэнэ-Очир : Тунгалаг гунигийн улирал |
| · | Ц.Доржсэмбэ : НАМАЙГ ХАРСАН НҮД |
| · | С.Ууганбаяр : НАМАРТ БИ ДУРГҮЙ |
| · | Т.Дарханхөвсгөл : Бидний намар |
| · | А.Сүглэгмаа : Навчисын шуурганаар |
| · | Ц.АВИРМЭД : ТЭР НАМАР |
| · | Д.Бямбажав : НАМАР |
| Ням, 2015.10.25 | | · | Зундуйн Дорж |
| Бямба, 2023.10.14 | | · | Зундуйн ДОРЖ : Өглөө болгон эрт босч |
| · | Батсайхан Баттөгс : Миний нутгийн намар |
| Мягмар, 2023.09.12 | | · | Ц.Бавуудорж : МЭДРЭМЖИЙН ТУХАЙ ШҮЛЭГ |
| · | Ц.Бавуудорж : ИТГЭЛ |
| · | Ц.Бавуудорж : ТОМЪЁО |
| · | Ц.Бавуудорж : НАМРЫН ӨВСӨН ДУНД |
| · | Ю.БАЯН-ОЧИР : МАШИН |
| · | Ю.БАЯН-ОЧИР : ЦЭН ТОГОРУУ |
| · | Ю.БАЯН-ОЧИР : ЖАРГАЛ НЬ ТЭР |
| · | Ю.БАЯН-ОЧИР : ӨНӨӨДӨР |
| · | Ю.БАЯН-ОЧИР : Миний ертөнц |
| · | Ю.БАЯН-ОЧИР : ӨМГӨӨЛХҮЙ |
| · | Ю.Баян-очир : Мод |
| Мягмар, 2023.08.22 | | · | Б.Болормаа : Намайг явсны маргааш |
Та сараа сонгоно уу
 |
|
|
|
 |
|
Facebook 
Twitter 
