BIIRBEH.MN by Bataka

Шүлэг: Гомбосүрэнгийн Чулуунцэцэг : Алс аавын нутаг
Оруулсан admin on 2009-01-01 02:46:36 (6009 уншсан)

Гомбосүрэнгийн Чулуунцэцэг
(Ховд их сургууль, МХУЗ-IV) 2008.10.10

Алс аавын нутаг

Шувууд өдөр ирэх тусам хүрээгээ тэлж, навчис хагдрах тусам эгнээгээ эзлэн, намар гуниглах бүр эндээс явахыг яаран, зөвхөн далавчных нь эмзэг турьхан дуу үл мэдэг сонсогдохоос өөр аниргүй нэг намрыг, Ховдын цэцэрлэгийг чимээгүй орхих гэсэн шиг тэнгэрт алгуурхан эгнэжээ.
Байгалийн яруу хөгжимчид болох шувууд, гоо сайхны урланг илтгэгч улаан ногоон навчис, бас өчигдөрхөн инээсэн миний шив шинэхэн жаргал, бүгдийг үгүй хийгч намар чи яасан их гунигтай байх юм бэ? Гэвч, энэ шувууд өрнө зүгт орших аавын минь нутгийн дээгүүр мөд өнгөрнө гэж бодохоор 13-р сарын бадаг шүлгүүд аялагдаж байна. Цалгисан инээд, нулимс хоёр хатаагүй шинээрээ, саяхан үлдсэн алтанхан үе минь байгаа болохоор миний сэтгэлийн намар дулаахан байна. Яахав дээ, намар шинэ бүхнийг минь аваад явж л байг. Гэвч энд орших санаархаг дурдатгал минь нүцгэн байхад, нутагт минь үлдсэн миний нялх бүхэн энэ шувууд дээгүүр нь гунигийн аяз тоглоод өнгөрсөн ч сарниж, үгүй болдоггүй юм чинь. Аавын нутаг миний идсэн чихрийн цаас, чулуун гэрийг минь хийсгэж үгүй болголгүй, хаа нэгтээдээ хадгалж байдаг болохоор миний энэ гуниг хоосон биш ээ.
Алсрах тусам аавын нутаг
Аргамжааны чулуу шиг сэтгэлд бөхлөгдөж
Анирлах тусам багын дурдатгал
Сар хайрханы бэрзгэр чулууд шиг сэдэрч тодрох юм.

Би хаана байна

Зүгээр л амьсгалж явна – цагийн зүү эргэнэ
Зүрх цохилохыг мартана - зөндөө их инээнэ
Зүүдэн дотроо дурсана – зүв зүгээр алхана
Зүү хугарч утас ээдрэнэ
Амьдрал минь чи хаана байна!
Өнөөдөр инээх - маргааш үл инээх
Өнөөдөр гоёх - маргааш үл гоёх
Өнөөдөр гуних - маргааш үл гуних
Өнөөдөр шохоорхох – маргааш үл шохоорхох
Сэтгэл минь чи хаана байна!
Дурлахгүй, зөвхөн хэн нэгэнд итгэх
Хайхгүй, зөвхөн хэн нэгнийг хүлээх
Хийхгүй, зөвхөн агууг мөрөөдөх
Бодохгүй, зөвхөн үгийг чалчих
Хувь тавилан минь хаана байна!
Хуурамч юм шиг өөртөө би гутаж байна
Хугасхан юм шиг амьдралд би эргэлдэж байна
Хагас юм шиг дурлалд би сөхөрч байна
Хамаагүй ээ, өөртөө л олохыг би юу юунаас илүү хүснэ.
Би хаана байна аа!

( Сэтгэгдэл бичих? | Шүлэг | Оноо: 0/0 | Ховд Их сургуулийн Утга зохиолын нэгдэл )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 228 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Их Монголын шүтээн зураг
b-006.jpg
Хэмжээс: 300x398 39k
Сэтгэгдэл: 0
Үзсэн: 5640

Должин : Зам зуур
zam-028.JPG
Хэмжээс: 600x450 136k
Сэтгэгдэл: 0
Үзсэн: 4219

Зураач : Б.Хонгорзул
khongor012.jpg
Хэмжээс: 600x806 152k
Сэтгэгдэл: 0
Үзсэн: 4844

Агуулга

Monday, 2024.07.01
·	Э.Үржинханд : Он цагийг өртөөлсөн ...
·	Э.Үржинханд : ӨӨРИЙН МИНЬ АХАН ДҮҮС
·	Э.Үржинханд : БАЙГАЛИЙН БОЛЗООНД
·	Э.Үржинханд : ҮЗЭГНИЙХЭЭ ҮЗҮҮРЭЭР
·	Э.Үржинханд : ДЭЛГЭР ЗУНААР
·	Соёрхын Пүрэвсүрэн : НААДАМ ДӨХЛӨӨ ДӨӨ... ХАНЬ ГЭЖ...
·	Э.Үржинханд : ТАНИЛ ГУДАМЖААР
·	Соёрхын Пүрэвсүрэн : НҮҮДЭЛ
·	Г.Мөнхтулга : ДУРЛАЛ
·	Г.Мөнхтулга : “293”
·	Г.Мөнхтулга : . ӨӨДГҮЙ АМЬТАН
·	Г.Мөнхтулга : ХАЙР УДАХГҮЙ ИРНЭ
Saturday, 2024.03.30
·	Лха Отхан : ӨӨР ДУУНД УЯРАХГҮЙ
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn