Э. Алтантогос
(Ховд их сургууль, МХУЗ-IV) 2008. 11. 20

Би
Зөөлөн чулуут хорвоод
Зовох гэж би азтай төрсөн.
Заяа төөргөө сөрж
Жаргах гэж би зовлонтой учирсийм.
Амьдралын амтанд хөл алдаж
Арчаагүй нэгэн болохыг би хүсэхгүй
Орчлонгийн гашуунд хагсаж
Огоот халуунд дурлах гэсэн би.

Гүн харанхуйн гэгээн амьдралд
Ганцхан заяасан хүмүүн гачаал минь
Газарт тэмүүлж тэнгэр тийчсэн
Ган тулганы дөл шиг төөрөг минь.
Онгод хөглөх ирэх цагийн хөлгүй чимээнд
Орхисон насаа бачит шүлэг болгон
Орь залуу сэтгэлтэйгээ гандааж орхиод
Оройгүй сэтгэлтний түүхээс бичилцнэм, би

Аав

Буян нэвчсэн нүдээр аав минь харахад
Буруутсан бол гэмээ хүү нь гээдэг
Жаргалд хууртсан хүний орчлонд аав минь
Залгисан зовлонгоо элээж билүүддэг.
Хан тэнгэрийн сүлдэт таныхаа эвээлд
Халуун чулуу долоож томоогүй явсан би
Үнэт амьдралын хямдхан жаргалд
Учирсан бүхнээсээ таныгаа л ойлгох юм.
Учир нь алдарсан ээдрээт орчлонд
Ухаан тань нэгэнт цэлэмсэн байжээ
Үнэний тольт нуур шиг харц тань
Үүрдийн миний аргамжаа байжээ.

Аяыг Андрей Тайван
Шүлгийг Г. Отгонцэцэг / МГХ-II/
Би чамд хайртай

Хайртай гэдэг үгийг үсгээр биш
Оддоор хэлхэж чамруу илгээмээр байна
Хайртай гэдэг үгийг амаар биш
Зүрхээрээ шивнэж чамдаа хэлмээр байна.
Дахилт: Он жил улирах тусам
Чи миний зүрхний гүнд
Өнгөө улам л засан
Сувд мэт шигтгэгдсээр байх юм
Хайртай гэдэг үгийг сувд болгонд шившилж
Чинийхээ хүзүүнд зүүлт болгон зүүгээд
Зүрхэндээ багтан ядах хайрын үгээ
Цаасан дээр биш тэнгэрт үүлээр урлан чамдаа уншуулахсан.
Дахилт:
Чиний төлөө унагасан нулимс болгоны тоогоор
Дарс хундгалан чамайг согтоогоод
Дандаа дэргэдээ байлгах юмсан
Хайрт минь
Дахилт:

zam-061.JPG
Хэмжээс: 600x450 138k
Сэтгэгдэл: 0
Үзсэн: 4209

erd-033.JPG
Хэмжээс: 600x450 67k
Сэтгэгдэл: 0
Үзсэн: 4043

khongor005.jpg
Хэмжээс: 600x538 120k
Сэтгэгдэл: 0
Үзсэн: 5564