BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:
☕
Бийрбэхэд кофе авч өгөх
21 жилийн түүхийг дэмжих (QPay)
5,000₮~

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Сүрэнжав 	Шарав	 Шүлэг: Шаравын Сүрэнжав : Тэнгэрийн хүү
Оруулсан Bataka Огноо: 2010-05-10 04:11:52 (255409 уншсан)


Би тэнгэрийн хүү та нарын дунд ирсэн юм
Газрын охинтой гэрлэж нарны аяганаас цай уусан
Гашуун дарснаас хиртэж ганихарлын орон дээр хөрвөөж үзсэн
Цагаан цасан дээрээс будрахад хөөцөлдөн эрхэлж
Уулс сандайлан үүлсээс үүлсэд дүүжин хийж нааддаг байсан
Цагийн бороо тэнгэрээс асгарахад хөхрөн баясч
Утас дамжих шиг усан ширхэгээр нь авиран гарч
Оддыг сондор болгон хэлхэж цэцгийн толгойд зүүж өгч явсан
Би тэнгэрийн хүү та нарын дунд ирсэн юм

Хурмастын аянгаас гал могой ташуур шүүрэн авч
Бэртэгчний нурууг шалба ороолгон залхааж явсан
Мунхагийн хор шингэсэн хорголжийн хар нүднээс нь
Мугулзуу эвэртэй үхэрт хөллүүлэн бэртэж явсан
Муугийн гайг шившин хөөж бусдад ариуныг урин
Мөлхөж яваа хүүхдийн өвдөг дор цэцгийн дэлбээ ивж явсан
Хүний юу бодож явааг нүднийх нь харцнаас уншдаг байсан
Сэрлийнхээ сувгаар хурмастын өргөөтэй харьцдаг байсан
Сэтгэлийнхээ рашаанаас найраг болгон нэрж хүмүүст амсуулсан
Нэг нь амтархан шимж байхад нөгөө нь аяглан тамшаалж байсан
Аанай бас тургиж ч байсан алинд нь ч би гомдоогүй
Би тэнгэрийн хүү та нарын дунд ирсэн юм

Тэнгэр эцгийнхээ зүүрмэглэхийн зуур
Тэрхэн зуурын зүүд болж газар дэлхий дээр ирсэн юм
Сэрэхтэй нь зэрэг би явна
Тэр болтол нь та нартайгаа уулс түшиж туйлс хайлж
Морин толгойтой хууранд тань
Монгол аялгууг хоршин дуулж сууна
Хүмүүс минь ээ
Газрыхан минь ээ
Та нар намайг явахын цагт энэ морин толгойтой хуураа л өгөөрэй
Үүгээр чинь би хурмаст эцгээ уяруулан хайлуулан дуулуулна
Үүлэн тансаг хур болон ивэлж үргэлжид тэгвэл нь та нарыг ивээнэ
Би тэнгэрийн хүү та нарын дунд ирсэн юм

Гантиг чулуу минь чи
Ганцхан энэ мөрийг минь
Гайгүй сайн тогтоож аваарай
Би тэнгэрийн хүү та нарын дунд ирсэн юм

( Сэтгэгдэл бичих? | Шүлэг | Шарав Сүрэнжав | Шинэчилсэн огноо: 2026-10-20 09:44:55 )
☕
Танд энэ бүтээл таалагдсан уу?
21 жилийн түүхтэй Бийрбэх төслийг дэмжин сэтгэлийн урам хайрлаарай.
Бусдыг хүндэтгэж сэтгэгдэл бичнэ үү.
Санал сэтгэгдэл
2026-02-26 yoo ene ymr tseejilhed hetsu shuleg be
2026-02-26 Ууганбаяр Эрхэмсайхан Гоё шүлэг байна шүү
2026-02-21 sain baitsgaana uu
2014-05-04 cak
2014-03-23 saihan shuleg bolson bna amjilt husii
2014-01-25 Mash saihan shuleg bolj setgel hudulluu
2014-01-10 nas togtson busguig ni oruulna uu
2013-11-18 Saihan yum aa. "Bagsh" nairaglal tani gaihamshig shyy. Tandaa sain saihnig hysie.
2013-05-26 Гайхалтай сайхан бүтээл
2012-12-04 tanii shuleg nada ix taalagddag tand eruul enxig husen erooe
2012-11-05 ih goy shuleg sui belgiin yruul bga yu?
2012-11-05 үнэхээр гоё...................
2012-11-01 Sain bvteel hvnii setgeliig hodolgoj chadsan
2012-11-01 Ta uneheer tengeriin huu mon shu :D
2012-10-31 Surenjab guai bol gaihamshigtai nairagh shu ta urt udaan nasalj bidenteigee bayar gunigaa hubaaltsaj olon olon saihan buteelee dahin dahin
tuurbiarai
2012-10-25 goy shuleg b.a tand eruul enhiig husey
2012-10-25 gaihamshigtai gvn utga sanaatai bvteel bna munhud orshih boltugai
2012-10-21 tiimee bi tengeriin huu
2011-12-10 Tand eruul enhiig husie
☕ Кофе авч өгөх