Тэнгэр гижигдсэн уулсынхаа энгэр талд нь нутагтай Тэрлэгэн бодолтой ээжийнхээ санчигинд нь бууралтаж өтөлдөг Зоргоор болдоггүй орчлонд сэтгэлийн тэнхээг минь аравнайлдаг Зодог нь хийморьтой аавдаа алхаад ч гэсэн очихсон
Нартай тэнгэрийн илч уулс манхайн өтлөхөд Насны гэгээн аялуу нутгийн заяандаа залбирдаг Домог түүхийн хуудсанд Монгол дүрээр амилж Дурдан хөх тэнгэрийнхээ энгээр би ухааждаг
Энэ хорвоог ухаарлын цараар тарниддаг аав минь утга санааны дараалал Энгэрээ тэмтэрч цагаан сүү ивэлгэсэн ээж минь он цагийн дараалал Элэг бүтэн удмын заяа миний сэтгэлийн дараалал Ээдрээ ихтэй амьдралд хөлөө олж тэнцэх нь миний бодлын дараалал
Мөнхөд гялалзах од шиг цэвэр ичимхий аашиндаа Мөргөл нь хуучраагүй Эх орондоо монголоороо байхыг хүсдэг Мөнгөөр чи хээрхэж дуугаа бүү хураа Мөхөхгүй ч гэсэн амьдрал гуравхан цагт эргэдгиймаа
Монгол дээлээр гоёдог хөдөөгийн өвгөд миний ёс заншил байдаг Мөлгөртлөө элэгдсэн хүн чулуунд миний түүх соёл байдаг Мохошгүй иртэй түмэн уулсад миний сэтгэлийн тэнхээ байдаг Могойн чуулган, туулайн хэвтэр нь миний нутаг байдаг
Амьдралыг би хуулж амьдраад яахым бэ Алдаж оносон ч хувь заяа минь байна Минийх болооч гэж гуйж амьдраад яахым бэ Мэндийн зөрөөтэй нөхөд байхад болно
Дурлалаа дурлалаа гэхэд дуун заяатай амраг минь байна Дордлоо дордлоо гэхэд дорнын их соёл надад байна
Зуу зуун жил дамжиж нар элээсэн миний эцэг Монгол Зулаагаар амьсгалж цагаан сүү ивэлгэсэн миний эх Монгол Залуу насаараа гоёж чинийхээ төлөө шаналах миний хайр Монгол Завгүй хэрнээ нэрж сэтгэлээн тайвшруулдаг миний нулимс Монгол
Өвгөн хөх улиасаа санаж би тунгалагшдаг Өглөгийн өндөрлөг уулсаа шүтэж би тунгалагшдаг Хөдөөгийн малчин ардаа дээдэлж би тунгалагшдаг Хөх монголынхоо тэнгэрт эрхэлж би тунгалагшдаг
Уярч хатуурч даслаач бөшөөгүй Монгол цус Уйлж дуулж хайлсанч гэсээгүй Чингисийн цус
Миний цус, Миний тунгалагшлаа
МИНИЙ ТУНГАЛАГШИЛ номноос
Галзад овогт Баттулгын Ариун-Эрдэнэ
Шуурайн Солонго: Гималай
Шуурайн Солонго: ТООРОЛЖИН
Ш.Сундуйжав : Үүр цайж байна
Э.Үржинханд : Хос ном мэндэллээ
Б.Болдсүх : Таг мартсан тангараг
Ч.Дагмидмаа
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
mongolia2007year-236.JPG Хэмжээс: 600x450 158k Сэтгэгдэл: 0 Үзсэн: 3859
Хос тогоруу Хэмжээс: 600x514 98k Сэтгэгдэл: 0 Үзсэн: 7273
B2-006.JPG Хэмжээс: 600x450 83k Сэтгэгдэл: 0 Үзсэн: 5466
Нэр: Э-шуудан: Санал хүсэлт:
Facebook 
Twitter 
