BIIRBEH.MN by Bataka - Д.Хишигдэлгэр : Эх орон минь Өршөө

Шүлэг: Д.Хишигдэлгэр : Эх орон минь Өршөө
Оруулсан admin on 2011-04-16 16:49:49 (4650 уншсан)

Мөн чиг сайхан эх орон минь

Миний шүтээн хайртай Монгол минь өршөө

Цээл сайхан уртын дуу шигээ яруу

Цэнгэл жаргалын минь охь Тандаа мэхийе

Хөл тушаалтай харийн нутагаас

Сэтгэл жигүүрлэн тань руугаа зорилоо

Зүүд гэдэг сайхан хөлөгөө дөрөөлж

Зөндөө санасан нутагаа эргэлээ би...

Аргаль янгиртай баян Алтай минь

Ар өвөртөө нөмөртөй дэлгэр Хангай минь

Хээлэн цэнхэртэх сүрлэг Хэнтий минь

Хэнийх ч биш Монголын минь уулс минь

Өвгөдийн минь мөнхөрсөн өндөр хайрхад минь

Өмөг түшиг сүрлэг хангайд минь өршөө

Алдрыг тань дуудахаас айдаг ардын хүү билээ би

Дүрийг тэнь зүйрлэхээс эмээдэг элгэн садантай билээ дээ

Будантай хөвч тайгад тань буруу зөв орилсоныхоо төлөө

Бурман жимс, самартай моддыг тань сэгсэрсэнийхээ төлөө

Тээж явсан хүслээ тандаа даатгаад мордохдоо

Атгаад тависан чулуунаас өөр

Арчилж таныгаа тэтгэ л үү дээ би чинь Хэдэн мянганы явдлыг танаасаа дуулаж

Хэрхэх яахаа тантайгаа зөвлөж

Даваа гүвээ бүхэнд тэнь овоо шивээгээ босгож

Нуга хормой бэлд тэнь өвөлжөө хаваржаагаа засаж

Нутаг усны алдраа танаараа овоглож ирсэн улбаатай

Нугаршгүй сайн эрс танд л хоргодож

Нулимс цусны алийг нь ч ялгалгүй та л эгшээсэн

Цастай мөстэй сэрүүн Алтайн тэргүүнээс

Цангисан уудам Дорнотын тал хүртэл

Их байгаль тэнгисийн түрэлгээс

Өмнийн шаргал элсэн далайн цаагуур

Нурууд болон сүндэрлэж

Нутаг минь болж дүнхийжээ

Хүний хүсэл тэмүүлэл танд минь шингэж

Хүний жаргал зовлон танд минь бас уусчээ

Би уултай устай, ургамалтай цэцэгтэй хангайд төрсөн юмсан

Би ундтай цайтай, ухаалаг уужуу ардын хүү болж мэндэлсэн юмсан

Харийнхан ирээд хамгийг нь аваад хаясан шороондоо хор шингээчихэж

Эх нутаг минь өршөө таныгаа хаяад явсанд, эх орон минь өршөө

Монголын бүх газар усыг нэрлэ гэвэл

Миний нэг нас хүрэхгүй

Молцог жаахан толгодоос

Мэхээрийн үнэртэй бэлчээр нь хүртэл нэртэй

Ширхэг ширхэгээс зөөгөөөд барчихгүй бол

Шивээ өвс нь ч анагаах шидтэй

Агь таанат Алтаншилийн тал минь

Атгасан шагайсан Арвайхээрийн тал минь

Сүлдэт тугийн Сулин хээрийн тал минь

Сүүн цацалтай Баянхонгорын талын минь

Бадаг шүлэгэнд миь багтахааргүй олон тал минь

Бахдах түүхтэй Монголын их тал нутаг минь өршөө

Тэнгэр газарын савслагад тэнэгэр уудам тал минь

Тэнхээт хүлэг морьдын минь шандас хөвчирсөн тал минь

Тандаа мэхийе

Танаасаа тасарсан амь хүний бяцхан үр чинь

Тал нутагаа магтан байж дуурсган дуулюү

Хүйгээ цөглөсөн бууриа тань дээрээ засаж

Хөг аялгуу хосолсон хүний амьдрал энд эгшиглэж

Амьтай голтой хэн бүхнийг асарч тойлсон тал минь

Наран нааддаг тэнгэр нь цэлмэг байхад

Насан балчир миний багад

Найз нөхөдтэйгээ наргиантай байхад

Үлгэр хөгжөөдөг өвгөд сэрүүн байхад

Үнэнд ойрхон шудрага явахад

Баян байгалийг бардамхан байхад

Бачимхан зантай оргилуун явахад

Цэцэгт сайхан талааар тань дураар гүйсэнийхээ төлөө

Цэнгэг рашаан усаар тань ундаалсаныхаа төлөө

Хөрсөн дээр тэнь хөрвөөж өссөнийхөө төлөө

Хүний орчонд хүний тооноос хасалгүй өргөсний тэнь төлөө

Тааваар цэнгэлтэй тал сайхан нутаг минь

Тандаа мөргөе

Хөх Монголын хөрс шимтэй гэж салхи нь хүртэл исгэрч байдгийг

Хүний газар явахад эх нутгийн шороо ээлтэй гэж домог байдгийг

Бурхад гуйсан ч өгөх эрхгүй гэсэн дээдсийн зарлиг оршсоныг

Буян нүглийн алинд ч болгоож чадаагүй хүүгээ өршөө

Тал нутаг минь өршөө, Эх орон минь өршөө

Хатирч урсдаг Орхоны минь урсгал шиг ширүүн

Хамаг Монголын сүр жавхаа хаачив

Хатигар нумныхаа мөлчгөр гичэр шиг бөх

Хаан Чингисийн үр хойчис яачаав

Зүтгэл бүхэнд нь од гийсэн Монгол

Зүг бүхэнд хийморио бадрааасан Монгол минь хаачив

Мишээх нь хүртэл мөнхийн гэгээ

Миний Монголын сарангоонууд хаачив

Эх орон минь хаачив

Монголын төлөө мянгантаа үхэж чадах

Борвиороо нугардагүй Монгол эрс минь хаачив

Зүүд гэдэг сайхан хөлөг минь гэнэт

Хүний хэлээр надтай хөөрөлдөж

Хайж эрсэн үнэнийг хэллээ

Харгиат голын минь боргио хөөмийг

Хаа хаамаагүй улс өөрийн гээд

Хамаргүй навтгар эр гонгинож байна

Эртнээс уламжлалт наадам цэнгэлийг минь

Энэ манайх гээд дэлхий дахинд тунхаглаж байна

Эрийн гурван наадам минь хаачив

Босоо бичигтэй Хаадын минь зарлигт

Боол чинь болъё гэж гасалдаг байсан ноход

Өнөөдөр хуцан боордог болж

Босгоны минь шороог ширхэгээр тоолж

Бөгтийж ёсолж заншсан барлагууд

Бөөнөөрөө суугаад хам хум хооллодог

Бөгсөөрөө мөлхдөг нааран шалтанууд

Өнөөдөр Монголын эзэрхийлж байна

Бузар гараараа Монгол цэцэгст минь хүрч бас тасдаж байна

Буйраа сэлгэдэггүй адгийн зэтгэрүүд

Нүүдэлчин Монголын нүгэл буяныг хэлэлцэж байна

Нүнжиг хурсан Тэнгэрийн оронд нь

Нүүдлийн шувуудыг нь ч үлдээлгүй хөөн шахаж байна

Миний мэддэг бүхэн ор мөргүй алга

Монгол гэдэг үг сулхан дуулддаг болж

Омог төгөлдөр Монгол эрс

Онгорхой нүх болгонд элгээрээ хэвтэж байна

Зүүдээ би манаж чадсангүй

Зөвхөн үүнийг л дахин зүүдлэхгүй юмсан

Би өөрөө үхэж гэвэл арай дээр байх байж

Эх ороноо л алдаж зүүдлэхгүй юмсан, Тэнгэр өршөө

Тал сайхан нутагтаа танан цагаан гэрээ баримаар байна

Тараг идээгээ дураар хүртэж

Цангаагаа гартал айраг залгилмаар байна би

Өдрийн оддыг хааяа нэг тоолж

Өндөр тэнгэртээ ойрхон нойрсмоор байна

Эх нутаг минь өршөө, тандаа очиж амжихгүй яваад

Эрдэм сурах эрхэм хүсэлдээ

Энд би хүлээстэй явна

Өнгөний хорвоогийн нүдийг хуурхаар

Өдөр бүр завгүй байгаа

Ижий ааваа тандаа даатгаад

Энд би тайван суугаа

Эх орон минь тандаа гялайлаа

Наран мандах бас ургах зүгт Та минь оршин буй би мэднэ

Хаана ч явсан Та зүрхэн тольтод мөнх надтай хамт цохилж

Амсах жаргал зовлонг хамтдаа хуваалцаж

Амьд явахын учрыг тайлж өгнөм Та.

Эх орон таныгаа ижий шигээ санавал

Ангир уураг тань тунгалаг ариун рашаан ус тань юм

Халуун элгэн хайр чинь алтан шороо хөрс тань юм

Аялгуут сайхан бүүвэй дуу тань сэвлүүр салхи тань юм

Анхилуун тансаг үнэр тань агь ганга, аргалын утаа юм

Амин насны ганхан учрал нь эх орон та минь юм

Аяа та миний амь амьдралын минь эхлэл юм

Эх орон минь өршөө,

Ангир цагаан сүүг тань гашилгасаны төлөө

Халуун элгэн хайрыг тань эмтэлж цөмлөсний төлөө

Аялгуут сайхан дууг тань тасалсаны төлөө

Анхилуун үнэрийг тэнь арилгасны төлөө

Ардаа орхиод хол одсоны төлөө өршөө

Мөн чиг сайхан эх орон минь

Миний шүтээн хайртай Монгол минь өршөө

Цээл сайхан уртын дуу шигээ яруу

Цэнгэл жаргалын минь охь Тандаа мэхийе

Намайг очтол насан өндөр ижий аавыг минь тэтгэж

Нартыг дор Монголын голомтыг залгуулаарай

Эх орон минь өршөө
Дуламдоржийн Хишигдэлгэр

( Сэтгэгдэл бичих? | Шүлэг | Оноо: 5/1 | Шүлэг )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 174 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

art_09.jpg
Хэмжээс: 600x144 64k
Сэтгэгдэл: 0
Үзсэн: 5003

Хүрэлтогоот
khureltogoot-26.jpg
Хэмжээс: 600x450 82k
Сэтгэгдэл: 0
Үзсэн: 4441

B3-003.JPG
Хэмжээс: 600x398 61k
Сэтгэгдэл: 0
Үзсэн: 4945

Агуулга

Monday, 2024.07.01
·	Э.Үржинханд : Он цагийг өртөөлсөн ...
·	Э.Үржинханд : ӨӨРИЙН МИНЬ АХАН ДҮҮС
·	Э.Үржинханд : БАЙГАЛИЙН БОЛЗООНД
·	Э.Үржинханд : ҮЗЭГНИЙХЭЭ ҮЗҮҮРЭЭР
·	Э.Үржинханд : ДЭЛГЭР ЗУНААР
·	Соёрхын Пүрэвсүрэн : НААДАМ ДӨХЛӨӨ ДӨӨ... ХАНЬ ГЭЖ...
·	Э.Үржинханд : ТАНИЛ ГУДАМЖААР
·	Соёрхын Пүрэвсүрэн : НҮҮДЭЛ
·	Г.Мөнхтулга : ДУРЛАЛ
·	Г.Мөнхтулга : “293”
·	Г.Мөнхтулга : . ӨӨДГҮЙ АМЬТАН
·	Г.Мөнхтулга : ХАЙР УДАХГҮЙ ИРНЭ
Saturday, 2024.03.30
·	Лха Отхан : ӨӨР ДУУНД УЯРАХГҮЙ
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn