Хэвлэлийн цаас зүсдэг уртаа том хутган иртэй машин байдаг , дамран хэлбэртэй хэвлэлийн том цаасыг Намсрай ах,хэвлэгч Энхтайван эд нар хамтарч өргөж ирээд нөгөөх машины тавцан дээр тавиад цахилгаан товчийг нь дарж цаасаа зүсч гардагсан.Миний дараа орсон Туяа гэдэг хянагч охин хуруугаа машины ирэн доор санаандгүй хийж орхиод тасдуулж бөөн юм болоод эмнэлэг рүү явжээ.Тэр үеэр нь би хотоос очсон таарч хуучин ажиллаж байсан,нөгөө хэдэн марзан сэтгүүлчид дээгүүрээ орох ганц нэгэн шүлэг хэлэх санаатай сонины газарт яваад ортол цаасанд боосон юм надад өгч "хурууны шөл" уухуу хэмээн марзагналдав.Тасдагдаж амьгүй болсон хөрзийсөн нарийхан хөх юм байна.Цочсон гэж яана ...муухай юм аа наадхиа аваачээ...хэмээн орилсон сон.
Ххх ххх
Бас л хичээл тараад аймгийн шугамын автобусанд суугаад явлаа. Буудлаас зам хазайх биш ажил тарах яагаа ч үгүй болохоор "сонин" дээгүүр орохоор очтол шинэ жижүүртэй болчихоод намайг оруулдаггүй "яая даа " гээд зогсож байтал Цогзаяабаатар гараад ирснээ "...өө ашгүй чи одоо хаашаа явах юм гэснээ хариу хэлэх завдал өгөлгүй...үүнийг Намын хороо оруулаад зохион зааварлагч эмэгтэйд аваачаад өгчих гэж зарлаа.Ямар хүн байдгийг би танихгүй ш дээ гэтэл...өө нэг тарган цагаан галуу байгаа... гэдгийн байна.Инээд хүрээд яс юман дээрээ би чинь "галуу"-гаа ч танихгүй хүн шүү дээ.Жижүүрийн сандал дээр зүс таних хоёр эмэгтэй сууж байснаа суугаад л байх юм.Уг нь би Дашрэнцэн ахад шүлэг уншиж өгөхөөр очсон байсан юм л даа.Жижүүрээс гуйж байгаад дээшээ хоёр давхарт гарч байж байгаад иртэл өнөө хоёр чинь сууж л байх юм.Тэгснээ намайг харснаа хоёулаа босч ирснээ " чи тэр зааварлагч эмэгтэйг таньдаггүй юм уу гэлээ" "би гайхаж хэнийг гэвэл "яагаа вэ тарган цагаан галууг" гэдэг байгаа.Би псхийтэл инээсэнд жижүүр нүднийхээ шилэн дээгүүр гайхангуй харж "битгий шуугилдаад бай" гэдэг юм байна.Малгайгаа өмсөөд гартаа Цогоогийн бичиг цаасыг бариад гартал өнөө хоёр эмэгтэй дагаад гараад ирэв.Тэгснээ бие биеэ нударч инээлдээд "тэр эмэгтэй чинь их сайхан хүүхэн байдаг ш дээ.Түүнийг тэгж хэлж байгаа юм чинь бид хоёрыг юу гэх болоо гээд тачигнатал хөхрөлдөөд,"танай сонины энэ хэд, хүн шоолохдоо гаргуун юмаа...бид хоёр ичээд босож чадахгүй суугаад л байлаа ш дээ..."гэдэг байгаа даа.Бараг хоёр цаг суусан байхаа...
Тугалган үсэг өрөгч машины хэвлэгч "охин" Төгсөө бид хоёр нэлээд оройхон "Ямааны эвэр" гэдэг хагас триллер кино үзчихээд эргэж очоод аймгийн Үйлдвэрчний эвлэлийн хурлын илтгэл тогтоол протоколыг өглөөний сонин дээр тавихаар хэвлэлд бэлтгэж байсан сан.Хэвлэхийн Норжмаа эгч бил үү Лхагваа эгч билүү тэдний л нэг "малгай" гарчигны үгнүүдийг гар өрөлтөөр өрж орхиод явчихсан байсан сан.Би өөрийнхөө өрөөнд Альгери Дантегийн "Там" шүлэглэсэн романы монгол орчуулгыг уншаад байж байтал Отгоо хэвлэсэн эхээ төмөр "гранк"-ан дээр тавьж бариад орж ирэхэд киноны "шок"-он дээр нөгөө "Там"-ынхаа "шок-ийг нэмчихсэн би "цочив доо," Отгоо "еэ халцага" чинь хэмээн давхар цочиж барьж явсан "хурлын протокол"-оо тараагаад шидчихэв.Шөнөжингөө шувуу газраас будаа түүх адил хоёулаа гар өрөгчийн кассан дээр сууж тоншин тоншин нөгөөхөө арайхийн өрж бараад хэвлэж гарлаа.Гэтэл яг үүр цайхын даваан дээр Отгоо хашгираад явчихав.Яаваа хэмээн би нойрмог дуугаар хашгирвал...нааш ирээ...энийг хараа гэв....Эрхэм нөхөд өө...гэсэн үгний ө үсэг биш о үсэг явсныг харсангүй.За тэгээд хэрэгт унах болж сандарч гарлаа.Наймтын цагааны хэд хэдэн үсэг олж ирээд хоёулаа гараараа хэвлэлийн хар хоронд үсгээ дүрж байгаад дарж гарлаа .Есөн мянган сонины бараг дөрвөн мянгаадыг нь ийнхүү "заслаа даа".Маргааш нь өглөө гэхэд сониноо тараалтанд өгчихөөд шинэ өдрийнхөө ажлыг эхэлчихсэн цоглог л суусан юм.
Би хөдөө явахаасаа өмнө аймгийн Прокурорын газар бичээч хийж "анх бичгийн машинтай харьцаж сурсан юм даа".Үүдний жижүүр нь,"хар" Эрдэнэбат,бичээч нь "халтар" Цэемаа,слесарь нь Базаргүрэв,мөрдөн байцаагч нь "шар" Сүхээ,дарга нь Чойжанцан прокурор.Ажил ихтэй бүгдээрээ орой болтол бичиг бичих нь бичгээ бичиж,үүдээ манах нь үүдээ манаж суух.Гэвч бүгдээрээ шүлгээр "өвчилсөн" хүүхдүүд.Чой прокурор "за манай хүүхдүүд нэг сайхан шүлэг хэлээч..." гэдэг сэн.Хүнд стресстэй ажлынхаа чөлөө заваар "бидний хэдэн халтар шүлгийг сонсох нь таалалтай байсан шиг" санагддаг юм.Намайг өрөөндөө дуудахаар би их айна.Юу буруу бичлээ.Юуг нь удаан муу бичлээ гээд... нэг бүрчлэн бүртгэн бодоод үүд хавьцаа нь зогсоод л...Харин хармаанд минь "шүлэг бичсэн цаас байж л байх...
Шуурайн Солонго: Гималай
Шуурайн Солонго: ТООРОЛЖИН
Ш.Сундуйжав : Үүр цайж байна
Э.Үржинханд : Хос ном мэндэллээ
Б.Болдсүх : Таг мартсан тангараг
Ч.Дагмидмаа
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
erd-013.JPG Хэмжээс: 600x800 138k Сэтгэгдэл: 0 Үзсэн: 4548
khureltogoot-01.jpg Хэмжээс: 600x450 77k Сэтгэгдэл: 0 Үзсэн: 4921
B3-010.JPG Хэмжээс: 450x600 49k Сэтгэгдэл: 0 Үзсэн: 6016
Нэр: Э-шуудан: Санал хүсэлт:
Facebook 
Twitter 
