BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:
☕
Бийрбэхэд кофе авч өгөх
21 жилийн түүхийг дэмжих (QPay)
5,000₮~

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Үржинханд 	Э	 Шүлэг: Э.Үржинханд : Дэлхий шүүрс алдахын зуураа
Оруулсан Bataka Огноо: 2013-02-23 21:29:40 (8064 уншсан)

Дэлхий шүүрс алдахын зуураа

Дээр нь орших хүн төрөлхтний тухайд:

Цээжин дээр минь бүжиг эргэн товшилж

Цэвэр ариуны дуулал зохиогч хүмүүс гэгч

Өөрсдийгөө орчлонгийн эзэн гэж тунхаглана

Өө, тэгээд зуу ч наслалгүй талийгаад л оддог

Үнэ цэнэ тогтоож, жин хэмжүүр зохиож

Өөртөө зориулан хот хороолол байгуулж

Шороон зуурмаг өндөр байшинд амьдрахдаа

Солиотой бодолдоо хүлэгдэж биесээ гоочилно

Өмссөн хувцас, зүүсэн бэлзгээ гайхуулж

Өөлж гадуурчлан  өнгөөр нэгнээ дугаарлана

Өрөөний буланд шигдэж нүдээ аниад зарим нь

Өчүүхэн биеэ тусгаарлаж гэгээрнэм гэж эндүүрнэ

Үхэхдээ хүртэл алтан авсанд хэвтэнэ гэж

Үзэхийн хязгаараа эд агурсаар торлуулчихаад

Өөд болсон хойноо ч бусдыг айлгах шунал чинь

Өө, хүүхдүүд минь хэзээ барагдах юм бэ

Энгэр дээр минь хөөцөлдөн  тоглох  та нар

Эрх мэдэл, зовлон жаргалын тухай үлгэр үүсгэгч

Энэ ертөнцөд эзэн суух гэж учиргүй тэмцэлдэнэ

Ээ, тэгээд сураг ч үгүй газартаа л шингэдэг дээ

Э.Үржинханд

2013.02.20



( Сэтгэгдэл бичих? | Шүлэг | Э Үржинханд | Шинэчилсэн огноо: 2013-02-23 21:29:40 )
☕
Танд энэ бүтээл таалагдсан уу?
21 жилийн түүхтэй Бийрбэх төслийг дэмжин сэтгэлийн урам хайрлаарай.
Бусдыг хүндэтгэж сэтгэгдэл бичнэ үү.
Санал сэтгэгдэл
2014-03-16 Гоё шүлэг зохиосон байна. Амжилт хүсье! ;)
2013-03-02 уншигч ямар гоё шүлэг зохиодог бүсгүй вэ
2013-03-01 сайнуу танилцая эгчээ ямар гоё шүлэг вэ
би бас шүлэг бичдэг
☕ Кофе авч өгөх