Ариусалын урланд дуулахуй 
Цэцгийн хоргой сүндэлмээр
Дурлант бодол туяарна
Цээжин зорго мэлтэлж
Хүслийн он жил буухиална 
Дүүрэн төгөлдөр сэтгэлийн
Мөнгөн цацар дэрвэхэд
Хайрын ордны цэцэрлэгт
Тэнгэрийн бүсгүйчүүд зугаална
Алтан гангар үүлс
Цэнгийн дусалаар бороошино
Амин мөрөөдлийн харгуй
Цэнхэр зүсийн солонготой
Ариун манан гандирсын
Уулнаа зорин буй мэт
Амрагийн дуулалт тайз
Тийн яруу үзэсгэлэнтэй
Аглагийн лавирангийн гадаа
Гэгээт үүдийг сахихуй
Шөнийн шүхрийн
Сэрүүн мяндас задархай
Аньсгат ертөнцийн дэвүүр
               сондорлоод
Шүтээн бумбын галбир мэт
               тодронгуй
Зураглан асарлагч тансаг
               бодигалын төрх
Зөнгийн анираар хүслийн
               налархайг мэтгэнэ
Зүрхний цулбуурын сонорыг
             нэрэхэд
Хуучин уярал мэлмийн
             адистай
Гэрэлтэн тунгалагших
             түгээмэл мэдэрхүй
Гэгээн жилүүдийн
             учирийг тайлан урсах нь
Гэнэн дурьтгалын зандан
             ятгаар
Гэсэрваагийн охид наадах
             мэт эгшиглэнтэй
Зуларан өнгөрөгч пансан
             анхимал
Айлчин хурын шидээр
            морилно
Залуугийн цагийг удирдан
            ирэх мэт болоод
Асар ярууслын урланг
            чимгэльюү….
                                                        2007.06.10

mongolia2007year-223.JPG
Хэмжээс: 600x450 93k
Сэтгэгдэл: 0
Үзсэн: 4065

mongolia2007year-197.JPG
Хэмжээс: 600x450 59k
Сэтгэгдэл: 0
Үзсэн: 3935

zam-019.JPG
Хэмжээс: 600x450 79k
Сэтгэгдэл: 0
Үзсэн: 4362