Сүүн цагаан саран шөнөжин асгарч хонолоо

Сүүдэр  үргэсэн гэгээнд нь нойр хулжиж хонолоо

Сүлэрсэн аясхан туяанд нь шүлэг мэндэлж хонолоо

Сүүмэн намуухан анирт нь ээжээ үгүйлж хонолоо

Үлэмжийн гайхамшигт хорвоод нэг л заяах тавиланд

Үрдээ амьдрал бэлэглэсэн  миний л  наран таньдаа

Он цаг улиравч улмаа хайрын дээдээр эрхэмлээд

Орь  яруухан дууг мянгантаа зориулавч багаднам

Тэнгэрт живсэн сарантай хамт зугаалж хонолоо

Тэнд  мичидийн чимээтэй дуу аяланхан хонолоо

Тэнүүн  сэтгэлд ургасан цэцгийг нь усалж хонолоо

Тэвэрт нь багтсан ээжээ учиргүй санаж хонолоо

Шүүдэр шүргэсэн үүрээр бодлоо эвлүүлж  ургалаа

Шүхэр цагаахан үүлсэд нь хүслээ шивнэж угтлаа

Шүүрс алдамгүй сайхан хорвоог биширч сэргэлээ

Шүтэж дээдэлдэг  ээжээ  хайрлан байж  шимширлээ

                        Энхбаатарын Үржинханд

ubr-004.JPG
Хэмжээс: 1280x960 619k
Сэтгэгдэл: 0
Үзсэн: 4847

erd-033.JPG
Хэмжээс: 600x450 67k
Сэтгэгдэл: 0
Үзсэн: 4028

Хэнгэрэгч лам
Хэмжээс: 480x600 49k
Сэтгэгдэл: 0
Үзсэн: 4970