Энэхэн хорвоод анх ирэхдээ үр минь
Ээж минь болооч та
Элгэн садан түмэнтэй болгож өгөөч
Энхрий таньдаа үр болон заяая
Элбэрэл хайраараа тосож аваач гэдэг
Энэ л үеэс бид чинь үрийнхээ
Эгэлхэн мөртлөө буянтай тавьланг нь
Хэвлийд байх үеэс нь
Хэлж ерөөж эхэлдэг юм
Хан хорвоо харин эхийн зөн заяаж
Хувь тавьлан юуг нь бодол сэтгэлд
Бодит болтол нь зурж өгдөгдөө
Болох заяаг тэгшлэх боломж олгож байгаа нь тэр
Эр бие гүйцээд энхрий үрс минь
Даль жигүүр минь ургалаа
Эх орон таныгаа хамгаалсан
Дайчин эр болноо гээд гарахад нь
Энэхэн хорвоод ЭХ ХҮН болсоны
Эрхэм жаргал тэр байлаа
Эх орны дайчин байсан бол
Энэ дэлхийнхээ дайчин болжээ та нар минь
Эв найрамдлыг сахиулахаар
Эх орноосоо явах үүрэг хүлээжээ та нар минь
Эзэн Чингэс хаан даян дэлхийг эзэлсэн
Сүр хүч төгөлдөр тэр цаг үед
Эх хүн бүрийн залбирал ерөөлтэй
Сүүн цацал хамгаалж байсан болохоор
Эх дэлхийд нэрээ цуурайтуулсан юм
Эзэн Чингэс нэрийг хүртсэн юм
Эх хүмүүс бүгд ижил юм
Энхрий үртэйгээ эсэн мэнд уулзсан юм
Харин та нар минь харьд очоод
Хүндтэй гавъяа бүгдийг байгуулаад
Хүрээд ирэх бүрд чинь
Хүсэл минь биелсэнийг ойлгодог юм
Энэ олон дайчидаараа хамгаалуулсан
Эх орон минь бат оршихын ерөөлтэй
Эх болсон замбуулан минь
Эвийн сүүгээр холбоотой
Энэхэн хорвоод эх болсоны
Эрхэм жаргал тэр болог

Ц.Оюунчимэг

khongor049.jpg
Хэмжээс: 600x480 130k
Сэтгэгдэл: 0
Үзсэн: 5361

trlj-005.JPG
Хэмжээс: 600x450 136k
Сэтгэгдэл: 0
Үзсэн: 4192

11-р сар
Хэмжээс: 600x597 110k
Сэтгэгдэл: 0
Үзсэн: 5474