Түмд урианхайн жарчуудай
Төрөлх мэргэн ухаантай
Төрсөн нутагтаа хүндтэй
Төлөг үздэг эрдэмтэй

Хатан өөлүнээс төрсөн
Хас болор шиг тэмүжинийг
Халуун алгандаа өргөж
Харан харан шинжиж:

Тэмдэг бэлгийг үзвээс
Тэнгэрийн хөвгүүн мөн гэж
Дуун алдаж хашхирав
Толгой бүхүйн залбирав

Хүндэт энэ хүнийг
Хүсэр тавиж болохгүй
Хөндий хий агаарт
Хүндэтгэн асраж тэжээ гэв

Хий агаарт тэжээхийг
Хэрхэн биелүүлж чадах бэ гэж
Хатан өөлүн жарчиудайгаас
Хариу асууж илгээв

Заа би биелүүлж өгөе гэж
Жарчиудай өөлүнд хэлээд
Загын түмэн бургаснаас
Зах дараалан шилж

Алтан яст бургасыг
Аргалын галд залж
Агуу хүнийг саадуулж
Аятай өлгий засжээ

Толбогүй цагаан хурганы
Тулам арсан дотор
Дорнын бэлэгт тарианы
Есөн зүйлийн үрийг дүүргэж

Дэвсгээр болгон дэвсэж
Дурдан панс хоргой
Торгын есөн зүйлээр
Тормсон гархыг чимэглэв

Есөн рашаан булагын
Есөн зүйлийн усанаар угааж
Есөн зүсэмийн гүүний
Сүүг сүрчиж тахив

Өнгийн есен ундаа
Өрөм тос тараг зөөхийг
Өндөр өргөсөн жарчиудай
Өлгийг мялааж ерөөхдөө:

Тэгш сайхан өлгийд хэвтэсэнээр
Тэнгэрийн үрст тэмцэл үл халдтугай
Бургасан модон өлгийд хэвтэсэнээр
Богдын үрст буртаг үл болтугай

Хас сайхан өлгийд хэвтэсэнээр
Хан хөвгүүн чи
Хамгыг эзлэгч
Хаан сууж oлныг амуултугай

Дээд хөндий өлгийд хэвтэсэнээр
Дэлгэрэгч богд чи
Дэлхийг эзлэгч эзэн болж
Нийтийг жаргуултугай гэжээ

Үлэмж буянтнийг бүүвэйлсэнээс
Өлгий хэмээн нэрлэж
Маш буянтийг энхрийлсэнээс
Манцуй хэмээн дуурсажээ

Өрлөг тэмүүжинг саатууласан
Өлгий манцуй нэрийг
Өнөр монголын хойчис
Өнөө болтол уламжласаараа

2012.09.19

/ Түмт Чо. Шинэ хөрвүүлэв/

khongor060.jpg
Хэмжээс: 600x395 91k
Сэтгэгдэл: 0
Үзсэн: 5659

mongolia2007year-016.JPG
Хэмжээс: 600x450 93k
Сэтгэгдэл: 0
Үзсэн: 6035

khureltogoot-09.jpg
Хэмжээс: 600x450 119k
Сэтгэгдэл: 0
Үзсэн: 4622