Уран оргилд нь хөөмий хөшилдсөн

Урин салхинд нь исгэрээ сэнгэнсэн

Ус гол нь туульс хайлсан

Ураг овгоороо магтаал аяалсан

Улаан нараа золгож тосдог

Уулс чуулсан нутаг минь ээ

             Өөр өөрийн өнгө аястай

             Өвөрмөц хэл өв соёлтой

             Өндөр суврагын эзэн бурхадтай

              Олон ястны өлгий орон

              Улаан нараа залбирч жаргаадаг

               Уулс туульсын нутаг минь ээ

Хиймор сүлдээ арван гурван алтайдаа хадгалсан

Хүндтэй сарьдгуудад лус савдгууд хоргодсон

Мөнгөн оройноос хөлөрсөн алтан бумбын рашаантай

Мөргөл буянаар дүүрэн мөнх хөх тэнгэртай

Удам залгаж амьдрал хөвөрсөн

Уулс туульсын нутаг минь ээ

              Аавын хүү ээжийн охинтой амрагласан жаргалтай

              Арван тавны саран шиг тэргэл дүүрэн буянтай

              Таван тансаг идээ тал бүртээ цацарсан

             Таван тивийн байгаль төгс бүрэн цогцолсон

             Уудам дэлхийн сав шим унаж төрсөн газар

            Уулс чуулсан нутаг минь ээ

Манай ховд хангай налайсан хотлын диваажин

Миний ховд хайрханууд ханхайсан шамбалын орон

                                                          Б. Эрдэнэцог

zam-021.JPG
Хэмжээс: 600x450 95k
Сэтгэгдэл: 0
Үзсэн: 4714

mongolia2007year-233.JPG
Хэмжээс: 600x450 125k
Сэтгэгдэл: 0
Үзсэн: 4673

mongolia2007year-027.JPG
Хэмжээс: 600x450 106k
Сэтгэгдэл: 0
Үзсэн: 4238