Мөнх тэнгэрийн эвээлд багтсан

Мөрөн сумын цуутай ажнай

Мянган хүлгийн салхийг хагалсан

Магнай халиун Халзангийн унага

Дээд тэнгэрийн удамт хүлэг

Дүнжин гаравын түрүү магнай

Дурдан тоостой зулардаг ажнай

Дуусашгүй удамт тэнгэрийн хүлэг

Дөрвөн туурай нь газраас хөөрөөд

Дэлтэй шувуу шиг нисдэг ажнай

Дийлж уралдахаас дутаж үзээгүй

Далавч ургаагүй газрын жигүүртэн

Хөвсгөл нуурын хөөрхөн хүлэг

Хөнгөхөн сэтгэлтэй сэрэглэн ажнай

Хөөлгөж уралдахаас хөөж уралдадгүй

Хөлөндөө эрдэмтэй талын унага

Хөх тэнгэрээс бэлгэнд төрсөн

Хөвчийн хангайн цуутай халиун

Хүлгийн заяа эвээсэн эзнийхээ

Хийморийг босгосон буянтай хүлэг

Баяр наадмын морьдыг хөтлөөд

Буухиа шиг торойгоод гараад ирэхэд

Буурал хөвсгөл цалиган давалгаалж

Болдбаатар уяачийн самсаа шархирна

2016 оны 2 сарын 22нд сартуул Б.Улаанхүү Багануур

Босго
Хэмжээс: 514x600 92k
Сэтгэгдэл: 0
Үзсэн: 5511

mongolia2007year-066.JPG
Хэмжээс: 600x450 149k
Сэтгэгдэл: 0
Үзсэн: 4202

khureltogoot-09.jpg
Хэмжээс: 600x450 119k
Сэтгэгдэл: 0
Үзсэн: 4576