Ойрын үед энэ буу нүдэнд дулаахан харагдаад Орой болгон чамайг зүүдэлж хонох юм Намайг тэврээд чи энхрийхэн байна Надад энэ байдал янагхан байна Чи минь улаан өнгөтэй Нүдэнд дулаахан харагддаг Чи минь улаан далайтай Нүдэнд хязгааргүй санагддаг Чамдаа яарсан сэтгэл миний цаг хугацаа Чамдаа орших зүрх миний орон зай Тэмүүлсэн тэнгэрт чи минь Түмээр харагдах од Тэргэл сартайд чи минь ( Дэлгэрэнгүй... | Сэтгэгдэл [] | Шүлэг | Оноо: 0/0 | Батнасан Лу )
Хар. Хуудасны тоо. Хар үгийн тоог. Үнс. Хар. Харанхуйд. Хар. Надруу. Явдал дунд нь. Янзын амьдралыг сайн хар. “Бүтэц” хорвоо. Бүгдээрээ. Ямар сайхан хорвоо. Янзаараа. Хар. Ямааг байна шүү дээ. Хар. Яралзтал нь хар. Намайг байна шүү дээ. Хар. Налайтал нь. ХАр. Хорвоог өөрийг нь. Хар. Хонгорттол нь хар. Хар. Хар хар. Хахтал нь хар.
Лу. Батнасан : Цаг үеийн шалгарал
Хяргуулсан ой мод Шүдэнзний мод болох нь Бөртэ Чоно гэргий Гоо Маралын хамт ирээд Батцагаан... Баларсаааан гээд дуудав... Хяргуулсан ой мод Миний өмнө цаас болох нь Нууц товчоог сэм уншаад Харанхуйн товчийг тайлах лугаа Хяргуулсан ой мод Бүсгүйн жинсэн өмд болоод Урдуур туялзан алхах нь Сайхан охинтой сааданд зугаалаад “Өдөр балархай, шөнө тодорхой” гэж ишлээд HOTEL зүглэх шиг гоё. Чи зогсоогоороо цахилгаан хөрөөнд тайруулаарай Чи хэвтээгээрээ цахилгаан хөрөөнд тайруулах болтугай Чи тамхиа асааж татаад, нууц товчоогоо үсэглээд Жинсэн өмдтэйгөө цахилгаан хөрөөнд ороод Цусаа үсчүүлж тэнгэрлүү sms сав Хатиган Дамдинсүрэн босоогоороо Хяргуулсан ой мод Хяргуулсан ой мод оо...
Үзэмж гуа сэтгэлийнх нь сайханд Үүрээ зассан шувуу байв Үлэмж гоо харцных нь өмнө Үгэнд дурласан үүл байв
Үргэлж чамруу урсдаг зүрхний Үнэнч сэтгэлийн лугшилт байв Үүрийн гэгээ тэмүүлдэг оршихуйн Үргэж нисэх мөрөөдөл байв
Үзэмж гуа сэтгэлийнх нь сайханд Үүрээ зассан хавар байв Үлэмж гоо харцных нь өмнө Үгэнд дурласан бороо байв.
Уулзаад чамайг ураад хаямаар Учраад чамайг уншаад шатаамаар Нүдийг чинь халбагадаж идээд Нөмгөн суучихаад үүрийн жавраар Өрөөний өнцөгрүү өндөг шидлэмээр...
Хальт харсан Айлын яндангийн утаа шиг Ганц мод Гандаж хөхрөөд Уй, гуниг, өвчин зовлондоо баригдсан дуу Ойгоор нэг цуурайтаад, Тэртээ алсаас бүгээн морьтой хүн Гэнэт хурдлан давхих нь Гэрийн яндангийн утаа шиг Ганц хөх модны гуниг аа.
Хаалганы хонх дуугарав… Нэрж суусан бодол минь хальж асгараад Нэг нэгээрээн тэнгэрт нисэв Сүүлчийн гүнж шувууны Өрөөсөн жигүүрээс унасан өд Өндөр тэнгэрт шүхэрлэн жингүүднэ Өндөр бодлын оройд гарах Өндөр зэгзгэр тэнгэр шиг хундаганаас Өөрийгөөн хайж нүцгэлж нэгжинэ Шалдан хундаганд тэнгэр багтаж Шархадсан ганц өд ойчно Хальт өөрийгөө харанхуйд харан Хайн тэнэж тэнгэрлүү өнгийтөл Чармай нүцгэн өнчин өд Шал согтуу хэвтэж байнам… Хаалганы хонх ахин дуугарав Харанхуйд асаалга эрэн тэмтчинэ.
Ганцаар уй гуниг тэврэн хэвтэнэ Ганцаар улиг үдшийг тэврэн хэвтэнэ Ганцаар харанхуйг тэврэн хэвтэнэ Ганцаар ганцаардлаа тэврэн хэвтэнэ … Өөрөө өөрийгөөн тэврээд хүйтэн хөнжилд хэвтэнэ Өнчин сэтгэлийн уйдааг сонсоно Цагны товшилт зүрхний цохилттой уралдан ганихрана Цантсан цонхны цаана Гүн харанхуй амьсгална.
Лу. Батнасан : 4 улирал Надад нэг намар бий Түүнийг зун гэдэг Зун халаастай Халаасанд нь цас байдаг Цасан надад шивнэсэн: “Чамд хайртай” гэж Уулын оргилын мөсөн болж шивнэсэн Усны эхийн булаг болж шивнэсэн. Тэр надад шивнэсэн Шивнэсэн нь цоорхой Цоорхой халааснаас Цас унахдаа “Ээжээ” хэмээн уулга алдсан Эхний шувууд яг ирж байсан.
М. Ахөрнек-т Ариухан цагаан хяруу минь Алаг нүдэн бороо минь Үүрийн гэгээ шиг инээмсэглэл минь Үдшийн бүрий шиг бодлогошрол минь Санаа алдах шиг саран минь Сар жилүүд шиг энхрийлэл минь Нулимс шиг гэгээн ертөнц минь Нууцлаг чинадын ирээдүй минь Алсын алсын урсгал минь Амьдралын нууцхан дурсгал минь Холын холын хүсэл минь Ховорхон заяаны дасал минь ( Дэлгэрэнгүй... | Сэтгэгдэл [] | Шүлэг | Оноо: 5/1 | Батнасан Лу )
Антист Лу. Батнасан
Өглөө сэрсэн орон зай дээлээн эгэлдрэглээд, өмнө минь мэгшиж Цаг хугацаа намайг дэрлээд нойрмоглочхож...
Намар 12 Өглөө 34 Бороо 55 гэв Яв даа 3 Намар 60000 Ядахдаа 7-2. Гэхдээ 46 Үгийг, Юм болгон 1 Туйлдаа хүрэхгүй намар Нэвсийх 10 Нэлдээ 7-ийн 70 хүүр Авсны 3/10 (:) хах, … бодол… Орой 71. Одоо 11.
Шуурайн Солонго: Гималай
Шуурайн Солонго: ТООРОЛЖИН
Ш.Сундуйжав : Үүр цайж байна
Э.Үржинханд : Хос ном мэндэллээ
Б.Болдсүх : Таг мартсан тангараг
Ч.Дагмидмаа
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
mongolia2007year-013.JPG Хэмжээс: 600x450 93k Сэтгэгдэл: 0 Үзсэн: 3689
Наадаан Хэмжээс: 600x931 318k Сэтгэгдэл: 0 Үзсэн: 4030
mongolia2007year-130.JPG Хэмжээс: 600x450 109k Сэтгэгдэл: 0 Үзсэн: 3701
Нэр: Э-шуудан: Санал хүсэлт:
Facebook 
Twitter 
