Монгол улсын хөдөлмөрийн баатар, Соёлын гавьяат зүтгэлтэн , АУЗ, нэрт зохиолч Бөхийн Бааст абугай 98 насандаа тэнгэрт дэвшжээ.Ум сайн амгалан болтугай Ум ма ни бад мэ хум
Орчин үеийн Монголын утга зохиолын хүндэт хойморт заларсан хамгийн өндөр настан буурал бол Бөхийн Бааст гуай билээ.

Бөхийн Бааст нь Монголын шинэ үеийн уран зохиолын "амьд архив" төдийгүй зохиолч, уран бүтээлчдэд үлгэр дуурайл болж яваа XX зууны их утга зохиолын томоохон төлөөлөгчийн нэг билээ.Эргэж монголдоо номын гэгээ сацруулан төрөөрэй та минь

 Тэрбээр 1921 оны намар цаг дор Баян-Өлгий аймгийн Алтанцөгц суманд төржээ. Яруу найраг, үргэлжилсэн үг, хүүхдийн уран зохиол гээд бүх төрлөөр туурвидаг эл уран бүтээлч бага, дунд сургууль, Москва хотын М.Горкийн нэрэмжит Утга зохиолын дээд сургууль 1964-ийг төгссөн. МЗЭ-ийн хороо болон түүний харьяа сонин, сэтгүүлд өнө удаан жил үр бүтээлтэй ажиллаж ирсэн нэгэн.

1936 оноос уран бүтээлээ эхэлж, "Толбо нуур" зохиол нь 1947 онд хэвлэгджээ. Хүүхдийн уран зохиолын "Гурван ишиг" 1957, "Хөөрхөн Баадий" 1959, "Бушуу туулай" 1967, өгүүллэг, туужийн "Алтайн цэцэг" 1965, "Хунгийн дууль" 1970, "Хөвчийн бор" 1977зэрэг 60 гаруй түүвэр, хэд хэдэн роман бичсэнээс гадна "Мандухай сэцэн хатан" зэрэг жүжгийн зохиол бичиж олон тооны ном судар эмхэтгэн редакторласан аж. "Намрын уянга", "Дарьсүрэн" туужаараа МЗЭ-ийн нэрэмжит шагнал 1966, "Хангайн бор" тэргүүтэй холбоо туужаараа Д.Нацагдоржийн нэрэмжит шагнал 1969 тус тус хүртжээ. Түүний Монголын оюуны салбарт оруулсан жинтэй хувь нэмрийг нь үнэлж Монгол улсын "Соёлын гавьяат зүтгэлтэн" 1999, Монгол улсын "Ардын уран зохиолч" 2006, Үндэсний эрх чөлөө, тусгаар тогтнолоо сэргээн мандуулсны 107 жилийн ойг тохиолдуулан Хөдөлмөрийн баатар хэмээх эрхэм дээд цолыг олгосон байна.

Бөхийн Бааст нь Монголын шинэ үеийн уран зохиолын "амьд архив" төдийгүй зохиолч, уран бүтээлчдэд үлгэр дуурайл болж яваа XX зууны их утга зохиолын томоохон төлөөлөгчийн нэг билээ.

Б.Бааст товч намтар
1921.9.10 нд Баян-Өлгий аймгийн Алтанцөгц суманд төрсөн. 1964 онд Москвад М.Горкийн нэрэмжит утга зохиолын дээд сургуулийн дэргэдэх дээд курс төгссөн. 1936 оноос уран зохиол бичиж эхэлсэн. 1966 онд “Намрын уянга” “Дарьсүрэн” туужаараа МЗЭ-ийн шагнал, 1969 онд “Хангайн бор” “Намрын уянга” номоороо Нацагдоржийн нэрэмжит шагнал, 1999 онд СГЗ цол авсан.

Б.Бааст номнууд
“Толбо нуур” 1947он
“Хань нөхөд” 1947
“”Цогт тайж” 1952
“Гурван ишиг” 1957
“Халзан бухандай” 1957
“Бороо” 1958
“Утаа” 1958
“Чоно” 1958
“Алтан жимээр” 1959
“Хөөрхөн Байдий” 1959
“Хүрлээ” 1960
“Гэнэн хонгор цаг” 1961
“Хяруу унасан цагаар” 1962
“Алтайн цэцэг” 1965
“Бушуу туулай” 1967
“Хүний сайхан сэтгэл” 1967
“Одтой тэнгэрийн доор” 1968
“Алтайн хоёр өнгө” 1970
“Алтан хурга” 1970
“Хунгийн дууль” 1970
“Алтайн хөх дөнөн” 1972
“Ганган улаан тэмээ минь” 1975
“Намрын уянга” 1975
“Хөвчийн бор” 1977
“Хаврын салхи” 1978
“Хоёр тууж” 1981
“Буу дуу хёр” 1981
“Галуу шувууны дэгдээхэй” 1981
“Яруу найргийн жигүүр” (казах) 1982
“Шарга даага” 1983
“Дөрвөн туужийн бор” 1986
“Чонын буян” 1987
“Хоёр дусал нулимс” 1987
“Цагаан тугийн намаг” 1990
“Миний эх орны өглөө” 1990
“Цаассан шувуу” 1999
“Тахир махир хоёр” 1999
“Цогт сүмбэрийн хүү” 2000
“Уйтай сэрүүн намар” 2001
“Ийм нэгэн охин байжээ” 2001
“Сагсалдай” 2001
“Удвал Оюун хоёр минь” 2004
“Алаахай саарал” 2004
“Дөрвөн туужийн бор” 2005
“Хадхүүгийн өдрийн тэмдэглэл” 2005
“Хөвхөрийн хөх хүрэн уулс” 2007
“Шадавлин зуслангийн өгүүллэг” 2007
“Алтан дэлтэй цэцэг” 2007
“Бага насны гэгээн мөрнүүд” 2007
“Гэрийн хээрийн хоёр амт” 2007

Wiki : Бөхийн Бааст

1991 оны 9 дүгээр сарын 1 –ны өдөр Өвөрхангай аймгийн Нарийнтээл суманд төрсөн 1999-2009 онд тус сумын ЕБС-д суралцаж 2009-2013 он МУИС-УБИС-ийн Утга зохиол судлал шүүмжийн анги төгссөн 
 

Зохиолч Лувсангийн Пүрэвдорж Говь-Алтай аймгийн уугуул. Бага дунд сургуульд суугаагүй. Монгол малчин айлын уламжлалт гэрийн хүмүүжил,боловсролтой. Нас хүрч,цэрэгт татагдан алба хаах зуураа хурдавчилсан сургалтаар офицер болж,цэргийн албыг 34 жил хаагаад генерал цолтой чөлөөнд гарсан.

Өнгөрсөн зууны жараад оны сүүл үеэс уран зохиол бичиж,”Хонд”,”Сүмбэр ятга”,”Хорлоо эгч”,”Дөрөлж нуурын дууль”,”Сэтгэлийн ончроо”,”Хонины гэгээ”,”Ээж охин хоёр” зэрэг 40 гаруй өгүүллэг,тууж,“Чингис хаан буюу Тэнгэрийн увдис”,”Эрлэгий бошго”,”Гилийн дадар”,”Барамнас”,”Үйлийн үр”,”Зүрхэн тахилга” тэргүүтэн 10 роман,”Хүрхрээ”,”Харанхуй Алтай”,”Хойт насандаа л шавь оръё доо”,”Амьдай найрагч”,”Сандал” гэх мэт олон арван эсээ бичиж,арав гаруй ном хэвлүүлсэн.

Л.Пүрэвдоржид “Бэтэг” роман бичсэний учир МЗЭ-ийн шагнал,шилдэг зохиол бичиж Монголын уран зохиолыг шинэчлэн хөгжүүлэх үйл хэрэгт оруулсан хувь нэмрийг нь үнэлж Монгол Улсын Ерөнхийлөгчийн зарилгаар Монгол Улсын соёлын гавъяат зүтгэлтэн цол тус тус олгожээ.

Гавъяат багш,хэл шинжлэлийн ухааны доктор,уран зохиол судлаач Ч.Билигсайхан,дэлхийн уран зохиолын академийн байнгын гишүүн,соёлын гавъяат зүтгэлтэн Го.Аким,соёлын гавъяат зүтгэлтэн зохиолч Д.Жамъян зэрэг эрдэмтэд Л.Пүрэвдоржийн уран бүтээлийг тусгайлан судалж,эрдэм шинжилгээний өгүүлэл,уран сайхны эсээ бичсэн байдаг. Ийнхүү доктор Ч.Билигсайхан “1980-1990 ээд оны Монголын хүүрнэл зохиолд шинэчлэл хийсэн зохиолч бол яах аргагүй Пүрэвдорж мөн” гэсэн бол Доктор Го.Аким “Чингис хаан буюу Тэнгэрийн увдис” романыг нь гярхай ажиглан,сайтар нягтлан судлаад “..өвөрмөц тайлалт,зөн совинт,уран зохиомжит,яруу хэллэгт сонин зохиол...” гэсэн байна. Бас,доктор Ч.Билигсайхан Пүрэвдоржийг зохиолоо түүхийн мэдлэг,авъяас чадвар,зөв сайхан хэл найруулгаар “зодож” бичдэг хэмээн үнэлсэн байдаг.
Манайх зохиолч Лувсангийн Пүрэвдоржийн зарим богиновтор зохиолыг толилуулж байх болно. Энд дарж өгүүллэгүүд уншина уу

Зундуйн Дорж (1941 оны төмөр могой жилийн могой сарын 11 cар могой өдөр Булган аймгийн Авзага сумын (өнөөгийн Хишиг-Өндөр) 5-р баг, Хадан хошууны Ар зайдан гэдэг газар мэндэлжээ- 2015 оны 10-р сарын 12-нд нас баржээ)-Монгол улсын Төрийн шагналт, соёлын гавьяат зүтгэлтэн, зохиолч, яруу найрагч.

Намтар

1952 онд буюу 11 настайдаа Авзага сумын бага сургуульд элсэн орж 1961 онд Булган аймгийн төвийн 10 жилийн дунд сургуулийг дүүргэсэн.

1962 онд МУИС-ын Хэл утга зохиолын ангид элсэн орж 1968 онд төгсөөд Монголын үндэстний радиод 1971 оныг хүртэл сэтгүүлчээр ажиллажээ. 1971 -1973 он хүртэл Берлины "Брундфункт" радиод сэтгүүлч.

1973 оноос эргээд Монголын үндэстний радиод сэтгүүлч, редактораар гавъяаны амралтанд гартлаа ажиллажээ.

1992 оны Хар мичин жилээс Мал сүргийг гэмт халдлагаас хамгаалах нийгэмлэгийг байгуулж "Баян Монгол" радио студийн захирлаар ажиллажээ. Тэрээр 12 хүүхэдтэй бөгөөд 3 нь сэтгүүлч, 4 хүүхэд нь яруу найраг, зохиолчийн мэргэжил эзэмшжээ.  

Зундуйн Дорж нь ард түмний сэтгэлд хоногшсон "Сүүтэй чулуу", "Эрдэнэ засгийн унага", "Эрийн цээ", "Үхэгсэдийн дараах ганцаардал" роман, "Уулын модод", "Хасагдавч үрэгдээгүй зохиолууд, хаягдавч дарагдаагүй зохиолууд", "Байтагт мөнхөрсөн арав", "Америк хүүхнүүдийн нүүрний баясгалан", "Миний хайртай дайснууд" шүлгийн түүвэр, "Нас тогтох сайхан", "Тоодог шандын булаг" зэрэг мянга мянган шүлэг, яруу найраг, дууны үг, роман, тууж, сурвалжлага, нийтлэлүүд туурвисан манай нэрт зохиолч, яруу найрагч байв.

Түүнтэй салах ёс гүйцэтгэх ажиллагаа 2015 оны 10 дугаар сарын 19-ний Даваа гаригт Төмөр замын соёлын ордонд болсон. Утга зохиол урлаг, соёл, нийгмийн нэрт зүтгэлтнийг сүүлчийн замд нь үдэх ёслол өглөөний 07.40 цагаас 08.40 цагийн хооронд болсон бөгөөд түүний гэр бүл, УИХ, Засгийн газрын зарим гишүүд, найз нөхөд, урлаг соёлынхон болоод түүний уран бүтээлийг шимтэн уншдаг уншигчид оролцсон аж. Талийгаачийг 09.40 цагт Алтан-Өлгийд нутаглуулжээ.

Шагнал
1993 онд "Эрдэнэ засгийн унага" түүхэн романаар Монгол Улсын төрийн соёрхол, 1999 онд Сүхбаатарын одон, 2008 онд Монгол Улсын Соёлын гавъяат зүтгэлтэн цол хүртжээ. Мөн түүний уран бүтээлийг мэргэжлийн байгууллага, хамт олон нь өндрөөр үнэлж Монголын Зохиолчдын Эвлэлийн болон Монголын Сэтгүүлчдийн Холбооны нэрэмжит шагнал, Монголын радиогийн тэргүүний ажилтан, "Малчны алдар" одон хүртээсний зэрэгцээ 2009 онд олон нийтийн санал асуулгаар Монголын ард түмний дээд шагнал "Ард түмний баатар" цолоор шагнажээ.

Зохиолчдын эвлэлийн гишүүн Шагдарсүрэнгийн Батцэцэг

Боржигон овогт Шагдарсүрэнгийн Батцэцэг нь Хэнтий аймгийн Дархан сумын “Мэргэн хошуу” гэдэг газар малчин ард Шагдарсүрэнгийн 5 дугаар охин болон мэндэлсэн байна.
Нийгмийн ажилтан сэтгэл судлаач багш мэргэжилтэй.
Ш.Батцэцэг нь 2011 онд “Ногоолин сүм” шүлгийн түүвэр,ижийдээ зориулсан “Эгшиглэнгийн бүсгүй тэнгэр”, нэртэйгээр анхны хос яруу найргын номоо гаргасан.

Бичсэн шүлгүүдийг нь унших

Зохиолч орчуулагч Түмт Чо.Шинэ

Овог : Түмт

Аавын нэр : Чойнжин

Бүтэн  нэр : Түмт Чо. Шинэ

1964 онд төрсөн.ордсын үүшин хошууны галуут нутгын уугуул.

1985 - 1987 онуудад өвөр монголын монгол хэл бичгийн тусгай мэргэжлийн сургуульд / одоогийн Хөх хот Үндэсний Дээд Сургууль/ суралцсан.

1987 - 1999 онуудад Ордос хотын Үүшин хошууны засгийн газрын радио телевиз, хөдөлмөр ажилтан,үндэстэн шашин  суртахууны комисс зэрэг ажилын салбаруудад ажилласан.

1999 оноос одоо хүртэл Ордос хотийн Үүшин хошууны  намын хорооны тамгын газрын орчуулагчаар ажиллаж байна.

( Дэлгэрэнгүй... | Сэтгэгдэл [] | Намтар | Оноо: 0/0 | Өвөр Монголын яруу найраг )

 Ахмад зохиолч, сэтгүүлч Мөнгөний Бизъяагийн товч намтар

Дөрвөд Далай Хан аймгийн Саа вангийн хошуу буюу Хяргас сумын нутагт 1917 онд төржээ.
Тэрээр бичиг үсэг сурч, аймгийн чуулган тамгын газар тал бичээч болжээ.
1923 онд цэрэгт татагдан Ховдын цэргийн хорооны сургагч “Ятуун” Равдангийн удирдлаган дор алба хашиж, шинэ цагийн эрдэм ухаанд суралцжээ.
1925 онд Чандмань уулын аймаг байгуулахад Баянмандал уулын хошууны зарга шүүхэд хэлтсийн даргаар томилогдон улмаар аймгийн шүүхийн байцаагч, ХЗЭ-ийн хорооны нарийн бичгийн даргаар ажиллажээ.
1926 онд хуралдсан МХЗЭ-ийн их хуралд төлөөлөгчөөр оролцжээ.
Тэр 1934 онд Улаанбаатар хотноо Нам, улсын төв сургуульд суралцах хугацаандаа С.Буяннэмэх, Ш.Аюуш нарын удирдсан утга зохиолын бүлгэмд суралцах болсноор уран бүтээлийн зам нь эхэлсэн байна.
М. Бизъяа гуай 1939 онд Москва хотноо Дорно дахины хөдөлмөрчдийн коммунист их сургуулийг төгсөж 1939-1942 онд Гар үйлдвэрийн төв холбоонд зааварлагч, хэлтсийн дарга, орлогч дарга, Нам улсын төв сургуульд багшаар ажиллаж байжээ.
1942 оноос “Үнэн” сонины газарт шилжин мэдээ боловсруулагч, сурвалжлагч, хэлтсийн даргаар ажиллах хугацаандаа “Бэлэг”, ”Дүрэлзсэн дөл”, ”Хос бэлчээр”, ”Баруунтан гэснээ баллав” зэрэг шилдэг өгүүллэг, ”Милан голын тариалан”, ”Өвлийн нүүдэл”, ”Хүдэрийн шижир” зэрэг найруулал бичжээ.
1961 онд “Бэлэг”, 1969 онд “Үнэн домог”, 1976 онд “Ганц горхи”, 1987 онд “Анхны наадам” хэмээх дөрвөн ном хэвлүүлжээ.
Түүний зохиолын гол сэдэв нь ард түмний аж амьдрал, түүх соёл, аз жаргал, шинэ үеийнхний эрх чөлөө, Монгол Зөвлөлтийн ард түмний найрамдал нөхөрлөл, Ардын засгийн жилүүдийн монгол ажилчины дүр төрх, эх оронч санаачлага, оюун санааны өсөлт юм.

Эрхэс овогт Нарантуяагийн Базардэрэг

1986 онд Архангай аймгийн Батцэнгэл суманд төрсөн. Үхэр жилтэй. Хуульч, өмгөөлөгч мэргэжилтэй. 2000 оноос уран бүтээлээ туурвиж эхэлсэн.

1.Бүтээл:

Ø  2004 онд “Чанадын сэтгэл” яруу найргийн түүвэр
Ø  2005 онд “Гэгээн зүг”  яруу найргийн ном
Ø  2006 онд “Гүн огторгуй” яруу найргийн номоо хэвлүүлсэн

2.Амжилт

Ø  “Болор Цом-2004” наадмын шагналт
Ø  Төрийн соёрхолт яруу найрагч Н.Нямдоржийн нэрэмжит “Яруу найраг-Сэтгэлийн жигүүр” наадмын 2004 оны авяаслаг яруу найрагч Мөнгөн медаль, 2005 оны шилдэг яруу найрагч Алтан медаль, 2006 оны шилдэг яруу найрагч Алтан медаль
Ø  Архангай аймгийн хүүхдийн “Хүрэл тулга” наадмын 2001, 2003 оны тусгай байрын шагналтай
Ø  “Авилгагүй төр-Хөгжлийн түлхүүр” улсын уралдааны шүлгийн төрөлд тэргүүн байр
Ø  “Хангайн Цом” “Гал Онгод” наадамуудад амжилттай оролцож байсан
Ø  Их Засаг их сургуулийн Алдарын од, Их засаг алт, 10 жилийн ойн болон тэргүүний оюутан алтан медальтай
Ø  Архангай аймгийн 2006 оны шилдэг оюутан

3.Ажилласан байдал

Ø  2007-2009 онд Их засаг их сургуульд багш
Ø  2010 оноос одоог хүртэл Монголын Өмгөөлөгчдийн холбооны гишүүн өмгөөлөгчөөр ажиллаж байна. 

Харилцах утас: 88002776

1986 онд Архангай аймгийн Батцэнгэл суманд төрсөн. Үхэр жилтэй. Хуульч, өмгөөлөгч мэргэжилтэй. 2000 оноос уран бүтээлээ туурвиж эхэлсэн.
1.Бүтээл:
Ш  2004 онд “Чанадын сэтгэл” яруу найргийн түүвэр
Ш  2005 онд “Гэгээн зүг”  яруу найргийн ном
Ш  2006 онд “Гүн огторгуй” яруу найргийн номоо хэвлүүлсэн 
2.Амжилт 
Ш  “Болор Цом-2004” наадмын шагналт
Ш  Төрийн соёрхолт яруу найрагч Н.Нямдоржийн нэрэмжит “Яруу найраг-Сэтгэлийн жигүүр” наадмын 2004 оны авяаслаг яруу найрагч Мөнгөн медаль, 2005 оны шилдэг яруу найрагч Алтан медаль, 2006 оны шилдэг яруу найрагч Алтан медаль
Ш  Архангай аймгийн хүүхдийн “Хүрэл тулга” наадмын 2001, 2003 оны тусгай байрын шагналтай
Ш  “Авилгагүй төр-Хөгжлийн түлхүүр” улсын уралдааны шүлгийн төрөлд тэргүүн байр
Ш  “Хангайн Цом” “Гал Онгод” наадамуудад амжилттай оролцож байсанжилийн
Ш  Их Засаг их сургуулийн Алдарын од, Их засаг алт, 10 жилийн ойн болон тэргүүний оюутан алтан медальтай
Ш  Архангай аймгийн 2006 оны шилдэг оюутан 
3.Ажилласан байдал 
Ш  2007-2009 онд Их засаг их сургуульд багш
Ш  2010 оноос одоог хүртэл Монголын Өмгөөлөгчдийн холбооны гишүүн өмгөөлөгчөөр ажиллаж байна. 
Харилцах утас: 88002776 

1987 оны 04-р сарын 22-нд Өвөрхангай аймгийн Хайрхандулаан суманд төрсөн. 2006 онд Өвөрхангай аймгийн Арвайхээр сумын 1-р сургууль, 2010 онд Утга Зохиол Нийгмийн Ажилтны Дээд Сургуулийг Монгол хэл - уран зохиолын багш мэргэжлээр төгссөн. Тэрээр шүлэг, афоризм, эсээ, өгүүллэгийн анхны түүврээ 2009 онд "Нүдэн гоо" нэртэйгээр гаргасан. Хоёр дахь номоо хэвлэхээр бэлтгээд байна. Тэрээр 20 гаруй дууны шүлэг, афоризм, мөн УЗНАДС-ийн төгсөгчиддөө зориулан элэглэл бичснээ эмхтгэн гаргах гэж буй аж. 

1987 оны 3 дугаар сарын 3-нд Хэнтий аймгийн Өндөрхаан хотод төрсөн. 1994-2004 онд Хэнтий аймгийн Хэрлэн сумын “Тэмүүжин” цогцолбор сургууль, 2004-2008 онд Монгол улсын Боловсролын их сургуулийг төгссөн. Утга зохиолын ажилтан – Сэтгүүлч мэргэжилтэй.
Шагнал:
2001 онд “Үгийн уурхай” зохион бичлэгийн улсын уралдааны дэд байр
2002 онд “Чулуун домог” симпоузмын шүлгийн тэмцээн тэргүүн байр
2004 онд “Мэлмийн чимэг монгол бичиг мину” сайхан бичигтний улсын уралдааны  тусгай байр
2005 онд “Янжинлхам” оюутны яруу найргийн улсын II наадмын дэд байр
2006 онд Их зохиолч Д.Нацагдоржийн мэндэлсний 100 жилийн ойд зориулсан “Гүн галуутай” яруу найргийн улсын наадмын тусгай байр
Хэнтий аймгийн 2007 оны шилдэг оюутан
“Оюутны алдар” хүндэт медаль
Ажлын туршлага:
2004-2008 он “Хүмүүс” сонинд сэтгүүлч
2008-2009 оны 9 сар “Өнөөдөр” сонинд сэтгүүлч
2010-2011 он хувиараа
2011 оноос “Дарма судар” ХХК-д компанид ахлах редактор

Холбоо барих:
Утас: 96060637, 99822429
И-мэйл: salkhi_met@yahoo.com
Веб хуудас: www.salkhi-met.bblog.mn, www.salkhi-met.blogspot.com

Данзангийн Нямсүрэн /1947-2002/

Эрээнцавын эвдрээгүй яруу найрагч, "Дорнын их яруу найрагч" хэмээн амьд сэрүүн ахуйдаа алдраа дуудуулсан суу билиг төгөлдөр яруу найрагч Данзангийн Нямсүрэн 1947 онд Дарьгангын хээр талд нүүдэлч-малчин-хувраг Данзангийн отгон хүү болж мэндэлжээ. Баруун – Урт хотын 10 жилийн дунд сургууль, Улаанбаатар хотноо Багш нарыг бэлтгэх сургууль төгсөж, Сүхбаатар аймгийн Наран сум, Эрдэнэцагаан сумын дунд сургуульд багшилж байгаад цэргийн алба хааж, дараа нь Улаанбаатар төмөр замын Баянтүмэн, Эрээнцав өртөөнд ажиллаж, амьдралынхаа алтан жилүүдийгЭрээнцаваар овоглож, энэ нутагт мөнхөрсөн бөлгөө.

Мөнхөд овогт Мөнхөөгийн Амарбаяр

Завхан аймгийн Дөрвөлжин суманд төрсөн. Алдархаан сумын уугуул. Луу жилтэй. Бэрс КУДС, Улаанбаатарын их сургуулийг дүүргэсэн.

Боловсролын магистр зэрэгтэй. Нийслэлийн Дөрвөн-уул радиод редактор, ММ агентлагт сэтгүүлч тоймч, Батлан хамгаалах яамны харьяа Дуулга телестудид захирал, Нээлттэй нийгэм форумын ТВ хөтөлбөр, "Форум" нэвтрүүлэгт редактороор ажиллаж байсан.

Одоо ТВ-5 Телевизийн улс төр, мэдээллийн албаны даргаар ажилладаг. МЗЭ, МСНЭ-ийн гишүүн.

2009 онд өгүүлэг жүжгийн "Хувь тавиланг худалдаж авдаггүй" номоо гаргасан. Утга зохиолын багш нь Төрийн шагналт, соёлын гавьяат зүтгэлтэн Дарма Батбаяр.

Бичсэн өгүүллэгүүдийг эндээс үзнэ үү

Бандийн Болормаа.

1988-02-08-нд Баян-Өлгийд төрсөн.

УЗНАДС-ыг 2010 онд сэтгүүлчээр төгссөн.Анхны ном МЗЭ-ээс зарласан "Анхны ном" уралдаанд шалгарч 2008 онд "Намайг эзгүйд" нэртэй хэвлэгдсэн.

Одоо "BTV"телевизийн редактор

Жагдалын Лхагва намтар, уран бүтээл
1942-1997 он

Жагдалын Лхагва 1942 оны 03-р сарын 18нд Дорноговь аймгийн Хөвсгөл сумын Мөнх гэдэг газар Санжмятав,Жагдал нарын хоёр дохь хүү болон мэндэлжээ. Ээж аав нь шашин шүтлэггүй энгийн малчин ард байжээ.

• 1951-1958 онд Хөвсгөл сумын 7 жилийн дунд сургуульд,
• 1958-1961 онд Сайншандын 10 жилийн дунд сургуульд,
• 1961-1966 онуудад ЗХУ-ын Киев хотын Техникийн их сургууль / КПИ/
• 1966-1970 онд Сүхбаатар хотын Дулааны цахилгаан станцад инженер
• 1970-1985 онд “Үнэ стандарт,хэмжүүрийн хэрэг эрхлэх байгууллага”-д “Техник технологийн мэдээ”, “Бүтээгдэхүүний чанар,стандартчлалын асуудал” сэтгүүлийн хариуцлагатай нарийн бичгийн дарга
• 1985-1987 онуудад Москва хотын М.Горькийн нэрэмжит “Утга зохиолын дээд сургуулийн” дээд курст
• 1987 оноос “Үнэн” сонины соёлын хэлтэст редактор,сэтгүүлч, сурвалжлагч
• 1992 -1997 онуудад “Үнэн” сонин болон “Бодлын солбицол” сонинд утга зохиолын ажилтан нарийн бичгийн даргаар ажиллаж байсан.
• 1970 оноос Монголын зохиолчдын эвлэлийн гишүүн, Монголын сэтгүүлчдийн холбооны гишүүн болсон байна.
• 1990 онд МАХН –д элссэн

Ж. Лхагвын уран бүтээлийг төр засгаас үнэлж, Алтан гадас одон, Хөдөлмөрийн гавьяаны улаан тугийн одонгоор шагнажээ. Мөн Монголын зохиолчдын эвлэлийн шагналтан, Д.Нацагдоржийн нэрэмжит шагнал,Хэвлэл мэдээллийн тэргүүний ажилтан, 1995 оны “Утгын чимэг” наадмын тэргүүн байрын шагнал тус тус хүртэж байжээ.

Халтархүүгийн Болормаа

- 2003 онд Утга зохиолын дээд сургуулийг утга зохиолын ажилтан-сэтгүүлч мэргэжлээр

- 2005 онд Удирдлагын академийг нийгмийн удирдлагын менежер мэргэжлээр төгссөн.

- 2006 онд "Эмзэглэл" нэртэй анхны номоо хэвлүүлсэн.

Одоо өдөр тутмын шилдэг хэвлэл "Үндэсний шуудан" сонинд ажиллаж байна.

mongolia2007year-270.JPG
Хэмжээс: 600x450 65k
Сэтгэгдэл: 0
Үзсэн: 4645

B2-005.JPG
Хэмжээс: 600x450 65k
Сэтгэгдэл: 0
Үзсэн: 4737

zam-041.JPG
Хэмжээс: 600x450 109k
Сэтгэгдэл: 0
Үзсэн: 3804