BIIRBEH.MN by Bataka

Шүлэг: Б.Уугансүх : Янагийн гурвалжин
Оруулсан admin on 2008-08-27 02:06:08 (3023 уншсан)

Амраг минь би чамайгаа янагийн гурвалжинд гээчихэж
Аль сайхан бүхнээ чамд л өгөх гээд хайрын гурвалжинд төөрчихөж
Адилхан бүсгүйн харцанд би хууртчихаж
Амраг чинийхээ өврөөс би төөрчихөж
Харанхуй, хүйтэн намрын тэр орой
Хайрын гурвалжинд би өөрийгөө гээчихэж
Хайртдаа өгөх цэцгийн баглаа намрын хүйтэнд бээрчихэж
Халамцуу явсан паян минь надаас түрүүлээд оччихож
Хайрт минь намайг уучлах эсэхээ өөрөө мэд
Эр хүн гэдэг чинь нүүдлийн шувуутай адилхан
Энгэртээ нааж бүлээхэн байлгахгүй бол нисээд явчих шувуу
Эмэгтэй хүний илчинд бүлээхэн байж тогтдог шувуу
Эр хүн гэдэг чинь нүүдлийн шувуутай адилхан.
Бямбын Уугансүх

( Сэтгэгдэл [] | Шүлэг | Оноо: 14/3 | Уугансүх Б )

Шүлэг: Б.Уугансүх : Дур хүсэл
Оруулсан admin on 2008-08-27 02:05:11 (3036 уншсан)

Шувуудын сүүлчийн цуваа намрыг дагуулаад одоход
Шөнө амталсан жаргал минь үүрээр нисээд явчихад
Хамт байсан бүсгүйгээ өөрөөсөө үдэж өгөхөд
Хайр амталсан өдрүүд минь нүдний өмнүүр өнгөрөх шиг
Дур хүсэл минь надаас дайжих энэ үү
Хаврын анхны яргуй шувуудыг дагуулаад ирэхэд
Хайр амталсан өдрүүд минь нүдний өмнө өрнөхөд
Халуун янагын яриа цухас цухасхан шивнэлдэхэд
Дур хүсэл минь надад иргээд ирсэн нь энэ үү
Өнгө даасан талын цэцэг нь дунд
Өөрөө би эрвээхэй болон нислээ
Хайр дурлал, дур хүслийн минь хүчинд
Харин миний далавч цуцсангүй
Би ниссээр л байлаа.

Бямбын Уугансүх

( Сэтгэгдэл [] | Шүлэг | Оноо: 0/0 | Уугансүх Б )

Шүлэг: Б.Уугансүх : 4 мөртүүд (Хэсэг№4)
Оруулсан admin on 2008-08-27 02:03:00 (4086 уншсан)

Өглөө би хайртайгаа учираад
Үдэш болтол зугаалах юмсан
Үдэш болоход гэрт нь хүргэчихээд
Өглөө болтол зүүдлэх юмсан.

Би багтаж ядна.
Үнэнийг эрэгцүүлсэн бодолдоо
Үнэхээр дурлачихсан сэтгэлдээн
Би багтаж ядна.

( Дэлгэрэнгүй... | Сэтгэгдэл [] | Шүлэг | Оноо: 5/1 | Уугансүх Б )

Шүлэг: Б.Уугансүх : 4 мөртүүд (Хэсэг№3)
Оруулсан admin on 2008-08-27 02:01:14 (3748 уншсан)

Намрын дунд сард нүцгэрч хоцрох модод
Намайг орхиод явчихсан миний нууцхан хайр
Өглөөг нартай, навчтай хамт угтадаг байсан миний дурсамж
Өнөөдөр миний дэргэд нүцгэрч байгаа модтой адил мартагдана.

Гадаа бороо шиврээд л сэтгэл минь нэг л жаргалтай байна.
Сэтгэл минь чамайг бодоод бороо нэг л сайхан байна.
Нар нүд рүү минь гялбаад өглөө нэг л учиртай байна.
Надад хэн нэгэн бүсгүй ирчихсэн юм шиг
зүрх минь чанга чанга цохилоод байна.

( Дэлгэрэнгүй... | Сэтгэгдэл [] | Шүлэг | Оноо: 0/0 | Уугансүх Б )

Шүлэг: Б.Уугансүх : 4 мөртүүд (Хэсэг№2)
Оруулсан admin on 2008-08-27 01:58:00 (3603 уншсан)

Хөндий хоосон цээж
Хүнийх юм шиг сэтгэл
Хайртыгаа хүлээсэн итгэл
Халуунаас халуун дурлал

Хорин насны минь дурлах гэж яарсан зүрх
Хүнийх болоогүй байгаасай гэж хүлээсэн итгэл
Их л даруухан бүсгүй хайрын минь эзэн чамайг
Энэ өдрөөс хойш олтлоо хүлээнэ.

( Дэлгэрэнгүй... | Сэтгэгдэл [] | Шүлэг | Оноо: 0/0 | Уугансүх Б )

Шүлэг: Б.Уугансүх : 4 мөртүүд (Хэсэг№1)
Оруулсан admin on 2008-08-27 01:57:00 (2934 уншсан)

Хайрт минь чи хаврын анхны цэцэгс шиг надад ирчихээд
Намрын сүүлчийн навчис болон надаас холдоход
Хайрын минь төгөл цэцэгсийн үнэргүй болчихоод
Хаврыг би мэдэхгүй,ганцаардаж байна.

Амьдрал дарсанд хөлчүүрхэд,нийгэм согтоно.
Архи хүнийг залгихад,амьдрал шогтоно.
Үд дундын наранд хазгай сүүдэр олширно.
Үгүйрэн хоосрох үед,мөнгө од болно.

Цаг хугацаа усны урсгал ижилхэн урсана.
Цагийн зүү миний зүрх яг адилхан цохилно.
Өдөр шөнө ээлжилдэг шигээ нэг зүгт урсана.
Өнөөдөр нар манддаг шиг маргааш ахиад л мандана.

Би чинь бие гэдэг бодьгал биеийн хэсэг
Би чинь биелэгдээгүй хүн судлалын давтагдашгүй нэгэн амьд эс
Би өөрөө хүнийг хайрлаж чадах зүрх сэтгэлийн оч
Би зүгээр л амьдралын эрч хүч нэмэх хасах цэнэг.

Бямбын Уугансүх

( Сэтгэгдэл [] | Шүлэг | Оноо: 4/1 | Уугансүх Б )

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Гишүүн

Та манай гишүүн болохыг хүсвэл энд дарна уу.
t
Одоо онлайнд 63 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Windows XP, 7 үйлдлийн системийн стандарт монгол гарын драйвэр софтверийг ашиглан бичээрэй. Таны оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-140.JPG
Хэмжээс: 600x450 88k
Сэтгэгдэл: 0
Үзсэн: 3226

Должин : 2007 оны аялал
mongolia2007year-226.JPG
Хэмжээс: 600x800 182k
Сэтгэгдэл: 0
Үзсэн: 3411

flo-010.JPG
Хэмжээс: 600x450 167k
Сэтгэгдэл: 0
Үзсэн: 2591

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2019 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn